Morgunblaðið - 30.07.2015, Blaðsíða 14

14 FRÉTTIRInnlent
MORGUNBLAÐIÐ FIMMTUDAGUR 30. JÚLÍ 2015
Guðni Einarsson
gudni@mbl.is
Nauðsynlegt er að fjölga hjólreiða-
stígum til að koma í veg fyrir alvar-
leg slys á hjólreiðamönnum og
gangandi fólki sem verður fyrir
hjólum, að mati Gauta Grétars-
sonar, sjúkraþjálfara. Hann býr í
Vesturbæ Reykjavíkur og hefur
hjólað frá unglingsárum. Gauti hef-
ur m.a. hjólað til og frá vinnu í um
25 ár auk þess að hjóla á flesta
fundi.
Gauti sagði að samgönguleiðir
fyrir reiðhjól hefðu alls ekki vaxið í
takti við þá sprengingu sem orðið
hefur í hjólreiðum. Hjólreiðamenn
endi annaðhvort úti á götu, innan
um bílana, eða á gangstígum, innan
um gangandi fólk, því það skorti
hjólreiðabrautir. Þetta bjóði heim
hættunni á slysum, bæði á hjólreiða-
fólki og gangandi vegfarendum.
„Það verða árekstrar,“ sagði Gauti.
„Til að koma í veg fyrir þá verður að
bæta aðstæður hjólreiðamanna..“
Alvarleg hjólreiðaslys
Aukning hjólreiða og hreyfingin
sem þeim fylgir er af hinu góða, að
mati Gauta. Vandinn sem fylgir er
aukin slysahætta. Hann sagði hjól-
reiðafólk hafa fengið alvarlega
áverka við slys, enda sé ferðin mikil
og fólkið tiltölulega óvarið. Einnig
hafi gangandi vegfarendur orðið
fyrir reiðhjólum og slasast. Gauti
hefur orðið var við að fólk ræði
þetta mikið sín á milli.
Hann kvaðst vita til þess að í
Noregi hafi skapast vandamál milli
hjólreiðamanna og bílstjóra annars
vegar og hins vegar á milli
hjólreiðamanna og gangandi vegfar-
enda. Gauti sagði að umferð gang-
andi fólks og hjólreiðamanna fari
ekki saman. Nú sé verið að hvetja
fólk til að fara allra sinna ferða hjól-
andi, en það sé ekki gert ráð fyrir
því í umferðinni og samgöngu-
mannvirkjum nema að litlu leyti.
Gauti sagði tillitsleysi margra
hjólreiðamanna valda vanda.
„Gangandi fólk er orðið pirrað á
hjólreiðafólki sem kemur á 30-50 km
hraða á kappreiðahjólum eftir gang-
stígum. Hjólreiðafólkið notar ekki
bjöllu því það má ekki þyngja hjólið!
Oft má engu muna að hjólreiðamenn
hjóli niður gangandi vegfarendur.
Fólk hefur orðið áhyggjur af því að
fara út að ganga því það geti komi
hópar á hjólum og hjólað það niður,“
sagði Gauti.
Keppnishjól á sér brautir
Hann varð vitni að því á mánudag
þegar kona var að ganga yfir götu á
grænu ljósi og upp á gangstíg. Þá
kom skyndilega hjólreiðamaður á
fleygiferð eftir stígnum og svínaði
fyrir konuna. Litlu munaði að hún
lenti fyrir hjólinu.
Gauti sagði það stundum gerast,
einkum á morgnana þegar hann
hjólar til vinnu, að einhver komi „á
milljón“ á kappreiðahjóli og þeysist
fram úr honum. „Maður veit ekki af
því fyrr en þetta gerist. Það þarf
ekki annað en að maður víki aðeins
til hliðar til að maður lendi í
árekstri,“ sagði Gauti.
Lausnin felst að mati Gauta í því
að útbúa sérstakar hjólabrautir eða
hjólastíga. Eins þurfi að takmarka
hraða kappreiðahjóla í þéttbýli.
„Þeir sem eru á þessum keppnis-
hjólum þurfa að vera á sér svæðum.
Það má ekki vera í kappakstri á bíl-
um í venjulegri umferð. Fólk sem er
að þjálfa sig á keppnishjólum á 40-
50 km hraða á ekki heima innan um
börn að leik eða á göngustígum,“
sagði Gauti.
Fjölga þarf hjólreiðastígunum
 Blöndun hjólreiða og gangandi fólks á sömu stígum býður heim hættunni á alvarlegum slysum, að
mati sjúkraþjálfara  Samgönguleiðum fyrir hjól hefur ekki fjölgað í takti við stórauknar hjólreiðar
Morgunblaðið/Rósa Braga
Sjúkraþjálfari Gauti Grétarsson fer flestra sinna ferða á reiðhjóli.
Morgunblaðið/Kristinn
Ægisíða Einn á hjóli, annar á hjólaskautum og sá þriðji gangandi. Svæði gangandi vegfarenda er skilið frá hjólreiðabrautinni með málaðri línu.
Lögreglan mun hafa aukinn viðbúnað
um verslunarmannahelgina en á höf-
uðborgarsvæðinu verða Vesturlands-
og Suðurlandsvegur vaktaðir og lögð
verður áhersla á eftirlit með hrað-
akstri og notkun öryggisbelta, að
sögn Guðbrands Sigurðssonar, aðal-
varðstjóra umferðardeildar lögregl-
unnar.
Einnig verður hugað að því að ör-
yggisbúnaður þeirra sem taka tengi-
vagna með sér í ferðalagið sé viðun-
andi.
„Við hvetjum menn til þess að fara
ekki af stað eftir skemmtun helgar-
innar ef áfengis hefur verið neytt fyrr
en eftir góða hvíld,“ segir Guðbrand-
ur. Hann segir að ekki sé gert ráð fyr-
ir því að sala áfengis á bensínstöðvum
leiði til fleiri ölvunarakstursbrota.
„Okkur finnst umferðarmenningin
vera að batna hægt og bítandi,“ bætir
Guðbrandur við en dregið hefur úr
ölvunarakstri á undanförnum árum.
Hann biður vegfarendur helgarinnar
að gefa sér góðan ferðatíma og bendir
á að hjáleið í Mosfellsbæ til móts við
Skálatún geti valdið umferðartöfum.
Á Suðurlandi mun þyrla aðstoða
við umferðareftirlit og í Landeyja-
höfn verður fíkniefnahundur á vakt-
inni. isak@mbl.is
Morgunblaðið/Júlíus
Við eftirlit Viðbúnaður lögreglu um verslunarmannahelgina verður aukinn.
Þyrla og hundur
verða við eftirlit
 Fylgjast með hraðakstri og búnaði
EDDA
HEILDVERSLUN
Stofnsett 1932
Heildverslun með lín fyrir:
Höfðabakka 9, 110 Reykjavík, sími 525 8210
eddaehf@eddaehf.is • www.eddaehf.is
83
ÁRA
Rúmföt, handklæði, sængur, koddar
og annað lín fyrir ferðaþjónustuna
- hótelið
- gistiheimilið
- bændagistinguna
- heimagistinguna
- veitingasalinn
- heilsulindina
- þvottahúsið
- sérverslunina