Dagblaðið Vísir - DV - 17.05.2013, Qupperneq 6

6 Fréttir 17.–21. maí 2013 Helgarblað
Færri sumarstörf fyrir nema
n Ríkið dregur viðbótarframlag til baka
S
umarstörf fyrir námsmenn á
vegum Vinnumálastofnunar
verða færri í ár en undan­
farin ár og munu aðeins 650
störf vera í boði. Sumarið 2010 og
til ársins í ár hafa slík störf verið
um 900.
Átakið hófst árið 2009 þegar
lögum um atvinnuleysisbætur var
breytt, en eftir breytinguna gátu at­
vinnulausir námsmenn í námsleyfi
ekki fengið atvinnuleysisbætur.
Námsleyfið var skilgreint sem sum­
arleyfi milli anna. Námsmönn­
um bauðst, sumum hverjum, að fá
vinnu í tvo mánuði yfir sumartím­
ann og var átakinu ætlað að koma í
staðinn fyrir atvinnuleysisbæturn­
ar. Atvinnuleysistryggingasjóður
greiðir ríkis stofnunum sem hyggj­
ast ráða námsmenn lágmarks­
atvinnuleysisbætur auk fram­
lags vinnuveitanda í lífeyrissjóð.
Námsmennirnir fá svo greitt sam­
kvæmt kjarasamningi. Ríkissjóður
hefur að auki greitt viðbótarfram­
lag sem hefur verið um áttatíu þús­
und krónur á námsmann, en það
framlag fellur nú niður og eykst því
kostnaður vinnuveitenda. Færri
hafa því séð sér fært að bjóða upp
á slík sumarstörf.
Bent hefur verið á að náms­
menn fá almennt þriggja mánaða
sumarleyfi frá námi og að eftir­
spurnin sé talsvert meiri en störf
í boði. Nú hefur verið dregið úr
framlagi ríkisins til verkefnisins,
þar sem það var aðeins hugsað
sem tímabundið verkefni til að
brúa bilið eftir hrun og þar til at­
vinnulífið tæki við sér og byði upp
á fleiri sumarstörf. Stór hluti stúd­
enta er þó atvinnulaus í sumar og
ljóst að verkefnið leysir því aðeins
lítinn hluta vandans. n
astasigrun@dv.isFerðamálaskóli Íslands • www.menntun.is • Sími 567 1466
Opið 8-22
LEIÐSÖGUNÁM
FERÐAMÁLASKÓLI ÍSLANDS,
Bíldshöfða 18, sími 567 1466,
Opið til kl. 22.00,
Martha Jensdóttir
kennari.
Hnitmiðað og skemmtilegt nám fyrir þá, sem vilja kynnast Íslandi í máli og myn-
dum. Námið er opið öllum þeim, sem áhuga hafa á að læra hverning standa skal
að leiðsögn erlendra og innlendra ferðamanna um Ísland.
Stuðst er við námsskrá menntamálaráðuneytisins um viðurkennt leiðsögunám.
Helstu námsgreinar:
• Helstu viðkomustaðir ferðamanna í máli og myndum.
• Saga landsins, jarðfræði, bókmenntir og listir, menningartengd ferðaþjónusta.
• Mannleg samskipti.
• Skipulagðar ferðir og afþreyingaferðir. Ritgerðarverkefni og margt fleira.
Leiðbeinendur eru þaulvanir leiðsögumenn og sérfræðingar á hinum ýmsu
sviðum.
Boðið er uppá dag- og kvöldnám, auk þess sem farið er í vettvangsferðir.
Umsögn:
„Síðasta haust hóf ég leiðsögunám við Ferðamálaskóla Íslands.
Námið fór fram úr mínum björtustu vonum. Ég hef ferðast mikið
um landið frá barnsaldri, en þrátt fyrir það öðlaðist ég nýja sýn á
landið í skólanum. Námið er hnitmiðað og að auki mjög
skemmtilegt, reyndar svo skemmtilegt að ég vil helst fá framhald-
snám. Þetta nám kemur mér að miklu gagni í starfi mínu sem
kennari og vonandi sem leiðsögumaður í framtíðinni“. Martha Jensdóttir
kennari.
