Dagblaðið Vísir - DV - 03.02.2012, Page 12
12 Fréttir 3.–5. febrúar 2012 Helgarblað
n Gögn í Vafningsmáli dagsett aftur í tímann n Gerð eftir að lánveitingin frá Glitni átti að hafa verið veitt
U
mboðin þrjú sem Bjarni
Benediktsson, núverandi
formaður Sjálfstæðisflokks-
ins, fékk til að veðsetja hluta-
bréfin í eignarhaldsfélag-
inu Vafningi hjá Glitni í febrúar 2008
voru útbúin þremur dögum eftir þá
dagsetningu sem fram kemur á þeim.
Skjölin voru dagsett 8. febrúar 2008
og undirrituð af fyrirsvarsmönnum
félaganna Hrómundar, Hafsilfurs og
BNT, móðurfélags olíufélagsins N1.
Félögin þrjú voru í eigu skyldmenna
Bjarna að stærstu leyti.
Í stofnupplýsingum umboðanna,
PDF-skjölum sem DV hefur undir
höndum, kemur hins vegar fram að
umboðin hafi verið búin til 11. febrú-
ar. Unnið var í umboðunum þremur í
síðasta skipti á tíunda tímanum þann
dag. Af gögnum málsins að dæma
verður því ekki annað séð en um hafi
verið að ræða fölsun á umræddum
skjölum.
DV sendi Bjarna spurningar um
málið í byrjun vikunnar. Bjarni svaraði
hins vegar ekki spurningum blaðsins
þrátt fyrir að þær hefðu verið ítrekaðar
þrisvar sinnum. Spurningarnar má sjá
hér með greininni. DV fékk þau svör í
gegnum þriðja aðila að Bjarni teldi sig
vera búinn að svara þessum spurning-
um. Það stenst þó ekki þar sem spurn-
ingarnar byggja á nýjum upplýsingum
úr ákæru sérstaks saksóknara í Vafn-
ingsmálinu sem gefin var út í desem-
ber. Bjarni hefur hins vegar ekki rætt
við fjölmiðla um þessar nýju upplýs-
ingar frá því ákæran var gefin út.
Skrifaði undir falsaðan
veðsamning
Þessi umboð sem um ræðir veittu
Bjarna heimild til að skrifa undir veð-
samning fyrir hönd félaganna þriggja
þar sem hlutabréf Vafnings voru veð-
sett fyrir nærri 104 milljóna evra láni,
rúmum 10 milljörðum króna, frá
Glitni. Lánið var veitt til að endur-
greiða lán eignarhaldsfélagsins Þáttar
International sem bandaríski fjárfest-
ingarbankinn Morgan Stanley hafði
gjaldfellt í lok janúar. Þáttur Inter-
national var í eigu eignarhaldsfélags-
ins Milestone og skyldmenna Bjarna,
föður hans og föðurbróður.
Sá veðsamningur var einnig dag-
settur 8. febrúar, líkt og sést á undir-
skrift Bjarna á einni af meðfylgjandi
myndum ásamt undirskrift Guð-
mundar Ólasonar, forstjóra Mile-
stone. Miðað við að umboðin sem
Bjarni fékk til að skrifa undir veð-
samninginn voru búin til 11. febrú-
ar getur hann ekki hafa skrifað undir
veðsamninginn þann 8. febrúar, líkt
og fram kemur í veðsamningnum sem
er undirritaður af honum sjálfum. Því
getur dagsetningin á veðsamingnum,
8. febrúar, ekki verið rétt og hlýtur
Bjarni því að hafa skrifað undir samn-
inginn seinna.
Ný tíðindi í ákærunni
Þessar upplýsingar um aðkomu
Bjarna að Vafningsmálinu eru afleið-
ing af birtingu nýrra staðreynda um
málið sem fram koma í ákæru sérstaks
saksóknara gegn Lárusi Welding,
bankastjóra Glitnis, og Guðmundi
Hjaltasyni, fyrrverandi framkvæmda-
stjóra fyrirtækjasviðs bankans, sem
gefin var út um miðjan desember síð-
astliðinn. Lárus og Guðmundur eru
ákærðir fyrir umboðssvik í málinu.
