Dagblaðið Vísir - DV - 27.11.2009, Blaðsíða 84

DauðaDeilDaramman Velma Barfield komst í kastljós fjöl-
miðlanna þegar hún varð fyrst kvenna til að vera líflátin í Bandaríkjunum eftir að
dauðarefsingar voru heimilaðar þar að nýju 1977 og einnig sú fyrsta frá 1962.
Velma var einnig fyrst kvenna til að vera tekin af lífi með banvænni sprautu.
Þess utan var Velma Barfield 52 ára amma og raðmorðingi sem banaði fórnar-
lömbum sínum með arseniki. Hún fékk viðurnefnið Dauðadeildaramman þegar
hún beið endalokanna á dauðadeildinni.
Lesið um Dauðadeildarömmuna í næsta helgarblaði DV.
Casanova-
morðinginn
Erfitt er að segja til um hvað olli því að Paul John Knowles varð stórtækur morðingi, en á tiltölulega skömm-
um tíma skildi hann eftir sig slóð líka í Bandaríkjunum. Hann fékk viðurnefnið Casanova-morðinginn, en
fyrstu fórnarlömb hans voru barnungar systur.
Paul John Knowles var ekki orðinn
tvítugur þegar hann komst fyrst í
kast við lögin. Knowles fæddist 1946
í Flórída og var handtekinn í fyrsta
skipti 19 ára. Þaðan í frá eyddi hann
að meðaltali sex mánuðum af hverju
ári á bak við lás og slá. Sakargiftirnar
voru af ýmsum toga allt frá bílþjófn-
uðum til innbrota.
Hann afplánaði dóm í Raiford-
fangelsinu í Flórída þegar hann hóf
bréfaskriftir við fráskilda konu frá
Kaliforníu, Angelu Covic. Angela
heimsótti Knowles í fangelsið og á
endandum tók hún bónorði hans
auk þess sem hún pungaði út nægu
fé til að greiða fyrir lögfræðiaðstoð
honum til handa.
Knowles fékk reynslulausn í maí
1974 og flaug rakleitt til San Fran-
cisco til að ganga í hjónaband.
Angela Covic hafði í millitíðinni
fengið bakþanka eftir að hafa feng-
ið viðvörun frá sjáanda sem sagðist
sjá hættulegan mann í lífi hennar.
Að eigin sögn fór Knowles út á götur
San Francisco í kjölfar hryggbrotsins
og myrti þrjár manneskjur. Sú full-
yrðing var ekki sannreynd. Áður en
yfir lauk höfðu tæpur tveir tugir fall-
ið fyrir hendi Knowles og á meðal
þeirra nafngifta sem festust við hann
var Casanova-morðinginn.
Ungar systur myrtar
Morðæði Knowles hófst í Jackson-
ville, heimabæ hans. Knowles hafði
verið handtekinn í kjölfar slagsmála
á bar en tókst að dírka upp lásinn
og flýði 26. júlí 1974. En Knowles lét
ekki þar við sitja heldur braust inn
á heimili 64 ára konu, Alice Curtis.
Hann fjötraði hana og keflaði, leitaði
síðan að einhverju fémætu og yfirgaf
húsið í bifreið Alice. Hún kafnaði í
fjötrum sínum.
Knowles eyddi nokkrum dögum í
bænum en á endanum tókst lögreglu
að tengja hann við glæpinn og mynd
af honum birtist í sjónvarpinu.
Knowles sá sitt óvænna og ákvað
að losa sig við bifreið Alice Curtis. Í
miðju kafi sá hann hina 11 ára Lilli-
an og Mylette, sjö ára systur hennar.
Hann vissi að þær voru vinir móður
hans og þess fullviss að þær hefðu
séð hann og myndu hafa samband
við lögregluna. Því rændi hann þeim
báðum, kyrkti þær og varpaði líkun-
um í fen fyrir utan bæinn.
Morð á morð ofan
Daginn eftir var Knowles kominn
til Atlantic Beach og braust inn á
heimili Marjorie Howe. Hann kyrkti
hana með nælonsokk og hvarf á
braut með sjónvarpstæki hennar.
