Dagblaðið Vísir - DV - 02.05.2014, Blaðsíða 29
Umræða 29Helgarblað 2.–5. maí 2014
Ég mun sakna hans Litlar fermingarstelpur á túrÓgurlega kerlingarskass
Arnar Björnsson segir fórnarlamb Hjartar Júlíusar góðan strák. – DV Guðrún Bryndís Karlsdóttir frétti að menn hefðu áhyggjur af hroka hennar og viðmóti. – DV
Y
ndislegt vísnakver mitt með
sama nafni og pistill dagsins
er í dag nánast ófáanlegt. En
það var nú ekki þetta sem ég
ætlaði að rita um á þessari stundu.
Það sem ég vil í dag gera, er að ræða
við ykkur um sanngirni og svik.
Þegar gullöndin Ísavía er búin að
verpa mörgum gulleggjum í hreið-
ur þeirra sem fengu þjónustusamn-
inga á silfurfati hér í eina tíð, þá
er ekkert annað en sanngjarnt að
starfsmenn slíks fyrirtækis, þ.e.a.s.
þeir sem vinna verkin, vilji fá hluta
arðsins í sinn gogg. Og svona virkar
sanngirnin, hún setur fram kröfu
um leiðréttingu þegar einn aðili er
frekari en hinir og hún krefst þess
að farið sé að réttlátum leikreglum.
Sá galli er þó á okkar siðprúða sam-
félagi, að alltaf skjóta upp kollinum
steggir sem eru vissir um að þeir eigi
að fá meira brauð en allir hinir fugl-
arnir á tjörninni.
Og hér verð ég að draga upp skýr-
ingarmynd, svo allir geti áttað sig.
Hér var eitt sinn maður í ríkis-
stjórn, framsóknarmaður og hann
heitir Finnur Ingólfsson (eða hét
það allavega síðast er ég vissi).
Finnur þessi var sannfærður um að
hann ætti skilið að leggjast þvers-
um í ríkisjötuna og hirða úr henni
allt sem hann langaði að eignast.
Og fyrir vikið var hann uppnefndur
góði hirðirinn. Hann hirti sem sagt
allt sem hann kom höndum yfir og
núna líður honum ábyggilega alveg
gasalega vel; vitandi það að hann
varð þjóð sinni til skammar allan
þann tíma sem hann þóttist vera
að vinna henni gagn, og vitandi að
sú skömm mun ávallt fylgja hon-
um. Hann er ábyggilega fullkom-
lega áhyggjulaus og sáttur við öll
sín glappaskot.
En kæru vinir, nú er komið að
því: Núna ætlar Finnur Ingólfs-
son að snúa aftur. Já, ég hef það
eftir framsóknarmanni sem er eins
áreiðanlegur og þeir gerast. Þessi
maður segir mér þau tíðindi, að nú
ætli Finnur Ingólfsson að leiða lista
Framsóknarflokksins í Reykjavík í
komandi sveitastjórnarkosningum.
Flokkurinn hefur sem sagt ákveðið
að sýna sitt rétta andlit, koma til
dyranna einsog hann er klæddur
og leggja öll spilin á borðið. Reynd-
ar mun þetta vera fyrst og fremst
gert til að taka athyglina frá öllum
sviknu loforðunum sem flokkurinn
burðaðist með inní síðustu kosn-
ingar – en það er nú ábyggilega
aukaatriði. Það er ekki alveg vitað
hvaða himpigimpi verða með Finni
á listanum, er hermt er að Valgerð-
ur Sverrisdóttir og Vigdís Hauks-
dóttir séu báðar að íhuga að koma
flokki sínum til bjargar. Minn óá-
reiðanlegi heimildarmaður heldur
því allavega fram, að þær hafi ekki
tekið af öll tvímæli. n
Simmi Dabbi, drengurinn,
djúpt í flórinn sokkinn,
núna tekst að tæla Finn
til að jarða flokkinn.
Aldrei kaus ég Framsókn
Kristján Hreinsson
Skáldið
skrifar
Myndin Í vorverkum Mörgum þykir freistandi að spretta aðeins úr spori þegar veðrið skánar og akstursskilyrðin verða ákjósanleg. Þá er gott að halda sér á löglegum hraða.
Mynd SiGtryGGur Ari
Hallalaus fjárlög ekki í boði útgerðarinnar
R
íkisstjórninni hefur orðið
lítið úr verki fyrsta árið.
