Dagblaðið Vísir - DV - 03.02.2012, Blaðsíða 4

4 Fréttir 3.–5. febrúar 2012 Helgarblað
linis
Ómissandi með laxinum
Vörur frá Ópal Sjávarfangi fást í: Fjarðakaupum, Hagkaupum, Inspired by Iceland, Kaskó, Krónunni,
Melabúðinni, Nettó, Nóatúni, Samkaupum Strax, Samkaupum Úrval, Sparversluninni og 10-11.
B
Rannsókn á sprengju:
Enginn verið
handtekinn
„Við birtum myndir í gær [mið-
vikudag] og það hafa borist ein-
hverjar ábendingar sem ver-
ið er að vinna úr,“ segir Friðrik
Smári Björgvinsson, yfirlögreglu-
þjónn hjá lögreglunni á höfuð-
borgarsvæðinu, um rannsókn á
sprengjutilræði á Hverfisgötu á
þriðjudagsmorgun. Hár hvellur
heyrðist um sjöleytið um morgun-
inn. Klukkan níu var Hverfisgöt-
unni lokað og var mikill viðbún-
aður hjá lögreglunni en sérsveit
ríkislögreglustjóra og sprengju-
sveit Landhelgisgæslunnar voru
kallaðar út.
Skömmu síðar var sprengjan
skoðuð af manni í varnarbún-
ingi frá sprengjusveitinni ásamt
sprengjuleitarróbóta sem notaður
var til að skjóta hleðslu á sprengj-
una til að eyða henni.
Á miðvikudag birti lögreglan
myndir úr eftirlitsmyndavélum af
hinum grunaða og bíl hans. Mað-
urinn er talinn hafa komið með
sprengjuna í miðborgina. Hann
er jafnframt talinn hafa ekið um-
ræddum bíl sem er af gerðinni
Renault Kangoo.
Manninn og bifreiðina má sjá
á meðfylgjandi myndum, sem eru
þó nokkuð óskýrar.
„Það hefur þó enginn verið
handtekinn enn,“ sagði Friðrik
Smári í samtali við DV.is á fimmtu-
dag. „Þetta eru alls konar ábend-
ingar sem við höfum fengið. Við
erum búnir að ræða við vitni sem
voru í grenndinni,“ segir Friðrik
sem vill ekkert gefa upp um það
hvaða efni voru notuð til að búa
til sprengjuna. „Það hefur þó þurft
einhverja kunnáttu til að útbúa
hana.“
Ábendingum til lögreglu má
koma á framfæri í síma 444-1000
en upplýsingar má einnig senda í
tölvupósti á netfangið abending@
lrh.is. Sömuleiðis er hægt að koma
nafnlausum ábendingum á fram-
færi í síma 800-5005.
F
innur Ingólfsson, fyrrverandi
ráðherra Framsóknarflokks-
ins og seðlabankastjóri, mun
halda skoðunarfyrirtækinu
Frumherja eftir að forsvars-
menn fyrirtækisins komust að sam-
komulagi við Íslandsbanka um fjár-
hagslega endurskipulagningu þess.
Þetta kemur fram í ársreikningi
félagsins fyrir árið 2010 sem skilað var
til ársreikningaskrár þann 12. febrúar
síðastliðinn. Tvö önnur eignarhalds-
félög Finni tengd skilja hins vegar eftir
sig um sjö milljarða króna skuldir.
Frumherji er skoðunarfyrirtæki
sem er einna þekktast fyrir bifreiða-
skoðun. Fyrirtækið hefur verið með
um 60 til 70 prósenta hlutdeild á bif-
reiðaskoðunarmarkaðnum hér á
landi síðastliðin ár. Fyrirtækið er með
starfsemi á 30 stöðum á landinu á sex
mismunandi sviðum skoðunar. Um
100 starfsmenn vinna hjá Frumherja.
Finnur Ingólfsson keypti skoð-
unarfyrirtækið af athafnamanninum
Óskari Eyjólfssyni sumarið 2007 og
hefur átt það síðan í gegnum eignar-
haldsfélagið Spector ásamt Jóhanni
Ásgeiri Baldurs, eftir manni Finns á
forstjórastóli Vátryggingafélags Ís-
lands, og Helga S. Guðmundssyni,
fyrrverandi bankaráðsformanni
Landsbankans. Eftir efnahagshrun-
ið eru hlutabréfin í Frumherja eina
verulega verðbréfaeign Finns Ingólfs-
sonar, svo vitað sé.