Ekki tókst að bera kennsl á fjórða
fórnarlamb Knowles. Þar var um að
ræða táningsstúlku á puttaferða-
lagi og Knowles nauðgaði henni og
kyrkti síðan og hélt að morði loknu
áfram stefnulausu ferðalagi sem þó
lá norður á bóginn.
23. ágúst 1974 myrti hann Kathy
Pierce með símasnúru á heimili
hennar fyrir framan þriggja ára son
hennar, en eirði drengnum.
Kaupsýslumaðurinn William
Bates varð á vegi Knowles á krá í
Lima í Ohio 3. september. Eftir að
hafa kneifað nokkra bjóra með Bates
viðhafði Knowles engin vettlingatök,
kyrkti Bates og losaði sig við líkið í
nærliggjandi skóglendi, þar sem það
fannst í október.
Knowles hafði nú komist yfir bif-
reið Bates, reiðufé og krítarkort og lá
leiðin til Sacramento, gegnum Utah
með stuttri viðkomu í Ely í Nevada,
en 18. september gaf Knowles sér
þó tíma til að myrða Emmet og Lois
Johnson sem voru í útilegu þar um
slóðir.
Tímabundinn félagsskapur
Óhætt er að segja að John Paul
Knowles hafi verið afkastamikill
fjöldamorðingi og vart leið sá dag-
ur að ekki félli einhver fyrir hendi
hans. Þremur dögum eftir morð-
in á Emmet og Lois, á leið gegnum
Sequin í Texas, ók Knowles fram á
konu sem var í vandræðum með
mótorhjól sitt. Hjálpin sem Knowles
bauð henni var ekki af þeim toga
sem hún hafði vænst. Venju sam-
kvæmt nauðgaði hann henni áður
en hann kyrkti hana, síðan dró hann
lík hennar í gegnum gaddavírsgirð-
ingu og losaði sig við það.
Tuttugasta og þriðja septem-
ber hljóp heldur betur á snærið hjá
Knowles. Hann hitti snyrtifræð-
inginn Ann Dawson í Birmingham
og féll hún fyrir honum. Þau héldu
ferðalaginu áfram á hennar kostn-
að en á endanum fékk Knowles leið
á félagsskapnum og þann 29. sept-
ember myrti hann hana. Lík hennar
hefur ekki fundist.
Knowles hélt að sér höndum um
skeið og ferðaðist í gegnum Okla-
homa, Missouri, Iowa og Minnesota
án morða. En hann þurfti að svala
fýsn sinni og 19. október gerði hann
það þegar hann ruddist inn á heim-
ili Doris Hovey í Woodward í Virgin-
íu. Knowles skaut Doris til bana með
riffli eiginmanns hennar, þurrkaði
öll fingraför af morðvopninu og lagði
það við hlið líksins. Þegar lögreglan
kom á vettvang var þar ekki að finna
neinar vísbendingar um kynferðis-
legt ofbeldi, rán eða annað sem gæti
talist ástæða glæpsins.
Leitar til lögfræðings
Tveir puttaferðalangar sluppu betur
en á horfðist eftir að hafa fengið far
með Knowles á Key West. Knowles
hugðist myrða þá báða en áður en
sú ætlun varð að raunveruleika var
för hans stöðvuð af vegalögreglu.
Fyrir klaufaskap af hálfu lögregl-
unnar slapp Knowles með viðvör-
un en atvikið sat í honum og hann
sleppti ferðalöngunum í Miami og
hafði samband við lögfræðing sinn
og leitaði ráða. Knowles vísaði á bug
tillögum um að hann gæfi sig fram
við lögreglu en lét lögfræðinginn fá
upptöku með játningu sinni og yfir-
gaf borgina með hraði.
En því fór fjarri að Knowles hygð-
ist láta gott heita og 6. nóvember
vingaðist hann við mann að nafni
Carswell Carr og var boðin gisting.
Síðar þegar lögreglan kom á heimili
Carrs fannst nakið lík hans í svefn-
herberginu með fjölda stungusára
og í næsta herbergi var fimmtán
ára dóttir Carrs látin. Hún hafði ver-
ið kyrkt og að auki hafði nælonsokk
verið troðið ofan í kok hennar. Einn-
ig voru á líki hennar ummerki um
tilraun til nauðgunar sem gerð hafði
verið að henni látinni en mistekist.
