Dagblaðið Vísir - DV - 02.05.2014, Blaðsíða 24

Helgarblað 2.–5. maí 201424 Fréttir Erlent
Fann týndan son
sinn á Facebook
n Var sendur til Víetnam í stríð n Yfirgaf barnshafandi kærustu sína
J
erry Quinn er kominn á fornar
slóðir og ráfar um götur Ho
Chi Minh-borgar með þrjár
ljósmyndir í buxnavasanum.
Hann var sendur til Víetnam á
sjöunda áratugnum, ásamt tveimur
milljónum bandarískra hermanna,
til þess að styðja við bakið á Suð-
ur-Víetnam gegn Norður-Víetnam.
Í vopnahléi eftir skelfilegan hernað
héldu flestir bandarísku her-
mannanna heim á ný og þeirra á
meðal Jerry. Hann og heimastúlkan
Brandy höfðu þá stungið saman nefj-
um í þónokkurn tíma og bar hún
barn undir belti þegar Jerry yfirgaf
litlu íbúðina sem þau nýlega höfðu
komið sér fyrir í.
Fann til sektarkenndar
Jerry nýtur aðstoðar Hung Phan sem
hefur undanfarna tvo áratugi hjálpað
fjölmörgum bandarískum hermönn-
um að finna uppkomin börn sín.
Talið er að í kringum hundrað þús-
und börn hafi fæðst á stríðsárunum
eftir samband hermanna við heima-
stúlkur. Sumir sem leita barnanna
sinna eru þjakaðir af samviskubiti en
aðrir eru aðeins ólmir í að vita um af-
drif barnsins. Jerry er meðal þeirra
fyrrnefndu.
„Ég geri ráð fyrir að ég sé kominn
hingað vegna sektarkenndar,“ viður-
kennir hann. „Og ekki síst til þess að
gera tilraun til þess að sinna skyldum
mínum sem faðir.“
Jerry seilist í buxnavasann og dreg-
ur upp myndirnar þrjár; ein þeirra
er af gullfallegri Brandy á tvítugs-
aldri, önnur af henni með ungbarn
í fanginu og sú þriðja af stúlkunni
ásamt annarri konu í hvítri kápu.
„Ég man eftir henni!“
„Ég reyndi að halda sambandi við
Brandy,“ útskýrir Jerry. „Ég sendi
henni hundrað Bandaríkjadali á
mánuði í heilt ár. Ég komst aldrei að
því hvort peningarnir skiluðu sér.“
Eftir þriggja daga leit er Jerry
orðinn óþreyjufullur. Hann biður
eiganda veitingastaðar í hverfinu þar
sem þau um bjuggu um hjálp. Þegar
eigandinn skoðar myndirnar kann-
ast hann við konuna í hvítu kápunni.
„Hún býr núna í Ameríku og kemur
reglulega í heimsókn,“ segir hann.
„Dóttir hennar verslaði einmitt við
okkur í gær.“
Jerry biður eigandann umsvifa-
laust um að koma sér í sambandi við
hana sem hann gerir. Þau mæla sér
mót daginn eftir og þegar Jerry sýn-
ir henni myndina af mæðginunum
brosir hún breitt. „Ég man eftir
henni!“ segir konan sigrihrósandi.
Hún var góð vinkona Brandy á þess-
um árum og hjálpaði til með föður-
lausan son hennar.
Jerry vöknar um augun og spyr
konuna hvort hann megi halda um
hendur hennar. „Þessar hendur hafa
haldið á barninu mínu,“ kjökrar Jerry.
„Þetta gæti verið það næsta sem ég
kemst því.“
Féllust tárvotir í faðma
Þegar ljóst er að konan getur ekki
gefið honum frekari upplýsingar
setur hann myndina af Brandy og
syni sínum inn á Facebook og seg-
ist vera að leita að honum. Orðið
berst til Albuquerque í Bandaríkj-
unum þar sem fertugur maður að
nafni Gary Bui kannast við myndina
af móður sinni með hann í kjölt-
unni. Jerry heimsækir manninn – í
von um að týndi sonur sinn sé loks-
ins fundinn.
Jerry situr þungt hugsi í leigu-
bílnum á leið til Garys. Hann veltir
vöngum yfir hvernig móttökur hann
mun fá frá syni sínum. Þegar Jerry
stígur út úr bílnum stendur Gary,
ásamt konu sinni og tveimur son-
um, í anddyrinu. Jerry lítur á Gary
og það er ekki að leiðum að líkjast.
„Ef þú líktist mér meira, þá værir þú
ég!“ hrópar Jerry. Þeir fallast tárvotir
í faðma og vill hvorugur sleppa. Eft-
ir 40 ár hefur föðurlaus maðurinn
loksins eignast föður. n
Ingólfur Sigurðsson
ingolfur@dv.is
Sameinaðir
Jerry Quinn, til
hægri, hittir fer-
tugan son sinn
í fyrsta skipti.
Mynd BBC
Ástfangin í stríði Jerry Quinn ásamt Brandy, barnsmóður sinni. Mynd BBC
„Þessar hendur
hafa haldið á
barninu mínu
ÚTSKRIFTARGJÖFINA FÆRÐU
HJÁ OKKUR
I ÚTSK IFTARGJÖ INA FÆRÐU
HJÁ OKKUR
ÚTSKRIFTARGJÖFINA FÆRÐU
HJÁ OKKUR
Grænfriðungar
handteknir
Hollenska lögreglan handtók
þrjátíu mótmælendur á vegum
Grænfriðunga í Rotterdam á
fimmtudag. Hópurinn reyndi að
koma í veg fyrir að rússneskt olíu-
flutningaskip legðist að bryggju
í borginni. Grænfriðungar héldu
því fram að um borð í skipinu
væri olía úr nýrri borholu sem
tekin var í notkun í Barentshafi,
sem tilheyrir Norður- Íshafinu,
fyrir skemmstu. Borholan sem
um ræðir er í eigu olíurisans
Gazprom. Grænfriðungar hafa
áður látið að sér kveða vegna
olíuvinnslu Rússa á svæðinu, en
í september síðastliðnum voru
30 Grænfriðungar handteknir í
Rússlandi.
Geimrusl
í Amazon
Veiðimaður í Amazon-frumskóg-
inum í Brasilíu fann á dögun-
um brak úr gervihnetti í skógin-
um. Breska ríkisútvarpið, BBC,
segir að staðfest sé að brakið sé
úr gervihnetti sem skotið var á
loft frá Frönsku Gvæjana í júlí í
fyrra, skammt frá landa mærum
Brasilíu. Brakið, sem fannst á
laugardag, er merkt UK Space
Agency and Arianespace og seg-
ir talsmaður fyrirtækisins, Julia
Short, að líklega hafi það lent í
Atlantshafinu en straumurinn
borið það að meginlandinu. Yfir-
völd í Para-héraði, þar sem brak-
ið fannst, hafa farið fram á að
forsvarsmenn fyrirtækisins hirði
brakið.
Eins og sést á meðfylgjandi
mynd er um nokkuð stóran
hlut að ræða, en að sögn þurfti
tíu manns til að draga brakið
á þurrt. „Þetta er mjög stórt, á
stærð við bíl,“ sagði Gilson dos
Santos, íbúi á svæðinu, í samtali
við brasilíska fréttamiðilinn O
Globo. Yfirvöld á svæðinu hafa
hvatt íbúa til að tilkynna strax ef
þeir verða veikir vegna hættu á
geislavirkni. Að sögn sérfræðinga
er þó lítil sem engin hætta á
geislun frá brakinu.