Dagblaðið Vísir - DV - 27.11.2009, Page 76

76 föstudagur 27. nóvember 2009 helgarblað
Hosmany Ramos situr í gæsluvarðhaldi í Hegningarhúsinu en hann er eftirlýstur í heimalandi sínu,
Brasilíu. Hann flýði úr fangelsi eftir að hafa verið sakfelldur fyrir tvö morð og þjófnaði. Hann var líka
ákærður fyrir flugvélaþjófnað. Hosmany líður vel hér á landi og hefur nýlokið við að skrifa bókina Bank
Robbers. Ramos sat í 27 ár í fangelsi við skelfilegar aðstæður og segist hafa komið til Íslands til að finna
frið. Benedikt Bóas spurði Ramos spjörunum úr um gjálífið, konurnar, djammið með Pelé.
hamingjusamur
í hegningarhúsinu
Ég hef ekki játað eða viður-kennt neinn glæp. Það eru engar sannanir gegn mér - ekki neinar. Þess vegna
ætla ég að fara með málið mitt
fyrir Alþjóðadómstólinn,“ segir
Hosmany Ramos sem árið 1981 var
dæmdur í 53 ára fangelsi í Brasilíu.
Meðal annars fyrir tvö morð. Hann
sat 27 ár á bak við lás og slá en eft-
ir jólaleyfi í fyrra skilaði hann sér
ekki til baka í fangelsið. Hann hafði
strokið og enginn vissi hvar hann
var niðurkominn.
Hosmany er í Hegningarhúsinu
við Skólavörðustíg - kom þangað í
ágúst eftir að hafa verið handtekinn
við komuna til Íslands frá Noregi á
leið til Kanada. Hann hafði framvís-
að vegabréfi bróður síns. Hann ósk-
aði eftir hæli hér á landi en brasilísk
yfirvöld vilja fá Ramos framseldan.
„Það er raunveruleg hætta á að ég
verði drepinn í Brasilíu verði ég lát-
inn snúa aftur,“ segir Ramos og ótt-
inn lætur á sér kræla.
Djammaði með Pelé og
Jagger
Hosmany Ramos var og er stór-
stjarna í Brasilíu. Hann er lærður
lýtalæknir og var fljótur að komast
í hóp fyrirmenna í Brasilíu. Hann
var eftirsóttur piparsveinn og þær
voru margar stúlkurnar sem áttu
sér þann draum að hreppa hjarta
Ramos. Hann djammaði með Pelé,
einum besta knattspyrnumanni fyrr
og síðar, Biöncu Jagger og Joan Coll-
ins, svo einhverjir séu nefndir, og
hann skaust oft til New York á einka-
þotum til að skvetta úr klaufunum.
En Ramos átti sér aðra hlið. Á
meðan hann sötraði kampavín
með milljónamæringunum í Ríó
stýrði hann einnig þjófagengi til
að stela frá þeim sem hann sötraði
vínið með. Þegar Ramos var ákærð-
ur fór mikil höggbylgja um fræga
fólkið í Ríó. Enginn trúði þessu en
lögreglan var ekki hætt. Hún bætti
við ákærum um morð, líkamsárás-
ir, smygl og bíla- og flugvélaþjófnað
og var Ramos dæmdur til langrar
fangelsvistar.
VIP
„Í mörg ár lifði ég fáguðu VIP-lífi. Ég
var frægur læknir, kvæntur frægri
sjónvarpskonu og drakk í mig allt
sem lífið hefur að bjóða. Ég hef
komið á fjölmarga spennandi staði,
séð spennandi hluti og hitt athyglis-
vert fólk.
En það er allt í fortíðinni. Eitthvað
sem ég mun skrifa um þegar ég geri
ævisöguna,“ segir Ramos og hlær.
„Þetta var mjög góður tími með lif-
andi tónlist og magnaðri menningu
og fyrsta flokks mat. Eins og segir í
Biblíunni er staður og stund fyrir
allt.“
Ramos hefur gefið út fjölmargar
bækur, bæði innan veggja fangelsis
og utan. Þegar hann var lýtalæknir
gaf hann út 14 bækur en hann hefur
klárað eina hér á Íslandi. „Þetta var
bók sem ég var búinn að ganga með
í maganum í mörg ár. Þetta er róm-
antísk bók eða með rómantísku ívafi
og heitir Bank Robber.
Ég þurfti bara að koma orðun-
um á pappír,“ segir Ramos en hann
handskrifar allt sitt efni með penna.
