Dagblaðið Vísir - DV - 17.05.2013, Blaðsíða 39

STEFNUMÓTA-
MORÐINGINN
39Helgarblað 17.–21. maí 2013
ára fangelsi var dómurinn sem hinn 54 ára slátrari Enkarta Balapovi hlaut núna á fimmtudag.
Sakarefnið: Nauðgun, frelsissvipting og þrælahald. Fórnarlambið í málinu er 39 ára indversk kona sem var
neydd í þrælahald af Balapovi og tveimur konum. Konan hafði komið til Bretlands í von um starf sem barn-
fóstra. Laun sín ætlaði hún að senda heim til fátæks eiginmanns og barna á Indlandi. Slátrarinn kúgaði hana
til að sofa hjá sér og hótaði henni öllu illu, þar sem hún vann 16 tíma á dag við ömurlegar aðstæður.11
R
odney Alcala fæddist 1943
í Texas í Bandaríkjunum.
Hann ólst, ásamt systrum
sínum, að mestu upp hjá
einstæðri móður sinni, sem
flutti til Los Angeles þegar Rodney
var tólf ára. Sautján ára gekk Rodney
í herinn en sagði skilið við hann árið
1964 þegar hann var úrskurðaður
alvarlega andfélagslega sinnaður.
Rodney fékk inngöngu í listadeild
UCLA-háskólans og útskrifaðist
þaðan árið 1968. Það ár rændi hann,
nauðgaði, misþyrmdi og reyndi að
drepa átta ára stúlku, Tali Shapiro.
Hún hafði verið á leið heim úr skóla
þegar Rodney lokkaði hana inn í bif-
reið sína. Það varð Tali til happs að
nærstaddur maður varð vitni að at-
vikinu, elti bifreið Rodneys og hafði
samband við lögreglu.
Þegar lögreglan kom að heimili
Rodneys hafði hann komið fram vilja
sínum og gert tilraun til að kyrkja
Tali, sem lá á eldhúsgólfinu þegar
lögreglan braut upp dyrnar. Tali var
svo illa farin að lögreglan taldi hana
dána og sinnti henni ekki en reyndi
frekar að hafa hendur í hári Rod-
neys. Síðar sá lögreglan að Tali barð-
ist við að ná andanum og á meðan
henni var sinnt tókst Rodney að
sleppa. Við leit í íbúðinni fann lög-
reglan fjölda ljósmynda af ungum
stúlkum og komst einnig að ýmsu
öðru um Rodney. Þó átti eftir að líða
langur tími áður en verðir laganna
komu böndum á ódáminn, sem
síðar fékk nafngiftina Stefnumóta-
morðinginn. Nafngiftina fékk hann
því hann hafði einhverju sinni keppt
í stefnumótaþætti í sjónvarpi. Hann
bar sigur úr býtum en ekkert varð
af stefnumótinu því dömunni þótti
Rodney vera „krípí“.
Samið við Rodney
Rodney tók upp nafnið John Berger,
kom sér fyrir í New York og fekk inn-
göngu í kvikmyndaskóla þar í borg.
Þrátt fyrir að vera á lista bandarísku al-
ríkislögreglunnar, FBI, þurfti hann ekki
að fara huldu höfði – hann varð kunn-
ur sem „grúví“ kvikmyndagerðarnemi,
áhugaljósmyndari og heitur pipar-
sveinn og þvældist um á klúbbum ein-
hleypra í borginni.
Á því varð þó breyting sumarið
1971 en þá vann hann við sumarnám-
skeið í drama – eingöngu ætluðu stúlk-
um – sem haldið var í New Hamps-
hire. Tvær stúlknanna báru kennsl á
Rodney á myndum af eftirlýstu fólki
á pósthúsi og höfðu samband við lög-
regluna. Rodney var handtekinn.
En í Los Angeles var úr vöndu að
ráða fyrir saksóknarann sem hugðist
sækja Rodney til saka vegna árásarinn-
ar á Tali 1968. Shapiro-fjölskyldan var
flutt til Mexíkó og aðalvitnið því fjarri
góðu gamni. Því var brugðið á það ráð
að semja við ódáminn – Rodney játaði
sig sekan um barnaníð og aðrar ákær-
ur; nauðgun, mannrán, misþyrmingar
og morðtilraun, yrðu felldar niður.
Þetta voru nánast jólin hjá Rodney
og hann var dæmdur til allt að lífs-
tíðarfangelsis, en vegna samnings-
ins fékk hann reynslulausn eftir 34
mánaða afplánun.
Reyndar var hann kominn á bak
við lás og slá innan tveggja mánaða
eftir að hann rauf skilorð með því að
útvega þrettán ára stúlku maríjúana.
Reyndar hélt stúlkan því fram að Rod-
ney hefði rænt henni en á hana var
ekki hlustað.
Rodney eyddi tveimur árum í
grjótinu en var sleppt árið 1977, fór
til Los Angeles og fékk vinnu hjá Los
Angeles Times. En þess var skammt
að bíða að hann léti undan morðfýsn
sinni.
