Dagblaðið Vísir - DV - 03.02.2012, Blaðsíða 38

Hvað er að
gerast?
Laugardagur
Föstudagur
Sunnudagur
04
feb
03
feb
05
feb
25 ára útgáfuafmæli
Tónlistarmaðurinn Rúnar Þór
fagnar 25 ára
útgáfuafmæli
með tónleikum
í Salnum í
Kópavogi. Á
tónleikunum
koma fram
ásamt Rúnari
vinir og samstarfsmenn hans úr
tónlistinni.
Saga þjóðar
Sjóntónleikarnir Saga þjóðar á
Litla sviði Borgarleikhússins fara
fram í kvöld klukkan 20. Það er
hljómsveitin Hundur í óskilum
sem fer í tóni og tali á hundavaði í
gegnum Íslandssöguna frá upphafi
til okkar daga.
Snúa aftur
Hljómsveitin goðsagnakennda
200.000 naglbítar er með tónleika
í Hofi á Akureryi
í kvöld. Naglbít-
arnir hafa ekki
verið áberandi
undanfarin ár og
lítið sem ekkert
spilað. Hljóm-
sveitin lofar
miklu stuði og ætlar að flytja öll
bestu Naglbítalögin á tónleikunum
sem hefjast klukkan 20.
Mínus16 frumsýnt
Íslenski dansflokkurinn frumsýnir
verkið Mínus16 í Borgarleikhúsinu
í kvöld. Verkið hefur slegið í gegn
víða um heim. Verkið spannar
allan skalann frá Dean Martin til
cha-cha-cha og er ætlað að brúa
bilið milli áhorfenda og flytjenda.
Sama kvöld verður einnig verkið
Großstadtsafari eftir Jo Strömgren
sýnt.
Útgáfukvöld Kamara
Alvöru klúbbastemming á Nasa.
Geysir records fagnar útgáfu
Kamara með nokkrum af stærstu
plötusnúðum landsins ásamt
Kamara og Leif Spagetti. Þrjátíu
prósent af andvirði miðanna renna
til krabbameinssjúkra barna.
Einleikstónleikar
Víkings Heiðars
Píanóleikarinn Víkingur Heiðar
heldur einleikstónleika í aðalsal
Hofs, Hamraborg. Á tónleikunum
frumflytur hann sex píanólög
eftir Jón Hlöðver Áskelsson ásamt
úrvali einleiksverka og eigin
útsetningar á íslenskum söng-
lögum eftir Pál Ísólfsson, Sigvalda
Kaldalóns og fleiri höfunda.
Kiri Te Kanawa í Eldborg
Nýsjálenska óperusöngkonan
Kiri Te Kanawa er með tónleika í
Eldborgarsal
Hörpu í kvöld.
Þar kemur hún
fram ásamt
strengjasveit og
kór. Kiri er þekkt
söngkona en
hún varð heims-
fræg er hún söng við brúðkaup
Karls og Díönu og hefur frá þeim
degi verið ein þekktasta óperu-
söngkona heims.
38 3.–5. febrúar 2012 Helgarblað
Menning
m e n n i n g @ d v . i s | d v . i s / m e n n i n g
„Gott leikaralið
í frábærri mynd“
The
Descendants
„Gary Oldman sýnir nær
fullkomna frammistöðu“
Tinker Tailor
Soldier Spy
N
okkrir meðlimir Bat­
sheva­dansflokksins
sitja í aðalsal Borgar­
leikhússins og hrista
úr sér mesta hrollinn.
Það er svo kalt úti að dans­
arar þurfa lengri tíma en áður
til þess að hita upp fyrir dans­
æfingar. Annars er hætt við
meiðslum.
Á Stóra sviðinu standa yfir
æfingar á verkinu Minus 16
eftir Ísraelann Ohad Nahar­
in sem er sagður rokkstjarna
dansheimsins. Verkið hefur
verið sýnt víða um heim og
vekur alls staðar mikla hrifn­
ingu og er því nokkurs konar
hvalreki fyrir íslenskt menn­
ingarlíf. Hér á landi er stödd
Osnat Kelner sem þjálfar
dansara Íslenska dansflokks­
ins til að dansa verkið.
Tileinkar verkið látinni
eiginkonu
Það er dansarinn Brad Sykes
sem hefur dansinn. Hann er
klæddur í svört jakkaföt og
liðast yfir sviðið við nokkurs
konar söngleikjatónlist. Hann
minnir á Dean Martin og fær
viðstadda til að hlæja eða
reka upp undrunaróp.
Seinna fyllist sviðið af
jakkafataklæddum dönsur­
um. Þeir koma með stóla inn
á sviðið og dansa á stólunum.
Dansinn sá er víst vísun í ísra­
elskan þjóðdans. Dansararn­
ir þurfa að syngja meðan þeir
dansa og útkoman er áhrifa­
mikil.
Seinna tæmist sviðið og
dansararnir Emilía og Ásgeir
Helgi Magnússon dansa sam­
an fallegan dúett. Sá dans er
bæði hjartnæmur og fagur.
Ohad Naharin tileinkar verkið
látinni eiginkonu sinni og
þennan dúett samdi hann
með hana í huga.
