Úr þjóðarbúskapnum - 01.02.1965, Blaðsíða 45

FJÁRMUNAMYNDUNIN 1963
Flutningatæki
Fjármunamyndun í flutningatækjum jókst
um 32.7% að magni frá 1962 til 1963. Kaup
flugvéla og farskipa samtals voru þó heldur
minni á árinu 1963 en árið áður, svo að öll
aukningin kemur fram á bifreiðum til atvinnu-
rekstrar.
Farskip. Á árinu 1963 voru keypt til lands-
ins 5 farþega- og flutningaskip samtals 5.032
smálestir brúttó að stærð. Auk þess var einum
togara breytt í vöruflutningaskip.
Flugvélar. Flugvélakaup voru mjög lítil á
árinu 1963. Námu þau 10.2 millj. kr. á móti
29.5 millj. kr. árið áður, á verðlagi hvers árs.
Atvinnubifreiðar. Fjármunamyndun í at-
vinnubifreiðum varð 67.9% meiri að magni
1963 en árið áður. Munar þar mest um auk-
inn innflutning vörubifreiða, en innflutnings-
verðmæti þeirra um það bil tvöfaldaðist frá
árinu 1962.
Verzlun, veitingar og skrifstofuhús
Töluverð aukning varð á framkvæmdum í
þessari grein frá 1962 til 1963. Magnaukning
rnilli áranna varð 38.2%. Aukning bygginga í
þessari grein á undanförnum árum stendur að
miklu leyti í sambandi við tvennt. Annars veg-
ar þann skort á húsnæði af þessu tagi, sem
langvarandi fjárfestingarhöft höfðu skapað, en
þeim var ekki aflétt fyrr en á árinu 1960. Hins
vegar þörf á nýju húsnæði vegna aukinnar
þjónustu, einkum í nýjum hverfum stækkandi
kauptúna og kaupstaða.
íbúðabyggingar
Mikill fjörkippur varð í byggingu íbúðar-
húsa á árinu 1963. Hefur verðmæti íbúða-
bygginga verið áætlað 860 millj. kr. á því ári,
miðað við verðlag þess árs. Ef miðað er við
fast verðlag, er aukningin frá árinu áður 28.1%.
Af framkvæmdaupphæð ársins 1963 eru 46.6%
í Reykjavík, 29.1% í öðrum kaupstöðum, 18.5%
í kauptúnum og 5.8% í sveitum. Framkvæmdir
við íbúðarhúsabyggingar í Reykjavík 1963
voru að meirihluta við fjölbýlishús eða 66%.
Annars staðar á landinu hefur bygging fjöl-
býlishúsa vart verið teljandi, en breyting er
að verða á þessu í stærstu kaupstöðunum.
í töflu 9 er yfirlit yfir fjölda íbúða, hafinna,
fullgerðra og í byggingu árin 1958—1963. Á
árinu 1963 var hafin bygging 1773 íbúða, og
er það 50.6% íbúðum fleira en árið áður. Mest
hlutfallsleg aukning hafinna íbúða var í kaup-
stöðum utan Reykjavíkur, enda voru fullgerð-
ar íbúðir á þeim stöðum með allra fæsta móti
1963. í 5 stærstu kaupstöðunum utan Reykja-
víkur var hafin bygging 467 íbúða á móti 163
árið áður.
Fullgerðar íbúðir á öllu landinu árið 1963
voru 1303, og eru þær litlu fleiri en árið áður.
Hins vegar hafa hinar mörgu byrjanir leitt
til mikillar fjölgunar íbúða í smíðum. í árslok
1963 voru íbúðir í smíðum 3.128, og hafði
þeim fjölgað um 17.7% frá næstu áramótum
á undan. Áfallinn kostnaður við íbúðir í smíð-
um í árslok 1963 er áætlaður 41% af heildar-
kostnaðarverði þeirra.
í töflu 10 er yfirlit yfir herbergjafjölda full-
gerðra íbúða í Reykjavík, kaupstöðum og
kauptúnum árin 1962 og 1963. Greinilegur
munur er á herbergjafjölda í Reykjavík ann-
ars vegar og kaupstöðum og kauptúnum hins
vegar. í Reykjavík eru 49.2% fullgerðra íbúða
3 herbergi og minni árið 1962 og 58.8% 1963.
í kaupstöðum og kauptúnum er mikill meiri-
hluti íbúða 4 herbergi og stærri þessi ár. Með-
alstærð fullgerðra íbúða í Reykjavík árið 1963
var 322 m3, en 372 m3 í kauptúnum og 406 m3
í kaupstöðum sama ár.
Samgöngumannvirki
Til fjármunamyndunar í samgöngumann-
virkjum var varið á árinu 1963 439.6 millj. kr.
á verðlagi þess árs. Magnaukning frá árinu
43