Þrátt fyrir langar þingmála-
skrár hafa málin látið bíða
eftir sér. Nú þegar líður að
þinglokum er til að mynda komið í
ljós að frumvarp um heildarendur-
skoðun á fiskveiðistjórnunarkerf-
inu mun ekki koma fram. Það kem-
ur nú kannski engum á óvart enda
um flókin mál að ræða og vonandi
mun ríkisstjórnin bera gæfu til þess
að vinna þau mál betur og nýta þá
tímann til að eiga samráð um málið.
Þegar það lá fyrir að þetta stóra
mál kæmi ekki inn í þingið var
hins vegar mælt fyrir frumvarpi um
breytingar á veiðigjöldum. Verði
þetta frumvarp að lögum þýðir það
að tekjur ríkisins dragast saman um
hartnær tvo milljarða á ársgrunni
og kemur sú lækkun til viðbótar við
þá lækkun veiðigjalda sem varð í
sumar en eins og kunnugt er var það
forgangsmál ríkisstjórnarinnar að
lækka veiðigjöld um sex og hálfan
milljarð á ársgrunni strax á sumar-
þingi 2013. Því var andmælt og tug-
þúsundum undirskrifta safnað til að
andmæla þeirri lækkun en ekki var
hlýtt á þær gagnrýnisraddir.
Í framhaldinu fór í gang fjárlaga-
vinna þar sem stór orð voru látin
falla um ýmsar smáupphæðir – mið-
að við þær sem fóru í að lækka veiði-
gjöld – og nánast hvað sem er var
rökstutt með markmiðinu um halla-
laus fjárlög. Þannig mátti hækka
álögur á námsmenn til að ná 180
milljónum í kassann og hækka mátti
komugjöld á heilsugæsluna um 90
milljónir til að ná hallalausum fjár-
lögum. 400 milljónir voru skornar
af þróunaraðstoð við fátækustu ríki
heimsins. Það átti meira að segja
að fara að rukka fólk fyrir að leggj-
ast inn á spítala og ná þannig í nokk-
ur hundruð milljónir til að ná mark-
miðinu um hallalaus fjárlög. En
þegar ákveðið er að lækka álögur á
útgerðina um tvö þúsund milljón-
ir er ekki minnst aukateknu orði á
hallalaus fjárlög.
Þegar ráðherrar ríkisstjórnar-
innar eru spurðir út í tekjuáhrifin
á ríkissjóð yppta menn öxlum og
telja að ekki þurfi að setjast sérstak-
lega yfir þetta, fjárlög ríkisins séu
stór og mikil og þetta hlutfallslega
lítið. Samt er það nú svo að á þrem-
ur árum nemur tekjutap ríkissjóðs
alls vegna lækkunar veiðigjalda 18,8
milljörðum. Krónurnar eru greini-
lega metnar á mismunandi hátt hjá
Jóni og séra Jóni, sársaukamörkin
liggja annars staðar hjá veiku fólki
og stúdentum eða þeim sem reka
útgerðina.
Staða ríkissjóðs er þó ekki aðal-
málið þó að hún sé mikilvæg held-
ur sú grundvallarhugmyndafræði
að þeir sem fá leyfi til að yrkja auð-
lindina sem er sameign okkar allra
greiði sanngjarnt gjald af þeim
hagnaði sem þeir hafa af þeirri
starfsemi; m.ö.o. að þjóðin fái hlut-
deild í þeim arði sem nýting sjáv-
arauðlinda skapar. Allt tal um að
afkoma útgerðarinnar hafi versn-
að svo mjög að það sé rétt að lækka
veiðigjöldin enn meira hefur holan
hljóm í ljósi þess að árið 2012 var
metár í sögu útgerðarinnar, og þó að
afkoman hafi rýrnað síðan þá ligg-
ur eigi að síður fyrir að framlegðin
er enn mikil, talsverður arður hefur
verið greiddur út til útgerðarmanna
og verð í kvótaviðskiptum bendir
til ágætrar afkomu; ekki er heldur
ólíklegt að matvælaverð eigi eftir að
hækka á næstu árum. Grundvallar-
atriðið er eftir sem áður að þeir sem
fá rétt til að nýta auðlindina greiði
fyrir það sanngjarnt gjald.
