Dagblaðið Vísir - DV - 16.11.2012, Blaðsíða 44

44 Sport 16.–18. nóvember 2012 Helgarblað
„Hellingur
af mörkum“
n 26 mörk í síðustu fimm viðureignum Arsenal og Tottenham
Þ
að má búast við rafmögn-
uðu andrúmslofti á Emirates-
leikvanginum í Lundúnum á
laugardag þegar Arsenal tek-
ur á móti erkifjendum sínum
í Tottenham. Óhætt er að segja að
gengi beggja liða hafi valdið nokkrum
vonbrigðum enda voru bæði lið í
harðri toppbaráttu á síðustu leiktíð.
Arsenal situr þessa stundina í 8. sæti
deildarinnar með 16 stig eftir 11 um-
ferðir á meðan Tottenham er sæti
ofar með 17 stig. Bæði lið hafa tapað
þremur af síðustu sex leikjum sínum
og hvorugt liðið hefur unnið í síð-
ustu tveimur leikjum sínum; Arsenal
gert eitt jafntefli og tapað einum en
Tottenham tapað tveimur í röð.
26 mörk í fimm leikjum
Leikir þessara liða hafa í gegnum tíð-
ina verið mikil skemmtun og nægir í
því samhengi að nefna síðustu viður-
eign Arsenal og Tottenham á Emirates
sem fram fór í febrúar síðastliðnum.
Leikurinn endaði með 5–2 sigri
Arsenal eftir að Tottenham komst í
2–0 eftir rúmlega hálftíma leik. Í síð-
ustu fimm leikjum þessara liða hafa
samtals 26 mörk verið skoruð, eða
rúmlega fimm mörk að meðaltali í
leik. Sé eitthvað að marka þá tölfræði
má búast við markasúpu á Emirates á
laugardag. Aðeins einu sinni frá árinu
1998 hafa liðin gert markalaust jafn-
tefli, en það var í deildinni í febrúar
2009.
Nokkrir leikmenn eru á sjúkralist-
anum hjá báðum liðum. Hjá Arsenal
ber helst að nefna Abou Diaby, Tomas
Rosicky og Kieran Gibbs en auk þeirra
hafa Aron Ramsey og Alex Oxlade-
Chamberlain glímt við smávægileg
meiðsli að undanförnu. Hjá Totten-
ham eru Moussa Dembele, Scott
Parker, Younes Kaboul og Benoit
Assou-Ekotto allir á sjúkralistanum
en hugsanlega verður Dembele
orðinn klár fyrir leikinn.
Toppslagur á The Hawthorns
Chelsea gæti átt erfitt verkefni fyrir
höndum þegar liðið mætir West Brom á
útivelli. Chelsea hefur ekki unnið í síð-
ustu þremur leikjum sínum í deildinni
en á sama tíma hefur West Brom unnið
tvo leiki í röð. Chelsea situr í 3. sæti
deildarinnar með 24 stig en West Brom
er með 20 stig í fimmta sæti. West Brom
hefur unnið fimm af sex heimaleikjum
sínum til þessa en á sama tíma hefur
Chelsea-liðið verið sterkt á útivelli;
unnið þrjá og gert tvö jafntefli.
Manchester-liðin mæta bæði
liðum sem eru í neðri hluta deildar-
innar. City tekur á móti Aston Villa
og ætti að vinna ef allt fer samkvæmt
bókinni. United heimsækir hins vegar
Norwich sem situr í 15. sæti deildar-
innar. Norwich hefur þó verið að næla
í mikilvæg stig á heimavelli sínum og
unnið tvo leiki þar í röð, gegn Arsenal
og Stoke, á meðan United hefur
unnið fimm útileiki í röð.
Liverpool hefur verið á þokkalegu
skriði að undanförnu og ekki tapað
í sjö leikjum í röð. Í þessum leikjum
hefur liðið hins vegar gert fimm jafn-
tefli. Liverpool tekur á móti Wigan
sem er sýnd veiði en ekki gefin. Wigan
hefur gengið ágætlega á tímabilinu og
situr í 14. sæti deildarinnar. Það ætti
að vera Liverpool víti til varnaðar að
vita til þess að Wigan lagði Tottenham
á útivelli um þar síðustu helgi. n
Laugardagur
Arsenal – Tottenham
„Það verður hellingur af mörkum í þessum
leik. Ef það er einhvern tímann öruggt að
tippa á 3–3 jafntefli þá er það í þessum
leik.“
QPR – Southampton
„Góður vinur minn, Stefán Hrafn Hagalín,
er einn harðasti QPR-maður á landinu og
hann myndi ekki tala við mig aftur ef ég
spáði því ekki sigri. Núna kemur þetta hjá
þeim en það verður ekki fallegt. Þetta
verður 1–0 heimasigur og mikill barningur.“
Reading – Everton
„Ég er smá „sökker“ fyrir Everton. Við
Framarar höfum haldið tryggð við Þorvald
Örlygsson út fyrir gröf og dauða og David
Moyes er dálítið Þorvaldur Örlygsson
enska boltans þannig að það er ekki
nema sanngjarnt að þeir vinni þennan leik
nokkuð þægilega, 2–0.