Í ákærunni kom fram að þeir Lárus
og Guðmundur hefðu í reynd gengið
frá 10 milljarða lánveitingunni beint til
Milestone þann 8. febrúar en þann 12.
febrúar hefðu verið útbúin lánaskjöl
þar sem látið hefði verið líta út sem
Vafningur hefði fengið lánið frá Glitni
fjórum dögum áður. Milestone greiddi
upp lán Þáttar International við Morg-
an Stanley þann 8. febrúar en
lánveitingin til Vafnings þann 12.
febrúar var notuð til að endur-
greiða lánið sem Milestone fékk
hjá Glitni. Eftir stóð hins vegar
skuld Vafnings við Glitni og fékk
bankinn eingöngu tæpan helm-
ing lánsins greiddan frá Vafningi:
Rúmlega fimm milljarðar fengust
aldrei greiddir.
Um þetta segir í ákærunni:
„Gögn málsins bera með sér að
látið var líta út fyrir að Vafningur
ehf. hefði tekið lánið í stað Mile-
stone ehf. 8. febrúar 2008, með því
að dagsetja lánasamninginn milli
Glitnis og Vafnings ehf. 8. febrúar
2008. Greiðslugögn og bókhald
bera hins vegar með sér lánveit-
inguna til Milestone ehf. 8. febrúar
2008 og ráðstöfun andvirðisins af
reikningi Milestone til greiðslu láns
Þáttar International hjá Morgan
Stanley.“
Í veðsamningnum sem Bjarni
skrifaði undir ásamt Guðmundi
Ólasyni, forstjóra Milestone og Lár-
usi Welding og Guðmundi Hjalta-
syni, sem skrifuðu undir hann fyr-
ir hönd bankans, kemur hins vegar
fram að lánveitingin hafi farið fram
þann 8. febrúar 2008: „…bankinn
og Vafningur ehf., kennitala 470208-
0580, hafa skrifað undir lánasamning
þann 8. febrúar,“ segir í veðsamningn-
um. Líkt og áður segir er þetta ekki
rétt.
Spurningar Hallgríms
Í grein í DV um síðustu helgi vakti
Hallgrímur Helgason rithöfundur at-
hygli á þeim nýju tíðindum sem fólust
í ákæru sérstaks saksóknara í Vafn-
ingsmálinu, aðallega umræddum
dagsetningum og afleiðingum þeirra.
Hann spurði að því í greininni hvenær
Bjarni hefði skrifað undir veðsetn-
ingarskjölin í Vafningsmálinu og lét í
veðri vaka að pappírarnir hefðu verið
dagsettir aftur í tímann, líkt og álykta
mátti út frá ákærunni og sem gögn
málsins staðfesta.
Orðrétt sagði Hallgrímur: „Því
er lítil von um að sá maður [Bjarni
Benediktsson, innskot blaðamanns]
verði nokkru sinni spurður hvenær
hann skrifaði undir lánin til Vafnings.
Skrifaði hann undir skjal sem dagsett
var aftur í tímann? Vissi hann að hér
var hann að kvitta upp á lögbrot sem
varðar 6 ára fangelsi? Vissi hann að
allur málatilbúnaðurinn var gerður
til að fara á svig við reglur bankans?
Vissi hann að málið var ekkert ann-
að en heimasmíðuð skyndiredding til
að varna falli Glitnis? Og ef hann vissi
það ekki, hvort hann telji sig samt sem
áður tilbúinn að setjast í stól forsætis-
ráðherra Íslands?“
Bjarni sá ekki ástæðu til að svara
þessum spurningum Hallgríms, með-
al annars þeirri hvenær hann skrifaði
undir veðsetningarskjölin á hlutabréf-
um Vafnings, í grein sem hann skrifaði
í Morgunblaðið fyrr
í vikunni og eng-
inn fjölmiðill hefur
gengið á Bjarna
til að fá svör frá
honum við þess-
um spurning-
um. Gögn máls-
ins, umrædd
umboð sem Bjarni
fékk, taka hins af all-
an vafa um að Bjarni
skrifaði undir pappírana í
Vafningsmálinu eftir 8. febrúar,
þrátt fyrir að lánveitingin til Vafnings
hefði átt að fara fram þann dag. Ákæra
sérstaks saksóknara sýnir hins vegar
fram á að Vafningur fékk ekki lán frá
Glitni fyrr en 12. febrúar.