Fimm fórnarlömb
Í nóvember 1977 nauðgaði Rodney
og myrti Jill Barcomb, átján ára
stúlku sem nýlega hafði flutt til Kali-
forníu. Rodney barði hana í andlitið
með grjóthnullungi og kyrkti hana
síðan. Lík hennar fannst 10. nóvem-
ber í fjalllendinu við Hollywood.
Í desember urðu örlög 27 ára
hjúkrunarkonu, Georgiu Wixet, ráðin
er hún varð á vegi Rodneys. Hann
misþyrmdi henni kynferðislega með
hamri sem hann síðan notaði til að
ráða henni bana. Lík hennar fannst
í hennar eigin íbúð í Malibu 16. des-
ember.
Þann 24. júní, 1979, fannst lík 33
ára ritara, Charlotte Lamb, í þvotta-
húsi fjölbýlishúss í El Segundo. Henni
hafði verið nauðgað, hún barin og
síðan kyrkt með skóreim.
Í sama mánuði nauðgaði og myrti
Rodney 21 árs konu, Jill Parentau,
í íbúð hennar í Burbank. Rodney
fékk skurð þegar hann klifraði út um
glugga íbúðarinnar og var bendlaður
við morðið sökum þess um hve sjald-
gæfan blóðflokk var að ræða. Hann
var ákærður fyrir morðið en málinu
var síðar vísað frá.
Við fjallsrætur San Gabriel-fjalls
skammt frá Sierra Madre fundust,
2. júlí 1979, líkamsleifar tólf ára
stúlku, Robin Samsoe, sem Rodney
hafði rænt og myrt 20. júní. Eftir að
hafa myrt Robin tók Rodney á leigu
geymsluhúsnæði í Seattle og þar fann
lögreglan síðar hundruð ljósmynda
af ungum konum og stúlkum og
sekk sem innihélt ýmist dót sem talið
var að kæmi úr fórum fórnarlamba
Rodneys. Á meðal þess sem fannst
voru eyrnalokkar Robin Samsoe en
fjöldi fólks hafði staðfest að hann
hefði verið á ströndinni þar sem hún
sást síðast.
Dauðadómi snúið í tvígang
Að rannsókn lokinni var Rodney
ákærður fyrir morðið á Robin, réttað
var yfir honum, hann sakfelldur og
dæmdur til dauða, árið 1980. Dauða-
dómnum var síðar snúið af Hæstarétti
Kaliforníu.
Réttað var yfir Rodney aftur og
hann sakfelldur enn og aftur fyrir
morðið á Robin, árið 1986, og hann
dæmdur til dauða. Þeim úrskurði
var síðar snúið af sérstökum áfrýj-
unardómstól. Á meðan Rodney beið
þriðju réttarhaldanna fundust lífsýni,
sem rekja mátti til hans, þar sem lík
Jill, Georgíu og Charlotte fundust og
hann var kærður fyrir fjögur morð í
Los Angeles.
Við þriðju réttarhöldin sá Rodney
um vörn sína sjálfur. Hann bar ekki
brigður á sakargiftir vegna morðanna
fjögurra í Los Angeles, en beindi sjón-
um sínum að máli Robin Samsoe.
Sagðist hann hafa verið fjarri góðu
gamni þegar hún var myrt. Gekk Rod-
ney svo langt að spyrja sjálfan sig
spurninga í þriðju persónu og breytti
jafnvel rödd sinni eftir því hvort hann
var í hlutverki lögfræðings eða síns
sjálfs.
„Mig langar, mig langar að
drepa. Drepa.“
Þann 25. febrúar, 2010, var Rodney
Alcala sakfelldur fyrir fimm morð, eitt
mannrán og fjórar nauðganir. Þegar
kviðdómur velti fyrir sér hvaða refs-
ingu Rodney ætti skilið reyndi hann
að leiða huga kviðdómara frá dauða-
refsingu með því að fara með lag
Arlo Guthrie, Alice‘s Restaurant, þar
sem segir meðal annars: „I wanna, I
wanna kill. Kill“ eða „Mig langar, mig
langar að drepa. Drepa.“
Sú aðferðafræði Rodneys bar
ekki ávöxt og kviðdómur mælti með
dauðarefsingu og dómarinn var sama
sinnis.
Að lokinni sakfellingu Rodneys
birti lögreglan í Huntington 120 ljós-
myndir úr safni Rodneys enda grun-
aði hana að fórnarlömb hans kynnu
að vera ívið fleiri. Borin hafa verið
kennsl á þó nokkur andlit sem sjá má
á myndunum. Einnig hafa tvö morð
í New York verið tengd við Rodney
fyrir tilstilli DNA-sýna; flugfreyjan
Cornelia Crilley var myrt 1971, á sama
tíma og Rodney var í kvikmyndaskóla
í New York, og Ellen Jane Hover var
myrt 1977, á sama tíma og Rodney
hafði fengið heimild skilorðsfulltrúa
síns til að heimsækja fjölskyldu sína
í New York.
Rodney Alcala er sem stendur á
dauðadeild San Quentin-fangelsis-
ins. n
„Mig langar,
mig langar
að drepa. Drepa.
n Yngsta fórnarlamb Rodneys Alcala, Stefnumótamorðingjans, var 12 ára stúlka
Brosmilt varmenni
Rodney var ekki allur
þar sem hann var séður.