Dagblaðið Vísir - DV - 02.12.2014, Blaðsíða 3

Vikublað 2.–4. desember 2014 Fréttir 3
Telur afgreiðslu á 250
milljóna samningi eðlilega
Risasamningur um ógreidd fasteignagjöld afgreitt sem hluti af fundargerð en ekki ræddur einn og sér
2
50 milljóna króna samning­
ur um ógreidd fasteignagjöld
Háskólavalla kom aldrei til
umræðu á bæjarstjórnarfundi
heldur var hann afgreiddur
sem hluti af fundargerð bæjarráðs
sem kom til samþykktar bæjarstjórn­
ar. Samkvæmt áreiðanlegum heim­
ildum DV vissu ekki allir bæjarstjórn­
arfulltrúar að með því að samþykkja
fundargerð bæjarráðs frá 5. júní á
þessu ári væru þeir að samþykkja
samninginn sem felur meðal annars í
sér að Reykjanesbær fellir niður kröf­
ur á Háskólavelli vegna greiðslu á fast­
eignagjaldaskuld sem þá var komin
upp í 250 milljónir króna. DV hefur
fjallað ítarlega um málið að undan­
förnu.
Stjórnsýslufræðingar sem DV
ræddi við sögðu, ef litið er til sveitar­
stjórnarlaga nr. 138 frá árinu 2011,
væri hægt að tala fyrir því að samn­
ingurinn væri í raun og veru ekki lög­
legur þar sem hann hafi ekki ver­
ið borin upp á bæjarstjórnarfundi
og greidd atkvæði um hann einan og
sér en ekki sem hluta af fundargerð
líkt og afgreiðslu málsins var háttað í
Reykjanesbæ.
Greitt með eignum
Þannig gæti 58. grein sveitarstjórn­
arlaga átt við samningin við Kadeco
en þar segir meðal annars að einvörð­
ungu sveitarstjórn geti tekið ákvarð­
anir um málefni sem varða veru­
lega fjármál sveitarfélagsins. Til slíkra
málefna gætu meðal annars talist
lán, ábyrgðir eða aðrar fjárhagslegar
skuldbindingar sveitarfélags og einnig
álagning skatta og gjalda.
Þessu er Gunnar Þórarinsson, leið­
togi Frjáls afls sem myndaði nýjan
meirihluta í Reykjanesbæ ásamt
Beinni leið og Samfylkingunni, ósam­
mála. Gunnar var formaður bæjarráðs
fyrir hönd sjálfstæðismanna þegar
málið kom inn á borð ráðsins 5. júní
á þessu ári og sat einnig fyrsta bæjar­
stjórnarfund nýs meirihluta þann
25. júní á þessu ári. Þar var málið af­
greitt með því einungis að samþykkja
fundargerðina frá því fyrr í mánuðin­
um.
„Já, það kæmi mér á óvart ef ein­
hverjir líta svo á að ekki hafi verið
farið eftir lögum og reglum því það
var í raun og veru bara verið að ljúka
ákveðnu máli í innheimtu,“ segir
Gunnar sem ver afgreiðslu málsins.
„Ég lít svo á að við höfum bara ver­
ið að ganga frá samningi þar sem ver­
ið var að greiða ógreidd fasteigna­
gjöld. Það var bara verið að ganga frá
þeim málum og það er aldrei gert sér­
staklega með samþykki bæjarstjórn­
ar. Þarna var, í þessu tilfelli, verið að
greiða þetta með því að afhenda okk­
ur ákveðnar eignir til fullrar eignar.
Annars vegar skóla og leikskóla og
hins vegar einhverjar lóðir,“ segir
Gunnar og bætir við að þessi lending
hafi verið eitthvað sem bæjarfulltrúar
hafi bara þurft að sætta sig við.
„Þeir hefðu átt
að kynna sér þetta“
„Vð urðum að sætta okkur við það
að Kadeco ætti þessar eignir en ekki
dótturfélög Háskólavalla þar sem af­
sal á þessum eignum hafði ekki farið
fram. Þess vegna gerðum við samn­
ing við Kadeco á þeim nótum að þeir
gera upp þessar kröfur okkar í sam­
bandi við fasteignagjöldin með því að
afhenda okkur eignir,“ segir Gunnar.
Hvað varðar þá bæjarfulltrúa sem
ekki vissu af málinu þá segir Gunnar
að þeir verði að eiga það við sjálfan
sig.
„Þeir hefðu átt að kynna sér þetta,
eðlilega. Það lá ljóst fyrir á fundin­
um hvað var verið að gera og með
fundargerðinni fylgdu þessir samn­
ingar og menn gátu farið nákvæm­
lega yfir það,“ segir Gunnar og bendir
á að hann og Friðjón Einarsson, sem
situr í meirihluta í bæjarstjórn fyrir
hönd Samfylkingarinnar, hafi verið
viðstaddir bæði bæjarráðsfundinn
þar sem samningurinn var tekinn
fyrir og bæjarstjórnarfundinn þar
sem fundargerð bæjarráðs var sam­
þykkt.
Vilja undanþáguna burt
Þegar Bandaríkin skiluðu varnar­
svæðinu á Keflavíkurflugvelli þá
voru sett sérstök lög sem heita Lög
um ráðstafanir í kjölfar samnings
við Bandaríkin um skil á varnar­
svæðinu á Keflavíkurflugvelli og eru
nr. 176 frá árinu 2006. Þar í 5. grein
kemur fram að fasteignir ríkisins og
mannvirki sem Bandaríkin eða Atl­
antshafsbandalagið hafa skilað til
eignar eru undanþegin öllum opin­
berum gjöldum og skyldutryggingu
fasteigna. Þessari undanþágu vilja
bæjar fulltrúar í Reykjanesbæ breyta.
„Við höfum gert kröfur um að
þessi lög verði felld úr gildi. Látum
það vera að þetta hafi verið sett þarna
fyrst þegar menn voru í raun og veru
að koma þessu af stað en síðan eru
liðin einhver sjö ár að minnsta kosti
og það er nægur tími til að ganga frá
öllu lausum hnútum þarna,“ seg­
ir Gunnar en samkvæmt lauslegum
útreikningi verður Reykjanesbær af
tugum og jafnvel hundruðum millj­
óna króna sem annars væru greidd í
fasteignagjöld af eignum á svæðinu.
„Ég get ekki séð annað en að það
eigi að fella þessi lög úr gildi. Þess­
ar eignir sem hafa ekki verið tekn­
ar í notkun þarna upp frá hafa ein­
faldlega ekki verið teknar í notkun
þar sem þau uppfylla ekki skilyrði
reglugerða hér á Íslandi varðandi til
dæmis rafmagn en það er samt bú­
inn að vera nægur tími til að ganga
frá því.“ n
„Það lá ljóst fyrir
á fundinum hvað
var verið að gera og með
fundargerðinni fylgdu
þessir samningar og
menn gátu farið ná-
kvæmlega yfir það.
Gunnar Þórarinsson Bæjarfulltrúi í
Reykjanesbæjar var formaður bæjarráðs
þegar samningurinn kom til umræðu ráðsins
og sat einnig í bæjarstjórn þegar málið var
afgreitt.
Atli Már Gylfason
atli@dv.is
Ásbrú Svæðið ætti að skila tugum ef ekki hundruðum milljóna króna í kassann hjá Reykjanesbæ en gerir ekki sökum laga sem sett voru
þegar íslenska ríkið tók við svæðinu af Bandaríkjamönnum.
www.gilbert.is
KLASSÍSK ÍSLENSK ÚR
FYRIR ÖLL TÆKIFÆRI
Fagmaður í 45 ár