Allt gert 11. og 12. febrúar
Reyndar er það svo að þegar litið er á
fjölmörg önnur skjöl sem snerta eign-
arhaldsfélagið Vafning sést að ekki
var gengið frá skipulagningu félags-
ins fyrr en eftir 8. febrúar 2008. Þann-
ig voru kaupsamningarnir þar sem
hluthafar Vafnings keyptu hlut í fé-
laginu af Milestone búnir til þann 11.
febrúar 2008 þrátt fyrir að þeir hefðu
verið dagsettir þann 7. febrúar 2008,
sama dag og Vafningur var stofnaður
samkvæmt vottorði úr fyrirtækjaskrá
sem DV hefur undir höndum.
Í einum þessara kaupsamninga,
þar sem Fjárfestingarfélagið Máttur
skuldbindur sig til að kaupa hlut í
Vafningi, kemur fram að skjalið sem
kaupsamningurinn er í hafi verið
stofnað á tíunda tímanum þann 11.
febrúar 2008. Nafn skjalsins, sem
einn af starfsmönnum Milestone,
Gunnar Gunnarsson, gekk frá er:
„Gunnlaugur [Sigmundsson, innskot
blaðamanns] eda BB [Bjarni Bene-
diktsson, innskot blaðamanns] og
Einar Sveins_Kaupsamningur um
vafning.“ Bjarni Benediktsson var því
einn þeirra sem hefðu getað skrifað
undir kaupsamninginn fyrir hönd
Máttar þar sem hann sat í stjórn fyrir
hönd föður síns sem var einn stærsti
hluthafi félagsins. Í kaupsamningn-
um sem DV hefur undir höndum
skrifar Guðmundur Ólason, forstjóri
Milestone, undir samninginn fyrir
hönd seljanda og kaupanda. Hlut-
hafar Vafnings virðast því hafa keypt
hluti í félaginu eftir að lánveitingin til
félagsins átti að hafa verið veitt þann
8. febrúar 2008.
Veðin keypt eftir 8. febrúar
Svipaða sögu er að segja um kaup-
samninga þar sem Vafningur keypti
eignir í Makaó, hálfbyggðan íbúðat-
urn, og í Bretlandi, fjárfestingarsjóð-
inn KCAJ, af Sjóvá. Þessar eignir voru
notaðar sem veð Vafnings fyrir lán-
inu frá Glitni. Í kaupsamningunum
Ingi Freyr Vilhjálmsson
fréttastjóri skrifar ingi@dv.is
Bjarni svarar ekki Bjarni Benediktsson hefur ekki viljað svara spurn-
ingum um hvenær nákvæmlega hann tók þátt í endurfjármögnun á hluta-
bréfum Þáttar International í Glitni í gegnum eignarhaldsfélagið Vafning í
febrúar 2008. Ákæra sérstaks saksóknara varpaði nýju ljósi á málið.
bjarni ben skrifaði
undir fölsuð skjöl
Aftur í tímann Undir-
skrift Bjarna sést hér á veð-
samningnum þar sem eignir
Vafnings eru veðsettar fyrir láninu
frá Glitni. Umboðið sem Bjarni fékk
til veðsetningar var hins útbúið nokkrum
dögum síðar auk þess sem veðin fyrir láninu
voru ekki keypt fyrr en eftir 8. febrúar.
„Allar þessar stað-
reyndir sýna fram
á að gögnin í Vafnings-
málinu voru undirrituð
aftur í tímann.