Dagblaðið Vísir - DV - 03.02.2012, Blaðsíða 13

Spurningar
DV til Bjarna
1 Hvenær var skrifað undir umboðsskjölin sem veittu þér
umboð til að veðsetja hlutabréfin í
Vafningi fyrir hönd Hrómundar,
Hafsilfurs og BNT?
2 Hvenær skrifaðir þú undir veðsetningarskjölin vegna lánsins
frá Glitni til Vafnings? Var það fyrir eða
eftir 8. febrúar 2008? Þú hefur sagt, í
viðtali við DV á sínum tíma, að legið hafi
á að ganga frá lánapappírunum
„þennan dag“. Hvaða dagur var það?
3 Þegar þú skrifaðir undir veðsetningarskjölin vegna
veðsetningarinnar á hlutabréfum
Vafnings vissir þú þá að Glitnir hefði
lánað Milestone beint þann 8. febrúar
2008 til að borga upp lán Þáttar
International við Morgan Stanley?
4 Ef svarið við spurningu (3) er já vissir þú þá að Vafningur ætti að
taka yfir lán sem Glitnir var þá þegar
búinn að veita Milestone?
5 Þegar þú skrifaðir undir veðsetningarskjölin og tókst þátt
í endurfjármögnuninni á Glitnisbréfum
Þáttar International varstu þá
meðvitaður um að starfsmenn Glitnis
hefðu hugsanlega gerst brotlegir við lög
í viðskiptunum, sbr. ákæruna á hendur
Lárusi Welding og Guðmundi Hjaltasyni
í Vafningsmálinu?
6 Var Glitnir í ábyrgð fyrir láninu sem Morgan Stanley veitti Þætti
International?
7 Spilaði endurfjármögnunin á Glitnisbréfum Þáttar Inter-
national, sem hér er rætt um, inn í þá
ákvörðun þína að selja hlutabréf sem þú
áttir persónulega í Glitni? Líkt og komið
hefur fram gjaldfelldi Morgan Stanley
lán Þáttar International vegna ákvæða í
lánasamningi félagsins við bankann þar
sem fram kom að gera mætti veðkall hjá
Þætti International ef gengi bréfa í Glitni
færi niður fyrir tiltekið lágmark. Þú vissir
það á þessum tíma að áhætta vegna 7
prósenta hlutar í Glitni hafði nú færst
yfir á bankann sjálfan vegna aðgerða
Morgan Stanley.
Fréttir 13Helgarblað 3.–5. febrúar 2012
n Gögn í Vafningsmáli dagsett aftur í tímann n Gerð eftir að lánveitingin frá Glitni átti að hafa verið veitt
segir að þeir hafi verið undirritaðir
þann 8. febrúar 2008 en þegar lit-
ið er á hvenær skjölin sem samn-
ingarnir eru á voru stofnuð sést að
þetta var gert þremur dögum síðar,
að morgni dags þann 11. febrúar.
Vafningur eignaðist því ekki veðin
fyrir láninu frá Glitni fyrr en þremur
dögum eftir að þessar eignir Vafn-
ings áttu að hafa verið veðsettar fyr-
ir Glitnisláninu.
Allar þessar staðreyndir sýna
fram á að gögnin í Vafningsmálinu
voru dagsett aftur í tímann. Svarið
við spurningu Hallgríms Helgason-
ar virðist því án nokkurs vafa vera
já: Í Vafningsmálinu skrifaði Bjarni
Benediktsson undir gögn sem voru
dagsett aftur í tímann. Myndin sem
dregin er upp af skjalagerðinni í
Vafningsmálinu sýnir að meirihluti
þeirra skjala sem snertu rúmlega
10 milljarða króna lánveitingu voru
útbúin af starfsmönnum Milestone
þann 11. febrúar 2008, þremur dög-
um eftir að lánveitingin til félags-
ins átti að hafa gengið í gegn sam-
kvæmt fyrirliggjandi skjölum. n
bjarni ben skrifaði
undir fölsuð skjöl
Ekta fiskur ehf - Hauganesi v/Eyjafjörð - Sími: 466 1016 - www.ektafiskur.is
Ektafiskur hefur ætíð og eingöngu
notað vottað matvælasalt frá
Saltkaupum í allar sínar vörur!