Íslandsbanki á allsherjarveð
Skuldir félagsins námu tæplega 2,6
milljörðum króna í árslok 2010 en
eignir félagsins rúmlega 2,6 milljörð-
um. Tæplega tveir milljarðar króna
af bókfærðum eignum félagsins er
áætluð viðskiptavild. Rekstrar tekjur
Frumherja námu nærri 1.500 milljón-
um króna árið 2010 og nam hagnaður
félagsins nærri 32 milljónum á því ári.
Í ársreikningnum kemur fram að
Íslandsbanki eigi allsherjarveð í öll-
um eignum Frumherja, meðal ann-
ars í viðskiptakröfum, lausafé, fast-
eignum sem og í greiðslum vegna
margumrædds mælasamnings á milli
Frumherja og Orkuveitu Reykjavíkur.
Þar að auki er Frumherji í ábyrgðum
vegna skulda dótturfélags Frumherja,
Varða ehf., við Íslandsbanka en þær
námu nærri 3,7 milljörðum í árslok
2010. Íslandsbanki hefði því hæglega
getað leyst Frumherji til sín og selt fé-
lagið á markaði en bankinn kaus að
gera það ekki.
Langt samningaferli
Samningaviðræðurnar á milli Frum-
herja og Íslandsbanka hafa staðið yfir
um nokkurra ára skeið þar sem óvissa
hefur ríkt og rekstrarstöðu félags-
ins í kjölfar efnahagshrunsins. Með-
al annars var talað um þessar samn-
ingaviðræður í ársreikningi félagsins
fyrir árið 2009. Þessum viðræðum
lauk hins vegar í fyrra samkvæmt árs-
reikningnum. Þar kemur fram að fé-
lagið sé lífvænlegt og að markmið
fjárhagslegrar endurskipulagningar
sé meðal annars að tryggja endur-
heimtur Íslandsbanka af lánum þess
sem og að vernda hagsmuni starfs-
fólks.
Orðrétt segir um þetta í skýringu í
ársreikningum: „Frumherji hf. og Ís-
landsbanki hafa skrifað undir vilja-
yfirlýsingu um fjárhagslega end-
urskipulagningu Frumherja hf. Í
viljayfirlýsingunni kemur meðal ann-
ars fram að markmið fjárhagslegr-
ar endurskipulagningar félagsins sé
að tryggja áframhaldandi starfsemi
félagsins, tryggja hagsmuni starfs-
fólks og birgja, tryggja hámarks end-
urheimtur Íslandsbanka hf. vegna
útistandandi lána bankans til Frum-
herja hf. Rekstur félagsins hefur geng-
ið samkvæmt áætlunum þrátt fyr-
ir niðursveifluna í efnahagslífinu og
telst félagið því lífvænlegt í skilningi
sameiginlegra reglna fjármálafyrir-
tækja um fjárhagslega endurskipu-
lagningu fyrirtækja. Stefnt er að því
að fyrirsvarsmenn og eigendur Frum-
herja hf. annars vegar og Íslandsbanki
hf. hins vegar hafi náð samkomulagi
fyrir lok árs 2011 um eiginfjármögnun
og lánasamsetningu félagsins.“
Orri Vignir Hlöðversson, fram-
kvæmdastjóri Frumherja, segir hins
vegar að ekki hafi náðst að ljúka þess-
ari samningagerð. „Nei, þessari vinnu
er ekki lokið,“ segir Orri. Viljayfirlýs-
ingin liggur hins vegar fyrir. Ekki er
vitað á hverju viðræður Frumherja og
Íslandsbanka stranda nákvæmlega.
Sjö milljarða afskriftir
Finnur Ingólfsson fær því að halda
skoðunarfyrirtækinu. Á sama tíma
og Finnur fær að halda þessu sterka
rekstrarfyrirtæki skilja tvö önnur
eignarhaldsfélög honum tengd eft-
ir sig sjö milljarða króna skuldir sem
ekkert fæst upp í, líkt og DV greindi
frá á síðasta ári.
