Dagblaðið Vísir - DV - 22.02.2013, Blaðsíða 34

6 Fermingar 22.–24. febrúar 2013 Helgarblað
DV130221318
Maður fer dálítið að pæla
V
ið höfum aðallega talað
um guð, Jesú og trúna og
lært trúarjátninguna og
Faðir vorið en ég kann
það nú eiginlega. Annars
höfum við líka talað um margt
fleira en trúna í fermingarfræðsl­
unni. Ég bjóst kannski við að þetta
yrði meira líkt því að vera í messu
en þetta hafa bara verið skemmti­
legir tímar,“ segir Ragnar Mar Svan­
hildarson. Sjálfur segist hann yfir­
leitt biðja bænir áður en hann fer
að sofa og þá stundum Faðir vorið
eða aðrar bænir.
Hann segir að hann og félagar
hans hafi farið að velta fyrir sér
trúnni og tilgangi lífsins í tengsl­
um við fermingarfræðsluna. „Mað­
ur fer dálítið að pæla. Það er talað
mikið um hvað guð er stór partur
af lífi manns og maður fer rosalega
mikið að spá í það.“
Hann talar meira um bænirnar
og segir að sér finnist gott að trúa
og biðja. „Mér finnst gott að geta
beðið til guðs ef mig vantar eitt­
hvað og get þannig fundið ró og
slakað á.“
Það er rúmur mánuður þar til
fermingardagurinn rennur upp.
„Ég hef ekkert rosalega miklar
væntingar til dagsins. Ég bara
hlakka til að hitta fjölskyldu og vini
og vil njóta dagsins og hafa gaman.“
Um ferminguna segir hann
annars: „Það þýðir að ég er að játa
trú mína á Jesú og guð; staðfesta trú
mína.“
Fermingarfötin eru komin í hús.
„Ég keypti mér föt í Next um daginn.
Ég fékk gráan jakka, svartar buxur,
fjólubláa skyrtu og skó úr Urban.“
Veislan verður haldin í sal og
verða gestir tæplega 100.
Hann segist vera til í að bjóða
upp á pítsu í veislunni en það eru
ekki allir sáttir við það. „Við verðum
með síðbúinn hádegisverð; lamba­
steik sem mér finnst rosalega góð
og tertu í eftirrétt sem öllum finnst
góð.“
Gjafir fylgja fermingum og
Ragnar Mar veit hvað hann fær
frá mömmu sinni. „Við förum til
Afríku; sennilega til Tansaníu í
tvær vikur. Við mamma erum búin
að plana þetta síðan ég var í fyrsta
bekk; og þú sem lest þetta: Ekki
búast við svona stórri gjöf. Það
er alltaf spennandi að fá mikið af
stórum pökkum en með aldrinum
verður maður ekki jafn spenntur
fyrir gjöfum en það er samt
æðislegt.“ n
Fjólublátt þema
É
g bað á hverju kvöldi þegar ég
var lítil en ég geri það ekki eins
oft núna,“ segir Kristín María Vil­
hjálmsdóttir. „Ég hef nokkrum
sinnum farið í kirkju en það er skylda
fyrir ferminguna og við biðjum nátt­
úrlega bænir í kirkjunni.“
Um guð og Jesú segir hún: „Guð
er eins og andi eða það góða sem
er í kringum okkur. Ég bið til guðs
þegar mér líður illa og bið hann um
að hjálpa mér og þakka honum fyr­
ir þegar mér líður vel. Jesús var boð­
beri guðs og er það ennþá. Í Bibl­
íunni stendur að Jesús hafi gert mörg
kraftaverk og ég trúi því.“
Um fermingarfræðsluna segir hún:
„Við erum mjög mikið búin að vera að
læra um boðorðin, við erum búin að
skoða kirkjuna og orgelið og táknin
þar inni og læra hvað þau þýða.
Við höfum líka lært um giftingar
og hjónabönd og ýmislegt meira. Við
munum örugglega læra meira um
ferminguna sjálfa á næstunni.“
Hún segir að hvað fermingar­
daginn varðar hugsi hún mest um
athöfnina „en það verður samt líka
gaman að halda veislu,“ segir hún.
„Við erum búin að kaupa kjólinn.
Hann er fjólublár og svartur. Skórn­
ir eru silfurlitaðir og með steinum.
Mig minnir að pabbi hafi sagt í gær
að hann hafi verið að panta matinn.
Við eigum eftir að kaupa skreytingar,
servíetturnar og kertin en við erum
komin með salinn. Ég held að það
eigi að vera fjólublátt þema út af
kjólnum. Ég vona bara að allt gangi
vel og ég held að allt muni ganga vel.“
n „Ég bið til guðs þegar mér líður illa“
nFermingargjöfin er ferð til Tanzaníu með mömmu n Finnst gott að biðja bænir
Ragnar Mar
Svanhildarson
„Það þýðir að ég er
að játa trú mína á
Jesú og guð; stað-
festa trú mína.“
Kristín María ásamt móður sinni „Jesús var boðberi guðs og er það ennþá. Í biblíunni
stendur að Jesús hafi gert mörg kraftaverk og ég trúi því.“