Dagblaðið Vísir - DV - 02.12.2014, Blaðsíða 26

Vikublað 2.–4. desember 201426 Sport
Verstu framherjarnir í
sögu úrvalsdeildarinnar
n Framherjarnir sem slógu aldrei í gegn n Manstu eftir Marco Boogers og Ade Akinbiyi?
B
reska blaðið Daily Mail stóð
á dögunum fyrir vali á verstu
framherjunum í rúmlega
tuttugu ára sögu ensku úr-
valsdeildarinnar. Á listan-
um kennir ýmissa grasa og er óhætt
að segja að margir eftir minnilegir –
og óeftirminnilegir – leikmenn séu
á honum. Meðal þeirra sem voru
svo heppnir að komast ekki á topp
10, en eru á topp 50, eru leikmenn
eins og Helder Postiga, Rolando Bi-
anchi, Andriy Voronin, Erik Meijer,
Jozy Altidore, Ricky van Wolfswin-
kel og David Bellion, svo fáir séu
nefndir. Hér að neðan gefur að líta
yfirlit yfir þá tíu verstu að mati Daily
Mail. n
10 Jo
Félög: Manchester City og Everton
Miklar vonir voru bundnar við Brasilíu-
manninn Jo sem átti að verða næsta
stórstjarna Brassa. Manchester City festi
kaup á leikmanninum í júlí 2008 og greiddi
CSKA Moskvu 19 milljónir punda, tæpa fjóra
milljarða króna. Þarna var Jo aðeins 21 árs,
tiltölulega ungur og óreyndur. Það varð
fljótlega ljóst að Jo myndi aldrei slá í gegn
hjá City og er ótrúlegt til þess að hugsa að
það eru fleiri stafir í nafninu hans en mörkin
sem hann skoraði í úrvalsdeildinni fyrir
City. Eftir 21 leik var 1 mark niðurstaðan.
Eftir hálft tímabil í herbúðum City var hann
lánaður til Everton þar sem honum gekk ör-
lítið betur að fóta sig. Hann skoraði 5 mörk
í 12 leikjum það sem eftir lifði tímabils en
mistókst að skora í 15 leikjum fyrir Everton
tímabilið þar á eftir, en þá var hann hann
aftur lánaður til Bítlaborgarinnar.
9 Ade Akinbiyi
Félög: Norwich, Leicester og
Sheffield United
Hver man ekki eftir Ade Akinbiyi sem var
í raun meira þekktur fyrir vöðva sína en
hæfileika á fótboltavellinum? Tímabilið
1993 til 1994 var hann á mála hjá Norwich
í úrvalsdeildinni þar sem honum gekk
afleitlega. Honum mistókst að skora í 15
úrvalsdeildarleikjum og yfirgaf Norwich
árið 1997. Eftir að hafa raðað inn mörkum í
neðri deildum Englands var hann keyptur
til Leicester árið 2000 sem greiddi 5,5
milljónir punda fyrir kappann. Hann varð
aðhlátursefni stuðningsmanna annarra liða
í úrvalsdeildinni, honum gekk bölvanlega að
nýta frábær marktækifæri en skoraði í það
heila 11 mörk í 58 úrvalsdeildarleikjum með
Leicester. Árið 2002 var hann seldur til Crys-
tal Palace en sneri svo aftur í úrvalsdeildina
með Sheffield United tímabilið 2006/2007.
8 Stephane Guivarc'h
Félag: Newcastle
Guivarc'h var keyptur til Newcastle árið
1998 frá Auxerre í Frakklandi. Hann hafði
hampað heimsmeistaratitlinum fyrr um
sumarið og voru miklar vonir bundnar við
sóknarmanninn. Hann hafði jú skorað 21
mark í 32 leikjum í frönsku deildinni tímabil-
ið á undan. Guivarc'h byrjaði ágætlega en
þó að hann hafi skorað í sínum fyrsta leik,
gegn Liverpool, gekk honum bölvanlega að
finna sig á Englandi, eins og kollegar hans á
þessum svarta lista. Í nóvember, nokkrum
mánuðum eftir komuna til Newcastle, var
hann seldur til Rangers í Skotlandi fyrir
sömu upphæð og Newcastle hafði greitt, 3,5
milljónir punda. Ef til vill er leikmanninum
vorkunn. Í það heila fékk Guivarc'h aðeins
fjórum sinnum tækifæri í byrjunarliðinu. En
lífið í úrvalsdeildinni er enginn dans á rósum,
eins og hann fékk að kynnast.
