Jökull - 01.12.1988, Síða 33

Ágrip
LANDBREYTINGAR FRAMAN VIÐ
SVÍNAFELLSJÖKUL OG
SKAFTAFELLSJÖKUL EFTIR 1870
Ofannefndir jöklar hafa myndað ólíka jökulgarða
og -aura er þeir hörfuðu á árabilinu 1870-1984, og
er ástæðunnar að leita í ólíkum aðstæðum á
ákomusvæðinu í Öræfajökli. Skaftafellsjökull hefur
hörfað hratt síðan 1870 og skilið eftir sig flæmi
þakið botnurð, gárað lítilsháttar af hopandi
jökuljaðrinum og sett samlægum bogadregnum
görðum. Svínafellsjökull hins vegar hefur hegðað
sér skrykkjótt og skipst á hæg hörfun og framrás.
Þar hafa hrúgast upp í bendu allháir jökulgarðar úr
efni sem borist hefur fram bæði innan úr og ofan af
jöklinum.
Aurar framan við Skaftafellsjökul eru oftast
aðskildir bingir á milli bogadreginna jökulgarða, en
framan við Svínafellsjökul eru auramir svo til allir
sundurskorin framburðarköst utan við jökulgarðana.
Það tókst að ákvarða gróflega aldur jökulgarðanna
og auranna með því að rekja myndun þeirra stig af
stigi samtímis því sem jöklamir bráðnuðu. Þar var
stuðst við skráðar heimildir, landakort og ljósmyndir
sem og jarðfræðilegar rannsóknir og mælingu á
vexti skófna.