Glóðafeykir - 01.11.1973, Side 23

GLÓÐAFEYKIR
23
Hvert stefnir?
Framleiðsluráð landbúnaðarins hóf störf fyrir fjórðungi aldar.
I tilefni af því hefur Sveinn Tryggvason, framkvæmdastjóri Fram-
leiðsluráðs frá öndverðu, ritað mjög greinargott og athyglisvert yfir-
lit yfir störf ráðsins og birt í Árbók landbúnaðarins 1972—1973.
Væri hverjum manni hollt að kynna sér þá ritgerð. En þeir eru allt
of fáir, því miður, sem Árbókina kaupa og lesa. Ég fékk leyfi höf-
undar til að birta í Glóðafeyki lokaorð ritgerðarinnar, og fara þau
hér á eftir. G. M.
„Hér að framan er sagt frá störfum einnar ákveðinnar stofnunar,
sem starfað hefur í 25 ár á sviði landbúnaðarins. Þá er einnig drepið
nokkuð á helztu framfarir sem orðið hafa í landbúnaðarmálum á
þessu árabili. Það væri ef til vill réttara að segja að drepið hefði verið
á helztu breytingar, sem orðið hefðu meðal þjóðarinnar og þá um
leið í landbúnaðarmálum.
Mörgum finnst eflaust að mikill hluti þeirra breytinga, sem orðið
hafa, séu ekki til bóta og horfi ekki til framfara. Um það má eflaust
deila, eins og flest annað.
Bókstaflega talað hefur allt þjóðfélagið tekið breytingum frá því,
sem áður var. Bættar samgöngur á landi hafa orðið til þess að félags-
kerfi sveitanna hefur riðlazt í stórum landshlutum. Samsrönmtkerfi
á sjó milli hafna hefur dregizt mjög saman. Staðir, sem áður voru
fjölbýlir, hafa ýmist lagzt alveg í eyði eða berjast nú gegn eyðingu
byggðarinnar. Embættismannastéttin svo sem prestar og læknar fæst
ekki til að taka sér bólfestu utan þéttbýlisstaðanna. Verkafólk í sveit-
um er liðin saga, en í staðinn hafa bændur aukið nokkuð vélbúnað
sinn og leggja á sig og fjölskyldu sína aukna vinnu, sem er í algjöru
ósamræmi við vinnuframlag megin þorra þjóðarinnar. Mikill hluti
bændanna er einbýlingar og fólk komið á efri ár. Svona mætti lengi
telja. Þetta er saga sem flestir landsbúar eiga að þekkja og sem menn
tala um í veizluræðum og á mannfundum, þar sem slíkar ræður
eiga við. Úrbætur eru samt ekki sjáanlegar á næsta leiti. Það er held-
ur varla von, því það þarf ofurmannleg átök og samstilltan þjóðar-