Þessigamligóði
virðing
gæði
S
önnunarfærslu ákæruvalds-
ins í landsdómsmáli gegn
Geir H. Haarde, fyrrverandi
forsætisráðherra, er áfátt í
veigamiklum atriðum að mati
Andra Árnasonar, verjanda Geirs.
Þetta kemur fram í greinargerð hans
sem er hluti af vörn Geirs fyrir lands-
dómi. Þá segir að engin rök standi til
að slaka á þeirri sönnunarkröfu sem
vanalega er gerð til ákæruvaldsins í
málum fyrir landsdómi.
Að sanna hættuna
Andri segir að það sé ákæruvalds-
ins að sýna fram á, svo hafið sé yfir
skynsamlegan vafa, að allt það sem
Geir er sakaður um í því sem eftir
stendur af fyrstu grein ákærunnar sé
raunar brot á lögum um ráðherra-
ábyrgð. Með því virðist verjandi
eiga við að saksóknari verði að geta
sannað, svo ekki sé vafi á, að brotin
sem Geir er sagður sekur um stand-
ist refsiskilyrði þeirrar lagagreina
sem hann er ákærður fyrir að brjóta.
Þannig er farið fram á sönnun þess
að Geir hafi vanrækt tiltekna athöfn
sem sannarlega gat afstýrt hætt-
unni.
Í lið 1.3 til 1.5 af ákæru saksókn-
ara á hendur Geir segir að hann
hafi vanrækt að gæta þess að störf
samráðshóps stjórnvalda um fjár-
málastöðugleika og viðbúnað væru
markviss og skiluðu tilætluðum ár-
angri. Þá er hann sakaður um að
vanrækja að hafa frumkvæðið að
virkum aðgerðum af hálfu ríkisins
til að draga úr stærð bankakerfisins
og fyrir að hafa ekki fullvissað sig
um að unnið væri með virkum hætti
að flutningi Icesave-reikninga yfir í
dótturfélög og stuðlað að framgangi
þess með virkri aðkomu ríkisins.
Andri segir í greinargerðinni að
það sé saksóknara að sanna tilvist
þeirrar hættu sem ógnaði öryggi
ríkisins og að sú hætta hafi verið
fyrirsjáanleg manni í stöðu Geirs. Þá
verði saksóknari að sanna að Geir
hafi vanrækt athöfn sem sannar-
lega gat afstýrt hættunni sem hann
er ákærður fyrir að koma ekki í veg
fyrir. Ellegar uppfylli ákæran ekki
refsiskilyrði þeirra laga sem hann er
sagður hafa brotið gegn.
Óhnitmiðaður saksóknari
Meðal málskjala saksóknara eru níu
hefti rannsóknarskýrslu Alþingis og
skýrslur sem teknar voru af Geir við
vinnslu hennar. Andri gerir athuga-
semd við þetta og bendir á að skýrsl-
an fjalli ekki um ætluð refsiverð brot
Geirs. Heldur sé hún tilraun til að
leiða í ljós sannleikann um aðdrag-
anda og orsök falls bankanna og
tengdra atburða.
Andri segir í greinargerðinni að
skýrslurnar sem teknar voru af Geir
hafi ekki verið bornar undir hann á
rannsóknarstigi málsins. „Framan-
greint leiðir að mati ákærða til þess að
sönnunargildi allflestra gagna ákæru-
valdsins er verulega takmarkað. Verð-
ur jafnframt að líta svo á að ákærði
verði aldrei sakfelldur með vísan
til skriflegra gagna sem hann hefur
ekki fengið að tjá sig um undir rekstri
málsins,“ segir í greinargerðinni.
