Dagblaðið Vísir - DV - 02.05.2014, Blaðsíða 27

Helgarblað 2.–5. maí 2014 Fréttir Erlent 27
Þ
úsundir ungra kvenna
ferðast á hverju ári til
Hong Kong í Kína, fjár­
málamiðstöðvar þessa
fjölmennasta ríkis heims,
til að vinna sem þernur. Margar
þeirra gera það af illri nauðsyn en
draumar um betra líf og hærri tekj­
ur geta fljótt breyst í martraðir eins
og dæmin hafa sannað. Á undan­
förnum misserum hafa fjölmargar
konur stigið fram og sagt frá grófu
ofbeldi sem þær verða fyrir af hálfu
vinnuveitenda sinna. Breska ríkis­
útvarpið, BBC, fjallaði um málið á
dögunum.
Meirihluti orðið fyrir ofbeldi
Talið er að fjöldi þerna, eða kvenna
sem vinna við heimilishjálp í Hong
Kong, sé rúmlega þrjú hundruð
þúsund. Margar þessara kvenna
koma frá öðrum ríkjum Asíu,
flestar frá Indónesíu og Filippseyj­
um. Í könnun sem gerð var í fyrra
á vegum samtaka um réttindi far­
andverkamanna voru 3.000 þern­
ur spurðar út í hagi sína. Í ljós kom
að 58 prósent höfðu orðið fyrir
andlegu ofbeldi af einhverju tagi af
hálfu vinnuveitenda sinna, 18 pró­
sent fyrir líkamlegu ofbeldi og sex
prósent fyrir kynferðislegu ofbeldi.
Hærri tekjur í Hong Kong
Rohyati er 26 ára kona frá Indó­
nesíu sem fór til Hong Kong til að
vinna sem þerna. Áður hafði hún
um tveggja ára skeið unnið sem
húshjálp í Singapúr. Þegar fað­
ir hennar lést greip Rohyati til
þess ráðs að flytja til Kína til að
sjá sér og börnum sínum þremur
farborða. Hong Kong þykir eftir­
sóknarverður staður enda eru
tekjur þar hærri en gengur og ger­
ist í öðrum ríkjum eða borgum
Asíu. Þá er starfsmönnum tryggð­
ur einn hvíldardagur í viku sem
ekki er í boði annars staðar.
Eftir að hafa unnið í tvær vikur
fyrir vinnuveitanda sinn í Hong
Kong fór að bera á andlegu og
líkam legu ofbeldi. Vinnuveit­
andinn, eldri kona, sló hana með­
al annars í andlit í nokkur skipti og
beitti hana öðru ofbeldi.
„Ég veit ekki hvers vegna
hún gerði þetta. Stundum virtist
henni alls ekki vera sama um vel­
ferð mína; hún spurði hvernig ég
hefði það og hvort ég væri nokkuð
svöng,“ segir Rohyati.
Að lokum fór svo að hún
kærði vinnuveitanda sinn til lög­
reglu í febrúar síðastliðnum
en ástæðan var hræðileg saga
indónesískrar verkakonu, Erwinu
Sulistyaningsih, sem var misnotuð
og pyntuð hrottalega.
Marin og brennd
Saga Erwinu komst í heimsfrétt­
irnar ekki alls fyrir löngu og vöktu
myndir sem birtar voru af henni á
sjúkrabeðinum talsverða athygli.
Hún var blá og marin og á hönd­
um hennar og fótum mátti sjá að
ætandi efnum hafði verið hellt yfir
hana. Fyrrverandi vinnuveitandi
hennar, Law Wan­tung, er nú fyrir
dómi í Hong Kong vegna málsins.
Í kjölfar umfjöllunar um mál þerna
eins og Erwinu og Rohyati virð­
ist sem vitundarvakning hafi átt
sér stað í Hong Kong um að víða
sé pottur brotinn í málefnum er­
lendra verkamanna.
Eins og þrælar
Amnesty International birti
skýrslu um málefni verkamanna
í Hong Kong, sér í lagi frá Indó­
nesíu, á dögunum. Í henni kom
fram að þúsundir indónesískra
kvenna lifðu í raun eins og þrælar.
Yfirvöldum í Indónesíu og í Kína
hefði mistekist að vernda þessar
konur gegn ofbeldi og kúgun.
Hans Ladegaard, prófessor og
sérfræðingur í málefnum inn­
flytjenda, hefur rannsakað þessi
mál undanfarin ár. Hann segir að
víða sé pottur brotinn og ofbeldi
gegn erlendum verkakonum sé
algengt. Konur frá Indónesíu séu
berskjaldaðri en stöllur þeirra frá
Filippseyjum vegna þess að al­
mennt séu þær yngri, minna
menntaðar og lélegri í ensku. Þá
kjósi íbúar frekar að ráða í vinnu
konur frá Indónesíu vegna þess að
þær samþykkja lægri laun og séu
„hlýðnari“. Þetta orðalag, hlýðn­
ari, komi frá ráðningarskrifstofum
sem hljóti að bera sína ábyrgð.
