Dagblaðið Vísir - DV - 03.02.2012, Blaðsíða 18

18 Fréttir 3.–5. febrúar 2012 Helgarblað
Umboðsmaður
skuldara á
Akureyri
Umboðsmaður skuldara opnar
útibú á Akureyri í dag, föstudag,
klukkan 16. Útibúið er staðsett á
Glerárgötu 26 á fyrstu hæð. Útibúið
á Akureyri er annað útibú emb-
ættisins, en í desember 2010 opn-
aði umboðsmaður skuldara útibú
í Reykjanesbæ. Líkt og í Reykja-
nesbæ munu tveir ráðgjafar starfa á
Akureyri, þær Harpa Halldórsdótt-
ir viðskiptafræðingur og Heiðrún
Ósk Ólafsdóttir lögfræðingur. Mun
útibúið opna dyr sínar fyrir við-
skiptavinum mánudaginn 6. febrú-
ar næstkomandi en opið verður
alla virka daga frá klukkan 9.00 til
15.00. Hægt er að panta viðtalstíma
hjá ráðgjafa í síma 512-6600.
„Er það von umboðsmanns
skuldara að embættið muni eiga
gott samstarf við aðila á Akur-
eyri við að aðstoða einstaklinga í
greiðsluerfiðleikum,“ segir í tilkynn-
ingu sem embættið sendi frá sér.
Meira D-vítamín
í mjólkurvörur
„Rannsóknir hafa sýnt að Íslend-
ingar fá allt of lítið af D-vítamíni úr
fæðunni og að styrkur D-vítamíns
í blóði þeirra sem hvorki taka lýsi
né önnur fæðubótarefni er töluvert
undir ráðlögðum dagskammti,“
segir í tilkynningu á vef landlæknis-
embættisins. Þar hvetur embættið
aðila í íslenskum mjólkuriðanaði
til að bæta D-vítamíni við mjólk og
mjólkurvörur til að tryggja að lands-
menn fái nægilegt magn af vítamín-
inu. „Sérstaklega er það áberandi að
vetri til þegar sól er lágt á lofti og D-
vítamín nær ekki að myndast í húð-
inni. Nýbirtar niðurstöður úr lands-
könnun á mataræði styðja þetta og
sýna að neysla D-vítamíns er langt
undir ráðleggingum hjá þorra þjóð-
arinnar og öllum þeim sem ekki
taka lýsi eða annan D-vítamíngjafa
að staðaldri. Embætti landlæknis
hvetur því mjókuriðnaðinn til að
bæta 10 míkrógrömmum (µg) af
D-vítamíni í hvern lítra af mjólk og
mjólkurvörum til að auðvelda fleir-
um að fá nægilegt D-vítamín. Áfram
er fólki ráðlagt að taka þorskalýsi (5
ml) eða annan D-vítamíngjafa,“ seg-
ir í tilkynningunni.
n HSÍ telur sig eiga almenna kröfu n Bankinn segir um gjöf að ræða
H
andknattleikssamband Ís-
lands (HSÍ) hefur stefnt
Kaupþingi vegna van-
efnda á samstarfssamn-
ingi sem var gerður á milli
sambandsins og Kaupþings. Eins
og flestir muna var Kaupþing að-
alstyrktaraðili sambandsins á ár-
unum fyrir hrun. „Ef þetta er aug-
lýsing, þá er þetta almenn krafa en
ef þetta er túlkað sem gjöf, þá er
það svokölluð eftirstöðvakrafa sem
kemur til síðast, þegar allir aðrir eru
búnir að fá sitt,“ segir Guðmund-
ur Birgir Ólafsson, lögmaður sam-
bandsins.
Handknattleikssambandið telur
sig eiga um tíu milljónir króna inni
hjá Kaupþingi vegna samnings sem
var gerður en Kaupþing telur að um
gjafagjörning hafi verið að ræða
en ekki viðskiptasamkomulag. Það
þýðir að Kaupþing telur að ekki eigi
að afgreiða kröfu sambandsins fyrr
en aðrar almennar kröfur í bú hins
fallna banka verða greiddar út. Það
þýðir í raun að litlar sem engar end-
urheimtur verði.
Engin vöruskipti
Lögmaður HSÍ lagði fram greinar-
gerð í málinu síðastliðinn miðviku-
dag en Kaupþing hefur enn frest til
að skila sinni greinargerð í málinu.
Ekki er hægt að fullyrða hvernig sú
greinargerð verður en að sögn lög-
manns HSÍ hefur málsvörn Kaup-
þings gengið út á að ekki hafi ver-
ið samið um neitt í skiptum fyrir
þá styrki sem bankinn veitti sam-
bandinu. Öflug ímyndarherferð
bankans fyrir hrun fór hins vegar
ekki fram hjá neinum Íslendingi þar
sem handboltakappar landsliðsins
voru í sviðsljósinu. Samkvæmt því
sem Kaupþing segir var þetta ekki
gert á grundvelli viðskiptasamnings
heldur í skiptum fyrir gjöf.
„Við viljum bara meina að þetta
sé samningur um það að þeir fái til
að mynda auglýsingar á búningun-
um,“ segir Guðmundur Birgir sem
bendir á fjölmörg önnur dæmi um
hvernig Kaupþing notaði hand-
boltalandsliðið í markaðsskyni.
„Slitastjórnin vill meina að þetta
hafi verið framlag án endurgjalds.“
Stór fjárhæð fyrir HSÍ
Tíu milljónir kunna ekki að vera
mikill peningur í samanburði við
hversu stórt gjaldþrot Kaupþings
var, en það hljóp á þúsundum
milljarða króna. Milljónirnar eru
þó mikill peningur í samhengi við
rekstur HSÍ en sambandið velti til
að mynda um það bil 170 milljón-
um króna árið 2010. Helmingurinn
af því er vegna landsliðsverkefna
sambandsins. „Þetta er náttúrulega
bara hrunmál,“ segir Einar Þorvarð-
arson, framkvæmdastjóri HSÍ. Tíu
milljónirnar eru því um sex prósent
af veltu sambandsins á einu ári.
„… telur sig eiga um
tíu milljónir króna
inni hjá Kaupþingi.
Krefja Kaupþing
um tíu milljónir
Aðalsteinn Kjartansson
blaðamaður skrifar adalsteinn@dv.is
Merktir Kaupþingi Deilan snýst
um það hvort Kaupþing hafi fengið
eitthvað í staðinn fyrir styrkinn sem
bankinn veitti HSÍ. Mynd úr safni.
Mynd ÁSgEir M. EinarSSon