Þá er málatilbúnaður saksóknara
sagður ruglingslegur. „Í fjölda tilvika
er erfitt að átta sig á í hvaða tilgangi
einstök gögn eru lögð fram og hvað
þeim er ætlað að sýna fram á. Verð-
ur ekki annað séð en að fjöldamörg
þessara skjala hafi litla sem enga þýð-
ingu fyrir sönnunarfærslu í málinu.“
Þarna er vitnað til laga um með-
ferð sakamála. „Var augljóslega ekki
hugað að því að fjarlægja óþörf skjöl
úr rannsókninni áður en ákæran var
gefin út,“ segir í greinargerðinni.
Nefndin rannsakaði bankana,
ekki Geir
Sem hluti af málsvörn bendir verj-
andi Geirs á að rannsóknarskýrslan
um fall bankanna hafi verið rann-
sókn á nákvæmlega því en ekki á
störfum Geirs H. Haarde eða hvort
hann hafi gerst brotlegur við lög
um ráðherraábyrgð. „Ekki var ráð-
ist í frekari rannsókn svo neinu telj-
andi máli skipti, hvorki af hálfu
þingmannanefndar né saksóknara
Alþingis. Samkvæmt því telur ákærði
ljóst að rannsókn máls þessa hefur
frá upphafi verið í röngum farvegi,
sem hefur leitt til þess að ýmis veiga-
mikil atriði, sem máli skipta fyrir
mögulega refsiábyrgð ákærða, hafa
aldrei verið athuguð,“ segir í greinar-
gerðinni.
Þá segir að slík rannsókn, einkum
ef tekin hefði verið skýrsla af Geir við
málarekstur, hefði „… óneitanlega
markað málinu skýrari farveg en nú
er. Í stað þess hefur ákæruvaldið lagt
af stað með óhnitmiðaðan, óunn-
inn og loðinn málatilbúnað. Allir
framangreindir annmarkar koma
beint niður á vörnum ákærða.“
Engu ljósi varpað á málið
Verjandi Geirs segir ákæruvaldið ekki
hafa varpað neinu ljósi á hvort þær ráð-
stafanir sem Geir er sagður hafa van-
rækt að framkvæma voru til þess fallnar
að að afstýra fjármálaáfalli eða draga úr
skaða þess. Þá segir einnig að ákæru-
valdinu hafi ekki tekist að sýna fram á
að þær ráðstafanir sem Geir er sagð-
ur sekur um að framkvæma ekki hafi
verið raunhæfar frá febrúar til október
2008 en það er það tímabil sem lands-
dómsákæran tekur til.
Nánar verður fjallað um vörn Geirs
H. Haarde fyrir landsdómi á næstu
dögum. DV hefur undir höndum hluta
af þeim gögnum sem vörn Geirs hef-
ur lagt fram en þau telja mörg þúsund
blaðsíður. Í skrá yfir framlögð skjöl verj-
anda Geirs má finna allt frá ríkisreikn-
ingum ársins 2007, Rit Seðlabanka Ís-
lands um fjármálastöðuleika til frétta í
erlendum tímaritum.
n Rannsóknarnefnd fór yfir fall bankanna, ekki ráðherraábyrgð Geirs
Ákæruvaldið
sanni hættuna
Atli Þór Fanndal
blaðamaður skrifar atli@dv.is
Ruglingslegur málatilbúnaður Vörn Geirs segir málatilbúnað Sigríðar Friðjónsdóttur
saksóknara óhnitmiðaðan, óunninn og loðinn.
„ Í fjölda tilvika er
erfitt að átta sig
á í hvaða tilgangi ein-
stök gögn eru lögð fram
og hvað þeim er ætlað að
sýna fram á.
Ákærður Andri Árnason, verjandi
Geirs, segir rannsóknarskýrsluna
fjalla um fall bankanna en ekki
ráðherraábyrgð Geirs.