Dagblaðið Vísir - DV - 20.07.2012, Qupperneq 36

Hvað er að
gerast?
Laugardagur
Föstudagur
Sunnudagur
21
JÚL
20
JÚL
22
JÚL
Múgsefjun á Bar 11
Það verður heljarinnar veisla á Bar
11 þegar að hljómsveitin Múgsefjun
stígur á stokk. Þeir gáfu út sína
fyrstu plötu árið 2008 og fékk
hún nafnið Skiptar Skoðanir og
hlaut gríðargóðar viðtökur. Nýlega
sendi hún frá sér nýja plötu sem
hefur verið að fá frábæra dóma í
fjölmiðlum og hefur lagið „Fékkst
ekki nóg“ setið nærri toppnum
undanfarnar vikur á vinsældarlista
Rásar 2.
Það ætti því enginn að missa af
þessum tónleikum en húsið opnar
klukkan 21 og er aðgangur ókeypis.
Tælensk danssýning
Danssýning frá Kasestart Háskól-
anum í Tælandi. Þau munu sýna
Hanumal, Manora og hefðbundinn
tælenskan dans. Að auki verður
skemmtilegur og áhugaverður
tónflutningur með tælenskum
hljóðfærum. Sannkölluð danssýn-
ing sem dansunnendur ættu ekki
að láta framhjá sér fara.
Khon er dans frá Tælandi sem var
eingöngu sýndur við konungs-
hirðina og fluttur af grímuklædd-
um karlmönnum, sögumanni og
við undirspil tælenskrar tónlistar.
Sálin á Sigló
Sálin hans Jóns míns spilar á Siglu-
firði laugardaginn 21. júlí. Nánar
tiltekið á Rauðkutorgi sem tilheyrir
Kaffi Rauðku. Hljómsveitin stígur á
svið á miðnætti en svæðið verður
opnað fyrir miðahafa klukkan 22.
Rauðkutorg mun taka við 450
manns á svæðið meðan á ballinu
stendur. Viðburðinum verður
einnig varpað á skjá í Bláa húsinu.
Amboðin tekin fram
Heyannir eru árviss viðburður á
hverju býli. Nú á sunnudaginn er
komið að þeim degi þegar amboðin
verða tekin fram á Árbæjarsafni
og ljár borinn í gras. Gestum og
gangandi er boðið að taka virkan
þátt í heyönnum eins og þær tíðk-
uðust fyrir daga heyvinnuvéla. Um
aldir höfðu Íslendingar engin önnur
verkfæri en ljá, orf og hrífu til að
afla vetrarforðans. Víða var heyjað
upp á gamla mátann fram yfir
miðja síðustu öld, en nú eru gömlu
handbrögðin sjaldséð í sveitum
landsins. Því er kjörið tækifæri fyrir
þá sem vilja rifja upp fyrri kynni
við orf, ljá og hrífur að taka þátt í
heyannadegi Árbæjarsafns.
Sýningaröð í Skaftfelli
Um er að ræða sýningaröð byggða
á þrettán örstuttum myndlist-
arsýningum sem víxlast á milli
tveggja rýma í Bókabúð – verk-
efnarými Skaftfells á Seyðisfirði.
Til sýnis verða verk eftir ýmsa
listamenn sem hefur verið boðið
að taka þátt. Margar sýningar
leiða af sér margar opnanir og má
þess vegna gera ráð fyrir fjörugri
dagstund. Milli 14 og 19.
36 20.–22. júlí 2012 Helgarblað
„Bókina ættu allir
að lesa …“
„… svört grínmynd“Menning
m e n n i n g @ d v . i s | d v . i s / m e n n i n g
Ég er á lífi, pabbi
Siri Mari Seim Sønsteli, Erik
Sønsteli
Bernie
Richard Linklater
H
vergi í námskrá
grunn skólanna kem-
ur fram að nám eigi
að vera skemmti-
legt. Mér finnst það
afar skrýtið,“ segir Ása Helga
Ragnarsdóttir, einn af ráð-
stefnustjórum stórrar nor-
rænnar ráðstefnu um skemmt-
un í námi. Ása Helga er þeirrar
skoðunar að námsefni festist
betur í minni nemenda sé það
fært í listrænan búning.