Með 80 þúsund bækur í
tölvunni
Ramos hefur skrifað og lesið mik-
ið frá því hann kom inn í Hegning-
arhúsið hér á Íslandi. Hann vakn-
ar í kringum fimm á morgnana og
skrifar til að verða átta, en þá opna
fangaverðirnir dyrnar. „Þá fæ ég
mér léttan morgunmat og reyni að
skrifa til 10. Þá fer ég og lyfti lóð-
um og hreyfi mig. Eftirmiðdagur-
inn fer síðan í lestur en ég er með
næstum því 80 þúsund bókatitla í
tölvunni minni. Síðan er það þetta
klassíska. Ég reyni að tefla, horfi á
fréttirnar, hringi nokkur símtöl og
spjalla við samfanga mína,“ segir
Ramos en hann segir að fangaverð-
irnir í Hegningarhúsinu séu mjög
almennilegir. „Þeir eru mjög kurt-
eisir svo framarlega sem við fylgj-
um reglunum. Þeir koma vel undir-
búnir til vinnu og ég kann að meta
slíkt.
Ég hef átt góð samskipti við hina
fangana hér og ég gæti í raun ekki
beðið um meira. Fangelsislífið hér
á landi er mjög gott. Ég er í raun
fangi texta, ekki rimla.“
Farinn að skilja íslensku
Hosmany Ramos segir að sér líði
vel hér á landi. Hann er meira að
segja farinn að geta sagt nokkur orð
á okkar erfiða máli. „Ísland er land
sköpunar. Hér hafa Sturluson og
Laxness og margir aðrir skrifað og
málað mikil og stór verk. Íslending-
ar eru líka glaðir þrátt fyrir ástandið
og mjög vingjarnlegir. Ég leik mér
stundum að því að skoða blöðin og
reyni að segja orðin. Ég get stund-
um skilið fyrirsagnirnar,“ segir
hann og hlær. „Ég kunni norsku og
það hefur hjálpað.“
Hosmany veit margt um land og
þjóð og hefur margt gott um þjóð-
ina að segja. „Íslendingar ættu að
vera stoltari af því að eiga svona
stórkostlegt land. Fyrir rithöfund
er gott að vera hérna. Allt svo hreint
og fagurt. Náttúrulegar auðlindir
eru líka margar og um að gera að
nýta þær.“
Sjarmatröll sem strauk
Hosmany Ramos fæddist fátækur
í Jequitinhonha og ólst upp við of-
beldi. Afi hans myrti heila fjölskyldu
og pabbi hans var sakaður um
að stinga ástmann móður sinnar.
Hann var síðar hreinsaður af þeim
ásökunum. Til að flýja fátæktina
og ofbeldisræturnar lærði Ramos
læknisfræði. Hann fékk fyrsta stóra
tækifærið þegar hann lagaði aldr-
að andlit Beki Klabin, sem var fyrr-
verandi eiginkona borgarstjórans í
Brasilíu, og eigandi einnar stærstu
pappírsverksmiðjunnar í Brasilíu.
Klabin og Ramos urðu elskendur
um stund og í gegnum hana kynnt-
ist hann gjálífinu. Ramos yfirgaf
Klabin fyrir Mörtu Jussara, yngri
snót sem var eitt sinn ungfrú Bras-
ilía. „Við hittumst á næturklúbbi og
dönsuðum þangað til sólin kom
upp. Hann bauð mér kampavín að
drekka og ég eyddi helginni með
honum. Þetta var ótrúlegur tími.
Hann er algjört sjarmatröll,“ segir
Jussara um hvernig þau kynntust.
En Ramos var síðan handtekinn
eftir að uppljóstrari lögreglunn-
ar hafði tengt hann við bílaþjófa-
gengi. Hann var settur í gæsluvarð-
hald en strauk með því einfaldlega
að labba út um dyrnar á lögreglu-
stöðinni í Ríó.
Skömmu síðar fannst lík Joels
Avon, einkaflugmanns Ramos, í
Sao Paulo. Þeir Ramos voru mjög
nánir og var hann grunaður um
morðið. Brasilísk yfirvöld létu lýsa
eftir Ramos. Á flóttanum hitti hann
Loureiro Rangel og stal með hon-
um tveimur Mercedes-bílum. Ein-
hvers staðar á leiðinni til Ríó hefur
þeim sinnast því lík Rangels fannst
sundurskotið í miðri eyðimörkinni.
Þegar Ramos var handtekinn var
hann fúlskeggjaður og með demant
upp á 100 þúsund dollara í vasan-
„Í mörg ár lifði ég fág-
uðu VIP-lífi. Ég var
frægur læknir, kvæntur
frægri sjónvarpskonu
og drakk í mig allt sem
lífið hefur að bjóða.“
Á ströndinni Hosmany ungur að árum með glæsipíu á ströndinni.
Sjarmatröll Hosmany á gullárunum. Marta Jussara, fyrrverandi kærasta Ramos,
lýsir honum svo: „Hann er algjört sjarmatröll.“