Dagblaðið Vísir - DV - 25.02.2014, Blaðsíða 13

Vikublað 25.–27. febrúar 2014 Fréttir 13
Máluðu sig út í horn
Það sem stjórnin lofaði
en hefur ekki gert
n Þjóðaratkvæðagreiðsla um framhald aðildarviðræðna
Báðir stjórnarflokkarnir ályktuðu um að ekki yrði haldið lengra í að­
ildarviðræðum við Evrópusambandið án þjóðaratkvæðagreiðslu um
málið. Formenn beggja stjórnarflokkanna gengu svo lengra og sögðu
kjósendum að það yrði kosið. Sjálfstæðisflokkurinn kynnti kosningar á
fyrri hluta kjörtímabilsins.
n Hundraða milljarða afskriftir til heimilanna
Framsóknarflokkurinn lofaði stórfelldum skuldaniðurfell­
ingum til einstaklinga. Ríkisstjórnin setti á fót nefnd sem
vann tillögur um hvernig það væri hægt. Niðurstöðurnar
voru niðurfellingar upp á 80 milljarða og möguleika
á að nýta séreignalífeyrissparnað til að greiða inn á
húsnæðis lán. Margfalt hærri upphæðir höfðu verið
nefndar fyrir kosningar, á bilinu 240–300 milljarða, og
kostnaðurinn átti að enda á slitastjórnum en ekki ríkinu.
n Afnám gjaldeyrishafta Sjálfstæðisflokkurinn lagði
gríðarlega áherslu á afnám gjaldeyrishafta í kosningabaráttu sinni.
Tíu mánuðum frá kosningum liggur ekkert fyrir um hvernig eða
hvenær afnema eigi höftin. „Landsfundur telur að Sjálfstæðis­
flokknum beri skylda til þess að setja afnám gjaldeyrishafta efst
á forgangslista komist hann í ríkisstjórn,“ sagði flokkurinn fyrir
kosningar.
n Afnám verðtryggingarinnar Sigmundur Davíð sagði skýrt
að ríkisstjórn hans myndi leysa þjóðina undan verðtryggingu.
Stillti hann kostum kjósenda meðal annars upp þannig að annars
vegar yrði Framsóknarstjórn eða verðtryggingarstjórn. Nefnd
sem hann skipaði um afnám verðtryggingar skilaði nýverið til­
lögum sínum sem fólu ekki í sér afnám. Þess í stað á að takmarka
lánsmöguleika verðtryggðra lána og um leið torvelda ungu fólki og
tekjulágum aðgengi að lánsfjármagni til íbúðarkaupa.
n Atvinnulífið snýst gegn Sjálfstæðisflokknum n Þjóðin klofin vegna Evrópusambandsins
Hvað hefur stjórnin gert?
Það sem þeir lofuðu og lofuðu ekki
S
tjórnarflokkarnir lofuðu mörgu í kosninga­
baráttunni og ýmislegt birtist svo í stjórnar­
sáttmálanum. Stærst er líklega loforðið um
skuldaniðurfellingar til heimilanna og afnám
verðtryggingarinnar. Frá því að stjórnin tók við hefur
hins vegar lítið þokast í mörgum af þessum málum.
Enn hefur þingið ekki fengið til meðferðar skuldaúr­
ræði stjórnarinnar en starfshópur stjórnvalda kom
með tillögur um hvernig væri hægt að framkvæma
þær. Þá er ekki fyrirséð hvenær eða hvernig stjórnin
ætlar að endurskoða verðtrygginguna en starfshóp­
ur stjórnarinnar hefur lagt til að ýmis lánaform verði
bönnuð en ekki verðtryggingin.
Það sem stjórnin hefur
gert en enginn bað um
n Breytingar á lögum um
Seðlabanka Íslands Hvorugur
flokkanna talaði um að breytinga
væri þörf á lögum um seðlabank­
ann í aðdraganda kosninganna.
Þegar síðustu breytingar voru
gerðar studdu framsóknarmenn
þær en sjálfstæðismenn ekki. Nú
hefur verið tilkynnt að til standi að
breyta lögunum en Már Guðmundsson
seðlabankastjóri fékk ekki sjálfkrafa endur­
ráðningu í síðustu viku.
n Breyttar kröfur um framfærslulán
hjá LÍN Menntamálaráðherra gerði sparnaðar­
kröfu á Lánasjóð íslenskra námsmanna í haust
sem hafði þær afleiðingar að ný stjórn
sjóðsins ákvað að herða talsvert á kröfum
um framfærslulán frá sjóðnum. Stúd­
entaráð Háskóla Íslands fór með málið
fyrir dómstóla og sigraði þar sjóðinn og
íslenska ríkið.
n Slit á aðildarviðræðum við
Evrópusambandið
Ekki er útlit fyrir annað en að stjórnar­
meirihlutinn slíti viðræðum við Evrópu­
sambandið í samræmi við þingsálykt­
unartillögu sem liggur fyrir þinginu.
Formenn beggja flokka lofuðu
kjósendum í aðdraganda síðustu þing­
kosninga því að þeir fengju að kjósa um
hvort viðræðum yrði fram haldið.
