Dagblaðið Vísir - DV - 07.11.2008, Qupperneq 36

Föstudagur 7. Nóvember 200836 Helgarblað
„Eftir uppsagnir setti starfsfólkið herferðina saman og
bar hana undir mig en með þeim formerkjum að hún
færi í loftið sama hvað. „Hvað ætlarðu að gera? Reka
okkur?““ segir Sigríður Margrét Oddsdóttir, fram-
kvæmdastjóri Skjás eins. Eftir að öllum starfs-
mönnum Skjás eins var sagt upp á fimmtudaginn
fyrir viku, vegna erfiðrar stöðu fyrirtækisins, hófst
lífróður þess. Skjár einn setti í loftið tímamóta-
herferð í íslenskum fjölmiðlum þar sem reynt
er að vekja athygli á ósanngjarnri samkeppn-
isstöðu. Aldrei áður hefur einkarekin sjón-
varpsstöð farið í auglýsingaherferð gegn Rík-
isútvarpinu og stöðu þess á markaði.
Fordæmin til staðar
„Við erum ekki að fara fram á neitt óeðlilegt.
Fordæmin eru til staðar á öllum Norður-
löndunum og í Bretlandi. Þeim löndum sem
við miðum okkur hvað helst við. Þar eru
ríkisreknu miðlarnir sem fá megintekjur
sínar af afnotagjöldum ekki á auglýsinga-
markaði.“ Sigríður segir það gefa auga leið
að engin einkarekin sjónvarpsstöð geti
keppt við RÚV í núverandi ástandi. „RÚV
fær 3.000 milljónir í forskot frá skatt-
greiðendum og hefur engar takmark-
anir umfram hina,“ segir Sigríður og
nefnir sem dæmi að RÚV undirbjóði
einkastöðvarnar í sölu auglýsinga.
„Við höfum ekkert á móti RÚV. Við
höfum aldrei tekið þátt í þeirri um-
ræðu að það eigi að einkavæða RÚV
eða leggja niður. Við viljum þeim
allt það besta. Við erum bara að fara
fram á hluti sem teljast eðlilegir í
nágrannalöndum okkar.“
Aðdragandi uppsagnanna
Skjár einn og aðrir sjálfstæðir
miðlar hafa lengi kvartað yfir því
að RÚV sé á auglýsingamark-
aði en Sigríður segir að við nú-
verandi aðstæður gangi það
einfaldlega ekki upp lengur.
„Skjár einn er rekinn einung-
is á auglýsingatekjum. Þetta er
frístöð og því engin önnur tekju-
lind sem við höfum. Það hefur
verið gríðarlegur samdráttur á
auglýsingamarkaði undanfarna
mánuði,“ en til marks um það
eru auglýsingastofur sem hafa
neyðst til að draga saman segl-
in og segja upp starfsmönnum
líkt og Skjár einn.
„Samdrátturinn hófst í
mars á þessu ári en í októ-
ber varð algjört hrun. Bók-
anir okkar fyrir nóvember
sýna að áfram verði mjög
mikill samdráttur á þessu
sviði.“ Sigríður segir að nú-
verandi efnahagsaðstæður
bjóði hreinlega ekki upp á
einkarekna frístöð á með-
an samkeppnisstaðan sé
óeðlileg. „Okkar kannanir
sýna að þessi samdráttur
er á bilinu 20 til 40% þótt
það sé erfitt að segja ná-
kvæmlega til um það.“
Þetta er þó aðeins önn-
ur hliðin á peningnum því
á sama tíma og samdrátt-
ur hefur orðið á auglýsinga-
markaði hefur íslenska krón-
an beinlínis hrunið og enginn
virðist geta sagt til um hvort hún sé lífs eða liðin. „Stærsti
kostnaðurinn í rekstri Skjás eins er innkaup á efni, erlent
efni vegur þar mjög þungt. Samkvæmt skráða genginu um
þessar mundir er það um 74% hærra en um áramótin,“ og
bendir Sigríður á að gengið gæti verið mun hærra. „Það
veit í raun enginn ennþá þar sem eðlileg gjaldeyrisvið-
skipti eiga sér ekki stað um þessar mundir.“
Þegar aðaltekjulindin rýrnar og aðalkostnaðarliðurinn
rýkur upp í verði segir Sigríður það augljóst hvað gerist
næst. Uppsagnir starfsmanna. En ljósið í myrkrinu sé að ef
RÚV verði tekið af auglýsingamarkaði líkt og annars staðar
leiðréttist staðan sem gefi von. „Síðan þurfum við að reyna
ná hagstæðum samningum við birgja okkar.“
Rekið af hugsjón
Sigríður segir viðbrögð starfsmanna hafa komið sér á óvart
þegar hún tilkynnti þeim um uppsagnirnar. „Frekar en
vonleysi og depurð sem eru eðlilegar tilfinningar í slíku
ástandi fann ég fyrir miklum baráttuhug. Það var eng-
inn tilbúinn til að gefast upp og um kvöldið var herferðin
klár.“
Sigríður er með svar á reiðum höndum um hvaðan bar-
áttuviljinn komi. „Þetta fólk er ekki að vinna hérna því það
fær borgað um hver mánaðamót. Það starfar hérna af hug-
sjón og hefur trú á Skjá einum. Við gerum okkur grein fyrir
því að þetta eru ekki bara okkar störf heldur líka það sem
Skjár einn gerir fyrir almenning sem og auglýsendur.“
Sigríður segist ekki mega til þess hugsa að það verði að-
eins einn ríkisrekinn fjölmiðill í landnu, „Bæði vegna aug-
lýsenda og almennings,“ en 365 miðlar hafa einnig verið í
gríðarlega erfiðri stöðu undanfarið.
