Dagblaðið Vísir - DV - 25.02.2014, Blaðsíða 2
2 Fréttir Vikublað 25.–27. febrúar 2014
Rússarnir sólgnir í
íslenskt lambakjöt
Sala á lambakjöti til Rússlands hefur stóraukist
U
ndraverður árangur hef-
ur náðst í sölu íslensks kjöts,
sér í lagi lambakjöts, til Rúss-
lands á síðastliðnum árum.
Árið 2012 var virði útflutn-
ings á lambakjöti til Rússlands um tvö
hundruð milljónir króna. Sama ár var
virði verslunar á sömu vöru til Banda-
ríkjanna örlítið hærra þrátt fyrir mikla
áherslu síðastliðin ár á þann mark-
að. Fyrir árið 2012 var lítið sem ekk-
ert lambakjöt flutt út til Rússlands. Út-
flutningsaðilar eru stórhuga og segja
að útflutningur á lambakjöt til Rúss-
lands muni stóraukast á næstu miss-
erum. Hafa þeir orð á því að þakka
megi Ilonu Vasilieva, viðskiptafulltrúa
við sendiráð Íslands í Moskvu, góðan
árangur á síðastliðnum árum.
Selt til dýrustu veitingastaðanna
„Við erum búnir að stunda útflutning
til Rússlands í sjálfsagt á annan ára-
tug. Það hefur aðallega verið hrossa-
kjöt og ærkjöt. Fyrir þremur árum
byrjuðum við markvisst að markaðs-
setja lambakjöt,“ segir Ágúst Andr-
ésson, forstöðumaður kjötafurða-
stöðvar KS á Sauðár króki, í samtali
við DV. Ágúst segir að hluti af mark-
aðssetningu lambakjötsins hafi falist í
að fara með kjötið á vörusýningar og
halda kynningar á meðferð á íslensku
lambakjöti. Fjörutíu kokkum af helstu
veitingastöðum Moskvu var boðið á
kynningu á kjötinu. Árangurinn af því
starfi er að nú er íslenskt lambakjöt
selt beint til margra ríkmannlegustu
veitingastaða þar í borg.
„Vandamálið nú er að það er gífur-
legur áhugi á kjötinu en það eru margir
aðilar sem vilja kaupa kjötið í minni
skömmtum. Það hafa verið erfiðleikar
fólgnir í því að koma vörunni til kaup-
enda en við erum að vinna núna í að
vinna bug á því. „Ilona er markaðsfull-
trúi Íslands í Rússlandi. Hún hefur lagt
sitt af mörkum og hefur mikla reynslu
af þessu því hún vann áður fyrir Ástr-
ala þegar þeir voru að koma sér inn á
þennan markað. Sendiherrann Albert
Jónsson hefur líka reynst okkur mjög
vel,“ segir Ágúst.
Útflutningur mun aukast
Erlendur Garðarsson, markaðsráð-
gjafi og samstarfsaðili kjötframleið-
enda í útflutningi til Rússlands, segir
blikur á lofti – að útflutningur á lamba-
kjöti muni aukast umtalsvert á þessu
ári. „Það var ekki rík hefð fyrir lamba-
kjötsneyslu í Rússlandi, þeir hafa gert
lítinn greinarmun á lambakjöti og
kindakjöti. Í þeirra huga er þetta allt
kindakjöt. Við sem erum með þróaðri
smekk á kjötið notum lambakjöt og
kindakjötið á ólíka vegu. Rússneski
markaðurinn er samt að eflast, milli-
stéttin hefur stækkað alveg gífurlega
og það eru komnir flottir veitingastað-
ir í allar þessar borgir,“ segir Erlendur.
Hann segir að til standi að bjóða rúss-
neskum kokkum til Íslands á þessu ári
til að kenna þeim að matreiða lamba-
kjöt. „Ég veit að það eru fleiri sem ætla
að fara og nýta sér farveginn sem við
erum að ryðja, til dæmis að flytja út
bleikjuna.
Ekki hefðbundinn matur
Í samtali við DV segist Ilona Vasilieva
vera upp með sér þegar hún er spurð
um árangur sinn í sölu lambakjöts.
„Þetta hófst nú fyrst og fremst fyrir til-
stilli íslenskra útflutningsaðila. Þeir
höfðu áhuga á að flytja út lambakjöt
í hæsta gæðaflokki til Rússlands og í
kjölfar þess aðstoðaði ég þá við halda
ráðstefnur og kynningar á kjötinu,“
segir Ilona. Hún segir lambakjöt vera
nokkuð sem Rússar leggi sér ekki mik-
ið til munns nema í suðurhluta lands-
ins. Það eigi þó ekki við um ætlað-
an markað íslenska kjötsins þar sem
það sé selt til dýrari veitingastaða í
Moskvu og Sankti Pétursborg. n
Hjálmar Friðriksson
hjalmar@dv.is
Viðskiptafulltrúi Útflutningsaðilar hafa
orð á því að Ilona Vasilieva hafi hjálpað mikið
við að koma íslensku lambakjöt á disk Rússa.
„Rússneski
markaðurinn
er samt að eflast
E
ignarhaldsfélagið Aztiq
Pharma ehf., sem keypti gamla
Borgarbókasafnið í Þingholts-
stræti af fyrirtæki Ingunnar
Wernersdóttur í lok síðasta árs, hef-
ur farið í skuldabréfaútboð fyrir 200
milljónir króna. Greint er frá skulda-
bréfaútboðinu á vef Verðbréfaskrán-
ingar Íslands.
