Dagblaðið Vísir - DV - 02.05.2014, Blaðsíða 14

Helgarblað 2.–5. maí 201414 Fréttir
Dekkverk WWW.DEKKVERK.IS578 7474
OPIÐ ALLA DAGA frá 10–19 // ÓDýr ný Dekk // LYnGáS 20, GArÐABÆ
„Ég lofa að gera
þetta aldrei aftur“
J
ónína Benediktsdóttir var
með í veiðiferð Einars Sigmars
Ólafssonar við Þingvallavatn
um miðjan aprílmánuð. Einar
hefur verið kærður fyrir að hafa
þá veitt án leyfis sem og hafa drepið
urriða úr vatninu. „Ég borgaði veiði-
leyfið með honum Einari og var í
rauninni sú eina af þessum þrem-
ur sem veiddi eitthvað. Ég er mikil
aflakló. Ég harma þetta, ég hafði ekki
grænan grun. Ég veiddi þarna í góðri
trú. Ég lofa að gera þetta aldrei aft-
ur. Ég hef veitt í þjóðgörðum víða um
heim,“ segir Jónína í samtali við DV.
Jónína verður mögulega kærð
„Ég elska að veiða, ég er mikil veiði-
kona. Ég er alin upp á Húsavík þar
sem mér var kennt að maður skyldi
borða fiskinn sem við veiddum. Ég
lifi enn í þeirri trú að þegar við veið-
um eitthvað, eigum við að veiða okk-
ur til matar. Að veiða fallegan urriða á
fallegu vatni og grilla hann að kvöldi,
það eru varla til betri lífsgæði. Ég þori
ekki að borða þennan fisk, hann er
bara í frystinum,“ segir Jónína. Ólaf-
ur Örn Haraldsson þjóðgarðsvörð-
ur segir í samtali við DV að einungis
Einar Sigmar hafi verið kærður. Lög-
reglan á Selfossi rannsakar nú mál-
ið og er ekki útilokað að Jónína verði
kærð, líkt og Einar Sigmar.
Barst fjöldi ábendinga
Ólafur Örn segir nokkuð skýrt að
Einar Sigmar hafi brotið reglur með
veiðum sínum á Þingvallavatni. „Í
fyrsta lagi er veiðimaðurinn þarna
löngu fyrir veiðitíma. Í öðru lagi er
veitt á bát og sennilega lagt á bát út
frá landi þjóðgarðsins. Það er notað-
ur spúnn sem er ekki það veiðarfæri
sem er núna heimilt. Þannig að það
er ekki rétt að veiðimaðurinn hafi
verið þarna með tilskilin leyfi. Þetta
eru grundvallaratriði í málinu. Þess
vegna er hann kærður,“ segir hann.
Þjóðgarðsvörður segir að þessi at-
riði hafi verið gaumgæfilega skoðuð
áður en Einar Sigmar var kærður.
Hann segir að upphaf málsins hafi
verið að honum hafi borist fjöldi
ábendinga um þarna væri maður
að veiða með ólögmætum aðferð-
um. Að hans sögn gætir töluverðr-
ar reiði meðal veiðimanna vegna
veiða Einars. Ekki náðist í Einar við
vinnslu fréttar.
Enginn almenningur í
Þingvallavatni
Einar sagði í viðtali við Fréttablaðið
að þjóðgarður gæti einungis sett
reglur fyrir sitt land en ekki það sem
væri hundrað og tíu metra frá landi.
„Utan við það er almenningur sem
allir, sem hafa á annað borð leyfi til
veiða í vatninu, mega óskilyrt veiða
í,“ sagði hann. Þetta segir Ólafur
Örn vera alrangt. „Það er enginn al-
menningur í Þingvallavatni. Vatnið
er mjög sérstakt að því leyti að all-
ar jarðir ná út í miðpunkt vatnsins.
Það er að segja að eignarlönd eru út
í mitt vatn og svo á hver sinn geira,“
segir hann.
„Ég vissi ekkert af þessum
lögum“
Einar sagði í viðtali við Fréttablaðið
að hann hafi haft veiðileyfi frá
ábúanda á Kárastöðum. „Staðreynd-
ir málsins eru þær að Kárastaðir eru
innan þjóðgarðsins og í samning-
um um Kárastaðajörðina og ábú-
endur þar þá er það alveg skýrt að
Kárastaðir og ábúendur þar verða
að fara eftir þeim reglum og lög-
um sem þjóðgarðurinn á Þingvöll-
um og Þingvallanefnd setur,“ seg-
ir Ólafur Örn. Hann segir það skýrt
að ábúendum sé ekki heimilt að
selja veiðileyfi með öðrum aðferð-
um eða á öðrum tíma en þjóðgarð-
ur hefur ákveðið. Þóra Einarsdóttir,
staðarhaldari á Kárastöðum, segir
í samtali við DV ekki hafa haft hug-
mynd um að hún mætti ekki selja
veiðileyfi. „Ég vissi ekkert af þessum
lögum þjóðgarðsins fyrr en rétt fyr-
ir helgi. Það var ekkert talað við mig
um eitt né neitt, eins og mér kæmi
þetta ekkert við. Ég seldi veiðileyfið
eins og venja er og hefur alltaf ver-
ið. Ég hef gert það í fjörutíu, þrjátíu
ár og svo allt í einu setur þjóðgarður
einhverjar reglur sem mér eru ekki
kynntar. Ég gerði þetta í góðri trú,“
segir Þóra.