Þó svo að viðbrögð starfsmanna Skjás eins hafi verið
baráttuhugur og samheldni segir Sigríður ekkert erfiðara
en að þurfa að segja hópi fólks upp. „Þetta er það erfiðasta
sem maður gerir í þessu starfi. Fyrir ári þurfti ég að gera
það sama þegar ég sagði upp hópi fólks hjá okkur þegar við
hættum að framleiða innlent efni og fórum að bjóða það
út.“ Sigríður segir það hafa verið lið í því að gera Skjá einn
að arðbærri einingu en markmið félagsins var að stöðin
myndi skila hagnaði árið 2008.
Fjölskyldan veitir styrk
Þrátt fyrir ungan aldur hefur Sigríður mikla reynslu af at-
vinnulífinu og stjórnendastörfum. „Ég byrjaði hjá fyrirtæki
sem heitir nú Capacent Gallup árið 1999 og var þar í ein
sex ár. Þá hóf ég störf hjá Símanum. Þar stýrði ég hópi mjög
góðs fólks í að búa til félag utan um símaskrá, símaskrá.is
og 118. Við bjuggum til félagið Já sem flestir kannast við í
dag,“ en Sigríður hefur ennþá yfirumsjón með því verkefni.
„Síðan tók ég við framkvæmdastjórastöðunni hérna sum-
arið 2007.“
Sigríður er með BS-gráðu í rekstrar- og viðskipta-
fræðum frá Háskólanum á Akureyri. „Ég er fædd hérna í
Reykjavík en ég flutti norður meðan ég var í námi og bjó
þar í ein 9 ár,“ en Sigríður hefur einnig búið á Skagaströnd
og í Njarðvík.
Aðspurð hvort erfitt sé að samræma fjölskyldulífið
framkvæmdastjórastöðunni segir hún að svo sé ekki. „ Ég
er svo vel gift og ég á svo góð börn að það er lítið mál að
sameina það,“ en Sigríður á tvo stráka. Hún segist sækja
styrk sinn í fjölskylduna og því auðveldi hún henni starfið
frekar en nokkuð annað.
Trúir á bjartari tíma
Þrátt fyrir uppsagnirnar trúir Sigríður að Skjár einn fái bar-
áttumáli sínu framgengt og nái að tóra. „Ég trúi ekki öðru.
Rökin eru bara svo sterk okkar megin og fordæmin líka.
Við viljum bara vekja fólk til umhugsunar og hvetja það
til að bæta sér á undirskriftalistann okkar,“ en tæp 27.000
manns hafa þegar skráð sig á skjarinn.is. „Við munum svo
nota þær undirskriftir til þess að skora á ríkisstjórn Íslands
til þess að skoða þetta mál og leiðrétta stöðuna.
Ég held að ótti við breytingar sé ein ástæða þess að ekki
er löngu búið að þessu. Menn vita hvað þeir hafa en ekki
hvað þeir hafa ekki. Við megum ekki vera hrædd við breyt-
ingar.“ asgeir@dv.is
„Við höfum ekkert á móti
RÚV. Við höfum aldrei
tekið þátt í þeirri um-
ræðu að það eigi að
einkavæða RÚV eða
leggja niður. Við viljum
þeim allt það besta. Við
erum bara að fara fram
á hluti sem teljast eðli-
legir í nágrannalönd-
um okkar.“
Sigríður Margrét Oddsdóttir, 32 ára framkvæmdastjóri Skjás eins, berst
nú fyrir lífi ströðvarinnar ásamt strafsmönnum hennar. Hún segir það
erfiðasta sem hægt sé að hugsa sér í starfi sé að segja hópi fólks upp.
Eftir uppsagnirnar á fimmtudag settu starfsmennirnir saman her-
ferð gegn RÚV sem fór í loftið um kvöldið. Krafan er einföld. Sann-
gjarnt samkeppnisumhverfi á fjölmiðlamarkaði líkt og er á öllum
Norðurlöndunum og í Bretlandi.
Starfsfólkið
tók völdin