7 Andriy Shevchenko
Félag: Chelsea
Úkraínumaðurinn er aðeins einn fjölmargra
framherja Chelsea sem komast á listann.
Enginn efast um að Shevchenko hafi verið
einn besti framherji heims á sínum tíma.
Hann skoraði 187 mörk í 325 leikjum fyrir
Dynamo Kiev og hélt uppteknum hætti hjá
AC Milan áður en hann samdi við Chelsea
árið 2006. Kaupverðið var um 30 milljónir
punda og varð Shevchenko einn dýrasti
knattspyrnumaður sögunnar. Hjá Chelsea
var þessi magnaði leikmaður aðeins
skugginn af sjálfum sér og skoraði einungis
9 mörk í 48 úrvalsdeildarleikjum. Hjá liðinu
féll orðspor hans samhliða slæmu gengi.
Hann hafði verið einn heitasti framherjinn
í Evrópuboltanum en náði sér aldrei aftur á
strik. Hann sneri aftur til Dynamo Kiev árið
2009 en lagði skóna á hilluna árið 2012.
6 Afonso Alves
Félag: Middlesbrough
Miðað við hvað Afonso Alves gekk vel
að skora hjá Hereenveen í Hollandi kom
það fáum á óvart að stærra lið myndi
loks sækjast eftir kröftum hans. Eftir að
hafa skorað 48 mörk í 48 leikjum falaðist
Middlesbrough eftir þjónustu þessa skæða
sóknarmanns. Þetta var í janúar 2008 og
var Middlesbrough í miklu basli við botn
úrvalsdeildarinnar. Svo fór að Middles-
brough greiddi 15 milljónir punda fyrir Alves.
Hann afrekaði að skora tvö mörk í leik gegn
Manchester United en það er um það bil það
eina jákvæða sem Alves gerði á afleitum 18
mánuðum hjá Middlesbrough. Talið er að
hann hafi verið með um 50 þúsund pund í
vikulaun, 10 milljónir króna, en í það heila
skoraði hann 10 mörk í 42 úrvalsdeildarleikj-
um. Middlesbrough féll vorið 2009 og var
Alves seldur til félags í Katar í kjölfarið.
5 Tomas Brolin
Félög: Leeds og Crystal Palace
Svíinn Tomas Brolin fór mikinn á fyrri hluta
ferils síns, þá einna helst með sænska
landsliðinu. Brolin var á hátindi ferils síns í
kringum Evrópukeppnina 1992. Þá var hann
hraður, teknískur og gat gert ótrúlegustu
hluti upp úr engu. Árið 1995 keypti Leeds,
sem þá var undir stjórn Howards Wilkinson,
leikmanninn og greiddi 4,5 milljónir punda
fyrir – stórfé á þeim tíma. Tími Brolins hjá
Leeds var skelfilegur eins og 4 mörk í 20
leikjum bera vitni um. Hann virðist hafa
verið hrifinn af breska matnum því hann
þyngdist ótæpilega hjá Leeds og lenti upp
á kant við stjórann. Hann var lánaður til
FC Zürich og aftur til Parma áður en Leeds
leysti hann undan samningi. Árið 1998
samdi hann við Crystal Palace en líkamlegt
ástand hans var skelfilegt, allavega miðað
við leikmann í ensku úrvalsdeildinni. Þar
lék hann 13 leiki án þess að ná að koma
knettinum í netið.
