Dagblaðið Vísir - DV - 03.02.2012, Blaðsíða 24

24 Erlent 3.–5. febrúar 2012 Helgarblað
Kynlíf í starfslýsingunni
n Fjölmargar umsóknir um starf vændisnjósnara í Ástralíu
F
jölmargir hafa sótt um nýtt
starf sem einkaspæjarafyrir-
tæki í Nýju Suður-Wales, fjöl-
mennasta héraði Ástralíu,
auglýsti laust til umsóknar á dög-
unum. Starfið sem um ræðir er ekki
fyrir hvern sem er því í starfslýsing-
unni kemur fram að sá sem hreppir
starfið þurfi að heimsækja vændis-
hús og stunda kynlíf með vændis-
konum.
Fyrirtækið sem um ræðir heitir
Lyonswood Investigations and For-
ensic Group og starfar það fyrir yfir-
völd í Nýju Suður-Wales. Fjölmörg
ólögleg vændishús eru starfrækt á
svæðinu, til dæmis í stórborginni
Sydney, og verður það hlutverk
einkaspjæjarans að safna sönnun-
argögnum sem notuð verða til að
loka vændishúsunum. Þá þarf sá
sem hreppir starfið að koma fram í
dómsal sem vitni þegar hugsanleg
mál gegn hórmöngurum verða tek-
in fyrir.
Í starfslýsingunni kemur fram
að umsækjendur verði að vera
ókvæntir, helst einstæðir og viljug-
ir til að stunda kynlíf með vændis-
konum. Starfið er ágætlega laun-
að en árslaun eru um 9,7 milljónir
króna, eða rétt rúmar 800 þúsund
krónur á mánuði.
„Sum þessara starfa gera þær
kröfur að taka þátt í kynlífsathöfn-
um til að afla sannfærandi sönnun-
argagna,“ segir Lachlan Jarvis, einn
yfirmanna fyrirtækisins. Hann bætir
við að síðan starfið var auglýst hafi
fjöldi umsókna borist, langflestar
frá karlmönnum. „Þetta er vissulega
vinsælt starf,“ segir Jarvis að lokum.
A
llir íbúar smábæjarins
Sod eto á Spáni, að ein-
um undanskildum, urðu
milljónamæringar á einu
augabragði dag einn í des-
ember síðastliðnum. Sodeto er lítið
bændaþorp á norðurvesturhluta
Spánar í um þriggja klukkustunda
akstursfjarlægð frá höfuðborg
Katal óníu, Barcelona. Á undanförn-
um árum hafa bæjarbúar, sem í dag
eru 250, jafnan styrkt heimilissamtök
bæjarins og keypt af þeim miða með
sömu númeraröð í hinu risastóra
og sögufræga El Gordo-lóttói, eða
„þeim feita“ eins og lottópotturinn er
jafnan kallaður. Lítill hluti ágóðans af
lottósölunni rennur til samtakanna
til að létta undir við ýmsar bæjarhá-
tíðir sem haldnar eru nokkrum sinn-
um á ári.
Keyptu marga miða
Það var svo nokkrum dögum fyrir
síðustu jól að „réttar“ tölur komu
upp úr pottinum, en upphæðin sem
Spánverjar reyndu að vinna var sú
stærsta í sögu spænska lottósins, eða
115 milljarðar króna. Vinningurinn
skiptist niður á fjölmarga miða en
samkvæmt umfjöllun The New York
Times duttu 70 heimili í þorpinu í
lukkupottinn. Þeir bæjarbúar sem
keyptu einn miða fengu sem nem-
ur tæplega sextán milljónum en þar
sem fjölmargir höfðu keypt nokkra
miða fengu þeir margfalt hærri upp-
hæð í sinn hlut.
Staðið saman í gegnum súrt og
sætt
Þetta var kærkomið fyrir íbúa bæjar-
ins en slæmt efnahagsástand á Spáni
hefur haft áhrif á daglegt líf bæjarbúa.
