Morgunblaðið - 30.07.2015, Blaðsíða 102

102 MENNING
MORGUNBLAÐIÐ FIMMTUDAGUR 30. JÚLÍ 2015
Hananú! Ný bók umæskuvin minn Viggóviðutan er komin út áíslensku, Gengið af
göflunum. Það liggur við að maður
gangi af göflunum við þessi gleði-
tíðindi. Ég fór 25-30 ár aftur í tím-
ann við það að fletta
bókinni, skoða líflegar
teikningar Franquin og
aðstoðarmanns hans
Jidéhem og hlæja að
fáránlegum uppá-
tækjum hins kærulausa
starfsmanns teikni-
myndabókaútgáfu sem
stytti mér stundir
þegar ég var barn.
12 bækur um Viggó
voru gefnar út af Ið-
unni á árunum 1978-
1988 og í þeim var sögum Fran-
quin raðað tilviljunarkennt líkt og
raunin mun hafa verið erlendis. Í
viðtali sem birtist í Morgunblaðinu
fyrir skömmu við Jean Posocco,
sem á og rekur Frosk útgáfu, kom
fram að fyrir ekki svo löngu hafi
allar Viggó-bækurnar, 19 talsins,
verið gefnar aftur út í Belgíu og
Frakklandi og þá með sögunum í
réttri tímaröð. Gengið af göflunum
er fjórða bókin í röðinni, ef rétt er
skilið, Gala de gaffes á frummál-
inu frönsku. Það er mikið gleðiefni
að bækurnar um Viggó séu aftur
fáanlegar á íslensku og ber að
hrósa Jean fyrir framtakið.
Og hvað getur maður svo sem
sagt annað en gott í gagnrýni um
þessa bók? Hún er ákaflega
skemmtileg, uppátækin kostuleg
að vanda hjá Viggó enda Franquin
einhver mesti húmoristi teikni-
myndasagna fyrr og síðar. Í flest-
um sagnanna er Viggó að taka yf-
irmann sinn Val á taugum. Viggó
er gæðablóð sem vill öllum vel en
uppátæki hans valda oftast nær
einhvers konar eyðileggingu og
jafnvel stórslysum.
Skemmtilegustu sögurnar af
Viggó, í þeim bókum sem gefnar
voru út af Iðunni á sínum tíma,
sögðu af misheppnuðum tilraunum
hr. Seðlans til að undirrita samn-
inga við bókaútgáfuna og nokkrar
slíkar er að finna í þessari. Þær
hefðu gjarnan mátt vera fleiri en
því ræður útgefandinn auðvitað
ekki. Samningarnir lenda m.a. í
ryksugu og blandara og alltaf er
það hinum græskulausa Viggó að
kenna. Teiknilist Franquin nær
svo hvað hæstum hæðum þegar
dýr koma við sögu, eins og sjá
má af meðfylgjandi sögu úr bók-
inni. Það eina sem ég sakna í
bókinni er texti um Viggó og
skapara hans, stutt ágrip um
sögu bókanna, vinsældir o.fl., í
ljósi þess að þetta er fyrsta
Viggó-bókin frá Froski af vonandi
mörgum.
Bækurnar um Viggó eru sígild-
ar, ég held að óhætt sé að full-
yrða það. Þær eldast vel, eru
jafnfyndnar nú sem fyrr og von-
andi mun ný kynslóð Íslendinga
nú sökkva sér í verk belgíska
teiknimeistarans Franquin.
Viggó viðutan snýr aftur!
Hundablístra Ein af sögunum í Viggó viðutan - Gengið af göflunum. Viggó ærir Val með þjálfunarblístru fyrir hunda og talandi páfagauki.
Teiknimyndabók
Viggó viðutan - Gengið af göflunum
bbbbm
Eftir Franquin og Jidéhem.
Þýðandi: Aníta K. Jónsson. Froskur út-
gáfa, 2015. 46 bls.
HELGI SNÆR
SIGURÐSSON
BÆKUR
Stefán Gunnar Sveinsson
sgs@mbl.is
„Æ, ég flaug á loftstein!“ sagði Logi
geimgengill áður en útsendarar
keisaraveldisins skutu X-vængju
hans í tætlur og sneru sér að Fálk-
anum. Þetta er ekki lýsing á áður
óþekktu atriði úr Stjörnustríðs-
myndunum, heldur frekar eitt af því
marga sem getur gerst þegar tekið
er til við að spila X-Wing Miniatures
(Hér eftir X-Wing) frá Fantasy
Flight Games (FFG).