Sagt að vera þolinmóð
Indónesískar þernur eru jafnan
ráðnar til reynslu og fá þær
greitt undir lágmarkstaxta fyrstu
mánuðina, eða þar til þær sanna
sig í starfi. Lágmarkslaun í Hong
Kong eru tæpar 60 þúsund krónur
á mánuði.
Í skýrslu Amnesty eru ráðn­
ingarskrifstofur, bæði í Hong Kong
og Djakarta, gagnrýndar harðlega
fyrir að gera ekki nóg til að tryggja
öryggi skjólstæðinga sinna. Eftir
að bera fór á ofbeldi hjá vinnuveit­
anda Rohyati hafði hún samband
við umboðsskrifstofu sína. „Mér var
sagt að vera þolinmóð, halda áfram
að vinna og bíða í sex mánuði,“ segir
hún. Sem fyrr segir breyttist ekkert
og fór svo að hún kærði vinnuveit­
anda sinn til lögreglu.
Ladegaard segir að fátítt sé að
þernur kæri vinnuveitendur sína.
Ástæðan sé sú að slík mál taki of
langan tíma í kerfinu, tíma sem fá­
tækir farandverkamenn geta illa
eytt í bið. n
Barðar og brenndar
þernur í Hong Kong
n Meirihluti þerna í Hong Kong verður fyrir ofbeldi n Pottur víða brotinn
Einar Þór Sigurðsson
einar@dv.is
Marin og brennd Erwiana
varð fyrir hrottalegu ofbeldi af
hálfu vinnuveitanda síns.
Kærði Rohyati ákvað að kæra vinnuveitanda sinn eftir að hann beitti hana ofbeldi. Því
miður er fátítt að þernur leiti réttar síns.
„Mér var sagt að
vera þolinmóð,
halda áfram að vinna og
bíða í sex mánuði.
Víða pottur brotinn Hans Ladegaard
hefur rannsakað mál erlendra farandverka-
kvenna í Hong Kong. Hann segir að víða sé
pottur brotinn.
Hrint fyrir
járnbrautarlest
Heimilislaus 38 ára karlmaður
í París í Frakklandi hefur verið
handtekinn og ákærður fyrir að
hrinda konu fyrir lest í tilefnis­
lausri árás. Á myndbandsupptök­
um sást hvar konan stóð við tein­
ana og maðurinn nálgaðist hana
hægt og rólega. Þegar lestin kom
aðvífandi hrinti maðurinn henni
fyrirvaralaust í veg fyrir lestina.
Betur fór en á horfðist því kon­
unni tókst með naumindum að
komast af brautarteinunum áður
en lestin kom. Hún slapp með
minniháttar meiðsl. Engin tengsl
eru milli mannsins og konunnar
og því var um tilviljunarkenndan
verknað að ræða.
Atvinnuleysi
aldrei meira
Atvinnuleysi á Ítalíu í mars­
mánuði mældist 12,7 prósent.
Þetta kemur fram í tölum sem
ítalska hagstofan birti á dögun­
um. Í febrúar mældist atvinnu­
leysi 13 prósent. Þetta þýðir að
3,2 milljónir Ítala eru án vinnu.
Atvinnuleysi er mest meðal
ungra Ítala, eða undir 25 ára. Í
mars mældist það 42,7 prósent
sem er með því hæsta sem mælst
hefur. Verkalýðsfélög á Ítalíu til­
einkuðu mörg 1. maí baráttunni
fyrir auknum atvinnutækifærum
fyrir ungt fólk.
Segir Eurovision
„áróður fyrir
samkynhneigð“
Rússneski þingmaðurinn Vitaly
Milonov hefur sent Eurovision­
nefnd Rússlands harðort bréf
þar sem hann hvetur eindregið
til þess að landið taki ekki þátt í
keppninni í ár. Er það helst kepp­
andi Austurríkis, Conchita Wurst,
sem fer fyrir brjóstið á honum.
Kallar hann keppnina ýmist „Só­
dóma­sýningu“ eða „risastóra
gleðigöngu“ í bréfinu sem og á
Twitter. „Það að klæðskipting­
ur og tvíkynjungur sem Conchita
Wurst deili sviði með rússnesk­
um söngvurum er augljóst merki
um áróður fyrir samkynhneigð
og andlega hrörnun,“ skrifar
Milonov í bréfi sínu. Þess má
geta að Milonov var einn flutn­
ingsmanna umdeildra laga sem
banna „áróður fyrir samkyn­
hneigð“ í Rússlandi.