Annað félagið heitir FS7 ehf. og
var úrskurðað gjaldþrota þann 19.
ágúst 2011. Eignarhaldsfélag Finns,
Fikt ehf., heldur utan um hlut hans í
FS7. Félagið skuldar meira en 4 millj-
arða króna. FS7 hélt utan um tæp-
lega 67 prósenta hlut í eignarhalds-
félaginu Langflugi ehf. sem var einn
stærsti hluthafi Icelandair með 24
prósenta hlut fyrir hrunið 2008. Líkt
og DV greindi frá í ágúst heldur Fikt
þó eftir tæplega 400 milljóna króna
arði sem félagið tók út úr FS7 árið
2007.
Hitt eignarhaldsfélagið heitir VGK
Invest og skilur það eftir sig rúmlega
3 milljarða króna skuldir sem ekkert
fæst upp í. Félagið var einn af hlut-
höfunum í jarðvarmafyrirtækinu
Geysi Green Energy sem stofnað var
utan um kaup á 15 prósenta hlut ís-
lenska ríkisins í Hitaveitu Suðurnesja
árið 2007. Félagið var í eigu hóps fjár-
festa: Finns og viðskiptafélaga hans,
Hannesar Smárasonar og annarra
hluthafa FL Group og fjárfestingar-
félagsins Atorku. Skuldir félagsins
voru við Íslandsbanka, viðskipta-
banka Frumherja.
DV hafði samband við Orra Vigni
Hlöðversson, framkvæmdastjóra
Frumherja, en hann svaraði ekki
spurningu sem blaðið sendi honum.
n Finnur Ingólfsson samdi við Íslandsbanka og er á grænni grein
Heldur Frumherja þrátt
fyrir milljarða afskriftir
Ingi Freyr Vilhjálmsson
fréttastjóri skrifar ingi@dv.is
30 milljóna arður
Helsta eignarhaldsfélag Finns Ingólfssonar, Fikt ehf., stendur ansi vel eftir ís-
lenska efnahagshrunið þrátt fyrir að félagið hafi tapað rúmlega 100 milljónum
króna árið 2010. Félagið á eignir upp á nærri 620 milljónir króna og nema skuldir
félagsins rúmlega 90 milljónum króna. Þetta kemur fram í ársreikningi Fikts fyrir
2010 sem skilað var til ársreikningaskrár í janúar.
Eiginfjárhlutfall félagsins er 85 prósent en helstu eignir Fikts eru óráðstafað
eigið fé upp á nærri 530 milljónir króna. Sterk staða Fikts hefur gert það að
verkum að Finnur Ingólfsson gat tekið sér 30 milljónir króna í arð út úr félaginu á
árunum 2009 og 2010.
Á árinu 2010 runnu tvö önnur eignarhaldsfélög sem voru í eigu Finns, Rifsi ehf. og
Foldás ehf., inn í Fikt. Þetta kemur fram í samrunaáætlun félaganna þriggja frá
því í apríl 2010 sem skilað var til Ríkisskattstjóra.
Þrátt fyrir nokkuð erfiða skuldastöðu Frumherja stendur Finnur því ágætlega
persónulega: Á þær umtalsverðu eignir sem eru inni í Fikti og getur mjatlað
milljónaarði úr félaginu. Hann mun þó ekki geta tekið sér arð út úr félaginu vegna
rekstrarársins 2010 þar sem óheimilt er að taka sér arð út úr eignarhaldsfélögum
á tapári. Finnur virðist því vera á grænni grein þrátt fyrir efnahagshrunið.
„Frumherji hf. og
Íslandsbanki
hafa skrifað undir vilja-
yfirlýsingu um fjárhags-
lega endurskipulagningu
Frumherja hf.
Á 620 milljóna eignir í Fikti
Finnur Ingólfsson fær að halda
skoðunarfyrirtækinu Frumherja
samkvæmt samkomulagi við
Íslandsbanka. Á einnig félag sem
á 620 milljóna króna eignir. Tvö
önnur félög Finni tengd skilja eftir
sig um sjö milljarða króna skuldir.