Dagblaðið Vísir - DV - 18.01.2013, Qupperneq 20

20 Erlent 18.–20. janúar 2013 Helgarblað
Baðst afsökunar á blóðbaðinu
n Bæjarstjóri Corleone á Sikiley biðlaði til mafíunnar um að gefast upp
B
æjarstjóri smábæjarins Cor­
leone á Sikiley á Ítalíu hefur
beðist afsökunar á morð­
um, skotárásum og kúgunum
sem framkvæmdar voru af mafíu­
foringjum í bænum fyrir margt löngu.
Þetta gerði bæjarstjórinn, Leoluchina
Savona, í tilefni þess að í vikunni voru
tuttugu ár liðin frá handtöku mafíu­
foringjans Toto Riina, sem kallaður
var Skepnan vegna miskunnarleysis
síns, en Riina fæddist í bænum.
Savona bað fórnarlömb mafí­
unnar afsökunar fyrir hönd bæjar­
búa en mafían framdi ófá ódæðin á
seinni hluta 20. aldar. Nafnið Corle­
one hringir væntanlega bjöllum hjá
mörgum enda voru Godfather­mynd­
irnar, með þeim Marlon Brando og
Al Pacino í aðalhlutverkum, byggðar
að hluta til á mafíuforingjunum sem
slitu barnsskónum í Corleone.
„Ég biðst afsökunar í nafni allra
íbúa Corleone. Ég bið um fyrirgefn­
ingu fyrir blóðbaðið,“ sagði bæjar­
stjórinn á hátíð sem haldin var í
bænum á mánudag. „Ég bið mafíuna
um að hætta öllum átökum, viður­
kenna ósigur og gefast upp,“ sagði
Savona. Riina er talinn bera ábyrgð
á fjölmörgum ódæðum sem framin
voru á níunda og tíunda áratugnum
en meðal þeirra sem féllu fyrir hendi
hans má nefna saksóknarana Paolo
Borsellino og Giovanni Falcone sem
létust í sprengjuárás árið 1992. Riina
var dæmdur í margfalt lífstíðarfang­
elsi og sakfelldur fyrir fjölda morða.
Faðir og synir
hans urðu úti
Hörmulegur atburður átti sér
stað í Missouri í Bandaríkjun­
um um liðna helgi þegar David
Decareaux, 36 ára, og tveir syn­
ir hans, átta og tíu ára, frusu í hel
í gönguferð á afskekktu svæði í
ríkinu. Feðgarnir voru í helgar­
ferð og höfðu tekið á leigu bústað.
Snemma á laugardag lögðu þeir af
stað í gönguferð en þegar gangan
hófst var um 15 stiga hiti úti. En
skjótt skipast veður í lofti og þegar
feðgarnir höfðu gengið í dágóða
stund versnaði veðrið snögglega
og fór hitinn niður fyrir frost­
mark. Leitarflokkur var kallaður út
á sunnudag og fundust feðgarn­
ir eftir stutta leit. Faðirinn var úr­
skurðaður látinn á staðnum en
synir hans létust á sjúkrahúsi eftir
stutta dvöl. Að sögn lögreglu kom
vegfarandi auga á þá á laugardag
og spurði hvort þeir vildu fá far
til baka. Faðirinn hafði afþakkað
boðið.
Gullið á
heimleið
Seðlabanki Þýskalands ætlar að
flytja gullbirgðir sínar sem eru í
geymslu í New York og París aft­
ur í hvelfingu bankans á næstu
árum. Um er að ræða tæplega
700 tonn, en gullið var flutt úr
landi í varúðarskyni á sínum
tíma þegar Þjóðverjar óttuðust
innrás Sovétríkjanna. Þrátt fyrir
það er algengt að seðlabankar
geymi hluta gullbirgða sinna
erlendis – þannig má kaupa er­
lendan gjaldeyri með skömm­
um fyrirvara. Þýski seðlabank­
inn mun fyrir árið 2020 ekki eiga
neinar gullbirgðir í París þar sem
bæði Þýskaland og Frakkland
notast við evruna. Hluti birgð­
anna verður þó áfram geymdur
í New York og í London þar sem
13 prósent af forðanum eru
geymd.
Ætla að drepa
útsendarann
Hryðjuverkasamtökin Al­
Shabab í Sómalíu segjast ætla
að drepa franska útsendarann
Denis Allex í hefndarskyni fyr­
ir misheppnaða björgunarað­
gerð franska hersins á föstudag
í síðustu viku. Um 50 franskir
hermenn ruddust inn í höfuð­
stöðvar samtakanna í Bulo Mar­
er í Sómalíu þar sem talið var að
Allex væri í haldi. Björgunarað­
gerðin misheppnaðist og féllu
tveir franskir hermenn í henni.
Frönsk yfirvöld telja að Allex
hafi nú þegar verið líflátinn en
því neita samtökin. Þau segja
hins vegar að Allex verði tekinn
af lífi á næstunni og Frakkar
muni bera ábyrgð á dauða hans.
Corleone Bæjarstjórinn baðst afsökunar
fyrir hönd bæjarbúa á blóðbaði mafíunnar
á undanförnum árum. Mynd ReuteRS
M
yndin hér til hliðar var tek­
in örfáum sekúndum áður
en nashyrningur réðst á
stúlkuna á myndinni aft­
an frá og stakk hana á hol
með horni sínu.
