Fréttablaðið - 05.12.2014, Qupperneq 84

5. desember 2014 FÖSTUDAGUR| LÍFIÐ | 60
BAKÞANKAR
Lilju Katrínar
Gunnarsdóttur
Það hefur líklegast ekki farið fram hjá neinum að stjörnuhjónin Beyoncé og
Jay Z eru á Íslandi. Fjölmiðlar keppast
um að ná myndum af parinu og fylgjast
með hverju fótspori þeirra enda ekki á
hverjum degi sem stjörnur af þessu kali-
beri heimsækja land og þjóð.
OG AF HVERJU keppast fjölmiðlar við að
segja fréttir af þessu fólki? Jú, því pöpull-
inn vill lesa þær. Og þar er ég meðtalin.
ÉG HEF sjúklegan áhuga á frægu fólki.
Ég safnaði einu sinni stjörnumynd-
um, það er að segja myndum af mér
með fræga fólkinu. Í þeim bunka eru
mörg stórmenni en engin stjarna
jafn skær og Beyoncé og Jay Z. Því
gæfi ég annan handlegginn fyrir að
stilla mér upp á milli þeirra með
taugaveiklað bros á andlitinu. Og
ég skammast mín ekkert fyrir að
viðurkenna það.
EN ÞAÐ ER asnalegt að hafa áhuga
á frægu fólki. Það er lúðalegt. Og
fyrst og fremst er það frekt. Maður á
víst að láta þetta blessaða fólk í friði.
Alls ekki sýna því áhuga. Og ef maður sér
það á maður ekki að sýna nein svipbrigði,
ekki munda myndavélina eins og um
byssueinvígi sé að ræða og alls, alls, alls
ekki segja nokkrum lifandi manni frá því
að maður hafi hitt það!
ÉG HEF áhyggjur af Íslendingum. Við-
brögðin við þessum fréttaflaumi af hjón-
unum hafa verið svo sjúkleg að ég er
hrædd. Hrædd um að við eigum okkur
enga von. Hrædd um að við eigum eftir
að rotna á þessu skeri. Hrædd um að við
eigum ekki eftir að taka eftir því hvað við
erum orðin leiðinleg og aumkunarverð því
við erum alltaf að heyja baráttu annarra.
Taka upp hanskann fyrir fólk sem getur
vel tekið hann upp sjálft.
MÁ ÉG EKKI bara velta mér upp úr Jay og
Bey? Það veitir mér allavega smá ánægju.
Og trúið mér – fólk sem velur sér þetta
starf, lifir lifi sínu í sviðsljósinu, fækkar
fötum í tónlistarmyndböndum og þénar
sinn pening því það á skrilljónir aðdáenda,
vill alls ekki vera látið í friði. Það sem
þetta fólk óttast mest er að einhver gleymi
því.
Ekki láta þau í friði!
10(P) - FORSÝNING
7, 10:20
4, 6
5, 8
8, 10:30
5%
KRINGLUNNI
SPARBÍÓ
AKUREYRI
KEFLAVÍK
ÁLFABAKKA EGILSHÖLL
T.V. SÉÐ & HEYRT
EMPIRENEW YORK POST
TIME OUT LONDON
EMPIRE ROLLING STONE
HOLLYWOOD REPORTER
Miðasala á:
EXODUS 3D FORSÝNING KL. 9
MOCKINGJAY– PART 1 KL. 6 – 8 – 10.30
DUMB AND DUMBER TO KL. 5.30 – 8 – 10.30
MÖRGÆSIR ÍSL TAL 2D KL. 5.30
MÖRGÆSIR ÍSL TAL 3D KL. 5.30
NIGHTCRAWLER KL. 8
ST. VINCENT KL. 10.30.
EXODUS 3D FORSÝNING KL. 8
MOCKINGJAY – PART 1 KL. 5 – 8 – 10.45
MOCKINGJAY – PART 1 LÚXUS KL. 5 – 8 – 10.45
MÖRGÆSIR ÍSL TAL 2D KL. 3.15 – 5.30
MÖRGÆSIR ÍSL TAL 3D KL. 3.15 – 5.30
DUMB AND DUMBER TO KL. 3.30 - 6 – 8 – 11.10
GONE GIRL KL. 10.15
FORSÝND UM HELGINA
„Ég hef verið að reyna að koma
hingað í mörg ár. Það hefur aðeins
tekið mig 20 ár að slá í gegn hér,
þannig að ég er ánægður að vera
kominn,“ segir grínistinn Michael
Winslow, einnig þekktur sem „mað-
urinn með 10.000 raddirnar“ úr
Police Academy-myndunum. Hann
er nú staddur hér á landi og mun
halda uppistand á laugardagskvöld
á skemmtistaðnum Hendrix við
Stórhöfða 17. Nafnið á staðnum er
skemmtilega viðeigandi enda hefur
Winslow oft hermt eftir gítarkapp-
anum. „Ég hef á tilfinningunni að
Jimi munu kíkja við í smástund og
sjá hvernig landið liggur. Hann á
eftir að svífa niður og sjá hvað við
erum að bralla,“ segir hann.