„Lýðræðislegt að kjósa um það“
Davíð Guðjónsson og Máni Svansson
DG: „Þeir voru búnir að lofa því að við
fengjum að kjósa um samninginn og fá að
sjá samninginn. Það er fáránlegt að þeir ætli
svo bara að draga samninginn til baka þvert
á það sem Sigmundur Davíð og ábyggilega
Bjarni Ben voru búnir að segja. En ekki bara
út af því, heldur finnst mér þetta bara vera
glæpamenn. Þeir taka okkar auðlindir og
nýta fyrir sig sjálfa og sína eigin hagsmuni.“
MS: „Þetta er alvara. Ástandið er mjög alvarlegt. Það þýðir ekkert hókus­pókus trikk
eitthvað, það á bara að ýta þessum samningi út af borðinu og svo er engin önnur leið boðin.
Þessi ríkisstjórn á bara að segja af sér ef hún býður ekki upp á neinar aðrar leiðir en að fara í
eitthvert haftasamfélag. Ég held að yngri kynslóðin vilji ekki búa í svona samfélagi og mikil
hætta á að við missum hana úr landi. Það er hagsmunamál að sjá hvað felst í samningnum
og svo er það lýðræðislegt að kjósa um það.“
Logið trekk í trekk
Gunnar Roach
„Ég er að mótmæla því að það sé logið að okkur trekk
í trekk, og ég er að mótmæla af því að ríkisstjórnin
hefur engin úrræði í efnahags­ og peningamálum og
ætlar sér að slíta því eina úrræði sem er.“
„Það er búið að lofa þessu“
Björgvin Gunnarsson og Svetlana Malyutina
BG: „Kornið sem er
búið að fylla mælinn
núna er þetta ESB­
dæmi. Það er búið
að lofa þessu, að
það eigi að kjósa um
áframhaldið og svo er
það bara svikið. Svo er
bara talað um að þetta
hafi verið óheppileg
orð. Fólk ætlar bara
að komast upp með
það. Vigdís Palin ætlar
að komast upp með
að segja að það sé
hungursneyð í Evrópu
og Malta sé ekki sjálfstætt, strax er teygjanlegt hugtak. Þau halda að þau geti ausið
drullu ofan í almúgann endalaust. En það er bara komið nóg. Þetta er bara byrjunin.“
SM: „Þau ofmeta mjög mikið getu þjóðarinnar til að fyrirgefa og gleyma. Maður bara
skammast sín þegar þetta fólk situr og svarar fyrir þjóðina á alþjóðavettvangi.“
BG: „Á fyrstu vikunum þá afnema þeir veiðigjaldið. Maður getur ekki orða bundist. Ég
er bara farinn að halda að útlendingar séu bestir til að stjórna okkur, Þjóðverjar eða
eitthvað, því við erum of heimsk til að gera það sjálf.“
lokið. Á meðan barst ómurinn af
mótmælunum inn í þingsalinn.
Fara gegn meirihlutanum
Skoðanakannanir benda til að
meirihluti þjóðarinnar vilji klára
aðildarviðræður við Evrópusam­
bandið og fá þannig að sjá mögu­
legan samning. Stjórnarmeirihlut­
inn hefur að mestu skautað fram hjá
þessari staðreynd og reynt frekar að
beina sjónum að niðurstöðum skoð­
anakannana um stuðning við inn­
göngu í sambandið en í þeim kemur
fram að þjóðin vilji ekki ganga í sam­
bandið í dag. Samtök atvinnulífsins
framkvæmdu einnig könnun með­
al aðildarfyrirtækja sinna á afstöðu
þeirra til aðildarviðræðnanna. Skýr
meirihluti, eða tæp 56 prósent, sögð­
ust andvíg afturköllun umsóknar um
aðild. 38 prósent þeirra aðildarfyrir­
tækja sem svöruðu könnuninni vilja
slíta aðildarviðræðum.
Enginn ályktaði um slit
Málið var mikið til umræðu í að­
draganda kosninganna en Fram­
sóknarmenn hafa lengi verið yfir­
lýstir andstæðingar viðræðnanna. Á
flokksþingi sínu í febrúar síðastliðn­
um, þar sem stefnan fyrir kosningarn­
ar í apríl var mótuð, var ályktað um
að halda viðræðunum ekki áfram
nema að undangenginni þjóðarat­
kvæðagreiðslu. Það var hins vegar
ekki ályktað um að slíta viðræðunum
og gaf Sigmundur Davíð það til kynna
í kosningabaráttunni að þjóðarat­
kvæðagreiðslan ætti að fara fram.
Sjálfstæðismenn tókust á um
málið á landsfundi sínum í febrúar
en niðurstaðan var sú að ályktað var
um að ekki ætti að halda viðræð­
um áfram nema að undangenginni
þjóðaratkvæðagreiðslu. Í kynningar­
efni og samantektum á ályktunum
landsfundarins kom svo fram að
þjóðaratkvæðagreiðslan ætti að fara
fram á fyrri hluta kjörtímabilsins.
Það loforð hefur nú verið fjarlægt af
vef flokksins. n
Stór hópur Um það bil 3.500 manns
mættu á Austurvöll til að mótmæla
fyrirhugaðri ákvörðun stjórnvalda
um að kalla aftur aðildarumsókn að
Evrópusambandinu. MyND SiGtRyGGuR ARi