Dagblaðið Vísir - DV - 18.11.2014, Blaðsíða 8

Vikublað 18.–20. nóvember 20148 Fréttir
Nýir eigendur byggja
upp Tryggvagötureit
N
ýir eigendur munu byggja
upp hinn svokallaða
Tryggvagötureit í miðbæ
Reykjavíkur. Reiturinn ligg-
ur að Tryggvagötu, Norður-
stíg og Vesturgötu. Eigandi fasteign-
anna á reitnum, Cent ehf., hefur selt
eignirnar til nýrra eigenda, meðal
annars verktakafyrirtækisins Mann-
verks.
Þetta staðfestir stærsti eigandi
Cent ehf., Brynjar Harðarson, í sam-
tali við DV. „Já, við erum búnir að
selja þetta.“ Eignirnar voru seldar í
þar síðustu viku, að sögn Brynjars,
en eru enn skráðar á Cent sam-
kvæmt upplýsingum frá ríkisskatt-
stjóra. „Þetta er búið að eiga sér
mjög langan aðdraganda en það
var gengið endanlega frá þessu í þar
síðustu viku.“
Um er að ræða fasteignir á
Tryggvagötu 10, 12 og 14 og eins
og eignir á Vesturgötu 14, 16 og 18.
Segja má reiturinn sé á ákjósan-
legan stað í miðbæ Reykjavíkur.
Drómi ýtti á söluna
Salan á eignunum átti sér stað fyr-
ir tilstuðlan lánardrottins Cent ehf.,
Dróma, en Cent ehf. var aðili að við-
skiptunum –það var ekki svo að eign-
irnir hafi verið teknar af félaginu en
því var gert að selja. „Þetta er búið
að vera undir hælnum á Dróma og
núna Hildu. Það er nánast búið að
beita okkur ofbeldi í þessu máli. Við
höfum ekki getað gengið til samn-
inga við þá eða fengið að vita ná-
kvæmlega hver skuldastaða okkar
er. Það mætti nú stundum skrifa um
það hvernig Drómi er búinn að fara
með einstaklinga og fyrirtæki.“
Hrunið setti strik í reikninginn
Cent ehf. hefur síðastliðin átta ár
unnið að því að byggja um 40 íbúð-
ir á reitnum og liggur fyrir samþykkt
deiliskipulag og teikningar frá Glámu
– Kím arkitektum sem gefa fögur fyr-
irheit um uppbygginguna. Eldri
byggingar, til að mynda Tryggvagata
10, átti að endurgera í bland við ný-
byggingar og áttu þær að hverfast
utan um húsagarð, grænt svæði, á
milli bygginganna. Deiliskipulag og
teikningar vegna Tryggvagötureits-
ins eru frá árinu 2006.
Brynjar segir að hrunið hafi sett
strik á reikninginn hjá fyrirtækinu
vegna þessarar fyrirhuguðu upp-
byggingar. „Við gátum aldrei unnið
þetta áfram. Það er nú bara þannig
að eftir hrunið þá höfum við reynt í
mörg ár að ná sambandi við þessa
menn til að reyna að vinna málið
áfram og á meðan þá safna skuld-
irnar bara vöxtum.“ Lendingin var
því sú að Tryggvagötureiturinn var
seldur.
Brynjar segist vera bundinn trún-
aði um kaupverðið.
Engar ákvarðanir teknar enn
Jónas Már Gunnarsson, einn af
eigendum Mannverks, segir að ekki
hafi verið teknar neinar ákvarðan-
ir um hvernig Tryggvagötureitur-
inn verður byggður upp. Hann seg-
ir að verið sé að skoða möguleika
á því. „Ég get ekki sagt þér neitt frá
þessu eins og er. Við erum bara rétt
að lenda með þetta og erum ekki
komnir það langt. Það eru ýms-
ir möguleikar með þennan reit. Við
erum að stúdera hvaða leiðir er best
að fara, út frá því hvað menn vilja sjá
þarna. Við viljum bara búa til ein-
hverja flotta vöru í sátt við alla,“ seg-
ir Jónas.
