Fréttablaðið - 05.12.2014, Qupperneq 2

5. desember 2014 FÖSTUDAGUR| FRÉTTIR | 2
NOREGUR Stjórnendur velferðar-
mála í sveitarfélaginu Arendal
í Noregi harma að særingamað-
ur hafi verið fenginn til þess
að reka út illa anda á heimili og
dagvist fyrir aldraða. Særinga-
maðurinn, Bent Egil Albrechtsen,
segir í viðtali við norska ríkisút-
varpið að starfsmenn hafi beðið
um þjónustu hans. Þeir hafi séð
hluti færast til og ljós kvikna og
slokkna og þeir sem hafi verið
á næturvakt hafi verið hræddir
þótt þeir hafi ekki verið einir við
störf. - ibs
Starfsmenn voru hræddir:
Særingamaður
rak út illa anda
VIÐSKIPTI Íslenskur kröfuhafi í
slitabú föllnu bankanna hefur í
fyrsta sinn beitt heimild í lögum
um gjaldþrotaskipti og freist-
ar þess að stöðva slitameðferð á
Glitni, setja bankann í slitameð-
ferð og þar með í þrot.
Þetta kemur fram í gjaldþrota-
skiptabeiðni sem lögmaður Ursus-
ar ehf., félags í eigu Heiðars Már
Guðjónssonar, sendi Héraðsdómi
Reykjavíkur í gær. Ursus á viður-
kennda kröfu í slitabú Glitnis upp
á rúmlega 3,1 milljón króna.
Í gjaldþrotabeiðninni segir að
nauðasamningaumleitanir Glitn-
is hafi engum árangri skilað og
að Ursus hafi lögvarða hagsmuni
af því að gjaldþrotaskipti hefjist
strax.
Heiðar segist fara fram á gjald-
þrotaskiptin vegna þess að ferl-
ið hafi verið alltof langt. „Það
er kominn tími til þess að gera
upp þessa gömlu banka og setja
þá loksins í þrot. Hlutverk slita-
stjórnar hefur alltaf verið að
finna kröfuhafana og greiða þeim.
Þeirra hlutverk hefur ekki verið,
eins og þeir hafa reynt að fram-
kvæma síðustu ár, að semja sig
fram hjá íslenskum lögum. Þá
á ég við gjaldeyrislögin,“ segir
Heiðar.
Ef krafa Ursusar verður tekin
til greina verður slitastjórn Glitn-
is leyst frá störfum og skiptastjóri
verður skipaður yfir þrotabúi
bankans. Slitastjórnin hefur fjór-
ar vikur til að skila greinargerð
til að andmæla kröfu Ursusar.
- þþ
Íslenskur kröfuhafi segir slitaferli Glitnis orðið of langt og vill að slitameðferð bankans verði stöðvuð:
Krefst þess að Glitnir fari í gjaldþrotaskipti
VILL FÁ GREITT Heiðar Már Guðjóns-
son á kröfu upp á rúmlega 3,1 milljón
króna í slitabú Glitnis.
FRÉTTABLAÐIÐ/ANTON BRINK
SPURNING DAGSINS
STJÓRNMÁL „Við eigum að senda út
skýr skilaboð um að það líðist ekki
að lítillækka og smána fólk svona.
Sérstaklega þegar um er að ræða
ung börn sem hafa engin tæki til
þess að stoppa þetta þegar það er
komið af stað,“ segir Björt Ólafs-
dóttir sem er fyrsti flutningsmað-
ur frumvarps um bann við hefnd-
arklámi.
Þingflokkur Bjartrar framtíðar
hefur lagt fram frumvarpið sem
felur í sér að hefndarklám verður
bannað með lögum og gert refsi-
vert.
Hefndarklám
felur í sér dreif-
ingu eða birtingu
á kynferðisleg-
um myndum eða
myndskeiðum án
leyfis þess sem
á myndefninu
er. Hefndarklám
dregur nafn sitt
af því að myndefninu er stundum
dreift í hefndarskyni að loknu ást-
arsambandi en jafnframt getur
verið um að ræða dreifingu mynd-
efnis sem einstaklingur hefur sent
í góðri trú.
Færst hefur í aukana undanfar-
in ár að hefndarklámi sé dreift og
hefur meðal annars verið mikið
fjallað um vefsíður þar sem dreift
er nektarmyndum af íslenskum
stúlkum. Lögregla hefur lítið getað
gert til þess að stöðva þessar síður
þar sem þær eru yfirleitt vistaðar
erlendis.
„Það er ekki til í hegningarlög-
um skýrt bann við hefndarklámi
enda um frekar nýtt hugtak að
ræða og nýtt að þetta sé að eiga
sér stað með tilkomu netsins og því
Hefndar klám verði
bannað með lögum
Þingflokkur Bjartrar Framtíðar leggur fram frumvarp um að banna hefndarklám
og gera það refsivert. Björt Ólafsdóttir, fyrsti flutningsmaður frumvarpsins, segir
mikilvægt að koma skömminni sem fylgir burt frá þolendum og yfir á gerendur.
HEFNDAR-
KLÁM Að
undanförnu
hefur aukist
mikið að
hefndarklámi
sé dreift.
BJÖRT ÓLAFS-
DÓTTIR samfélagi sem er þar,“ segir Björt.
