Dagblaðið Vísir - DV - 18.11.2014, Blaðsíða 11

Vikublað 18.–20. nóvember 2014 Fréttir 11
þessar upplýsingar væru komnar:
„Ja, ég get ekki farið að tala ítarlega
um þetta einstaka mál aftur, ég
ætla ekki að fá á mig aðra ákæru,
en þetta var það litla sem ég vissi
um málið.“
Mogginn fékk mildari útgáfu
Eins og fram hefur komið hringdi
Sigríður Björk, sem þá var lög-
reglustjóri á Suðurnesjum, í Gísla
Frey, stuttu eftir að Fréttablað-
ið fór í dreifingu, að morgni dags
þann 20. nóvember. Gísli hringdi
tvisvar í Sigríði Björk stuttu síð-
ar, áður en hann ræddi við Harald
Johannessen, ritstjóra Morgun-
blaðsins, sem var klukkan 09:46,
samkvæmt dómsskjölum.
Klukkan 10:55 birti Mbl.is svo
frétt undir fyrirsögninni „Margt
óljóst í máli hælisleitanda“. Þar var
ekki vísað í rannsóknargögn frá
Suðurnesjum líkt og í frétt Frétta-
blaðsins. Þess í stað voru upp-
lýsingarnar sagðar komnar úr
„óformlegu minnisblaði innan-
ríkisráðuneytisins“. Þá var ekkert
að finna um þann meinta þrýsting
sem Tony Omos átti að hafa beitt
Evelyn í umræddri frétt.
DV hefur heimildir fyrir því að
Morgunblaðið hafi fengið aðra út-
gáfu af minnisblaðinu en Frétta-
blaðið. Þannig hafi umrædda
aukasetningu vantað í þá útgáfu
sem Morgunblaðið hafði und-
ir höndum. Þetta skýrir muninn
á fréttunum tveimur og staðfestir
enn einu sinni að ummæli Hönnu
Birnu á Alþingi um „engin samb-
ærileg gögn“ áttu aldrei við rök að
styðjast. Sama gagn og var til inni
á málaskrá innanríkisráðuneytis-
ins endaði hjá Morgunblaðinu.
Sími Hönnu ekki skoðaður
Gísli Freyr játaði glæp sinn eftir að
lögmanni hans höfðu verið kynnt
ný gögn sem komu í leitirnar þegar
starfsmaður sérstaks saksóknara
skoðaði spegilafrit af hörðum
diski í tölvu sakborningsins. Speg-
ilafritið sýndi að Gísli hafði sjálfur
bætt við klausunni þar sem gefið
var í skyn að Tony væri ekki raun-
verulega barnsfaðir Evelyn. Ekki
liggur fyrir hlutlæg staðfesting á
því að Gísli hafi verið eini aðilinn
sem lét fjölmiðlafólki í té upplýs-
ingar um hælisleitendurna.
Þegar lögreglan reyndi að knýja
fram dómsúrskurð þess efnis að
fréttastjóri Mbl.is yrði látinn upp-
lýsa um heimildarmann og höfund
greinarinnar um hælisleitendurna
byggði lögmaður fréttastjórans
vörn sína á því að lögregla hefði
ekki leitað allra annarra leiða til
að upplýsa málið. Þannig hefðu til
dæmis upplýsingar um símanotk-
un innanríkisráðherra sjálfs ekki
verið aflað.
Samkvæmt heimildum DV var
Hanna Birna aðeins yfirheyrð sem
vitni en Þórey Vilhjálmsdóttir, að-
stoðarkona hennar, og Gísli Freyr
voru lengi með réttarstöðu grun-
aðs manns. Þannig naut Hanna
Birna verndar gegn þvingunarráð-
stöfunum lögreglu hvað varðar
rannsókn á símnotkun. n
Ýmsar spurningar vakna vegna samskipta
Sigríðar Bjarkar við Gísla Frey. Hvers vegna
hringdi lögreglustjórinn á Suðurnesjum
í hann að fyrra bragði sama dag og ljóst
varð að viðkvæmum trúnaðarupplýsing-
um um fólk sem bjó á Suðurnesjum hafði
verið lekið til fjölmiðla, daginn eftir að
hann hafði sjálfur lekið gögnunum? Þá
hafa engin svör fengist við því hvers vegna
aðstoðarmaður ráðherra fékk aðgang
að gögnum úr lögreglurannsókninni á
Suðurnesjum.
Fyrir liggur að nokkru eftir að símtölin
við Sigríði Björk áttu sér stað þann 20.
nóvember fékk Morgunblaðið skjalið um
hælisleitendurna í hendur, án þeirrar við-
bótarsetningar sem vísaði til rannsóknar-
gagna. Áður hafði Fréttablaðið fengið
skjalið með umræddri viðbótarsetningu.
