Dagblaðið Vísir - DV - 07.11.2008, Síða 6

Föstudagur 7. Nóvember 20086 Fréttir
Sandkorn
n Már Másson, upplýsingafulltrúi
Glitnis, er einhver sá klaufalegasti
í faginu sem hefur aðallega snúist
um það að
þegja eftir
að góðærið
gufaði upp
og bankarn-
ir hrundu.
Taugaveiklun
hans í norsku
sjónvarps-
viðtali verð-
ur lengi í minnum höfð en góðu
heilli virðist hann ekki ætla að
reyna að gleyma klúðrinu sjálfur.
Már er greinilega maður sem vill
læra af reynslunni en Vilhjálm-
ur Bjarnason, formaður Félags
fjárfesta, sagði frá því í viðtali við
Arnþrúði Karlsdóttur á Útvarpi
Sögu í gærmorgun að hann hefði
á dögunum fengið SMS frá Má
þar sem sá síðarnefndi sagði að
honum veitti ekkert af kennslu í
fjölmiðlaframkomu hjá Vilhjálmi.
n Á meðan íslenskir viðskipta-
jöfrar berjast fyrir fjárhagslegu
framhaldslífi sínu blæs Ármann
Reynisson í herlúðra. Ármann
flaug hátt í viðskiptalífinu á með-
an útrásarkempurnar voru á
barnsaldri en hrapaði harkalega
með fyrirtæki
sínu Ávöxtun.
Eftir að hafa
afplánað á
Kvíabryggju
fyrir Ávöxt-
unarviðskipti
sín sneri Ár-
mann sér að
ritstörfum og
skrifar örsögur, svokallaðar vinj-
ettur. Í tilefni þess að vestnorræn
vinjettubók Ármanns er fáanleg
á Akureyri, í Helsinki, Ísafirði,
Klakksvík, Kaupmannahöfn, New
York, Nuuk, Óðinsvéum, Ósló,
Quartotoq, Reykjavík, Stokk-
hólmi, Þórshöfn og víðar blæs
Ármann til fagnaðar í Norræna
húsinu á þriðjudaginn. Þar mun
Ármann gleðjast yfir bókmennta-
útrás sinni á meðan aðrir útrásar-
víkingar þjást.
n Illugi Jökulsson, rithöfundur
og ritstjóri, hvatti á bloggi sínu
á DV.is í gær til lítils mótmæla-
fundar við breska sendiráðið
gegn kúgunartilburðum Breta
gegn íslensku þjóðinni. Fyrir-
varinn var stuttur og viðbrögðin
snautleg að mati Illuga. Hann
sýndi þó hug sinn í verki og
mætti við sendiráðið í hádeg-
inu og þótti
meðmót-
mælendur
sínir allt of
fáir. Hug-
myndin
fékk ekki al-
mennilegan
byr í seglin
fyrr en að
mótmælunum loknum og þykir
enn býsna góð.
„Við komum hingað í leit að nýju og
betra lífi, en við fáum engin svör. Við
erum búnir að vera hér í næstum fjög-
ur ár í bið upp á von og óvon. Þetta er
ekkert líf,“ segir Farzad, 35 ára Írani
sem ásamt tveimur félögum sínum er
farinn í hungurverkfall á Fit Hostel-
gistiheimilinu fyrir hælisleitendur í
Reykjanesbæ.
Farzad og 49 ára samlandi hans
Mehdi og Alsírmaðurinn Majid, voru á
fimmtudaginn þegar blaðamaður hitti
þá að hefja sinn þriðja dag í hungur-
verkfallinu. Með verkfallinu vilja þeir
mótmæla seinagangi í meðferð mála
sinna og því að þeir fái engin svör.
Allir hér bíða eftir svörum
„Við höfum ekki hugmynd um hverju
við erum að bíða eftir,“ segir Farz-
ad, „Ég og Mehdi erum báðir bún-
ir að fá tvær neitanir um hæli hér á
landi. Allir hér eru að bíða eftir að fá
svör við sínum málum. Ekki bara við
tveir. Það er vandamál,“ segir Farzad
og bætir við að honum teljist til að
hér á landi séu um 40 hælisleitendur
og hafi enginn fengið svör og hangi í
raun í lausu lofti.
Tapa árum úr lífi sínu í bið
Farzad segir að hann og Mehdi
hafi leitað hælis hér á landi til að flýja
vandamálin í heimalandinu Íran.
„Fólk fer þangað sem möguleikinn
er á því að eignast betra líf. Það á ekki
bara við um okkur, Íslendingar gera
það líka. En ólíkt okkur eru engin
vandamál hér á Íslandi í samanburði
við það sem er að gerast í heimalandi
okkar,“ segir Farzad sem verið hefur
hér á landi, að bíða, í rúmlega þrjú
og hálft ár.