Skuldabréfaútboðið gengur út að
nýta fjárfestingarleið Seðlabanka Ís-
lands til að flytja erlendan gjaldeyri
til landsins og fá 20 prósenta afslátt
af íslenskum krónum hjá bankanum.
Aztiq Pharma er félag sem tengist
bandaríska samheitalyfjafyrirtækinu
Alvogen sem Róbert Wessmann fer
fyrir sem stjórnarformaður og hlut-
hafi. Í frétt DV um kaupin á Borgar-
bókasafninu kom fram að fyrirtækið
hygðist nýta sér húsið undir skrif-
stofur sínar á Íslandi.
Um svipað leyti hafði verið greint
frá því að Alvogen ætlaði sér að
byggja lyfjaverksmiðju í Vatnsmýr-
inni og var gerður samningur um
þá framkvæmd við Reykjavíkurborg.
Aztiq var einnig nefnt til sögunnar í
þeirri umræðu en félagið hefur verið
er í eigu félags á Cayman-eyjum. Ef
marka má gögn um skuldabréfaút-
boðið á vef Verðbréfaskráningar er
móðurfélag þess nú sænskt.
Í gögnum um Borgarbókasafnið
kemur fram að nú í febrúar hafi Aztiq
veðsett húsið í Þingholtsstræti hjá
Arion banka fyrir láni upp á 49 millj-
ónir króna. Hluti kaupverðsins gæti
því verið fjármagnaður með lánum
og hinn með eigin fé í gegnum fjár-
festingarleið Seðlabanka Íslands. n
ingi@dv.is
Kaupandi Borgarbókasafns flytur inn fé
Fyrirtæki á vegum samheitalyfjafyrirtækisins Alvogen nýtir sér fjárfestingarleiðina
Saksóknari víki
vegna vanhæfis
Fyrirtaka í máli níumenningana
sem voru ákærðir fyrir að óhlýðn-
ast fyrirmælum lögreglu þegar þeir
mótmæltu vegagerð í Gálgahrauni
fór fram í gær, mánudag. Tugir
manns voru upphaflega hand-
teknir við friðsamleg mótmæli í
hrauninu og færðir í einangrun, en
einungis hluti hópsins var ákærð-
ur, tveir karlar og sjö konur, fyrir
brot gegn 19. grein lögreglulaga.
Í greinargerð sem lögð var
fram við fyrirtöku í Hæstarétti
Reykjaness var þess krafist að mál-
inu yrði vísað frá og Karl Ingi Vil-
bergsson, saksóknari, yrði látinn
víkja sökum vanhæfis. Gerð er
krafa um að hann verði hins vegar
kallaður fyrir sem vitni vegna að-
komu sinnar að málinu. Karl Ingi
mótmælti kröfunni.
Flytja inn fé Fyrirtækið tengt samheitalyfjafyrirtækinu Alvogen fór í skuldabréfaútboð nú í
febrúar til að flytja 200 milljónir til landsins. Róbert Wessmann er stjórnarformaður Alvogen.
Thomas og
Boris flýja
Ísland
Gáfust upp í baráttu við kerfið
Boris McDohl frá Króatíu og
Thomas Markus Dyck frá Þýska-
landi giftu sig á Íslandi fyrir þrem-
ur árum. Þeim líkaði svo vel við
land og þjóð að þeir ákváðu að
setjast að hér á landi á síðasta
ári. „Okkur langaði að setjast hér
að meðal annars vegna þess hve
réttindi samkynhneigðra eru hátt
skrifuð hér á landi,“ segir Boris í
samtali við DV.
Vistin hefur hins vegar reynst
þeim erfiðari en þeir bjuggust við
og nú sjá þeir sér ekki annað fært
en að yfirgefa landið. Thomas kom
hingað á undan Boris og settist að
á Akranesi þar sem hann fékk fljót-
lega vinnu. Hann er með dróma-
sýki og hafði fengið þau skilaboð
að hann gæti nálgast lyfin sín hér
á landi enda með þýska sjúkra-
tryggingu. Eftir þref við Trygginga-
stofnun í að verða ár hefur hann
gefist upp.
„Við komum alls staðar að lok-
uðum dyrum,“ sagði Boris sem
hitti blaðamann á mánudag á
meðan Thomas lá veikur heima:
„Hann sefur meira og minna allan
daginn.“ Sagði hann að þeir hefðu
fengið afar misvísandi skilaboð
um það hvernig þeir ættu að bera
sig að til þess að eiga kost á því
að nálgast lyfin, en Thomas hef-
ur hingað til þurft að ferðast til
Þýskalands til þess að fá lyfja-
skammtana sína. „Fyrst sögðu þeir
að þeir þyrftu frumrit pappíranna
en þegar þeir voru komnir báðu
þeir um þýðingu og þegar hún var
komin báðu þeir um bréf frá lækni
og þannig koll af kolli.“
Boris kom til landsins í nóvem-
ber og fékk vinnu hjá sama vinnu-
veitanda og Thomas. Ekki bætti úr
skák þegar þeir fengu laun sín ekki
útborguð. Hvorki gekk né rak í að
innheimta launin. „Við enduðum
á því að pakka saman og flytja til
Reykjavíkur.“ Þeir eiga nú flug til
Bretlands á miðvikudag og ætla að
setjast að þar um sinn. „Við viljum
endilega búa á Íslandi en við get-
um það engan veginn með þessu
áframhaldi,“ segir Boris sem tekur
fram að þó vinir þeirra hafi ver-
ið hjálplegir virðist sem íslenskar
stofnanir hafi snúist gegn þeim.