4 Andreas Cornelius
Félag: Cardiff
Talsverðar vonir voru bundnar við Andreas
Cornelius þegar hann var keyptur til
nýliða Cardiff í ensku úrvalsdeildinni fyrir
síðasta tímabil. Cornelius, sem þá var
19 ára, hafði skorað 18 mörk í 34 leikjum
með FC Kaupmannahöfn og fór svo að
Cardiff keypti kauða á 8 milljónir punda í
júní 2013. Cardiff hefði betur eytt þessum
peningum í eitthvað annað. Cornelius til
varnar þá meiddist hann á ökkla fljótlega
eftir komuna til Cardiff en þau meiðsli eru
engin afsökun fyrir afleitri frammistöðu
hans á vellinum. Eftir 8 leiki í treyju Cardiff
í úrvalsdeildinni var hann seldur aftur til
Kaupmannahafnar í janúar síðastliðnum.
Talið er að kaupverðið hafi verið á bilinu
fjórar til sex milljónir punda sem þýðir að
Cardiff tapaði nokkur hundruð milljónum
króna á þessum afleitu viðskiptum.
3 Jason Lee
Félag: Nottingham Forest
Það eru ef til vill ekki margir aðdáendur
enska boltans sem muna eftir Jason
Lee. Hann er líklega betur þekktur fyrir
hræðilega hárgreiðslu en frammistöðu
sína á vellinum. Lee gekk í raðir Forest í
febrúar 1994 frá Southend United. Hann
lék 76 leiki fyrir Forest og skoraði 14
mörk. „Hann er með ananas – á höfðinu“,
sungu stuðningsmenn annarra liða þegar
Forest kom í heimsókn – og hæddust
að leikmanninum. Jason Lee var aldrei í
úrvalsdeildarklassa en kannski gengur
Daily Mail of langt með því að setja hann
í 3. sæti listans? Á ferli sínum lék Lee
621 leik, langflesta í neðri deildunum, og
skoraði hann 125 mörk. Hann lék með ein-
hverjum 20 félgsliðum á ferli sínum sem
knattspyrnumaður. Í dag er Lee þjálfari
Boston United í ensku utandeildinni.
2 Marco Boogers
Félag: West Ham
Boogers gekk í raðir West Ham í júlí 1995 eft-
ir að hafa staðið sig ágætlega með Spörtu í
Rotterdam í Hollandi. Lundúnaliðið greiddi
eina milljón punda fyrir kappann sem þótti
dágóð summa á sínum tíma. Í öðrum leik
Boogers kom hann inn á sem varamaður í
leik gegn Manchester United. Eftir að hafa
verið stutta stund inni á vellinum fékk
hann að líta rauða spjaldið fyrir hrottalega
tæklingu á ungum bakverði United-liðsins,
Gary Neville. Breska pressan gerði mikið úr
málinu og velti upp þeirri spurningu hvort
hann hefði fengið fyrirmæli um að meiða
Neville – hann gerði allavega lítið annað
á þeim fáu mínútum sem hann spilaði.
Pressan virtist fara illa í Boogers sem lét
sig hverfa um stund. Eftir aðeins fjóra leiki
hjá West Ham í úrvalsdeildinni án þess að
skora mark var hann lánaður til Groningen í
Hollandi áður en hann gekk frá varanlegum
samningi við félagið.
1 Bosko Balaban
Félag: Aston Villa
Margir ráku upp stór augu þegar Aston Villa
festi kaup á króatíska sóknarmanninum
Bosko Balaban árið 2001. Var það helst
verðmiðinn, 6 milljónir punda, sem vakti
furðu margra. Balaban var 23 ára á þessum
tíma og hafði staðið sig ágætlega með
Dinamo Zagreb í heimalandi sínu, skorað
14 mörk í 27 leikjum. Þessi ungi framherji
skrifaði undir lygilega góðan samning hjá
Villa en talið er að hann hafi fengið 20
þúsund pund í laun á viku, 4 milljónir króna,
sem þótti býsna mikið fyrir tæpum 15 árum.
Balaban tókst hins vegar aldrei að festa sig
í sessi, hann átti erfitt með að venjast hrað-
anum í úrvalsdeildinni og afrekaði aldrei að
byrja leik í úrvalsdeildinni. Hann kom átta
sinnum inn á sem varamaður en tókst ekki
að skora eitt einasta mark. Árið 2003 var
samningi hans rift og gekk hann í kjölfarið
í raðir Club Brugge í Belgíu þar sem hann
skoraði 25 mörk í fyrstu 24 leikjum sínum.
Einar Þór Sigurðsson
einar@dv.is