Í kjölfar flótta Knowles frá heim-
ili Carrs féll einnig á hann grunur
um morðin á tveimur puttaferða-
löngum, Edward Hilliard og Debbie
Griffin, sem framin voru 2. nóvem-
ber. Líkið af Hilliard fannst í skóg-
lendi í grenndinni, en líkið af Griffin
hefur ekki fundist.
Knowles tekur gísla
Knowles kynntist breska blaða-
manninum Sandy Fawkes þeg-
ar hann rápaði á milli öldurhúsa í
Atlanta 8. nóvember, og eyddu þau
nóttinni saman. En þrátt fyrir ítrek-
aðar tilraunir næstu tvo daga var
Knowles með öllu ófær um kynlíf
með henni, og má leiða líkur að því
að kynlíf með samþykkum rekkju-
nauti hafi verið honum ómögulegt.
Þau skildu að skiptum en Knowles
tók Susan MacKenzie, eina af vin-
konum Sandy, á löpp, og hótaði
henni með byssu og krafðist kyn-
maka. Susan náði að flýja og til-
kynnti atvikið til lögreglunnar. Með
fulltingi hlaupsagaðrar haglabyssu
tókst Knowles að sleppa.
Í West Palm Beach ruddist
Knowles inn til Beverly Mabeem,
fatlaðrar konu, rændi systur hennar
og stal bifreið þeirra. Hann sleppti
gíslinum í Fort Pierce á Flórída
næstu nótt.
Morguninn eftir þekkti lögreglu-
þjónn hinn stolna bíl og þvingaði
Knowles út í vegarkant, en Knowles
var sneggri til og tók lögregluþjón-
inn í gíslingu. Skömmu síðar stöðv-
aði Knowles bílstjóra að nafni James
Meyer og skipti um bíl.
En tveir gíslar voru meira en
Knowles gat höndlað og af þeim
sökum handjárnaði hann þá við tré
í Pulaski-sýslu í Georgíu og skaut þá
í höfuðið af stuttu færi.
Dauði í lok morðæðis
En þegar þar var komið sögu var
farið að þrengja að Knowles og eftir
að hafa reynt að aka í gegnum veg-
artálma sem lögreglan hafði komið
upp missti hann stjórn á bílnum og
hafnaði á tré. Hann reyndi að kom-
ast undan á fæti en var að lokum
króaður af af vopnuðum óbreyttum
borgara og handtekinn. Dagurinn
var 17. nóvember 1974.
Daginn eftir sat hann í aftursæti
lögreglubifreiðar undir því yfirskyni
að hann hygðist vísa lögreglunni á
morðvopnið sem hann hafði not-
að við morðin á lögreglumannin-
um og James Meyer. Með lagni tókst
Knowles að opna handjárnin með
bréfaklemmu sem hann hafði falið
á sér.
Knowles greip byssu lögreglu-
stjórans og náði að skjóta nokkrum
skotum án þess að ná byssunni úr
hulstrinu.
Annar lögreglumaður sem var
með í för, Ronnie Angel, skaut þá
þremur skotum í bringu Knowles og
þar með var morðinginn allur.
Á meðan Knowles var í varðhaldi
fullyrti hann að hann hefði banað 35
manns, en aðeins var hægt að færa
sönnur fyrir 18 morðum.
Umsjón: koLBeinn Þorsteinsson, kolbeinn@dv.is
84 föstuDagur 27. nóvember 2009 sakamál
Smáauglýsingasíminn er
smaar@dv.is
515
55
50
Töffari með vindling
sumar konur féllu fyrir
Paul john knowles.
Brosmildur morðingi
Yngstu fórnarlömbin
voru barnungar systur.
Í varðhaldi Fangelsisvist
knowles í kjölfa morð-
anna varð ekki löng.
Síðar þegar lögreglan kom á heimili Carrs
fannst nakið lík hans í svefnherberginu með
fjölda stungusára og í næsta herbergi var
fimmtán ára dóttir Carrs látin.