Dagblaðið Vísir - DV - 30.08.2013, Page 40

R
annsóknir hafa sýnt að
sjálfsmynd stelpna byrjar
oft að hraka um 11 ára ald­
ur og sú þróun helst í mörg­
um tilfellum stöðug upp að
tvítugu. Þá fer hún yfirleitt að styrkj­
ast á ný,“ segir metsöluhöfundur­
inn Kristín Tómasdóttir sem býður
nú upp á sjálfstyrkingarnámskeið
fyrir stelpur á aldrinum 10 til 15
ára. „Við hljótum að geta fyrirbyggt
þetta aðeins með fræðslu um það
hvað þetta hugtak merkir og hvern­
ig þær geta haft jákvæð áhrif á eigin
sjálfsmynd,“ bætir hún við.
Þá bendir Kristín á að margir
noti hugtakið sjálfsmynd án þess að
vita hvað það þýðir í raun og veru.
Þess vegna sé gott að kynna það fyr­
ir stúlkum á unglingsaldri.
Jákvæð áhrif á sjálfsmyndina
Kristín, sem hefur skrifað bækurn­
ar Stelpur, Stelpur A – Ö og Stelp­
ur geta allt, hefur ásamt bókaskrif­
unum haldið fyrirlestra í skólum
um sjálfsmynd unglingsstúlkna.
Með námskeiðinu vill Kristín fara
ítarlegar í boðskapinn til að hann
skili sér markvissara til stelpnanna.
„Þegar ég hef verið að halda þessa
fyrirlestra þá kvikna hugmyndir hjá
stelpunum en á námskeiðinu get­
um við unnið meira með þær,“ út­
skýrir hún.
Námskeiðin hafa þrjú markmið;
stelpurnar læra að þekkja hugtak­
ið sjálfsmynd, læra að þekkja sína
eigin sjálfsmynd og læra leiðir til að
hafa jákvæð áhrif á sína sjálfsmynd.
Þá koma skemmtilegir gestafyrir­
lesarar fram á námskeiðinu og
hópurinn eldar góðan mat saman.
„Svo hef ég unnið mikið með
samstöðu stelpna og þriðja bókin
mín fjallaði um það, hvernig stelp­
ur geta frætt hver aðra. Ég vonast
til að slíkur kraftur myndist líka á
námskeiðinu.
Ég kalla þetta sjálfstyrkingar­
námskeið en í grunninn er þetta
bara skemmtilegt námskeið fyrir
stelpur sem getur haft jákvæð áhrif
á þeirra sjálfsmynd.“
Foreldrar líti í eigin barm
Kristín segist hafa upplifað það
mjög sterkt þegar hún hefur haldið
fyrirlestra í skólum að foreldrar og
fagfólk sem vinnur með unglings­
stúlkum hefur áhyggjur af sjálfs­
mynd þeirra. „Foreldrum finnst
börnin sín auðvitað æðisleg og frá­
bær og vita hvað þau hafa að geyma.
En þeir sjá líka að unglingarnir fatta
það ekki sjálfir. Ég trúi því að við
getum breytt því.“
Þá telur Kristín einnig nauðsyn­
legt að foreldrar líti í eigin barm og
skoði sína eigin sjálfsmynd. „For­
eldrar og þeir sem umgangast ung­
linga þurfa að vera mjög meðvit­
aðir um sína sjálfsmynd þar sem
þeir eru fyrirmyndir unglinganna.
Sjálfsmynd þeirra sem vinna með
unglingum er mjög mismunandi
og það getur endurspeglast í ung­
lingunum sjálfum.“
Skráning á námskeiðið fer fram
á netfanginu stelpur2012@gmail.
com eða í gegnum Facebook­síð­
una Stelpur. Þar er einnig hægt að
finna frekari upplýsingar um nám­
skeiðið. n
40 Lífsstíll 30. ágúst–1. september 2013 Helgarblað
Borgartún 1 Fákafen 1 Hæðasmári
www.lifandimarkadur.is
OKKAR
LOFORÐ:
Lífrænt og
náttúrulegt
Engin
óæskileg
aukefni
Persónuleg
þjónusta
Taktu haustið með trompi
Bættu heilsuna fyrir þig og þína.
HEILSUSPRENGJA
Valin bætiefni
frá NOW með
25% afslætti
Valdar
lágkolvetna­
vörur
með 20% afslætti
G
il
d
ir
f
rá
2
9.
á
gú
st
t
il
5
. s
ep
te
m
b
er
20%
afsláttur
!
25%
afsláttur
!
Skemmtilegt nám-
skeið Kristín vonast til
að geta haft jákvæð áhrif
á sjálfsmynd stúlkna á
skemmtilegu námskeiði.
Mynd Sigtryggur Ari
Heldur sjálfstyrkingar-
námskeið fyrir stelpur
Sólrún Lilja Ragnarsdóttir
blaðamaður skrifar solrun@dv.is
n Sjálfsmynd stúlkna byrjar að hraka um 11 ára aldur n Hægt að fyrirbyggja það