Bókleg fög oft erfið
Ása kennir í Kennaraháskóla
Íslands og er fylgjandi
kennsluaðferð sem kallast
Leiklist í kennslu. Þar kennir
hún verðandi kennurum að
nota kennsluaðferðina enda
mjög nytsöm. „Bókleg fög
reynast sumum börnum erfið
en það er ekki þar með sagt að
þau geti ekki lært námsefnið,“
segir Ása og útskýrir enn
frekar: „Ef nemendur eiga til
dæmis að læra um Tyrkjarán-
ið, getur kennarinn látið nem-
endur leika það í stað þess að
þeir lesi einungis um það í
skólabókum. Þá lifnar það við.
Samfara því að skemmta sér í
leiklistinni fræðast þau þá um
Íslandssöguna. Auk þess festist
námsefnið betur í minni nem-
enda því þeir lifa sig í gegnum
það. Hún bætir líka við að slík
námstækni henti nýbúum og
nemendum með andlegar
raskanir sérstaklega vel; bæði
hvað námsárangur varðar sem
og félagslega færni.“
Nýstárleg kennsluaðferð
Ása segir kennsluaðferðina
nýstárlega og ekki ýkja al-
genga. Sjálf hafi hún notað
hana í tólf ár þegar hún starf-
aði sem grunnskólakennari
í Háteigsskóla. Hún segir þó
æ fleiri kennara á Íslandi og
á hinum Norðurlöndunum
nota kennsluaðferðina með
hverju árinu sem líði. Einnig
segir hún suma skóla á Íslandi
færa námsefnið í listrænt form
í meira mæli en aðra og að
kennarar í öllum stigum skóla-
kerfisins noti aðferðina Leik-
list í kennslu. Háteigsskóli,
Hlíðarskóli, Hagaskóli, Borg-
arholtsskóli og Fjölbrauta-
skólinn í Garðabæ séu þar
fremstir í flokki. Þannig leitast
grunnskólakennarar jafnt sem
framhaldsskóla- og háskóla-
kennarar sem láta nemendur
iðka leiklist – og aðra list – við
að festa námsefnið í minni
nemenda. Þegar Ása er spurð
hvort ekki reynist erfiðara að
fá unglinga frekar en unga
krakka til að taka þátt og leika
og tjá námsefnið á listrænan
hátt stendur ekki á svari hjá
henni. „Mörgum nemendum,
óháð aldri, þykir skemmtilegra
að leika í leikriti eða semja
tónlist við námsefnið í stað
þess að lesa um það í bókum.
Þar að auki er enginn nem-
andi neyddur til að taka þátt.
Þeir mega alveg sitja og horfa
á óski þeir þess því þeir læra
líka af því. Hins vegar er það
oftast svo að þeir nemendur
sem af einhverjum ástæðum
eru ákveðnir frá byrjun í að
vera ekki með, skerast í leikinn
áður en um langt líður.“
Fyrrverandi nemendur
ekki búnir að gleyma
Kennsluaðferðin Leiklist í
kennslu er upphaflega frá
Bretlandi þar sem hún varð til
upp úr 1960. Þaðan barst hún
til Norðurlandanna. Ása segir
það hafa nýst sér vel í kennara-
starfinu að hafa látið nem-
endur sína ýmist leika náms-
efnið, semja tónlist við það eða
setja það í myndrænt form svo
„Mörgum
nemend-
um þykir skemmti-
legra að leika í leik-
riti eða semja tónlist
við námsefnið í stað
þess að lesa um það í
bókum.
n Ráðstefna um skemmtun í námi n Bókleg fög færð í listrænan búning
Vantar meiri gleði
í ná sefni barna
Ása Helga glaðbeitt
Vill að nám og skemmtun
haldist alltaf í hendur.
Námsefni breytt í list Kennsluaðferðin Leiklist í kennslu hefur
reynst Ásu og fleiri kennurum vel.
Börn í leikriti Ása segir náms-
efnið festast í minni nemenda
með leiklist.