Sigríður Björk svarar því ekki hvers vegna
hún hringdi í Gísla Frey umræddan
morgun en í ljósi alls þess sem þegar er
komið fram má velta því upp hvort Sigríð-
ur Björk hafi viljað koma athugasemdum
á framfæri við hann vegna fréttar Frétta-
blaðsins. Þessar athugasemdir hafi Gísli
tekið til sín og því sent Morgunblaðinu
skjalið án viðbótarinnar.
Þá stendur eftir einföld spurning: Hvers
vegna kom lögreglustjórinn á Suðurnesj-
um slíkum athugasemdum á framfæri í
persónulegum símtölum við Gísla Frey ef
enginn nema hann einn vissi hver hafði
lekið?
Þrjú símtöl á lekadegi
Hvað fór þeim á milli?
Margt á huldu varðandi samskipti aðstoðarmanns og lögreglustjóra
n Fyrrverandi lögreglustjóri á Suðurnesjum og núverandi lögreglustjóri á höfuðborgarsvæðinu hringdi í Gísla Frey„Sama dag og Gísli
Freyr og Sigríður
Björk ræddust þrisvar
í síma fékk Gísli áfram-
sendan tölvupóst frá
embætti lögreglustjórans
á Suðurnesjum sem hafði
að geyma rannsóknar-
gögn um Tony Omos.
Lögreglustjóri hringdi í
aðstoðarmann
Sigríður Björk Guðjónsdóttir
átti í samskiptum við Gísla
Frey Valdórsson um svipað
leyti og skjali, þar sem vitnað
var til rannsóknargagna lög-
reglunnar á Suðurnesjum, var
lekið til fjölmiðla. Nú er hún
lögreglustjóri á höfuðborgar-
svæðinu. Mynd KriStinn MagnúSSon
Embætti lögreglustjórans á höfuðborgarsvæðinu var ekki auglýst laust til um-sóknar eins og gert var þegar
Stefán Eiríksson var skipaður í
embættið árið 2007. Í staðinn var
Sigríður Björk flutt til Reykjavík-
ur og skipuð í starfið af innanrík-
isráðherra. Þetta er ekki í fyrsta
skiptið sem Sigríður er skipuð í
embætti án auglýsingar.
Árið 2007 skipaði Björn Bjarna-
son, dóms- og kirkjumálaráð-
herra, hana í embætti aðstoðarrík-
islögreglustjóra án þess að starfið
hefði verið auglýst. Þá skipaði
hann Sigríði sem lögreglustjóra
á Suðurnesjum árið 2008 í kjöl-
far umdeildrar ákvörðunar um að
auglýsa stöðu sitjandi lögreglu-
stjóra lausa. Þrír lykilstarfsmenn
sögðu upp störfum vegna máls-
ins og Lögreglufélag Suðurnesja
brást við ákvörðun Björns með
harðorðri ályktun um að starfsemi
lögreglunnar þyrfti að vera óháð
duttlungum stjórnmálamanna.
Mikið traust hefur ríkt á milli
Sigríðar og Björns alveg síðan
hún gegndi stöðu aðstoðarríkis-
lögreglustjóra. Björn og Hanna
Birna hafa átt náin samskipti í
gegnum árin en hann hefur ítrek-
að komið henni til varnar í leka-
málinu. Björn brást við játningu
Gísla Freys með því að taka fram
að setningin sem hann bætti við
lekaskjalið hefði verið hans eigin
„hugarburður“.
Sigríður hefur sætt gagnrýni
vegna harðrar afstöðu í málefn-
um hælisleitenda en sem lög-
reglustjóri Suðurnesja lýsti hún
yfir vilja til þess að halda áfram að
refsa hælisleitendum fyrir fram-
vísun falsaðra skilríkja en slíkt er
brot á alþjóðasamningum sem Ís-
land er aðili að.
Ljóst þykir að Hanna Birna, rétt
eins og Björn Bjarnason, ber mik-
ið traust til Sigríðar en þær hafa
þekkst frá unga aldri. Þá er helsti
ráðgjafi Sigríðar og einn nánasti
samstarfsmaður hennar innan
lögreglunnar á höfuðborgarsvæð-
inu, Theódór Kristjánsson, að-
stoðaryfirlögregluþjónn og bróðir
Hönnu Birnu.
Færði Sigríði til Reykjavíkur
Skipuð án auglýsingar
dæmdur
Gísli Freyr
Valdórsson
játaði brot
sitt. Mynd
Sigtryggur ari
Vinkonur
Mikið traust ríkir á milli Hönnu
Birnu og Sigríðar en þær hafa
þekkst frá unga aldri.