Són - 01.01.2014, Blaðsíða 180

178 Haukur Þorgeirsson
Því er eg latr á ljóða gjörð þó lýðrinn beiði,
auðþöll gaf mér eina heiði,
enginn er það mærðar greiði.
Drengnum leist í drósar nafni Dróma tugga,
legg eg þar til lítinn skugga,
Lóðurs vín skal þannveg brugga.11
Hvað hét stúlkan? Orðin „auðþöll gaf mér eina heiði“ liggur bein ast við
að skilja þannig að nafnið hafi endað á –heiður. Þar sem skáldið talar um
„lítinn skugga“ er sennilega vísað til sama nafn hluta og átt við lýsingar-
orðið ‘heiður’. Þá hlýtur „Dróma tugga“ að merkja fyrri lið nafnsins. Hér
er greinilega goða fræðileg vísun en Drómi var einn af fjötrunum sem
lagðir voru á Fenri. Hinir nefndust Læðingur og Gleipnir.
Þegar Magnús Ólafsson samdi Laufás-Eddu í upphafi 17. aldar hafði
hann mest fyrir sér Worms bók Snorra-Eddu. Sú bók var þá fyllri en
hún er nú og sumt af því sem stóð á glötuðu blöðunum er aðeins varð-
veitt í Laufás-Eddu. Þar á meðal er vísun í kvæði þar sem Fenris úlfur
er kallaður Gleipnis tugga.12 Dróma tugga hlýtur að vera það sama og
Gleipnis tugga og hefur þá stúlkan heitið Úlfheiður.
Sá sem orti þennan hluta Ektors rímna hefur að öllum líkindum
þekkt Eddutextann þar sem Gleipnis tugga kemur fyrir. Ef til vill hefur
hann haft sjálfa Wormsbók í höndunum. Það væri ekki fráleitt að kanna
skálda mál Ektors rímna rækilega og sjá hvort eitthvað fleira bendir til
texta Wormsbókar.
Heimildir
Davidson, Hilda Ellis (ritstj.) og Peter Fisher (þýð.). 1998. Saxo Grammaticus.
The History of the Danes. Brewer, Cambridge.
Faulkes, Anthony (útg.). 1979. Two Versions of Snorra­Edda from the 17th
Century I. Edda Magnúsar Ólafssonar. Stofnun Árna Magnússonar á
Íslandi, Reykjavík.
Finnur Jónsson (útg.). 1931. Edda Snorra Sturlusonar udgivet efter
håndskrifterne. Gyldendal, København.
11 Ólafur Halldórsson 1968:72r.
12 Faulkes 1979:375.