Íbúum hefur fækkað mikið á undan-
förnum árum, eða um helming frá
sjöunda áratug liðinnar aldar. Fátækt
ríkir meðal íbúa bæjarins enda er
hann nokkuð einangraður og talsvert
langt frá stórborginni Barcelona.
Mari Carmen Lambea, sem er
fulltrúi í heimilissamtökum bæjar-
ins, segir í samtali við The New York
Times að hún hafi reynt að selja vin-
konu sinni miða í lottóinu. Sú var treg
til enda var eiginmaður hennar at-
vinnulaus og áttu þau í mesta basli
með að borga reikninga. Konan lét
Mari þó taka frá einn miða fyrir sig en
lofaði að borga fyrir hann seinna. Þeg-
ar loks var dregið í lottóinu var hún
ekki búin að greiða fyrir miðann og
því ekki eiginlegur eigandi hans.
„Hún þorði ekki að spyrja mig út í
þetta eftir að búið var að draga,“ seg-
ir Mari og bætir við: „Sonur hennar
hringdi í son minn og spurði hvort
hún ætti miðann. Ég sagði að að sjálf-
sögðu fengi hún vinninginn. Það var
mikið grátið,“ segir hún en íbúar bæj-
arins hafa jafnan staðið saman í gegn-
um súrt og sætt eins og dæmið sýnir.
Sá eini sem vann ekki
Nú þegar nánast allir íbúar bæjar-
ins eru orðnir milljónamæringar
hefur nokkuð borið á því að kaup-
sýslumenn geri sér ferð í bæinn til að
reyna að pranga inn á íbúa ýmsum
varningi. Jakkafataklæddir banka-
starfsmenn koma daglega í bæinn
og sölumenn lúxusbifreiða á borð
við BMW ganga hús úr húsi. „Enn
sem komið er hefur enginn keypt sér
neinn óþarfa,“ segir Rosa Pons, bæj-
arstjóri í Sodeto, um það hvort íbúar
hafi látið freistast.
„Eigum við eftir að sjá bæjarbúa
á lúxusbílum rúnta um götur bæjar-
ins?“ spyr hún blaðamann og segir
svo ákveðið: „Nei, ég held ekki. Fólk
mun væntanlega fjárfesta í landi og
svo einhverju smávægilegu fyrir sjálft
sig.“
Þótt órúlegt megi virðast var að-
eins einn íbúi í bænum sem naut
ekki góðs af lottóvinningnum. Það
er Costis Mitsotakis, grískur kvik-
myndagerðarmaður, sem flutti í bæ-
inn þegar hann varð ástfanginn af
stúlku þar. Sambandið gekk ekki upp
en Costis býr þó enn í bænum og var
svo óheppinn að kaupa ekki miða
í lottóinu. Í samtali við blaðamann
segir Costis að vissulega hefði ver-
ið þægilegt að vinna nokkrar millj-
ónir. Þrátt fyrir það naut hann góðs
af því að stór hluti vinningsins rann
til bæjarbúa. Hann hafði reynt að
selja land í nágrenni við bæinn í þó
nokkurn tíma, en án árangurs. Dag-
inn eftir útdráttinn hringdi nágranni
hans og bauðst til að kaupa af honum
landið. Og daginn eftir hringdi annar
nágranni sem vildi kaupa sama land.
En Costis vildi ekki að nágrannarnir
færu í verðstríð og tók hann fyrra til-
boðinu þar sem það barst fyrst. „Þetta
er lítið þorp. Við viljum hafa and-
rúmsloftið gott áfram,“ segir hann.
Milljónamæringar
á einu augabragði
n Nær allir íbúar fátæks sveitaþorps á Spáni unnu „þann feita“ n Einn vann ekki neitt
Einar Þór Sigurðsson
blaðamaður skrifar einar@dv.is
Einn vann ekki Aðeins einn íbúi í bænum tók ekki þátt í lottóinu. Það er gríski kvikmynda-
gerðarmaðurinn Costis Mitsotakis. „Enn sem komið er
hefur enginn keypt
sér neinn óþarfa.