WBA – Chelsea
„WBA er sterkt á heimavelli og Chelsea
mjög upptekið af dramatík utan vallar.
Þetta dómaraupphlaup gæti verið að bíta
þá í rassinn og ég held að þeir tapi þessum
leik, 2–1, og verði úti á þekju.“
Liverpool – Wigan
„Þetta er jafntefli. Það má treysta því að
minn maður, fjölmenningarsinninn Luis
Suarez, skori í þessum leik en það mun ekki
gefa nema eitt stig. Þeir munu væntan-
lega fagna með honum að þessu sinni.“
Man. City – Aston Villa
„City hefur verið pínulítið óstöðugt en
þetta er voðalega erfitt fyrir Aston Villa.
Ég held að þeir megi teljast heppnir ef þeir
halda sér uppi þannig að ég spái frekar
þægilegum heimasigri.“
Newcastle United – Swansea
„Ef Newcastle ætlar að festa sig í sessi í
efri hlutanum verða þeir að vinna svona
leiki. Ég held að þeir geri það og vinni
kannski 2–1.“
Norwich – Man. United
„Þegar ég var smápatti á ferðalagi með
foreldrum mínum á Englandi þá fórum
við til Norwich. Við fórum í leigubíl og
bíl stjórinn fékk veður af því að ég hefði
áhuga á fótbolta. Enski boltinn var ekki
jafn stór á þeim tíma og hann er í dag
og bílstjórinn fór með okkur á æfinga-
svæðið og kynnti okkur fyrir stjóranum og
leikmönnum. Eftir þetta hef ég haft smá
tilfinningar til Norwich. Össur Skarphéð-
insson er líklega frægasti stuðningsmaður
Norwich hér á landi og hann er líklega að
fara að vinna í prófkjöri Samfylkingarinnar
á laugardag. Norwich vinnur þennan leik
fyrir hann og þetta verða óvæntu úrslit
helgarinnar. Þeir vinna þetta 2–1.“
Sunnudagur
Fulham – Sunderland
„Þetta er steindautt jafntefli, 0–0.“
Mánudagur
West Ham – Stoke
„Þetta verður ekki fallegt. Ég þekki alveg
ógrynni af West Ham-stuðningsmönnum
og það er mikil West Ham-klíka í kringum
Fram. Ég kemst ekki upp með annað en að
spá þeim sigri og eigum við ekki að segja
að þetta verði flugeldasýning og þeir vinni
þetta 3–0.“
Eftirminnileg ferð til Norwich
DV fékk Stefán Pálsson, sagnfræðing, Framara og stuðningsmann Luton Town, sem leikur í fimmtu efstu deild Englands, til að spá
í leiki helgarinnar. Stefán býst við hörkuleikjum um helgina og á von á að óvænt úrslit líti dagsins ljós – sérstaklega í leik Norwich og
Manchester United og rökstyður Stefán það í löngu máli.
n Stefán Pálsson spáir í spilin fyrir leiki helgarinnar og segir frá skemmtilegu atviki í Englandi
Vissir þú …
… að Everton á flestar
heppnaðar fyrirgjafir
allra liða í ensku
deildinni, eða 7,82 að
meðaltali í leik.
… að Aston Villa hefur síðustu 20 leikjum
sínum og einum betur í ensku úrvals-
deildinni aðeins unnið 2 leiki.
… að West Ham hefur
fengið flest gul spjöld á
leiktíðinni, eða 27.
… að Norwich er prúð-
asta liðið og hefur aðeins
fengið 8 gul spjöld og ekkert rautt.
… að Manchester United
hefur fengið 15 stig
úr tapaðri stöðu á
tímabilinu. Jafn mörg
og allt tímabilið í fyrra.
… að metið á hins vegar Newcastle sem
fékk 34 stig úr tapaðri stöðu tímabilið
2001–2002.
… að aðeins þrjú lið í sögu úrvalsdeildar-
innar hafa haldið sér uppi þrátt fyrir að
hafa ekki unnið í fyrstu ellefu leikjunum.
Þetta eru Everton (1994–1995),
Blackburn (1996–1997) og Derby County
(2000–2001)
… að síðast þegar Liverpool vann aðeins
2 af fyrstu 11 deildarleikjunum sínum var
tímabilið 1984–1985. Það tímabil endaði
liðið í öðru sæti.
… að Luis Suarez
leikmaður Liverpool
hefur skorað sex mörk
á útivelli á leiktíðinni,
flest allra leikmanna.
… að Liverpool hefur aðeins haldið
hreinu í einum útileik af síðustu tólf.
… að aðeins sjö leikmenn hafa skorað
fleiri mörk sem varamenn en Edin Dzeko.
Meðal þeirra eru Tore Andre Flo, Robbie
Keane og Ole Gunnar Solskjær.
… að í 19 leikjum í
deildinni þar sem
Sergio Aguero hefur
skorað hefur City
unnið 18 og gert 1
jafntefli.
Einar Þór Sigurðsson
blaðamaður skrifar einar@dv.is
Barátta Mike Dean
lyfti rauða spjaldinu
á Scott Parker undir
lok leiks Arsenal og
Tottenham í fyrra
þegar Arsenal vann
5–2 eftir að hafa lent
2–0 undir. Mynd ReuTeRS