Aðspurður um hvernig vinnu-
ferlið hans sé segir Winslow að það
sé blanda af spuna og fyrirfram
ákveðnum hugmyndum. „Sumt
er létt en annað tekur heila eilífð.
Stundum eyðirðu allri ævinni í að
reyna að ná einhverju. Að mestu
leyti er mikið af spuna sem felst
í þessu en það skiptir mestu máli
fyrir mig að hafa gaman,“ segir
hann. „Það er eitt að þekkja eitthvað
en það er annað að þekkja eitthvað
mjög vel. Fólk sem spilar á blásturs-
hljóðfæri kannast við „nótuna sem
er ekki þar“, þau reyna að ná hæstu
nótunni sem maður getur ekki fund-
ið. Þegar ég hlusta á David Gilmour,
gítarleikara Pink Floyd, hugsa ég:
„Hvernig kemst hann svona hátt?“
Hann nær nótum sem gítarleikarar
ná ekki, nema í huga okkar,“ segir
Winslow, sem telur erfiðustu hljóð-
brelluna vera brothljóð í gleri.
Winslow hefur haft nóg að gera
undanfarin ár en hann vinnur nú í
grínmyndinni Celebrity Death pool
með Ken Jeong úr The Hangover
og David Hasselhoff. Þá lék hann
með gömlu félögum sínum úr Police
Academy í skrímslamyndinni Lav-
antulas fyrir Syfy-sjónvarpsstöð-
ina. „Hún er svo ótrúlega kjánaleg,
þetta verður alveg sprenghlægilegt.
Hún heitir Lavantulas af því að hún
fjallar um kóngulær sem koma út
úr eldfjalli,“ segir Winslow og hlær.
Þá er hann að vinna í sinni eigin
mynd fyrir sjónvarpsstöðina en
hann vill ekki láta uppi um hvað hún
snýst. „Þeir sögðu að ég mætti gera
þessa mynd ef ég gerði öll hljóðin,
og að sjálfsögðu var ég til í það,“
segir Winslow.
Ný Police Academy-mynd er nú í
bígerð í framleiðslu grínistanna Key
& Peele, sem gerðu einmitt grín að
Winslow í sketsaþættinum sínum. Í
sketsinum berst Winslow við söngv-
arann Bobby McFerrin um heiður-
inn af því að vera besti hljóð brellu-
grínistinn. „Það var mjög illkvittið
en mjög fyndið. Að minnsta kosti
létu þeir mig vinna!“ segir Win slow
en ekkert hefur komið fram um leik-
araliðið í nýju myndinni.
Þá hefur Winslow einnig verið
mikilvirkur við að búa til hvers
kyns öpp, svo sem NoizeyMan sem
inniheldur vídeó, hringitóna, hljóð-
brellur og leiki búna til af Winslow.
„Ég er að vinna í öppum, leikjum,
fræðsluforritum. 2015 verður ár
appsins fyrir mig.“
thorduringi@frettabladid.is
Hefur reynt í heil 20 ár
að slá í gegn á Íslandi
Michael Winslow, „maðurinn með 10.000 raddirnar“ úr Police Academy-mynd-
unum, heldur uppistand á skemmtistaðnum Hendrix við Stórhöfða á morgun.
MICHAEL WINSLOW Gæti verið að Hendrix láti sjá sig á Hendrix. NORDICPHOTOS/GETTY
Þess má geta að Winslow hefur unnið með fjöldanum öllum af tónlistar-
mönnum, svo sem Animal Collective, Law og nú seinast Run The Jewels
sem munu einmitt koma fram á ATP-tónleikahátíðinni í Keflavík í júlí.
Winslow léði þeim vélmennaröddina sína frægu fyrir nýju plötuna þeirra,
RTJ2. „Það var svo ótrúlega gaman að vinna með Run The Jewels. Þeir eru
virkilega öðru vísi tónlistarmenn.“
Maðurinn með 10.000 raddirnar