Dagblaðið Vísir - DV - 16.11.2012, Blaðsíða 4

4 Fréttir 16.–18. nóvember 2012 Helgarblað
Fyrir dóm í byrjun desember
n Grunaður morðingi Kristjáns Hinriks er enn í haldi lögreglu
J
ermaine Jackson, maðurinn
sem var handtekinn í septem­
ber, vegna morðanna á Kristjáni
Hinriki Þórssyni og John White
í Tulsa í Oklahoma í Bandaríkjun­
um, mætir fyrir dómara 3. desember.
Þetta segir Tim Harris, saksóknari
hjá saksóknaraembættinu í Tulsa, í
svari við fyrirspurn DV.
Jackson, sem er 19 ára, var hand­
tekinn þann 12. september í Ark­
ansas en hann er grunaður um að
hafa skotið Kristján Hinrik og John
White á bílastæði við bensínstöð í
Tulsa þann 8. september. Báðir létust
þeir af sárum sínum.
Að sögn Tims mun Jackson mæta
í sérstakt þinghald þann 3. desember
þar sem dómari mun ákveða hvort
tilefni sé til að gefa út ákæru í mál­
inu eða ekki. Um er að ræða stjórnar­
skrárbundinn rétt sakborninga í
sakamálum vestanhafs. Ef dómari
samþykkir beiðni saksóknara er
ákæra gefin út og málið fer fyrir kvið­
dóm.
„Við munum færa fram sannan­
ir þess efnis að glæpurinn hafi verið
framinn og að líkur bendi til þess sak­
borningurinn hafi framið morðin,“
segir Tim og bætir við að Jackson
hafi neitað sök í málinu. Hann er – og
verður – hins vegar í haldi á meðan
málið fer sína leið í kerfinu. Aðspurð­
ur segir Tim að saksóknaraembættið
muni ákveða hvaða refsingu verður
farið fram á eftir þinghaldið þann 3.
desember.
Saksóknarar gætu farið fram á
dauðarefsingu yfir Jackson en aðeins
í Texas og Virginíu eru fleiri fangar
teknir af lífi en í Oklahoma. Frá ár­
inu 1976 hefur hundrað og einn fangi
verið tekinn af lífi í Oklahoma, þar af
fimm á þessu ári. n einar@dv.is
n Verktakinn sem vann fyrir Eir byggði hús Sigurðar Helga Guðmundssonar
E
f ég vann eitthvað fyrir hann
persónulega þá varð ég alltaf
að skrifa reikninginn á hann en
ekki á Eir. Ég var aldrei nokkurn
tímann beðinn um það. Þegar
ég spurði hann hvort ætti að skrifa
þessa vinnu á Eir sagði hann: „Ertu
frá þér, maður. Þetta skrifast á mig.“
Hann varð bara foj. Ég hélt að hann
væri næstur Guði að heiðarleika, seg­
ir Pétur Jökull Hákonarson, eigandi
verktakafyrirtækisins Hákon og Pétur
ehf. aðspurður um störf verktakafyrir­
tækisins fyrir hjúkrunarheimilið Eir í
framkvæmdastjóratíð Sigurðar Helga
Guðmundssonar.
Eitt af þeim atriðum sem til
skoðunar eru í bókhaldi Eirar eru við­
skipti Sigurðar Helga við ýmis fyrir­
tæki sem seldu þjónustu til hjúkr­
unarheimilisins og hann skipti við.
Hann skipti til að mynda nær ein­
göngu við Hákon og Pétur ehf.
um langt árabil. Fyrirtækið sá um
viðhalds­ og viðgerðarvinnu fyrir Eir.
Verktakavinna á vegum Eirar fór því
ekki í útboð. „Ætli við höfum ekki
byrjað að vinna fyrir Eir fyrir svona
tíu til fimmtán árum. Við vorum hins
vegar aldrei með nein stór verkefni
fyrir þá,“ segir Pétur.
Eir er tæknilega gjaldþrota um þess­
ar mundir og vinna KPMG og Lex nú
að fjárhagslegri endurskipulagningu
hjúkrunarheimilisins með stjórnend­
um þess. Heimilið er sjálfseignarstofn­
un sem er fjármögnuð með almanna­
fé að stóru leyti, um 1.500 milljónum
króna ári. Rekstrarerfiðleikar byrjuðu
að steðja að Eir fyrir nokkrum árum,
allt frá árinu 2008, þegar félagið byrj­
aði að tapa hundruðum milljóna á ári.
Aðalástæða tapsins er að stóru leyti að
Eir hóf að byggja íbúðir fyrir eldri borg­
arar sem ekki náðist að selja. Sigurður
Helgi var framkvæmdastjóri Eirar þar
til í maí í fyrra.
Ríkisendurskoðun rannsakar
DV greindi frá því á miðvikudaginn að
Sigurður Helgi hefði látið Eir greiða
fyrir 200 þúsund króna gjafakort frá
Icelandair sem Vilborg dóttir hans
fékk sumarið 2011. Ríkisendurskoðun
rannsakar nú kaup Eirar á gjafa­
kortinu. Sigurður Helgi sagði að kaup­
in á gjafakortinu hefðu verið greiðsla
vegna lögmannsþjónustu sem eig­
inmaður Vilborgar, Jóhannes Rúnar
Jóhannesson, hefði veitt Eir. Á reikn­
inginn frá Icelandair, sem finna má í
bókhaldi Eirar, hafði Sigurður Helgi
skrifað: „Vegna lögfræðiþjónustu.
Greiðist úr þróunarsjóði. SHG.“
Stjórn Eirar ætlar auk þess að
láta gera heildstæða úttekt á fram­
kvæmdastjóratíð Sigurðar Helga hjá
Eir.
