Vestfirska fréttablaðið - 17.12.1985, Blaðsíða 45

vestfirska
"RETTABLADID
45
Litið um öxl á aðventu 1985
Hugleiðingar
nokkurra
Vestfirðinga
um árið sem
er að líða
Ljósmyndir: Mats Wibe Lund
Pétur
Þorsteinsson,
Tálknafirði:
Vegna þess að Tálknafjörður
hefur ekki verið oft nefndur í
blaðinu, kemur fyrst örstutt
upprifjun frá eldri tíð.
Tálknafjörður er yngsta þorp
á Vestfjörðum. Árið 1956 voru
hér, þar sem þorpið stendur nú
aðeins þrír sveitabæir og fimm
önnur hús. Lítill bryggjustúfur
fyrir litla báta og lítið frystihús.
Nú er hér þorp með 380 íbúum.
Allt hefur verið byggt upp frá
grunni. Nýtt hraðfrystihús og
tvær aðrar fiskverkunarstöðvar,
nýr skóli, stór hafskipabryggja,
þar sem stærstu skip flotans
geta lagt að. Á þessu tímabili
hafa Tálknfirðingar látið smíða
átta ný fiskiskip, þar af tvo
skuttogara, auk kaupa á eldri
skipum. Hér er fullkomin Vél-
smiðja þar starfa 6 — 8 manns.
Trésmíðaverkstæði þar starfa
10 — 12 manns, Bílaverkstæði,
Rafverkstæði auk annara
smærri fyrirtækja. Þá eru tveir
bankar Landsbankinn og Sam-
vinnubankinn. Landsbankinn
opinn alla daga. Samvinnu-
bankinn þrisvar í viku.
Flotinn skilar á land á þessu
ári milli 5 og 6 þúsund tonnum.
af fiski. Þá er ekki meðtalinn
afli bv. Sölva Bjamasonar, sem
leigður var til Bíldudals.
MARKVERÐAST HÉÐAN Á
ÁRINU
Á þessu ári var lokið við að
steypa plötu á nýja hafskipa-
bryggju og er nú hægt með góðu
móti að afgreiða t.d. þrjá skut-
togara í einu ef með þyrfti. Þá
hefur aðalgatan verið lögð
bundnu slitlagi gegnum þorpið
út að skóla og sundlaug alls ca.
tveir km. Á s.l. sumri var lagt
slitlag á veginn milli Patreks-
fjarðar og Tálknafjarðar að
mestu og er að því mikil sam-
göngubót, en til Patreksfjarðar
þurfum við að sækja til læknis
og sýslumanns. Þó kemur
sýslumaður til okkar þegar
hann þarf að bjóða eitthvað
upp. Hjá Hraðfrystihúsi
Tálknafjarðar hf. standa yfir
miklar framkvæmdir. í fyrstu
lotu er verið að byggja nýjan
frystiklefa 500 fermetra að
stærð. I framhaldi af því fara
fram breytingar á frystihúsinu á
næstu tveim árum. Trésmiðjan
Eik hér á staðnum hefur séð um
þessa byggingu, en járnverk
hefur annast Vélsmiðja
Tálknafjarðar en rafmagns-
vinnu fyrirtækið Rafröst. Ekki
þarf að sækja iðnaðarmenn út
úr þorpinu. Helstu fram-
kvæmdir hjá hreppnum hafa
verið í uppbyggingu hafnarinn-
ar, eins og áður er sagt og er
hafnaraðstaða nú orðin mjög
góð hér. Á arinu var opnað
hótel með sjö herbergjum.
Hjónin Bjöm Sveinsson og Ólöf
Ólafsdóttir eiga og reka hótelið,
auk þess sem þau reka mjög
góða matsölu hér. Gestir hó-
telsins hafa verið mjög ánægðir
með alla aðstöðu og þjónustu á
staðnum.
Á sumrinu var gengið frá
góðri aðstöðu við heitavatns-
potta, sem em rétt fyrir utan
þorpið og er þar fjölsótt. Víða er
hér heitt vatn í firðinum, sem
auk heitu pottana er notað í
sundlaug, sem hér er. Haldið
var áfram að steypa upp íþrótta
og félagsheimili (1200 ferm. að
stærð) og áætlað að það komist í
gagnið fyrir aldamót. Haldið
var áfram uppbyggingu fisk-
eldis, en möguleikar virðast
mjög miklir, þar sem eins og
áður er sagt, er heitt vatn víða í
firðinum. Tvö fiskeldisfyrirtæki
eru hér starfandi Lax hf. og
Þórslax hf. að mestu í eigu sömu
aðila. Þar hafa verið byggð sex
50 rúmmetra fiskeldisker tvö
300 rúmmetra ker eitt 750 rúm-
metra ker og eitt 800 rúmmetra
ker. Tvö hin síðastnefndu úr
stáli. I stöðvunum eru nú 50
þúsund fiskar tveggja ára og 20
þúsund seiði regnbogasilungs.
Auk þess eru 8000 fermetra
tjamir í fjarðarbotninum, sem 2
til 3 þúsund fiskar eru í. Þar geta
menn veitt á stöng allt upp í 13
punda fiska. Eigendur stöðv-
anna segja mikinn skilning
landsfeðra á fiskirækt, en það sé
hinsvegar létt í vasa, þar sem
lítil fyrirgreiðsla fáist í pening-
um. Hafa þeir byggt upp fisk-
eldið mest fyrir eigið fé. Engin
óhöpp hafa orðið í rekstrinum
og er áætlað að eftir tvö til þrjú
ár verði hægt að slátra fiski fyrir
30 til 40 milljónir króna. Þegar
hafa verið seld þrjú tonn til
Bandaríkjanna og líkaði fiskur-
inn vel og fengust kr. 350.- fyrir
kg. Vondu fréttirnar úr at-
vinnurekstrinum hér eru þær,
að nú hafa Tálknfirðingar misst
annan togara sinn. Bv. Sölvi
Bjamason var boðinn upp ný-
lega og keypti Fiskveiðisjóður
skipið. Skipið hefur alla tíð
fiskað vel og vel að útgerð þess
staðið, en vegna óhagstæðra
lána (dollaralána) var ekki
nokkur leið að standa í skilum
við fiskveiðisjóð og misstu því
eigendur þess, sem voru tveir
Tálknfirðingar, skipið og allt
það sem þeir höfðu lagt í það.
Nú stendur til að selja ein-
hverjum öðrum skipið fyrir
„slikk”. Nær hefði verið að nota
pennastrikið hans Alberts strax,
í stað þess að fara í kring um
þessi mál eins og köttur í kring
um heitan graut.
Ég hefi í þessum greinastúf
eingöngu haldið mig við
heimaslóðir. Margt væri hægt
fleira að tína til, en plássið í
blaðinu leyfir það víst ekki.
Af því sem gerst hefur ann-
arsstaðar, eru það langmerk-
ustu fréttir, að kvennaáratugur-
inn er nú liðinn öllum til mikils
léttis.
Pétur Þorsteinsson,
Tálknafirði.
Allsherjarlausn að versla í Blómabúðinni