Ólafur Örn bendir á að Þing-
vallanefnd og þjóðgarður þurfi ekki
að tilkynna staðarhöldurum um
lög og reglur. „Það þarf ekki að láta
vita, hún er með samning um ábúð
á Kárastaðalandinu. Í samningnum
segir skýrt og greinilega frá því að
ábúandinn þar eigi að fara að lög-
um og reglum sem Þingvallanefnd
og þjóðgarður setur. Auðvitað verður
fólk að vita slíkt ef það er að nýta jörð
sína. Hún veit þetta núna en vissi
það sennilega ekki áður,“ segir hann.
Undrast á „fárinu“
Í aðsendri grein sem birtist í Frétta-
blaðinu fyrsta maí undrast Einar
á „fárinu“ vegna veiða hans. Telur
hann að „Þingvallanefnd ásælist
veiðirétt ábúenda á Kárastöðum.“
Telur Einar að verði hann dæmd-
ur sekur sé það merki um að Þing-
vallanefnd telji veiðileyfasölu Kára-
staða markleysu. Minnist hann
þó hvergi á hvort hann hafi veitt á
bát eða notað spún, sem bæði er
óheimilt. „Gætum okkar vel á því
að leggjast ekki á sveif með frið-
unarsinnum sem sýna af sér til-
burði offara,“ skrifar Einar í grein
sinni. n
n Veiðifélagi Jónínu Benediktsdóttur kærður fyrir veiði án leyfis
Hjálmar Friðriksson
hjalmar@dv.is
Örlagarík veiðiferð Hér má sjá
mynd sem Jónína Ben deildi á Face-
book. Á myndinni má sjá urriðana sem
veiddir voru í Þingvallavatni. Einar
hefur verið kærður fyrir veiðina.
„Ég vissi
ekkert af
þessum lögum
Fjölgun á
leigumarkaði
Heimilum í leiguhúsnæði á al-
mennum markaði hefur fjölgað
umtalsvert síðan 2007. Það ár
voru 15,4 prósent heimila í leigu-
húsnæði á almennum markaði en
24,9 prósent árið 2013. Þetta kem-
ur fram í tölum sem Hagstofa Ís-
lands birti á mánudag.
Árið 2007 var hlutfall heimila í
leiguhúsnæði á almennum mark-
aði svipað og hlutfall heimila í
leiguhúsnæði í gegnum hvers kyns
búsetuúrræði á borð við félags-
legar leiguíbúðir sveitarfélaga og
námsmannahúsnæði, eða 7,6 pró-
sent samanborið við 7,8 prósent.
Fjölgunin var hins vegar meiri í
fyrrnefnda hópnum og árið 2013
voru 14,2 prósent heimila í leigu-
húsnæði á almennum markaði en
10,7 prósent í búsetuúrræði.
Leigjendum á almennum
markaði hefur ekki aðeins fjölgað,
heldur hefur samsetning hópsins
breyst, bæði hvað varðar aldur,
heimilisgerðir og tekjur. Eftir 2007
jókst hlutfall fólks á aldrinum 25–
34 ára á almennum leigumarkaði
hraðar en í eldri aldurshópum,
úr 8,6 prósentum í 23,7 prósent.
Á sama tíma hækkaði hlutfall
leigjenda á almennum markaði
í lægsta tekjubilinu hraðar en á
hærri tekjubilum, úr 9,5 prósent-
um í 28,9 prósent. Þá hækkaði
hlutfallið á meðal heimila ein-
hleypra með eitt eða fleiri börn úr
9,7 prósentum í 27,7 prósent, sem
er meiri aukning en mælist fyrir
aðrar heimilisgerðir.
Einstæðir og
illa staddir
Einstæðir foreldrar eru líklegastir
til að lenda fyrir neðan lágtekju-
mörk samkvæmt tölum sem Hag-
stofa Íslands birti í vikunni. Rúm-
lega 27 prósent einstæðra foreldra
eru fyrir neðan lágtekjumörk.
Árið 2013 var hlutfall Ís-
lendinga sem mældust fyrir neð-
an þessi mörk 9,3 prósent, en
mörkin eru skilgreind sem 60
prósent af miðgildi ráðstöfunar-
tekna heimila. Karlar sem búa
einir voru líklegri en konur sem
búa einar til að lenda fyrir neðan
lágtekjumörk. Rúm 23 prósent
einstæðra karla voru fyrir neðan
mörkin á móti 9 prósentum ein-
stæðra kvenna. Þá voru leigjend-
ur mun líklegri en húseigendur
til að lenda fyrir neðan lágtekju-
mörk.
Í tölum Hagstofunnar er tekju-
dreifing á Íslandi einnig skoðuð.
Frá árinu 2011 hefur hún lítið
breyst; tekjuhæsti fimmtungur-
inn hafði 3,3 sinnum hærri tekjur
en sá tekjulægsti. Þessi munur var
mestur árið 2009 þegar tekjuhæsti
hópurinn var með 4,2 sinnum
hærri tekjur en sá tekjulægsti.
Dreift á Facebook Einar setti þessa mynd á Facebook-síðu sína þann 13. apríl
síðastliðinn. Var myndinni dreift meðal veiðimanna sem komu henni að lokum til þjóð-
garðsvarðarins á Þingvöllum.