Mannréttindi að
búa við heimilisfrið
n Kvennaathvarfið hlaut Mannréttindaverðlaun Reykjavíkurborgar
Þ
etta er stórt samfélagslegt
vandamál og ég held að
þessi viðurkenning sýni
okkur að borgaryfirvöld líti
það þeim augum og deili
með okkur þeim skilningi að það eigi
að vera sjálfsögð mannréttindi að
búa við heimilisfrið, segir Sigþrúður
Guðmundsdóttir, framkvæmdastýra
Kvennaathvarfsins. Á fimmtudag
voru Samtökum um kvennaathvarf
veitt Mannréttindaverðlaun Reykja­
víkurborgar við hátíðlega athöfn sem
fram fór í Höfða á mannréttindadegi
Reykjavíkurborgar.
Mannréttindaverðlaunin eru
veitt árlega þeim einstaklingum, fé­
lagasamtökum eða stofnunum sem
hafa á eftirtektarverðan hátt stað­
ið vörð um mannréttindi tiltek­
inna hópa en það hafa Samtök um
kvennaathvarf gert frá árinu 1982 –
unnið ötult starf í baráttu gegn of­
beldi og komið konum og börnum
til hjálpar.
Meiri aðsókn
„Það er afskaplega gott að fá svona
viðurkenningu. Bæði er notalegt
að fá viðurkenningu fyrir það
sem við höfum gert og það sem
Kvennaathvarfið hefur staðið fyrir
og stendur fyrir, og svo er það líka
bara praktískt gott fyrir okkur því að
allt sem sagt er fallegt um Kvenna­
athvarfið skilar sér út til kvenna sem
þurfa að koma hingað og hafa verið
hikandi við það,“ segir Sigþrúður.
Á síðasta ári dvöldu 200 gestir í
athvarfinu, konur og börn, allt frá
einum degi og upp í 213 daga. Mikill
fjöldi barna dvaldi í athvarfinu eða
87 talsins og meðaldvalartími þeirra
í athvarfinu var 24 dagar. Sigþrúður
segir aðsóknina vera sveiflukennda
en hún hafi verið mikil á þessu ári
líkt og á síðustu tveimur árum. „Hún
er svona kannski frekar stígandi upp
á við en svo sveiflast það alltaf,“ segir
hún.
Meira pláss en áður
Kvennaathvarfið flutti nýlega í nýtt
og stærra húsnæði en gamla hús­
næðið hafði fyrir löngu sprengt
utan af sér starfsemina. „Það fer af­
skaplega vel um okkur í nýja hús­
inu, það er svona verið að koma því
í stand ennþá þannig það er ekki
að öllu leyti komið í gagnið, það er
stundum smá hávaði og ýmis læti
en þetta er allt að koma. Við finn­
um nú þegar hvað aðstöðumunur­
inn er gríðarmikill og fer mun bet­
ur um hópinn okkar,“ segir hún.
Núna dvelja sjö konur í athvarfinu
og nokkur börn. Sigþrúður segir
vissulega fara betur um börnin í
nýja húsnæðinu. „Það er almennt
meira pláss fyrir þau og minni trufl­
un fyrir aðra gesti. Barnaaðstað­
an er hins vegar eitt af því sem er
ekki fullkomlega komið í gagnið en
þau hafa meira pláss en þau höfðu
áður.“
Vonbrigði hvað þörfin var mikil
Þegar ráðist var í að stofna Kvenna­
athvarfið árið 1982 töldu sumir að
það væri ekki þörf á slíku athvarfi hér
á landi. Sigþrúður segir þörfina lík­
lega hafa verið meiri en stofnendur
gerðu sér grein fyrir og ekki er víst að
á þeim tíma hafi þær vitað að þörf­
in yrði enn slík rúmum tuttugu árum
síðar. „Ég myndi halda að ef þær
hefðu séð fram í tímann að það hefðu
orðið svolítið vonbrigði að sjá hvað
þörfin er mikil enn, en þó veit ég ekki
hvað þær voru að hugsa og ég er ekki
viss um að þær hafi vitað hvað þær
voru að gera stórkostlega hluti með
þessu. Og hversu gríðarlega mikið
og þarft starfið er. Þetta var framsýnt
verkefni sem þær réðust í þarna,“ seg­
ir hún. „Það er kannski ekki skrýtið
að fólk hafi haldið á þessum tíma
að það væri ekki þörf fyrir svona
athvarf vegna þess að það var ekkert
sem æpti á í daglega lífinu – kannski
eins og núna. Flestir segjast vera svo
heppnir að þekkja enga fjölskyldu þar
sem ofbeldi er beitt en sennilega væri
réttara að segja að fólk þekkti engan
sem hefði sagt þeim frá ofbeldi sem
viðkomandi býr við, af því að tölfræði
segir okkur að við þekkjum öll fjöl­
skyldu þar sem ofbeldi er beitt.“ n
Viktoría Hermannsdóttir
blaðamaður skrifar viktoria@dv.is
Enn er þörf Aðsókn í
Kvennaathvarfið hefur
aukist undanfarin ár.
