Dagblaðið Vísir - DV - 25.02.2014, Blaðsíða 28

Vikublað 25.–27. febrúar 201428 Lífsstíll
Egg Ef þú vilt
eitthvað heitt og
gott í magann en
samt halda þig
við holla fæðu þá
eru egg málið daginn
eftir mikla drykkju, hvort
sem þau eru hrærð, spæld eða soðin.
Egg eru auðmeltanleg og fara vel í
maga, en þau eru afar próteinrík og holl.
Til að útbúa almennilegan þynnkumat
getur verið gott að steikja grænmeti á
borð við lauk, kartöflur og papriku og
hafa með eggjunum. Eins er sniðugt að
bera þau fram með salati.
Kókosvatn Margir nota
kókosvatn við þynnku enda bætir það
upp fyrir vökvatap og er auk þess ríkt af
kalíni. Kókosvatn er líka bragðgott og
því góður kostur fyrir þá sem eiga erfitt
með að drekka vatn þegar þynnkan
bankar upp á.
Ávaxta-
safi Glas af
ávaxtasafa er góð
byrjun á þynnku-
degi. Ávextir innihalda
frúktósa sem gefa líkamanum orku auk
þess að vera ríkir af vítamínum og því
tilvalinn hluti af þynnkumáltíð hvers
manns.
Bananar Bananar eru góðir
við þynnku og sérstaklega ef þú hefur
kastað upp því þeir fara vel í maga. Þeir
eru næringarríkir, mettandi og auk þess
ríkir af kalíni sem lætur þér líða betur á
stuttum tíma.
Grænt te
Grænt te er með því
hollara sem þú getur
innbyrt. Það er fullt
af andoxunarefnum
og hjálpar auk þess
við að vernda lifrina
gegn áfengi. Ef þú finnur fyrir ógleði má
til dæmis setja rósmarín eða lofnarblóm
(e. lavender) út í teið, en það hefur
róandi áhrif á magann.
Endurlífgandi
þynnkumatur
Flesta langar í fátt annað en
óhollustu daginn eftir mikla
drykkju. Þegar þynnkan bankar
upp á er því ekki óalgengt að píts-
ur, hamborgarar og franskar verði
fyrir valinu en fyrir þá sem kjósa
þynnkumat í hollara lagi er þó
ýmislegt í boði.
B
andaríska leikkonan Jessica
Biel tilkynnti á dögunum að
hún ætli að opna bakarí fyr-
ir börn.
„Það verður staður þar sem A-
lista fólki mun finnast þægilegt að
koma með börnin sín til að borða og
taka þátt í eldamennsku,“ sagði Biel
um bakaríið í viðtali á dögunum.
Hún hefur undanfarið ár verið dug-
leg að prófa sig áfram í eldhúsinu
og finna uppskriftir fyrir hið vænt-
anlega bakarí. Biel hefur svo skrifað
um ævintýri sín í eldhúsinu á Twitt-
er-síðu sína og birt myndir af ár-
angrinum. Auk þess hefur hún verið
iðin við að birta myndir af því góð-
gæti sem verður á boðstólum í bak-
aríinu sem mun heita Au Fudge og
verður í Santa Monica í Kaliforníu.
Bakaríið er nú í undirbúningi og
enn sem komið er á eftir að innrétta
húsnæðið og útvega tilskilin leyfi
fyrir starfseminni.
Biel verður þó ekki ein í verk-
efninu því stílistinn hennar, Estee
Stanley, mun reka með henni bak-
aríið. Hún sagði frá hugmynd sinni
um Au Fudge í fyrrasumar er hún
var í viðtali hjá spjallþáttakónginum
Jay Leno. Þá sagðist hún hafa mik-
inn áhuga á að opna sitt eigið bak-
arí, þrátt fyrir að vera ekki sérlega
góður bakari enn. n
Jessica Biel opnar bakarí
Prófar sig áfram í eldhúsinu
Góðgæti Biel er iðin við að birta myndir af góðgæti sem hún bakar.
Ekki góður bakari Biel hefur verið að
prófa sig áfram í eldhúsinu undanfarið ár.
„Þetta er ekkert
munkafæði“
n Gaf út bók um 30 daga hreint fæði n Matarplan, æfingakerfi og uppskriftir
Þ
ú ert ekkert að einbeita þér
að neinu dufti eða töflum
og hvorki að vigta ofan í þig
matinn né telja kaloríur,“ seg-
ir Davíð Kristinsson, einka-,
næringar- og lífsstílsþjálfari. Davíð er
höfundur bókarinnar 30 dagar - leið
til betri lífsstíls, þar sem hann gefur
upp mismunandi matarplön, upp-
skriftir og æfingakerfi fyrir fólk sem
vill öðlast betri lífsstíl.