Eins og nafnið gefur til kynna
sker X-Wing sig úr frá öðrum borðs-
pilum með því að vera svonefnt
„miniature“ eða „tindátaspil“, þar
sem leikmenn hreyfa smávaxnar eft-
irlíkingar af geimflaugunum úr
Stjörnustríðsmyndunum og reyna
að koma sér í stöðu til þess að skjóta
flaugar andstæðingsins niður.
Góð blanda af heppni og hæfni
X-Wing er auðvelt spil og fljótlegt
að læra það. Spilið er því ágætlega
fjölskylduvænt, og hægt að spila
með ungum sem öldnum. Það tekur
nýjan spilara mjög stuttan tíma að
ná helstu tækniatriðum, og áður en
varir er fólk farið að „fljúga“ nokkuð
hnökralaust, eins og það er kallað
meðal þeirra sem spila það. Á sama
tíma launar spilið þeim sem hafa
meiri getu, þannig að sá sem „flýg-
ur“ sínum skipum betur á að geta
unnið oftast nær.
Hins vegar er einnig í spilinu
ákveðinn skammtur af heppni, þar
sem teningakast ræður því hvort að
árásir geimflauganna heppnast eða
ekki, þar sem rauðir teningar skera
úr um það hversu oft flaugin nær að
hitta skotmark sitt, en grænir ten-
ingar ráða því hversu vel skotmark-
inu tekst að hrista skotin af sér. Það
er ekkert eins spennandi og óþol-
andi á sama tíma en að ná þremur
höggum á andstæðinginn, til þess
eins að sjá hann svara fyrir sig með
því að forðast þau öll!
Teningaheppnin er nægilega stór
þáttur af spilinu til þess að óvænt úr-
slit geti litið dagsins ljós, en jafn-
framt hæfilega lítill til þess að verð-
launa þá sem æfa sig.
Og æfingin skapar meistarann.
Einn ákafur X-Wingmaður hafði
stillt upp flaugunum sínum á eldhús-
borðinu þegar eiginkonan kom að
honum. „Hvað ertu að gera?“ „Æfa
mig að fljúga!“ Konan mun hafa
hrist hausinn í fyrstu yfir eigin-
manninum með „leikföngin“ sín, en
er nú sjálf farin að taka þátt í X-
Wing-mótum.
Fimm Íslendingar á HM
Á Íslandi hefur skapast lítill en
áhugasamur kjarni um spilið, sem
hittist einkum á fimmtudögum í
spilasal Nexus í Nóatúni, en einnig
er virkur hópur á Facebook þar sem
hægt er að ræða spilið. Þessi kjarni
er nú farinn að skipuleggja mót og
Íslendingar áttu meira að segja einn
fulltrúa á landsmóti Breta, sem fram
fór í júní síðastliðnum, Sigurð Zoëga
Gunnarsson, en hann er einnig
þekktur innan X-Wing-heimsins fyr-
ir að halda úti ásamt Bjarna Bald-
vinssyni vinsælli rás á YouTube,
Outer Rim Smugglers, þar sem
fjallað er um spilið.
FFG hefur haldið vel utan um mót
tengd X-Wing, og verður þriðja
heimsmeistaramótið haldið nú í nóv-
ember næstkomandi. Þess má geta
að Ísland mun eiga þar fimm full-
trúa, meðal annars eiginkonuna sem
hneykslaðist svo á æfingafluginu.
Það er því aldrei að vita nema næsti
heimsmeistari í X-Wing komi frá
Fróni.
„Ég get ekki hrist hann af mér“
 Spilið X-Wing Miniatures leyfir fólki að leika eftir geimbardaga úr Stjörnustríðsmyndunum
 Þéttur kjarni fólks hér á landi sem hittist reglulega til að spila  Keppt á mótum erlendis
Morgunblaðið/RAX
Íbygginn Greinarhöfundur veltir fyrir sér næsta leik. Minnsta ónákvæmni
getur valdið því að allt sé tapað, en staðsetning skiptir einna mestu máli.
Ljósmynd/Hákon Davíð Halldórsson
Stjörnustríð Flaugarnar eru nokkuð nákvæmar eftirlíkingar af þeim sem
sjást í kvikmyndunum, og hefur hver flaug sín sérkenni í orrustunni.
Ljósmynd/Hákon Davíð Halldórsson
Klúður Stundum bregðast tening-
arnar þegar mest liggur við.