Vestfirska fréttablaðið - 17.12.1985, Blaðsíða 3
I vestfirska
rRETTABLADID
Útgefandi og ábyrgöar-
maður: Árni Sigurðsson
Fagraholti 12
ísafirði
Blaðamenn: Páll Ás-
geir Ásgeirsson
og Arnar Þ. Árnason
Áskriftar- og
auglýsingasímar
4011,3100 og 3223
11. árgangur
17. desember 1985
50. tölublað
Efnisyfirlit:
Sr. Kristján Valur Ingólfsson:
Og Ijósið kemur.........................................
Vestfirðingur í París:
Leikhús sólarinnar .....................................
Páll Ásgeirsson:
Söfnuðinum kemur ekki við hvað presturinn kýs
Páll Ásgeirsson:
Fjölskyldurnar ættu skilið að fá medalíu
Hildur Jónsdóttir, 10 ára:
Smásaga og viðtöl við krakka
Jólakveðja, ferming, og Ijóð efitr Guðmund Ó. Guðmundsson
Góða veislu gjöra skal..................................
Pétur Bjarnason:
Ein ferð af mörgum á stríðsárunum.......................
Æskulýðssamband vestfirskra safnaða:
Jólasíða yngstu lesendanna
Rúnar Helgi Vignisson og Guðrún Guðmundsdóttir:
Hróarskelda.............................................
Rúnar Helgi Vignisson og Guðrún Guðmundsdóttir:
Minnst samskipti við ísafjörð...........................
Rúnar Helgi Vignisson og Guðrún Guðmundsdóttir:
Víkingasafnið í Hróarskeldu
ísfirðingar í útlöndum..................................
Gísli Halldór Halldórsson:
Atómstyrjaldarkvæði
Páll Ásgeirsson:
Langbrók í Slunkaríki...................................
Einar K. Guðfinnsson — Páll Ásgeirsson:
Kvótakerfið hefur mun fleiri galla en kosti.............
Einar K. Guðfinnsson — Páll Ásgeirsson:
Óhætt að veiða mun meira af þorski
Áslaug Jensdóttir:
Gamli Björn á Skák......................................
Páll Ásgeirsson:
Vináttuheimsókn hjá vörðum laganna
Nokkrir Vestfirðingar:
Hugleiðingar um árið sem er að líða
Björgvin Bjarnason:
Annáll íþrótta í Bolungarvík 1985
Auk þess: Bókafréttir, hljómplötur og margt fleira
Bls.
5
...7
9
.15
.19
21
23
24
27
29
31
33
34
37
37
38
.41
.43
.44
45
.49
GLEÐILEG JÓL
FARSÆLT NÝTT ÁR
Árið 1985 hefur á margan hátt verið ár sviptinga í
atvinnu- og efnahagslífi okkar. Kvótakerfið, sem illu
heilli var þröngvað upp á okkur í fyrra og aftur í ár
virðist eiga meirihlutafylgi hjá L.f.Ú. og Fiskiþingi, en
sjómenn í Farmanna- og fiskimannasambandinu mót-
mæltu harðlega hinum þröngu stjómunarákvæðum í
frumvarpi sjávarútvegsráðherra um fiskveiðistefnuna.
Veiðimannseðli sínu samkvæmir og í ljósi þekkingar
sinnar á hegðum „þess gula“ vilja þeir miklu fremur
stjómun, sem felst í sóknarmarki og tegundarmarki,
heldur en aflamarki.
Allir Alþingismenn Vestfirðinga eru sama sinnis og
fiskimennimir og fleiri af hinum víðsýnni þingmönn-
um eru það líka. En því miður virðist Halldóri sjávar-
útvegsráðherra ætla að takast að berja frumvarpið í
gegn, þrátt fyrir þetta. Vissulega gengur það þvert á
hagsmuni Vestfirðinga, sem árum saman hafa aflað
betur en aðrir og hafa notið þar nálægðar við gjöful
fiskimið og eigin dugnaðar og útsjónarsemi.
Grundvallarvillan í efnahagskerfinu, hin meingall-
aða gengisskráning, hefur árum saman haldið fram-
leiðslubyggðarlögunum niðri, en þó sennilega aldrei
eins og nú hin síðari misseri og þrátt fyrir yfirlýstan
góðan vilja mætra manna til þess að þoka þessu í
frjálsræðisátt, þá miðar lítið. Þama þarf að blása til
harðrar baráttu fyrir þjóðarhag, en láta flokkshags-
muni víkja fyrir breiðri samfylkingu þeirra sem setja
ráðdeild ofar óhófseyðslu. Sá vísir að viðskiptafrelsi við
umheiminn, sem komið hefur verið á, veitir því miður
aðeins innflytjendum frelsi til þess að eyða, en hendur
framleiðenda og útflytjenda eru álíka bundnar og fyrr,
þegar að ráðstöfun aflafjárins kemur, og þó verr, þar
sem erlendar skuldir halda áfram að aukast.
Af ýmsu fleira er að taka, en það verður ekki gert hér
og nú.
Vestfirska fréttablaðið hóf í nóvember s.l. gönguna
inn á sinn annan áratug. Það er ekki langur aldur í sögu
fréttablaðs, en þó er blaðið elsta óháða fréttablaðið,
sem gefið er út utan Reykjavíkur. Við fögnum því að
útgáfan hefur aldrei verið öflugri og verður árgangur-
inn 510 blaðsíður í fimmtíu og einu tölublaði.
Á árinu hafa óvenju margir starfað við blaðið að
fréttaöflun og var í fyrsta sinn ráðinn ritstjóri, annar en
undirritaður. Því miður stóð það stutt, og við söknum
vinar í stað, þar sem Ólafur Guðmundsson þurfti að
hverfa úr starfi vegna veikinda. Honum og fjölskyldu
hans sendum við innilegar jóla- og nýárs kveðjur og
óskum þeim sigurs í baráttunni við erfiðan sjúkdóm.
Aðrir sem starfað hafa við Vestfirska fréttablaðið
eru: Yngvi Kjartansson, sem er nú blaðamaður hjá
Degi á Akureyri, Jón Birgir Pétursson, fréttahaukur úr
Reykjavík, sem hefur áður hjálpað okkur i millibilsá-
standi, Rúnar Helgi Vignisson, sem sinnir ritstörfum og
fleiru í Kóngsins Kaupmannahöfn og þeir Páll Ás-
geirsson og Arnar Þ. Ámason, sem nú halda uppi merki
fréttamennskunnar.
Öllum þessum ágætu mönnum þökkum við vel
unnin störf.
Gleðileg jól,
farsælt nýtt ár.
Ámi Sigurðsson, ritstjóri.