Mannréttinda-
verðlaun Reykja-
víkurborgar
Mannréttindaverðlaunin eru veitt
árlega þeim einstaklingum, félaga-
samtökum eða stofnunum sem hafa
á eftirtektarverðan hátt staðið vörð
um mannréttindi tiltekinna hópa.
Markmiðið með mannréttindadeginum
er að vekja athygli á þeim málum sem
varða mannréttindi borgarbúa og á
mannréttindastefnu Reykjavíkurborgar.
Í ár var úthlutað styrkjum til átta aðila.
„Þetta
er stórt
samfélagslegt
vandamál
Margir án atvinnu 900 störf voru í boði
2012, en aðeins 650 í ár.
Lögreglumál:
Nam 10 ára
stúlku á brott
Karlmaður á fertugsaldri sem
grunaður er um að hafa tekið
tíu ára gamla stúlku með valdi
inn í bíl sinn í Vesturbænum á
miðvikudagskvöld hefur verið
hnepptur í gæsluvarðhald til
29. maí næstkomandi. Er hann
grunaður um að hafa misnotað
stúlkuna kynferðislega og haft í
grófum hótunum við hana. Í yfir­
heyrslum hjá lögreglunni í gær
bar maðurinn við minnisleysi.
Málsatvik voru þau að stúlkan
var á heimleið úr skóla á þriðja
tímanum eftir hádegi þegar mað­
urinn, sem hún þekkir ekki, tók
hana með valdi og setti í aftursæti
bifreiðar sinnar. Ók hann með
stúlkuna á afvikinn stað í útjaðri
höfuðborgarsvæðisins, en þar er
maðurinn talinn hafa brotið gegn
stúlkunni. Að því loknu ók hann
með stúlkuna aftur í vesturbæ
Reykjavíkur og hleypti henni þar
út, en þó fjarri heimili hennar.
Þaðan gekk hún til síns heima. Á
meðan frelsissviptingu stóð hafði
maðurinn í frammi grófar hótanir
við stúlkuna. Handtöku manns­
ins má þakka stúlkunni sjálfri, en
þrátt fyrir hræðilega lífsreynslu,
gat hún gefið greinargóða lýs­
ingu á manninum, bílnum sem
hann var á og leiðinni sem hann
ók. Maðurinn hefur áður komið
við sögu hjá lögreglu, en þó ekki
vegna mála af þessum toga.
Lögregla ítrekar að foreldrar
fræði börn sín um þessi mál án
þess að hræða þau. Það sé mikil­
vægt að börn kunni að gefa
greinargóðar upplýsingar um
málsatvik, þó fer það eftir þroska
og aldri barnanna. Allar upplýs­
ingar sem þau geta gefið, bílnúm­
er, litur á bifreiðum eða lýsingar
á þeim sem reyna að nálgast þau
geta leitt til þess að lögregla hafi
uppi á þeim grunuðu. n
Útgáfa DV
Hvítasunnuhelgin gengur nú í
garð. Af þeim sökum kemur DV
ekki út á mándaginn, eins og vant
er. Næsta blað kemur því út mið­
vikudaginn 22. maí.