Dagblaðið Vísir - DV - 17.08.2012, Blaðsíða 23

Þetta var
klúður
Útilokum enga
möguleika
Halldóra Anna Hagalín, ritstjóri tímaritsins Júlíu, um plakat af Chris Brown. – DV.isVíðir Reynisson hjá ríkislögreglustjóra eftir að tilkynnt var um sprengju í vél á Keflavíkurflugvelli. – DV.is
Jóhanna er siðlaus!
Spurningin
„Ég ætla bara að kíkja í bæinn,
ekkert sérstakt.“
Haukur Óskarsson
18 ára sjómaður.
„Ég ætla að kíkja á lífið í bænum
og sjá hvað er að gerast.“
Guðbjörg Erla Ársælsdóttir
19 ára jafningjafræðari
„Ég ætla að hitta góðan hóp
og gera eitthvað afskaplega
menningarlegt.“
Níels Thibaud Girerd
18 ára altmuligtmand
„Bara kíkja í bæinn með vinkon-
um mínum og skoða dagskrána.“
Kristín Guðmundsdóttir
19 ára afgreiðslukona
„Ég ætla örugglega að kíkja á
tónleika og hitta alla vinina.“
Arna Þorbjörg Halldórsdóttir
19 ára afgreiðslukona í gleraugnabúð
Hvað ætlar þú
að gera á Menn-
ingarnótt?
1 „Mér hefur verið nauðgað sex sinnum“
Halldóra Kristjánsdóttir greinir frá
alvarlegum afleiðingum kynferðisof-
beldis í viðtali í DV.
2 Borguðu herbergi en sváfu í gámi
Fjölskylda sem gisti á Klausturhofi
segist illa svikin.
3 Valgeir á hausinn Einleikjahátíðin Act Alone fór vel fram,
fyrir utan óheppilegt fall Valgeirs
Guðjónssonar.
4 „Hann seldi mig fyrir sjónvarp“
Konur sem verða fyrir kynferðisofbeldi
fara sumar endurtekið inn í ofbeldisfull
sambönd.
5 „Peningarnir hans gátu ekki keypt hjarta mitt“
Vala Grand segist aldrei hafa þurft að
kvarta yfir því að fá ekki athygli frá
hinu kyninu.
6 Nakin á forsíðunni Fyrirstætan Miranda Kerr situr fyrir í
háum stígvélum einum fata á forsíðu
nýjasta tímariti Harper’s Bazaar.
Mest lesið á DV.is Heimspeki hjartans
É
g reyni alltaf annað veifið að vekja
athygli á fallegri hugsun; skapandi
hugflæði og ekki síst gagnrýninni
hugsun þeirra sem leitast við bæta
heiminn. Meðvitað og ómeðvitað vitna
ég því oft í heimspekinga og stórmenni
sem auðgað hafa mannlíf með gæsku
sinni og göfuglyndi. Ég held nefnilega
að fögur hugsun sé það afl sem við
þurfum meira og minna að treysta á.
Sumt fólk segir, að tal um fagra
hugsun, ást, dygðir og góð gildi, fái oft-
ast á sig tilgerðarlegan blæ; að ástar-
hjal verði svo auðveldlega að vemmi-
legri klisju. Sumir halda því meira að
segja fram að allt tal um réttlæti sé ekki
annað en væmin tugga. En hvað sem
líður dómum manna, vil ég – fyrir alla
muni – halda á lofti fallegri hugsun og
reyni að sýna jákvæðni og bjartsýni
í verkum mínum. Að vísu neyðist ég
alltaf annað slagið til að tuða og þarf
stundum að brjóta odd af oflæti mínu
og ráðast að mönnum sem ég tel að
skaði samfélag okkar með orðum sín-
um og gjörðum. Reyndar tel ég það
hreina og klára skyldu mína að benda
á það sem miður fer og betur mætti
fara. Og, það sem meira er, ég rembist
við að vera réttlátur og sýni alla þá
sanngirni sem ég hef yfir að ráða. Ég
reyni t.d. að láta klingja hressilega við-
vörunarbjöllum, þegar mér sýnist að
fólk ætli að hjálpa fulltrúum helm-
ingaskipta aftur til sætis við stjórnvöl
skútunnar góðu. Og ég hika ekki við að
taka upp hanskann fyrir þá ríkisstjórn
sem af veikum mætti hefur á síðustu
þremur árum reynt að rétta kúrsinn.
Ég held nefnilega að í jöfnuði felist
réttlæti og ég held að það beri vott um
mikinn andlegan þroska, þegar fólk
kýs nægjusemi í stað græðgi.
Þegar ég tala um heimspeki hjart-
ans, er ég að tala um hugtak sem ég
ætla svo sannarlega að vona að eigi
eftir að festa sig í sessi. Reyndar gæti ég
notað blaðsíður margra doðranta til að
útskýra hvað ég á við með heimspeki
hjartans. En svo ég grípi til stuttu setn-
inganna (sem ég hef lært að láta virka),
þá er grunntónn hugtaksins sá, að með
hjartagæsku verði heimurinn betri. Ég
vil einfaldlega benda fólki á þá yndis-
legu staðreynd, að ef við komum auga
á okkar innri fegurð og náum að virkja
einlæga sjálfsvirðingu til góðra verka,
þá munum við uppskera allt hið besta.