„Tæknilega séð stendur til að
senda mig úr landi en ég veit ekki
eftir hverju er verið að bíða. Þeir hafa
sagt mér að það standi til að senda
mig úr landi. Það sem við skiljum
ekki er, ef þið viljið ekki halda fólki
hér, ekki veita því hæli né svör, send-
ið það þá úr landi. Af hverju er fólki
haldið hérna án þess að fá nokkuð
að vita. Við erum að tapa árum úr lífi
okkar á biðinni.“ segir Farzad.
Falsvonir veittar
Farzad og Mehdi segjast fá 2.500
krónur á viku í vasapening til að lifa á.
„Það er ekki hægt að láta fólk fá 2.500
krónur fyrir mat, alltaf það sama árið
í kring. Við húkum hér horfandi á
sjónvarp, í tölvunni. Alltaf sama rút-
ínan. Þetta er ekkert líf. Hundarnir
ykkar eiga betra líf en við,“ segir Farz-
ad. „Fólki er veitt von um að eitthvað
gerist í þess málum, en það er ekki
réttlátt að halda fólki í mörg ár upp
á von og óvon um að fá hér hæli, til
þess eins að neita þeim síðan ítrekað
um það,“ bætir hann við.
Munu svelta sig á sjúkrahúsið
Mehdi og Farzad eru sammála um
að hungurverkfall þeirra muni vara
eins lengi og þurfa þyki. „Eins lengi
og við getum. Á meðan við höldum
styrk,“ segir Farzad. Mehdi bætir við
að gera megi ráð fyrir því að þeir tóri
í tíu daga áður en þeir verði fluttir á
sjúkrahús. „Við drekkum te og vatn
með sykri, það heldur okkur gang-
andi,“ segir Mehdi.
Vilja búa á Íslandi
Hinn 49 ára Mehdi hefur að eigin
sögn verið hér á landi í biðleik leng-
ur en nokkur annar. Fjögur ár. Hann
fékk fyrst neitun um hæli eftir tveggja
ára bið eftir að mál hans yrði afgreitt.
Báðir hafa nú fengið neitun um hæli
í tvö skipti og bíða eftir því að eitt-
hvað gerist, að þeir fái einhver svör
um hvort þeir verði sendir úr landi
eður ei.
„Auðvitað myndum við vilja búa
hér á Íslandi. Til þess leituðum við
hingað. Við erum ekki glæpamenn.
Ekki slæmir menn. Við erum bara
venjulegt fólk eins og hver ann-
ar. Í leit að nýju og betra lífi,“ segir
Mehdi.
Farzad grípur inn í og segir að
vegna þess úr hvers konar vesöld
þeir koma geti þeir ekki lagt fram
þær upplýsingar sem beðið er um.
„Við getum ekki sýnt þeim fram á
hverjir við erum, né heldur getum
við sýnt þeim fram á hvaða vanda-
mál við erum að flýja í Íran. Það
vita allir hvernig ástandið er í Íran.
Það er sæmt. Upplýsingarnar, sem
beðið er um, getum við hreinlega
ekki lagt fram. Ég veit ekki hvaða
dag ég er fæddur, hvað þá móðir
mín og faðir, ég veit bara hvaða ár
það var. Svoleiðis er það bara.“
Reynt var án árangurs að ná
tali af forsvarsmönnum Útlend-
ingastofnunar við vinnslu þessar-
ar fréttar.
Sigurður MikAel jónSSon
blaðamaður skrifar: mikael@dv.is
„Það er ekki réttlátt að halda fólki í mörg ár upp
á von og óvon um að fá hér hæli, til þess eins að
neita þeim síðan ítrekað um það.“
Íranarnir Farzad og Mehdi hafa ákveðið ásamt félaga sínum, Majid frá Alsír, að fara í
hungurverkfall til að mótmæla því að þeir fái engin svör í sínum málum. Farzad og
Mehdi hafa báðir verið hér á landi í hátt í fjögur ár. Þeir segja biðina vera óbærilega,
vitandi það að til stendur að senda þá úr landi.
Hælisleitendur í
Hungurverkfall
Svelta sig í leit að svörum Íranarnir mehdi,
næstur á mynd, og Farzad, fyrir miðju, eru
hælisleitendur hér á landi. Þeir hafa verið hér á
landi í hartnær fjögur ár án þess að fá svör við
sínum málum. Þar til þeir fá þau hyggjast þeir
vera í hungurverkfalli á Fit Hostel-gistiheimilinu í
reykjanesbæ þar sem hælisleitendur halda til.
Mynd rAkel óSk SigurðArdóTTir
BÓLSTRUN ÁSGRÍMS EHF.
BERGSTAÐARSTRÆTI 2 l SÍMI 551 6807