Glóðafeykir - 01.11.1973, Page 45

GLÓÐAFEYKIR
45
Úr Leirgerði
FRAMHALD
Nítján hundruð fjörutíu og níu byrjaði Jón skáld ballið með því
að senda sekreteranum eftirfarandi ljóð:
Settur enn er sýslufundur,
sumarið hann með sér ber;
gleði- verða engin -undur,
ekki Sæluvikan er —
en þó má enginn eins og hundur
inni fýldur sitja hér.
Vona ég að gleði í geði
o o o
geisli enn í vinahóp,
því Stefáni á bragabeði
blíður Drottinn orðsnilld skóp;
vona ég hann vísur kveði,
svo verði úr því kvæðasóp.
Vorið 1949 var hið mesta harðindavor. Sýslufundur hófst 28. apríl
og stóð til 7. maí; gekk þá ekki á öðru en stórhríðum og illviðrum.
Þá orti Bakkaskáld til ritara:
Argur stormur úti gnýr,
orri fanna-skýja.
En okkar milli ennþá býr
yndisþokki og hlýja.
Stefán! Allt ég þakka þér.
Þín skal minning lifa!
En þín störfin eru hér
upp þingmál að skrifa.