Dagblaðið Vísir - DV - 27.06.2014, Blaðsíða 23

Fréttir Erlent 23
Sjálfvirk þýðingarforrit, eins og í Star Trek
Í vísindaskáldskapnum Star Trek hefur verið kynnt til
sögunnar tæki sem þýðir öll heimsins tungumál jafnóðum.
The Economist greindi frá því í fyrra að þess kunni ekki að
vera langt að bíða að sjálfvirk þýðingarforrit fyrir mælt
mál verði að veruleika. Innan fárra ára kunni það að verða
mögulegt að heimsækja fjarlæg lönd og tala framandi
tungumál eins og innfæddur, með hjálp snjallsímaforrits
eða sérstakra gleraugna þar sem þýddur texti birtist þér
á sama tíma og einhver talar, eins og textuð bíómynd.
William Powell hefur þegar hannað forrit sem þýðir ensku
og spænsku með þessum hætti. Forritið reyndist virka ef
báðir aðilar töluðu hægt og sýndu mikla þolinmæði. Í síð-
asta mánuði kynnti Mircrosoft svo til sögunnar prufuútgáfu
af viðbót við Skype, þar sem þýðing á milli tungumála fer
fram í rauntíma. Textinn á þínu tungumáli birtist þér um leið og sá sem talar annað tungumál mælir. Gera má ráð fyrir frekari framþróun
á þessu sviði, sem öðrum. Ef til vill geta allir jarðarbúar talað saman árið 2050.
Helgarblað 27.–30. júní 2014
Þess vegna verður heimurinn betri 2050
n Heimsbyggðin verður að uppistöðu læs, verulega dregur úr ungbarnadauða og banvænum sjúkdómum n Hægt verður að rækta líffæri og banaslysum í umferðinni fækkar verulega
Flestir jarðarbúar verða læsir
Tæplega fjórðungur jarðarbúa er í dag ólæs (23,6%). Það dregur úr vergri landsfram-
leiðslu (GDP) á heimsvísu um sjö prósent, samkvæmt Copenhagen Consensus Center.
Ólæsi mun verða um 12 prósent árið 2050 GDP 3,8 átta prósent lægri en ella væri. Fáir
mælikvarðar á framfarir eru betri en læsi. Business Insider bendir á að frá árinu 1950
hafi í Kóreu orðið 23-földun á hagvexti, þar sem skólaskylda er tólf ár. Á sama tíma hafi
aðeins orðið þreföldun á hagvexti í Pakistan, þar sem menntunarstig er afar lágt. Einn af
stærstu áhrifaþáttunum í þessu reikningsdæmi sé menntun.
Dregur úr
stríðsátökum
International Studies Quarterly spáir því
í skýrslu að þjóðum sem búi við vopnuð
átök heima fyrir muni fækka um helming
fram til ársins 2050. Horft er til átaka þar
sem ríkisstjórnir lenda í vopnuðum átök-
um við minnihlutahópa eða skipulagðar
andspyrnuhreyfingar. Hlutfall ríkja sem
eiga í slíkum málum var árið 2009 15
prósent en verður 7 prósent árið 2050,
samkvæmt spánni, sem tekur mið af
þáttum eins og menntun, ungbarna-
dauða, fyrri átökum, olíu, trúarhópum og
aldurssamsetningu þjóðanna. Þess má
geta að spáin sem Håvard Hegre, prófess-
or hjá háskólanum í Ósló, ber ábyrgð á,
gerði árið 2009 ráð fyrir að hlutfall ríkja
sem eiga í innbyrðis stríðsátökum yrði 5
prósent. Arabíska vorið hækkaði hlutfall-
ið upp í 7 prósent. Matt Ridley, höfundur
bókarinnar The Rational Optimist: How
Prosperity Evolves, spáir því að hægt en
örugglega muni draga úr stríðum á milli
landa, eftir því sem fram líða stundir.
Hann bendir á að aldrei hafi færri látist í
stríðum en á fyrsta áratug þessarar aldar.
Internetið verður alls staðar
Um 40 prósent jarðarbúa hafa aðgang að internetinu, eins og sakir standa. 78 prósent
notenda er í þróuðum ríkjum en 32 prósent í þróunarlöndum. Stór hluti þeirra 2,85 millj-
arða manna, sem hafa aðgang að internetinu, hefur það í gegnum snjallsíma. Google er
á meðal þeirra sem kappkosta að koma internetinu á nýja staði, þar sem þess hefur ekki
áður notið við. Tækniframfarir munu vafalítið leiða til þess að áður en langt um líður
verður hægt að komast á internetið hvar sem er í heiminum. Risastórir aðilar, fjarskipta-
og hugbúnaðarfyrirtæki, eiga mikið undir því að koma fleirum á netið. Jonathon Porritt,
stofnandi Forum for the Future, spáir því að árið 2050 verði 97,5 prósent jarðarbúa með
aðgang að internetinu, með allri þeirri þekkingu sem fylgir. Gervilíffæri úr
þrívíddarprentara
Á hverjum degi látast 18 í Bandaríkjunum á meðan þeir
bíða eftir líffæraflutningi, samkvæmt the Department of
Health & Human Services. Tæknin til að búa til gervilíf-
færi, sem bjargað geta mannslífum, er þegar komin langt
á veg, og dæmi eru um að sjúklingar, sem bíða líffæra,
geti fengið vélar til bráðabirgða. Á næstu 35 árum er gert
ráð fyrir því að gervilíffæri muni geta leyst ónýt líffæri af
hendi í síauknum mæli og að fólk þurfi senn ekki að bíða
eftir því að annar einstaklingur deyi, til að fá líffæri. Menn
sjá fyrir sér að hægt verði að prenta ný líffæri, eftir sömu
forskrift og þau gömlu, með þrívíddarprentun.
Að búa til börn
Mikið vatn hefur runnið til sjávar síðan
fyrsta barnið var búið til með hjálp
glasafrjóvgun-
ar, árið 1978.
Þessari
tækni
mun
halda
áfram
að fleyta
fram á
næstu 35
árum – það er
á hreinu. Í dag hafa
konur aðeins óljós viðmið
þegar kemur að því að vita hvenær þær
detta úr barneign. Framtíðin ber það
í skauti sér að konur geti fylgst miklu
betur með „klukkunni“ og vitað upp
á hár hvenær þær hætta að geta átt
börn. Fyrirtæki á borð við Univfy eru
þegar farin að aðstoða við útreikninga
á því hversu mikil frjósemin er á hverri
stundu. Max Levchin, annar stofnanda
smáforritsins Glow, hefur sagt að í
náinni framtíði verði pör miklu betur
upplýst um það hvenær mánaðarins
mestar líkur eru á því að geta börn. Þar
muni hormónamælar koma við sögu.
Önnur tækni mun líka koma til. Þegar
er hægt að frysta vef úr æxlunarfærum
kvenna til að nota síðar meir, þegar
konan vill eignast börn. Með svona að-
ferðum má lengja verulega þann tíma
sem konan er frjó. Þá hafa rannsóknir
bent til þess að hægt verði að búa til
sáðfrumur og eggfrumur úr venjulegum
frumum, með hjálp glasakynfrumu-
myndun. Þetta gæti til dæmis auðveld-
að samkynhneigðum að eignast börn
sem bera genamengi beggja aðila, eins
og rannsakendur við Oxford University
bentu á árið 2012, í grein sinni World
Scientific.