Dagblaðið Vísir - DV - 30.08.2013, Side 19

Fréttir 19Helgarblað 30. ágúst - 1. september 2013
Fáklæddur Pútín tekinn úr umferð
Ljósmyndarar Reuters
hafa verið á ferð
og flugi í vikunni og
myndað það helsta
sem gerst hefur. DV
birtir hér brot af því
besta frá vikunni sem
er að líða. Eðli málsins
samkvæmt er Sýrland
í brennidepli.
 Úps! Vegfarendur
við Qiangtang-ána í Kína
áttu fótum sínum fjör að
launa þegar vatnselg-
urinn gekk á land. Á
þessum stað myndast
gjarnan stórar öldur í að-
streymi. Ferðamenn gera
sér það gjarnan að leik að
verða fyrir öldunum eins
og þessir gerðu.
 Styrjöld Ekkert lát er á hörmungunum í Sýrlandi. Alþjóðsamfélagið hefur hótað að
bregðast við eftir að stjórnarher landsins beitti efnavopnum í síðustu viku. Hér sjást með-
limir í Frelsisher Sýrlands gráir fyrir járnum í skotbardaga við meðlimi stjórnarhersins.
 Aðstæður skoðaðar Eftirlitsmenn á vegum Sameinuðu þjóðanna komu til Sýrlands í vikunni til að kanna hvort ásakanir
um að efnavopnum hefði verið beitt ættu við rök að styðjast. Hér eru þeir í úthverfi Damaskus, Mouadamiya, en fjölmargir féllu þar í hinni
meintu efnavopnaárás.
 Borg í rúst Hin sögufræga borg Aleppo í Sýrlandi hefur
látið mikið á sjá síðan borgarastyrjöldin í Sýrlandi hófst fyrir rúmum
tveimur árum. Hér sést hermaður úr Frelsisher Sýrlands og mikil
eyðilegging í kringum hann.
 Stund
milli stríða
Skógareldar hafa
látið á sér kræla
í Kaliforníu í
Bandaríkjunum að
undanförnu. Hér
sést hópur fanga
sem tekið hefur
þátt í slökkvi-
starfinu búa sig
undir matartíma
í fangelsinu nærri
Buck Meadows.