Frænd- og vinahygli
Þá greindi DV frá því að auk starfa
Jóhannesar Rúnars fyrir Eir hefðu eig­
inkona og dóttir Sigurðar Helga, áður­
nefnd Vilborg, starfað hjá Eir í fram­
kvæmdastjóratíð hans. Svo virðist
því sem frænd­ og vinahygli hafi ver­
ið talsverð í framkvæmdastjóratíð
hans. Bæði eiginkona Sigurðar Helga
og dóttir hans létu af störfum hjá
Eir þegar hann lét af störfum fram­
kvæmdastjóra í fyrra.
Pétur Jökull segir að hann hafi
þekkt Sigurð Helga í meira en þrjátíu
ár. „Ég hef þekkt Sigurð í 35 ár. Við
erum búnir að þekkjast síðan hann
var prestur í Víðistaðasókn; ég byggði
húsið hans í Hafnarfirði fyrir ábyggi­
lega 35 eða 40 árum síðan. Ég hef verið
kunningi hans og vinur síðan. Svo kom
hann að máli við mig og spurði hvort
ég vildi ekki sinna viðhaldi hjá Eir,“
segir Pétur Jökull.
Opinberar stofnanir og
einkafyrirtæki
Því virðist sem Sigurður Helgi hafi leit­
að í talsverðum mæli til ættingja sinna
– eiginkonu, dóttur og tengdasonar
– og einnig vina sinna og kunningja
vegna vinnu fyrir Eir. Slík frænd­ og
vinahygli er vitanlega ekki ólögleg en
hún er eitt af einkennum spillingar þar
sem fjölskyldutengsl, ekki hlutlægar
ástæður eins og mannkostir einstakl­
inga, færni þeirra eða hæfni, eru látn­
ar ráða því hvort fólk fær tiltekin störf
eða gæði. Erfiðara er að fetta fingur út
í slíka frænd­ og vinahygli hjá einka­
fyrirtækjum en hjá opinberum stofn­
unum eða sjálfseignarstofnunum sem
fjármagnaðar eru með almannafé líkt
og Eir. Stjórnendur opinberra stofnana
eiga ekki þær stofnanir, líkt og hlut­
hafar einkafyrirtækja eiga fyrirtækin,
og eiga því ekki að stjórna þessum
fyrir tækjum eins og þeir eigi þau með
því að leyfa sér að hygla sér og sínum.
Slíkir stjórnunarhættir virðast hafa
orðið ofan hjá Sigurði Helga meðan
hann stýrði Eir. n
35 ára tengsl Verk-
takinn sem vann fyrir Eir
hefur þekkt Sigurð Helga
Guðmundsson í 35 ár. Hann
segist ekki trúa neinu slæmu
upp á hann.
„Næstur Guði
að heiðarleika“
Ingi Freyr Vilhjálmsson
fréttastjóri skrifar ingi@dv.is
Dögg Páls
gjaldþrota
Lögfræðingurinn Dögg Pálsdóttir
hefur verð úrskurðuð gjaldþrota.
Gjaldþrotið má meðal annars
rekja til viðskipta sem hún átti við
verktakafyrirtækið Saga verktakar
en það höfðaði mál á hendur
Dögg vegna vangoldinna
reikninga fyrir niðurrif og
endur byggingu tveggja íbúða. Var
Dögg dæmd í Hæstarétti til að
greiða verktökunum rúmar þrjátíu
milljónir króna. Viðskiptablaðið
greindi frá gjaldþrotinu á
fimmtudag.
Fréttatíminn greindi frá því
í fyrra að Saga verktakar hefðu
gripið í tómt þegar það reyndi að
innheimta skuld Daggar. Þegar
ljóst var að Dögg ætti ekki fyrir
skuldunum skilaði hún inn mál­
flutningsréttindum sínum en sam­
kvæmt lögum missir lögmaður
réttindi sín sé hann úrskurðaður
gjaldþrota. Samkvæmt Viðskipta­
blaðinu var Dögg svo úrskurðuð
gjaldþrota þann 31. október. Hún
hafði þá leitað til umboðsmanns
skuldara og óskað eftir að fá
greiðsluaðlögun. Ekki þykir líklegt
að Saga verktakar fái kröfu sína
greidda.
Svavar dæmdur
„Ég er fyrst og fremst undrandi
á þessum dómi,“ segir Svavar
Halldórsson, fréttamaður
RÚV, en hann var á fimmtu­
dag dæmdur til að greiða Jóni
Ásgeiri Jóhannssyni 300 þús­
und krónur í miskabætur, auk
milljónar í málskostnað, vegna
ummæla um Jón Ásgeir. Hér­
aðsdómur Reykjaness hafði
áður sýknað Svavar í málinu og
dæmt Jón Ásgeir til að greiða
honum milljón vegna málsins
sem snerist um fréttaflutning
af Panama­fléttunni svoköll­
uðu. Þar var fjallað um lána­
viðskipti Fons sem átti að hafa
veitt þriggja milljarða lán til
fyrirtækisins Pace Associates í
Panama. Um hafi verið að ræða
skipulagða viðskiptafléttu sem
snúið hafi að því að koma pen­
ingunum út til Panama og þeir
hafi síðan með krókaleiðum
endað í vasa þremenninganna.
Svavar segir að hann hefði ekki
getað upplýst hvaðan hann
hefði upplýsingarnar nema
vísa á heimildarmenn sína. „Ég
lít á þetta sem fórnarkostnað
heiðarlegs blaðamanns við að
halda hlífiskildi yfir heimildar­
mönnum. Ég myndi gera það
nákvæmlega eins aftur.“
Enn í haldi Jackson mætir fyrir dómara
þann 3. desember þar sem ákvörðun verður
tekin um hvort tilefni sé til að gefa út ákæru.