Því miður hefur það verið for-
gangsmál nýrrar ríkisstjórnar að
lækka gjöld á þessa aðila og svo mik-
ið liggur á að það þarf ekki einu sinni
að setjast yfir heildaráhrifin á ríkis-
sjóð. Þeir eru nefnilega stikkfrí frá
markmiðinu um hallalaus fjárlög. n
Ólafi Ólafssyni var heitt í hamsi eftir tap gegn KR. – Stöð 2 Sport
1 Magnús Scheving og Hrefna Björk nýtt par
Magnús Scheving og Hrefna Björk
Sverrisdóttir eru nýtt par. Magnús skildi
nýlega við eiginkonu sína Ragnheiði
Melsted en þau höfðu verið saman um
árabil. Magnús var í helgarviðtali í DV
í síðasta mánuði og sagðist standa á
krossgötum í lífi sínu. „Það er margt sem
hvílir á mér. Ég er á miklum tímamótum
persónulega. Ég á stórafmæli á árinu
og ég gekk í gegnum áfall í einkalífinu.
Skilnað. Það er mikill söknuður yfir því.
Skilnaður er erfiður og hann er sár og það
er sérstaklega erfitt fyrir börnin. Það vill
auðvitað enginn ganga í gegnum skilnað
en slíkt gerist. En lífið heldur áfram og ég
er staðráðinn í að finna hamingjuna.“
38.550 hafa lesið
2 Eldri hjón stigu í veg fyrir lest Hjónin Earl og Mary Myatt
létust á sunnudag er þau stukku í veg
fyrir lest í Oneida-
sýslu í New York.
Þau höfðu verið gift
í 42 ár en Mary fékk
heilablóðfall í janúar,
sem olli alvarlegum
heilaskaða. Þurfti hún
að vera mánuðum
saman á gjörgæslu
og var enn mjög veik. Fyrir sjálfsvígið hr-
ingdi Earl í son þeirra hjónanna, sagðist
elska hann og baðst afsökunar.
17.873 hafa lesið
3 Nauðgaði barni um brúð- kaupsnótt á meðan eigin-
konan svaf í næsta herbergi
Dómstóll í London hefur dæmt William
Jordan, 59 ára Breta, í átján ára fangelsi
fyrir að nauðga táningsstúlku kvöldið sem
hann gekk í hjónaband.
Eiginkona hans svaf í
næsta herbergi, árið
1973, á meðan Jordan
nauðgaði stúlkunni,
sem var fjórtán ára.
„Brúðkaupsnótt þinni
varðir þú heima hjá
vinum þínum, með eig-
inkonu þinni, sem var sextán ára og langt
gengin með barn ykkar. Um nóttina fórst
þú inn til barnsins, þar sem þú nauðgaðir
henni á ofbeldisfullan hátt,“ sagði dómar-
inn er hann kvað upp dóm sinn.
17.189 hafa lesið
4 „Ég var rekin í dag“ „Þetta er náttúrlega leiðinlegt. En auð-
vitað hefur maður fulla trú á öllum sem
vinna þarna. Það eru allir mjög bjartsýnir
og ég hef fulla trú á
þessu verkefni,“ segir
Unnur Eggertsdótt-
ir, söngkona og
dagskrárgerðarmaður
á sjónvarpsstöð-
inni Bravó. Öllum
starfsmönnum var
sagt upp hjá Konung-
lega kvikmyndafélaginu á miðvikudag,
en það er með sjónvarpsstöðvarnar
Bravó og Miklagarð, sem nýlega hófu
göngu sína, á sínum snærum. „Það er
mjög mikil áhætta, og ég vissi það þegar
fór í þetta verkefni,“ sagði Unnur í sam-
tali við DV.is á miðvikudagskvöld.
12.073 hafa lesið
Mest lesið
á DV.is
Katrín Jakobsdóttir
formaður Vinstri-grænna
Aðsent „… á þremur árum nemur tekjutap
ríkissjóðs alls vegna
lækkunar veiðigjalda
18,8 milljörðum.
5 Öllum sagt upp Öllu starfs-fólki Konunglega kvikmyndafé-
lagsins hefur verið sagt upp störfum.
Konunglega kvikmyndafélagið rekur
fjölmiðlana Bravó og Miklagarð en það
leitar nú að nýju hlutafé til að styrkja
rekstur félagsins.
11.195 hafa lesið