Vestfirska fréttablaðið - 17.12.1985, Blaðsíða 24

vestfirska
24
r
FRETTABLADID
Pétur Bjarnason:
Ein ferð
af mörgum
á stríðsárunum
Það er vetur á Isafirði, og það
hallar að jólum. Það er stríð í
heiminum og þýskir kafbátar og
flugvélar skjóta íslenska fiski-
menn hvar sem til þeirra næst,
jafnt við strendur landsins, sem
á úthafinu. Richard hafði kom-
ið úr söluferð um mánaðamótin
nóvember og desember. Það
hafði verið ógæftasamt undan-
farið og lítið aflast. Fiskflutn-
ingaskipin bæði innlend og er-
lend höfðu hópast saman við
bæjarbryggjuna og lágu þar í
röðum hvert utan á öðru. Það
var ekki gæfulegt útlit með að fá
fisk til flutnings á næstunni, þar
sem allir urðu að fara í röðina,
hvort sem um var að ræða inn-
lend skip eða erlend leiguskip
frá hemumdu löndunum. Að-
allega frá Noregi, Danmörku og
Frakklandi. Sömu fréttir var að
hafa frá öllum stærri verstöðv-
unum.
Um vorið höfðu þýskir kaf-
bátar haft sig sérstaklega mikið
í frammi um manndráp og
skipaeyðingar á sighngaleiðinni
milli íslands og Englands.
Fyrst var ráðist á Fróða og
drepnir 5 menn. Þeim sem eftir
lifðu tókst að koma skipinu til
hafnar í Vestmannaeyjum.
Næst hvarf Reykjaborg stærsti
togari íslendinga, í fyrstu með
öllu, en síðar fundust 2 menn á
fleka sem gátu skýrt frá atvik-
um. Pétursey fór frá ísafirði 10.
mars og sást síðast við St. Kilda
og hafði þá stefnu í Irska kan-
alinn og hélt eðlilegri ferð og
allt virtist vera í lagi um borð.
Þeir hafa því verið komnir
langleiðina að ferðalokum
þegar þeir mættu örlögum sín-
um vegna árásar kafbáts eða
flugvélar.
Iágústmánuði fór Jarlinn frá
Fleetwood áleiðis til ísafjarðar
með 11 manna áhöfn og hefur
aldrei til hans spurst síðan.
Á Pétursey var stýrimaður
Hallgrímur Pétursson frændi
minn frá Flateyri, aðeins 24 ára
gamall. Við vorum bræðrasynir
og með okkur var góð vinátta og
tók ég hann mér mikið til fyrir-
myndar. Hann fór ungur til sjós
á bátana hér heima og síðar á
togarann Hafstein frá Flateyri
og fylgdi honum suður, þegar
hann var seldur. Nú hafði hann
lokið stýrimannaskóla og var
kominn til baka og orðinn
stýrimaður á Pétursey.
Á vetrarvertíð næst á eftir
fannst hluti úr stýrishúsþaki
suður á Reykjanesmiðum
gegnumborað af vélbyssukúl-
um og þekktist þar þak af stýr-
ishúsi Péturseyjar, og voru þá
þeirra örlög skýrð.
Um vorið þegar skipatöpin
voru sem mest höfðu siglingar
stöðvast og legið niðri um tíma,
meðan verið var að koma
skipulagi á þær ef menn fengj-
ust til þess að hefja þær aftur,
sem varð að gerast því allt at-
vinnulíf hafði hreinlega stöð-
vast og allir flutningar að og frá
landinu lágu niðri. Loks var
tekinn upp sá háttur að togarar
skyldu sigla í samfloti 2 og 2, en
smærri flutningaskipin ráða
sínum ferðum svo sem verið
hafði. Richard var fyrsta skipið
sem sigldi eftir stoppið og að
lokinni þeirri ferð fór skriðan af
stað aftur.
Við fengum uppgefnar stefn-
ur og vegalengdir sem við áttum
að fylgja í alls konar krókaleið-
um, sem hefðu lengt siglinguna
til muna og aukið hættuna á að
skemma fiskinn. Þeim fyrir-
mælum var því lítið fylgt, en
stefnan sett frá nesi til ness og
síðan látið arka að auðnu.
Þegar svo var ástatt, sem í
þetta skipti, þá fóru minni
skipin stundum á það sem þá
var kallað að fara á skrap. Það
er að segja, fara á smærri út-
gerðarstaðina, sem stærri skipin
gátu ekki sinnt vegna hafnleysis
og fá sitt lítið á hverjum stað uns
farmi var náð. Það þóttu erfiðir
og oft leiðinlegir túrar og þar
sem leið að jólum tóku fjöl-
skyldumenn sér frí.
Skipstjórinn Eyþór Hallsson
og stýrimaðurinn Pétur Þor-
steinsson fóru báðir í frí til
Siglufjarðar og í stað þeirra
komu Lárus Þ. Blöndal fyrrum
skipstjóri hjá Eimskip og víðar
og Markús Sigurjónsson frá
Reykjavík. Ýmsir fleiri fóru
einnig í frí. Vélstjórar í þessari
ferð voru Bjamleifur Hjálmars-
son og Snorri Halldórsson,
kokkur var Pétur Friðsteinsson
frá Reykjavík og hásetar voru
undirritaður, Halldór G. Hall-
dórsson frá Bolungarvík og
Siglfirðingur, Gunnar frá Vatni
fyrrum skipstjóri þar.
Við fórum frá ísafirði eftir
miðjan desember og héldum
fyrir Hom og inn á Húnaflóa
áleiðis að Gjögri. Það er óhrein
leið að fara og engin glæsisigl-
ing í skammdegis myrkri og byl,
með áttavitann og vegmæhnn
...Ég fór yfir 30 ferðir með fisk til Englands á stríðsárunum bæði
á togurum og flutningaskipum, og stundum var umhverfið
ömurlegt þegar farið var um svæði, þar sem skip höfðu verið
skotin niður og allt var flóandi í rekaldi og hörð fyrirmæli frá
herstjóminni að skipta sér sem minnst af...
Isaijarðarkaupstaður
ísafj arðarkaupstaður
óskar öllum þegnum sínum
gleðilegra jóla
og gæfuríks komandi árs
og þakkar þeim fyrir árið,
sem er að líða.
Bæjarstjórinn á ísafirði