Hamingja Það er óhætt
að segja að gleðin hafi tekið
völdin þegar íbúar áttuðu sig á
að þeir hefðu unnið þann stóra.
Vinsælt starf Fjölmargir karlmenn í Ástralíu hafa sótt um starfið sem auglýst var.
Var hrifnari af
vínyl en iPod
Steve Jobs, forstjóri Apple, var
hrifnari af því að hlusta á tónlist af
vínylplötum en af iPod. Þetta segir
kanadíski rokksöngvarinn Neil Yo-
ung sem var góður vinur Jobs, en
sá síðarnefndi lést eftir erfiða bar-
áttu við krabbamein í fyrra. Apple-
fyrirtækið framleiðir sem kunn-
ugt er iPod en Young lét þessi orð
falla á tækniráðstefnu í Kaliforníu
á dögunum. „Steve Jobs var frum-
kvöðull þegar kom að stafrænni
tónlist. Arfleifð hans er stórfeng-
leg. En þegar hann fór heim eftir
erfiðan vinnudag hlustaði hann á
vínylplötur,“ sagði Young.
Margir létust í Egyptalandi:
Harmleikur
á kappleik
Í það minnsta sjötíu og fjórir létust
í hörmulegum óeirðum sem urðu
á knattspyrnuleik í Egyptalandi
á miðvikudag. Á vef bandarísku
fréttastofunnar CNN kemur fram að
ekki sé vitað hvort óeirðirnar megi
rekja til pólitískra erja eða deilna
stuðningsmanna liðanna sem öttu
kappi á vellinum. 
„Niður með herstjórnina,“
heyrðist múgurinn kalla nokkrum
klukkutímum eftir að óeirðirnar
hófust.
Sett hefur verið á laggirnar sér-
stök nefnd til þess að rannsaka
þessar óeirðir en innanríkisráðu-
neytið telur áhorfendur knatt-
spyrnuleiksins hafa ögrað lögregl-
unni.
Líkt og fyrr segir létust í það
minnsta 74 í óeirðunum og að
minnsta kosti eitt þúsund eru slas-
aðir, þar af 150 lífshættulega. Flestir
þeirra slösuðu voru með heilahrist-
ing eða djúpa skurði.
Atvikið átti sér stað á leikvangi
í Port Said eftir að heimaliðið Al-
Masry sigraði Al-Ahly frá Kaíró með
þremur mörkum gegn einu. Flestir
þeirra sem létust féllu úr opnum
bekkjaröðum á leikvanginum, aðrir
köfnuðu, að því er fram kemur
á vef CNN. Stuðningsmaður Al-
Ahly segir lögregluna hafa opnað
hlið á leikvanginum sem aðskildi
stuðningsmenn heimaliðsins og
gestanna. „Masry stuðningsmenn-
irnir réðust á okkur með grjóti, gler-
flöskum, hnífum og sverðum. Sumir
voru með byssur. Af hverju leyfði
lögreglan þeim að vera með vopn
á leikvanginum,“ spyr Amr Khamis,
stuðningsmaður Al-Ahly.
Formaður stuðningsmanna-
klúbbs Al-Ahly segir lögregluna
hafa tekið þátt í ofbeldinu.
„Lögreglan stóð og horfði á.
Sjúkrabílarnir komu seint. Ég bar
nokkra látna stuðningsmenn,“ sagði
formaðurinn Mamdouh Eid.
Eid segir stuðningsmenn heima-
manna í Port Said hafa hent flösk-
um og grjóti í leikmenn. „Þetta
voru skipulagðir hópar í stúkunni
sem ögruðu lögreglunni viljandi
og hlupu inn á völlinn um leið og
leiknum var lokið,“ sagði Marwan
Mustapha úr innanríkisráðuneyt-
inu. „Lögreglan reyndi að hafa
heimil á þeim í stað þess að ráðast
á þá.“
Fjölmargir voru handteknir
eftir óeirðirnar.