Chantal Bayer, 24 ára bresk stúlka,
var stödd í suðurafrískum þjóðgarði
ásamt kærasta sínum og nokkrum
vinum þegar þau sáu þessa nashyrn­
inga skammt frá bílnum. Þau ákváðu
að stoppa og taka myndir af þessum
tignarlegu en varasömu dýrum, með
ófyrirséðum afleiðingum.
Sökin hjá leiðsögumanninum?
Með fólkinu í för var þaulreyndur
leiðsögumaður sem, samkvæmt
fréttaflutningi vefútgáfu Daily Mail,
átti nokkurn hlut að máli í því sem
gerðist. Alex Richter er sagður hafa
hvatt fólkið til að fara út úr jeppan­
um og láta mynda sig með villtum
dýrunum. Hann lokkaði dýrin nær
með því að gefa þeim mat.
Ekki nóg með það heldur er Alex
þessi Richter vændur, í suðurafrísk­
um fjölmiðlum um að hafa hvatt
parið, sem sést á myndinni, til að
færa sig nær nashyrningunum. Það
gerði hann að sögn til að reyna að
ná betri myndum af þeim. Babb
kom hins vegar í bátinn því örfáum
augnablikum síðar kom nashyrn­
ingurinn á fullri ferð aftan að Bayer
og rak í hana flugbeitt hornið.
Nashyrningar eru afar eftirsótt
dýr, í tvennum skilningi. Þeir eru
mjög vinsælir á meðal ferðamanna,
sem líklega er af hinu góða, en
einnig hjá veiðiþjófum, sem er öllu
verra. Fyrir vikið eiga nashyrningar
undir högg sækja í álfunni. Í Suð­
ur­Afríku hafa á bilinu fjögur til sex
hundruð dýr verið drepin árlega, í
það minnsta, síðustu tvö ár.
Brotin rifbein og samfallið
lunga
Eins og sjá má á myndinni báru mat­
argjafir leiðsögumannsins þann ár­
angur að villtir nashyrningarnir
stóðu aðeins fáeinum metrum frá
bílnum. Nashyrningar geta vegið allt
að tveimur tonnum og þeir stærstu
eru 180 sentímetrar á hæð. Í Suður­
Afríku er að finna um 80 prósent allra
nashyrninga í heiminum, eða um 20
þúsund dýr.
Nashyrningurinn sem réðst á
stúlkuna rak horn sitt í ofanvert bak
hennar með þeim afleiðingum að
lunga féll saman og rifbein brotnuðu.
Stúlkan, sem stundar nám í Jóhann­
esarborg í Suður­Afríku berst nú fyrir
lífi sínu á gjörgæsludeild Krugers­
dorp­sjúkrahússins í borginni.
Ástand hennar er sagt stöðugt.
treystu herra Richter
Frændi stúlkunnar og talsmað­
ur fjölskyldunnar í málinu, Thom
Peeters, sagði við suðurafríska blað­
ið Beeld að öllum væri vitaskuld
brugðið. „Það voru nokkur ung­
menni í bílnum og þau töldu sig lík­
lega geta treyst herra Richter, sem er
fullorðinn.“
Talsmenn Aloe Ridge Hotel and
Nature Reserve, sem stóðu fyrir
ferðinni, hafa ekki viljað tjá sig um
málið, að því er hermir í Daily Mail.
Í auglýsingu á vefsíðu fyrirtækisins
kemur fram að nashyrningar séu
á meðal þeirra dýra sem gestir geti
vænst þess að sjá í návígi. Þar er
sannarlega engu logið.
Baldur Guðmundsson
blaðamaður skrifar baldur@dv.is
„Það voru nokkur
ungmenni í bílnum
og þau töldu sig líklega
geta treyst herra Richter,
sem er fullorðinn.
AugnAblikið
fyrir árásinA
n Var stungin á hol af nashyrningi n Fylgdi fyrirmælum leiðsögumanns
Á meðal allt lék í lyndi Stúlkan á myndinni átti sér einskis ills von.
Hornin talin hafa lækningarmátt
Horn nashyrninga eru söguð af dýrunum
dauðum og mulin í duft. Duftinu er síðan
smyglað til Asíu, þar sem markaður er fyrir
það. Eftirspurnin er gífurleg og hornin eru
nálægt því að vera þyngdar sinnar virði í
gulli.
Auðjöfrar í Asíu trúa því margir að duft af
hornum nashyrninga hafi lækningarmátt.
Konan á myndinni, sem Brent Stirton tók
og var verðlaunaður fyrir, er frá Víetnam og
sést merja niður nashyrningshorn. Þegar
hornið er orðið að dufti er því blandað út
í vatn til drykkjar (sjá flöskur á borðinu).
Guardian sagði sögu þessarar konu í fyrra
en þetta gerir hún því hún trúir því að
drykkurinn muni losa hana við nýrna-
steina. Hún keypti hornið á nokkur þúsund
Bandaríkjadali en ekki er vitað til þess að
hornin hafi neinn sérstakan lækningar-
mátt. Nashyrningurinn sem átti þetta horn
var drepinn.