Dagblaðið Vísir - DV - 02.05.2014, Blaðsíða 40

40 Skrýtið Helgarblað 2.–5. maí 2014
Þetta er besti
matur í heimi
n Danski veitingastaðurinn Noma valinn sá besti í heimi n Réttirnir hver öðrum frumlegri
N
oma, veitingastaður í Kaup-
mannahöfn, var á dögunum
útnefndur sá besti í heimi af
Restaurant Magazine. Stað-
urinn hampaði titlinum í
fimmta sinn á sex árum, sem er eftir-
tektarverður árangur. René Redzepi
er yfirkokkurinn á þessum magnaða
veitingastað sem býður upp á afar
frumlega rétti úr norrænu hráefni;
úr sjó og af landi.
Staðurinn varð í öðru sæti í fyrra
eftir að hafa unnið fjögur árin þar á
undan. Óhætt er að segja að staður-
inn, sem státar af tveimur Michelin-
stjörnum, fari óhefðbundnar leið-
ir þegar kemur að mat; bæði hvað
varðar hráefni og framsetningu.
Máltíð á staðnum samanstendur af
um 20 litlum réttum, sem fæstir líta
út eins og „venjulegir“ réttir á öðrum
veitingahúsum. Þessi 20 rétta veisla
kostar um 33 þúsund krónur en með
víni um 54 þúsund krónur.
Jose Moran Moya bloggar um
mat á vefsíðu sinni Spanish Hipster
og sérhæfir sig í fallegum myndum
af réttunum. Hann snæddi á Noma
árið 2012.
Hér gefur að líta fimm forrétti,
fimm aðalrétti og þrjá eftirrétti, af
þessum 20 rétta seðli. n
Baldur Guðmundsson
baldur@dv.is
 Hreindýramosi Fyrsti forrétturinn samanstóð af möltuðu flatbrauði og
eini. Hér gefur að líta hreindýramosa og sveppi.
 Fallegt Á þessum diski eru tveir munnbitar af mat, sem samanstanda af
kartöflum og kjúklingalifur.
 Hænan og eggið
Þetta er einn af aðalréttum staðarins.
Súrsuð og reykt egg undan kornhænu. Eins
og sjá má er framsetningin frumleg.
 Girnilegt
Hér er um að ræða
ferskt salat og reykt
þorskhrogn.
 Óvenjulegur
Þessi óvenjulegi réttur saman­
stendur af einum hvítfiski og
epli, sem búið er að steikja og
vefja um fiskinn.
 Fyrsti aðalrétturinn Þetta lítur
ekki beinlínis út eins og matur. En hér er um að ræða
þyrniplómu og hvít rifsber bragðbætt með furunálum.
 Ostrur Ostrur úr Limafirði voru á matseðlinum. Með þeim var boðið upp á þang, garðaber og súrmjólk. Allt
þetta var borið fram á steinabeði.
 Litadýrð Þessi fallegi réttur samanstendur
af súrsuðu grænmeti, beinmerg, bræddu smjöri og
steinselju. Moya ber að þetta hafi verið besti réttur
kvöldsins.
 Önd Þetta er ansi óvenjuleg samsetning.
Grunnhráefnið er villt önd en með því er boðið upp á
rófur, beyki og malt, auk salatblaða.
 Einfaldleiki
Þessi réttur er einfaldur. Sellerí og truffla.
 Fyrsti
eftirrétturinn
Þessi réttur inniheldur
Gammel Dansk, agúrku,
hvítt súkkulaði og sellerí.
Hann smakkaðist frábær­
lega, að mati bloggarans.
 Gulrætur og sandþyrnir
„Gulrótarfroðan, með dilli og sólþurrkuðum tómötum, var
afar áhugaverð samsetning á eftirrétti,“ skrifaði Moya.
 Fjórir smáir
Að lokum voru á borð bornir
fjórir litlir eftirréttir. Þar á
meðal var karamella og
beinmergur, borið fram í
beini – auðvitað. Sjá vinstra
megin á myndinni.