Víst er letin lýjandi, hennar afl er
þó þess virði að halda á lofti, því ef
hún kemur okkur hjá neikvæðri fram-
kvæmd, þá á hún fyllilega rétt á sér.
Andleg leti er þó allajafna til óþurft-
ar og ætti ekki að fá frið hjá neinum
manni. Við þurfum engan æsing, ekk-
ert tildur og ekkert prjál, því sú hugsun
sem á rætur í fullkominni kyrrð getur
blómstrað og fært okkur meiri fegurð
en öll þau verk sem unnin eru með
óhófi, græðgi, siðblindu og dekri við
fáa á kostnað heildarinnar.
Og það vill svo skemmtilega til, að
heimspeki hjartans kemur akkúrat við
sögu á tónleikum núna um helgina,
þar eð Þorvaldur Gylfason (sem er
með pistil á síðunni hérna við hliðina),
hefur samið tónlist við 13 sonnettur
eftir mig og þá tónlist hefur Þór-
ir Baldursson útsett. Frumflutning-
ur herlegheitanna verður í Kaldalóni
í Hörpunni, klukkan 20:00 á Menn-
ingarnótt. Flytjendur: Garðar Cortes,
tenór, Bergþór Pálsson, barítón, Selma
Guðmundsdóttir, píanó og Gunnar
Kvaran, selló.
Og auðvitað er ókeypis inn.
Einn þann kostinn á ég þó
sem öllum getur líkað;
af hógværðinni hef ég nóg
en henni er lítið flíkað.
J
óhanna Sigurðardóttir forsætisráð-
herra sýnir tilburði siðleysis með
hátterni sínu. Svarthöfði sat í mak-
indum í sófanum að horfa kvöld-
fréttirnar þegar fréttirnar bárust. Þar
sem hann saup á ylvolgum kakóbollan-
um sagði fréttakonan honum fregnirn-
ar hræðilegu. Svarthöfði hrökk í kút og
kakóið sullaðist villt og galið. Sorgarstig-
in tóku við með afneitun í fararbroddi.
„Jóhanna vill ekki fylgja Ólafi á flug-
völlinn?“ Stamaði hann út úr sér, stein-
hissa í kakómaríneruðum sófanum.
Sektarkenndin gerði síðan vart við sig
og Svarthöfða fannst sem hann ætti
einhvern veginn sök í málinu. Var það
Svarthöfði sem fékk Jóhönnu til að
hugsa svona? Af hverju vill hún að ein-
hver lögreglustjóri í Keflavík fylgi for-
setanum, frekar en hún sjálf eða Ásta á
Alþingi?
Svo varð Svarthöfði reiður. „Ólaf-
ur á rétt á því að einhver sem er honum
samboðinn fylgi honum,“ hugsaði hann.
Forsætisráðherrann vill að ótýndir lög-
reglumenn fylgi forsetanum í flug. En
það er hefð fyrir því, og hefur verið frá
fæðingu lýðveldisins, að háttsettur emb-
ættismaður – eins og forsætisráðherra –
fylgi honum! Annað væri ekki samboðið
virðingu hans.
Ólafur er konungur okkar, rex magn-
ificus, jafnvel þótt hann sé kjörinn.
Við lítum til hans í leit að leiðsögn,
gleði okkar og tár eru bundin hon-
um. Hann hefur líka áunnið sér miklu
meiri virðingu en einhver konungbor-
inn plebbi, og Jóhanna vill taka þennan
helsta virðingarvott af honum! Að hon-
um sé fylgt, líkt og honum sæmir! Jú
jú, það er alveg rétt, fylgdarmaðurinn
þarf að standa eins og þvara við brott-
fararhliðið á meðan að forsetinn sýpur
flugkaffið og bíður eftir brottför. Kannski
hefur hann eitthvað betra að gera. En
þetta er ekki spurning um það!
Þetta er spurning um frelsi, lýðræði,
réttlæti! Með þessum tillögum sýnir Jó-
hanna að hún er siðlaus! Hún byrjar að
afnema þessa grundvallarhefð í réttar-
ríkinu og áður en við vitum af þarf Ólaf-
ur að fara að keyra sjálfur um eins og
hver annar afdalabóndi. „Hvað er svo
næst?“ Spyr Svarthöfði sig. Á að afnema
stjórnarskrána? Á að leggja niður réttar-
kerfið eins og það leggur sig? Er það ekki
líka bara ein stór hefð? Svarthöfði er
nú handviss um að forsætisráðherrann
sé ekkert annað anarkisti sem fyrirlítur
skoðanir allra velmeinandi og hefða-
elskandi þegna landsins.
Bátur í þoku Það lá dularfull og þétt suddamóða yfir suðvesturhorni landsins á fimmtudag sem byrgði mönnum sýn. Mynd Eyþór ÁrnasonMyndin
Svarthöfði
Umræða 23Helgarblað 17.–19. ágúst 2012
Skáldið skrifar
Kristján Hreinsson
Maður fer nú svona
rólega af stað
Gylfi Héðinsson, annar eiganda BYGG sem er nú í stórsókn. – DV