Enn seinna er blaðamað­
ur kominn upp á svið með
einum dansara flokksins
sem stígur við hann dans. Í
fyrstu grípur um sig magn­
aður sviðsskrekkur. Það líða
þó aðeins nokkrar sekúnd­
ur þangað til hann er farinn
að slaka á og njóta þess að
dansa. Dansinum er líka stýrt
mjög ákveðið af mótdansar­
anum sem er Þyrí Huld Árna­
dóttir svo það er engin ástæða
til að hræðast nokkuð. Dans­
inn tekur völd. Ohad Naharin
brýtur múra milli áhorfenda
og dansara á mjög merkilegan
máta og þessi hluti verksins
vekur hvað mesta lukku þar
sem það hefur verið sýnt.
Ástaróður og baráttu-
söngur
Glettni og ástríður, þjóð­
dansar og jakkaföt? Hvern­
ig rúmast þetta allt saman í
einu verki?
„Verkið Minus 16 var
frumsýnt í Hollandi 1999. Í
hvert skipti sem það er flutt
er það lagað að hverjum
dansflokki fyrir sig. Það er
verk Osnat að laga verkið að
Íslenska dansflokknum og
þeirra styrkleika. Verkið snýst
um baráttu og það hvernig
hún herðir manneskjuna,
gerir hana sterkari.“
Verkið er persónulegt og
það er líka almennt. Ohad
notar eigin reynslu til að
túlka baráttuna.
Eiginkona Ohads, Mari,
lést á jóladag fyrir meira en
10 árum.
„Minus 16 er nokkurs kon­
ar ástaróður til Mari,“ segir
Ásgeir Helgi sem sest ásamt
Ingu Maren Rúnarsdóttur
dansara með blaðamanni í
mötuneyti Borgarleikhúss­
ins. Þau fá sér hamborgara
og franskar og fá sér ríflega á
diskinn.
„Dansarar þurfa að borða
mikið,“ segir Inga Maren.
„Það er algjör misskilning­
ur að þeir borði lítið,“ segir
hún og hlær. „Við þurfum að
borða mikinn mat og oft yfir
daginn.“
Hættu keppni í Dans,
dans, dans
Inga Maren og Ásgeir eru
meðal nýrra dansara Íslenska
dansflokksins. Margir kannast
við þau. Þau skráðu sig saman
til keppni í Dans, dans, dans.
Þau þurftu þó að hætta keppni
þegar Ásgeiri Helga bauðst
að dansa með einum þekkt­
asta dansflokki heims, Peep­
ing Tom, í nóvember í fyrra.
Varð Inga Maren ekkert sár út
í hann?
„Nei, alls ekki,“ segir Inga
Maren. „Þetta var svo frábært
tækifæri fyrir hann. Ég sam­
gladdist honum.“
Inga Maren útskrifaðist frá
Verslunarskóla Íslands árið
2003 og fór þá til London í
dansnám. Hún útskrifaðist með
BA­gráðu frá London Con­
temporary Dance School, The
Place, árið 2006. „Ég hef haft
áhuga á dansi síðan ég var lítið
barn. Ég æfði í Jassballettskóla
Báru og var í þeim skóla þang­
að til ég fór til Bretlands í nám.
Ég heillaðist af nútímadansi og
er enn heilluð,“ segir hún.
Dansa frá 9–5
Ásgeir byrjaði hins vegar ekki
að dansa fyrr en árið 1999 og
þá hjá Jassballettskóla Báru.
Síðan hefur hann stundað
nám við Ballettakademíuna í
Stokkhólmi, SNDO í Amster­
dam og Listaháskóla Íslands
þar sem hann útskrifaðist úr
diplómanámi vorið 2007 og
lauk BA­prófi vorið 2009. Það
er eiginlega með ólíkindum
að hann sé orðinn listdans­
ari í heimsflokki á svo stuttum
tíma. „Ég er með bakgrunn úr
frjálsum íþróttum, hann nýtist
mér vel í dansinum,“ segir Ás­
geir af mestu hógværð.
Þau eru hæstánægð með
að vera komin að hjá Íslenska
dansflokkinum. Vinnudagur
þeirra er eins og annarra frá
9–5. „Það vita það ekki allir en
við vinnum hér á hverjum degi
frá 9–5 og þetta getur verið
erfið vinna,“ segir Inga Maren.
„En gríðarlega skemmtileg
vinna,“ skýtur Ásgeir inn í.
Fram hjá ganga dansar­
ar úr Batsheva­flokknum.
Andrúmsloftið í leikhúsinu er
annað, segja þau. „Við höfum
svo gott af því að fá til liðs við
okkur fólk með annað sjónar­
horn og annan bakgrunn. Við
lærum mikið af því.“ n
Nýir dansarar hjá Íslenska dans-
flokknum Inga Maren og Ásgeir Helgi
dansa í verkinu Minus 16 sem Íslenski
dansflokkurinn frumsýnir á laugardaginn.
Óður til ástar
og baráttu
n Heimsfrægt verk frumsýnt í Borgarleikhúsinu n Fór sigurför um heiminn