„Það er að gerast að það er verið
að kúga og lítillækka fólk, þá eink-
um konur og oft unglingsstúlkur,
með myndbirtingum og dreif-
ingu á myndum sem sýna þær á
kynferðislegan eða lítillækkandi
hátt.“
Björt segir raunina vera þá að
þegar myndir eru komnar á netið
þá fari þær ekki auðveldlega
þaðan aftur og sé oft dreift milli
alls kyns aðila, sem oft þekkja
ekki viðkomandi sem er á mynd-
unum. Verði nýja frumvarpið sam-
þykkt getur það leitt til þess að sá
sem mynd er dreift af getur leitað
réttar síns gegn þeim sem dreifa
myndunum.
Þá segir Björt mikilvægt að
koma ábyrgðinni yfir á gerendur,
þá sem dreifa hefndarkláminu.
Verði frumvarpið samþykkt séu
það skýr skilaboð um að kerfið
standi með þolendum gegn þeim
sem brotið hefur verið gegn.
„Það er verið að færa skömm-
ina frá þolendunum á gerandann.
Ef þú gerir fólki þetta þá átt þú
skömmina af því, ekki þolandinn
sem ætlunin er að kúga eða lítil-
lækka,“ segir Björt.
Í frumvarpinu kemur fram að
mikilvægt sé að fræða ungt fólk
um áhrif þess að dreifa hefndar-
klámi. Ekki sé nóg að fræða ein-
ungis um lagaleg áhrif heldur
þurfi að varpa ljósi á alvarleika
þess og sálræn áhrif á þolendur.
Hefndarklám hefur meðal ann-
ars verið bannað í Ísrael, Finn-
landi, Noregi, Danmörku, auk
nokkurra ríkja í Bandaríkjunum.
viktoria@frettabladid.is
MENNING „Það er ekkert skemmt þannig séð en inn-
viðir hússins hafi látið töluvert á sjá með tímanum,“
segir Hjálmar Sveinsson, formaður umhverfis- og
skipulagsráðs, um sal Nasa við Austurvöll sem Sig-
mundur Davíð Gunnlaugsson friðlýsti nýverið.
Pétur Ármannsson, arkitekt hjá
Minjastofnun Íslands, tekur undir
með Hjálmari. „Salurinn og innvið-
irnir eru niðurníddir og skemmdir
að einhverju leyti. Það er eins og
gengur og gerist með skemmtistaði.
Hann hefur sjúsk ast niður og ein-
hverju hefur verið breytt.“
Pétur segir góðar ljósmyndir til
af innviðum salarins og því sé ekk-
ert því til fyrirstöðu að endurgera
salinn í upprunalegt horf. „Eigandi Nasa þarf nú
að sækja um leyfi fyrir öllum breytingum á húsinu.
Friðlýsingin tryggir betur aðkomu Minjastofnunar.“
Eigandi hússins, Pétur Þór Sigurðsson, hefur ekki
brugðist við fréttum af friðlýsingu salarins og hvort
gjörningurinn hefur áhrif á fyrirhugaða byggingu
hótels á reitnum. - kbg
Eigandanum bannað að hreyfa við innviðum Nasa-salarins án leyfis:
Nasa sjúskað og í slæmu standi
PÉTUR
ÁRMANNSSON
MÁ ENGU BREYTA Salur Nasa er enn að talsverðu leyti í upp-
haflegri mynd en sjúskaður að mati arkitekts hjá Minjastofn-
un Íslands. FRÉTTABLAÐIÐ/
Björn, er enginn ormur á
fljótinu?
„Það er einn sem hringar sig á botni
fljótsins, kannski bætist annar við.“
Veitingaferjan Lagarfljótsormurinn hefur
ekki verið í rekstri síðustu árin. Björn
Ingimarsson er bæjarstjóri Fljótsdalshéraðs
sem hafnaði ósk um að ferjan mætti verða
að veitingastað á Egilsstöðum.
KJARAMÁL „Það er komin fram
hugmynd á samningaborðið, en
alls ekkert tilboð. Við hittumst
aftur á sunnudag,“ segir Þorbjörn
Jónsson, formaður Læknafélags
Íslands, eftir stuttan fund hjá
ríkis sáttasemjara í gærkvöldi.
Þorbjörn tekur fram að hug-
myndin sem lögð var fram komi
ekki í veg fyrir að læknar leggi
niður vinnu á mánudag og enn
miði fremur hægt í kjaraviðræð-
um. Verkfallsaðgerðir lækna hafa
nú staðið yfir í rúman mánuð.
- kbg
Nýr flötur í læknadeilunni:
Hugmynd en
alls ekki tilboð
BANDARÍKIN Geimskipið Orion, sem hannað er til þess að koma mönn-
um til plánetunnar Mars, fer í sitt fyrsta reynsluflug í dag. NASA
hefur þróað farið til að flytja menn um langar vegalengdir í geimnum
og þar með talið til Mars og smástirna í sólkerfi okkar. Farinu verður
skotið á loft frá Flórída og mun það fara tæpa sex þúsund kílómetra í
kringum jörðina áður en það lendir í Kyrrahafinu. Upprunalega stóð
til að skjóta Orion á loft klukkan 12.05 að íslenskum tíma á fimmtu-
daginn en skotinu hefur nú verið frestað þrisvar vegna bilana.
Tæplega 30.000 manns voru mættir á staðinn til að skoða geimskipið
og verða vitni að skotinu í gær. - glp
Fresta þurfti því að skjóta geimskipinu Orion á loft í gær:
Þróað til að flytja menn á Mars
ÚT Í GEIM Geimskipinu Orion verður skotið á loft í dag ef allt gengur eftir.
NORDICPHOTOS/AFP