Hann segist ekki geta upplýst
um kaupverð en segir það samt vera
markaðsvirði umræddra eigna. n
„Það er nán-
ast búið að
beita okkur of-
beldi í þessu máli
n Drómi knúði á um söluna n Óákveðið hvernig reiturinn verður unninn
Ingi Freyr Vilhjálmsson
ingi@dv.is
Byggja upp við Tryggvagötu
Tryggvagötureiturinn hefur skipt
um hendur eftir að hafa verið í eigu
eignarhaldsfélagsins Cent um árabil.
Nýr eigandi er verktakafyrirtækið
Mannverk. MynD SIgTryggur ArI
Straujaði
fimm bíla
Tilkynnt var um umferðaróhapp
á bifreiðastæði við fjölbýlishús
í höfuðborginni á sunnudags-
kvöld, en þar hafði bifreið verið
ekið á fimm aðrar bifreiðar.
Að því er fram kemur í dagbók
lögreglunnar á höfuðborgar-
svæðinu hugðist ung kona stíga
á bremsu bifreiðar sinnar er
hún var að mæta annarri bifreið
en steig óvart á bensíngjöfina.
Lögreglan segir engin meiðsl
hafa orðið á fólki og má segja að
betur hafi farið en á horfðist. Í
kjölfarið voru tjónþolar kallaðir
á vettvang.
Það er ekki búið að gera það en það verður væntanlega gert við fyrsta tækifæri,“ segir Þor-grímur Óli Sigurðsson, að-
stoðaryfirlögregluþjónn á Selfossi,
um manninn sem fannst á föstu-
dag eftir að bíll hans fór út í Ölfusá á
fimmtudagskvöld.
Málið er til rannsóknar hjá lög-
reglunni á Selfossi sem mun yfir-
heyra manninn þegar líður á vikuna.
Hann var ekki tekinn til yfirheyrslu
um helgina vegna þess að rann-
sóknarlögreglumenn á Selfossi starfa
ekki um helgar nema um brýna
nauðsyn sé að ræða. Atburðarás
málsins liggur ekki fyrir en eins og
Stöð 2 greindi frá um helgina er jafn-
vel talið að maðurinn hafi ekki farið í
ána. Maðurinn kom gangandi á móti
björgunarsveitarmönnum snemma
á föstudag, um hálfum sólarhring
eftir að tilkynnt var um hvarf bílsins.
Bíllinn er ófundinn og segir Þor-
grímur Óli að ekki verði leitað frekar
að honum enda aðstæður til leit-
ar á þessu svæði í Ölfusá afar erfið-
ar. Í maí 1990 fór bifreið með fjór-
um ungmennum í Ölfusá með
þeim afleiðingum að tvö þeirra lét-
ust. Bifreiðin fannst aldrei. Þá fór
mjólkurbifreið út í ána árið 1994 en
ökumanni tókst að koma sér út úr
bifreiðinni og lifði hann af. Bifreiðin
fannst hins vegar ekki.
Í samtali við DV segir Þorgrím-
ur Óli lögregluna telja nokkuð víst
að enginn hafi verið með mannin-
um í bílnum. „Við teljum það nokk-
uð víst, það er einskis saknað,“ segir
Þorgrímur Óli. n
Rætt við manninn í vikunni
Maðurinn sem talinn var hafa farið í Ölfusá var einn á ferð
Með nýkeypt
amfetamín í
rassvasanum
Lögreglan á Suðurnesjum hafði
um helgina afskipti af karl-
manni á fertugsaldri vegna
gruns um að hann hefði eitt-
hvað að fela.
Lögreglumenn höfðu nýver-
ið haft afskipti af sama manni
vegna fíkniefnamisferlis, að
sögn lögreglu.
Í dagbók lögreglunnar á
Suðurnesjum kemur fram að
maðurinn hafi farið að ókyrr-
ast mjög þegar hann var tekinn
tali og virtist hann vera undir
áhrifum vímuefna. Hann var
því handtekinn og fluttur á lög-
reglustöð. Við öryggisleit á hon-
um fundust um 40 grömm af
amfetamíni í rassvasa hans.
Hann kannaðist ekkert við
efnin til að byrja með en viður-
kenndi svo vörsluna, að sögn
lögreglu, og kvaðst vera nýbú-
inn að kaupa efnin.