Einfaldar og hollar uppskriftir
„Bókin er dálítið eins og einkaþjálf-
ari í einni bók. Þú ert með 90 daga
matseðil af hreinu fæði, 150 upp-
skriftir og fimm mánaða æfinga-
kerfi. Svo er einnig umfjöllun um
svefn, streitu, æfingar og annað lífs-
stílstengt þannig að bókin ætti að
geta verið gott start fyrir suma og gott
framhald fyrir aðra líka,“ segir Davíð,
spurður um efni bókarinnar. Í henni
er lögð áhersla á að borða hollan og
góðan mat.
„Hreint og óunnið fæði er fæði
sem ekki er búið að eiga við og er eins
nálægt náttúrunni og hægt er. Allar
uppskriftirnar í bókinni eru eldaðar
frá grunni en eru einfaldar. Það eru
fá hráefni í hverri uppskrift og megn-
ið af því er eitthvað sem flestir eiga í
skápunum hjá sér.“
Ólíkir matseðlar í boði
„Þetta er það sem mínir viðskipta-
vinir hafa verið að biðja um síðustu
ár. Fólk vill fá hugmyndir að mat og
fleiri uppskriftir sem henta þeim og
eru einfaldar,“ segir Davíð.
„Það eru þrír mismunandi
matseðlar í bókinni sem eru á mis-
jöfnu erfiðleikastigi. Það er þrjátíu
daga hreint fæði sem margir fara í,
en ef það er of erfitt fyrir fólk þá get-
ur það farið í framhaldsmatseðilinn
þar sem það byrjar með allt inni og
vinnur sig svo aftur á bak. Svo er fitu-
brennslumatseðill, en hann er erf-
iðari að því leyti að hann inniheldur
minna af rótargrænmeti og ávöxtum.“
Þrjú æfingakerfi
„Það eru þrjár tegundir af æfinga-
kerfum í bókinni og það er allt kennt
í stigum. Það er grunnæfingakerfi,
fitubrennslukerfi og styrktarkerfi,“
segir Davíð, spurður út í æfingakerf-
ið sem gefið er í bókinni.
„Þó að ég segi að þetta sé fimm
mánaða prógramm þá gæti það samt
alveg verið átta mánaða því fólk get-
ur vel verið í sex vikur í hverju kerfi. Í
bókinni eru myndir af öllum æfing-
um ásamt skýringum og svo erum
við núna að vinna í því að taka upp
myndbönd af flestum æfingunum
sem verður deilt frítt á Facebook-
síðunni okkar, 30 dagar.“
Breytti um mataræði
En hvað kom til að Davíð ákvað að
skrifa bók?
„Ég byrjaði árið 2003 því þá
rakst ég svolítið á vegg sjálfur. Þá
var ég orðinn yfir hundrað kíló en
náði ekki að létta mig. Ég fór svo
út og tók kúrs í Bandaríkjunum og
kom heim með skottið á milli lapp-
anna. Þá hafði ég verið greindur
með bæði mjólkur- og glútenóþol
og í kjölfarið tók ég sykur út úr fæð-
unni hjá mér. Allt í einu hrundi ég
niður í þyngd, en var samt að halda
vöðvamassa og að styrkjast. Þetta
var eitthvað sem ég var búinn að
reyna í langan tíma, frá því að ég var
í fitness og borðaði öll þessi fæðu-
bótarefni sem margir fitnesskepp-
endur gera í dag, en það tókst með
því að fara úr mjög einhæfu og mik-
ið unnu fæði yfir í það að borða
hreint og fjölbreytt fæði.“
Davíð hefur starfað sem einka-
þjálfari í 15 ár og horft upp á marga
viðskiptavini prófa slíkt fæði með
góðum árangri.
„Þú ert ekkert að einbeita þér að
neinu dufti eða töflum og hvorki
að vigta ofan í þig matinn né telja
kaloríur, heldur er þetta bara hreint
og náttúrulegt fæði. Þú getur samt
alveg leyft þér ýmislegt, þetta er
ekkert munkafæði.“ n
Lamb á teini með
rauðlauk, tómöt-
um og gúrkusalati
Uppskrift fyrir 1–2
Innihald:
n 250 gr lamba-prime, ribeye eða fille
n sjávarsalt og pipar eftir smekk
n 1–2 rauðir laukar
n 40 gr spínat eða kálblanda (má
sleppa)
n 6–8 kirsuberjatómatar
n ½ gúrka
n 2 msk. ólífuolía
Aðferð:
Skerið kjötið í bita og kryddið þá. Skerið
laukinn í báta og raðið þeim ásamt
kjötbitum og tómötum á spjót sem legið
hefur nokkrar mínútur í vatni. Skerið
gúrkuna í ræmur eða bita. Bætið ólífuolíu
og sjávarsalti út á eftir smekk og grillið.
Hörn Heiðarsdóttir
horn@dv.is
Davíð Kristinsson
Davíð náði góðum
árangri með því að
fara úr einhæfu og
unnu fæði yfir í hreint
og fjölbreytt fæði.
MynD Auðunn níElsson
„Þetta er það sem mínir
viðskiptavinir hafa
verið að biðja um síðustu ár