Tímarit hjúkrunarfræðinga - 01.06.2009, Page 34

Tímarit hjúkrunarfræ›inga – 3. tbl. 85. árg. 200930
Hvað kom til að þú fluttist til Íslands? „Það
er löng saga að segja frá því. Ég heyrði
fyrst um Ísland þegar ég var 6 ára. Þá var
eldgos í Heimaey. Pabbi er jarðfræðingur
og var búinn að segja mér frá eldfjöllum
og ég var orðin hrædd við þau. Því
fylgdist ég vel með gosinu í Heimaey.
Mér fannst stórmerkilegt að Íslendingar
mokuðu bara öskunni af húsþökum sínum
og ætluðu að búa þar áfram. Þangað var
ég ákveðin að komast.“ Nokkrum árum
seinna rakst hún aftur á landið fagra.
„Tíu ára fékk ég mislinga og þurfti að
vera heima en leiddist mikið. Ég náði þá
í kortabók og fann þar pínulitla mynd af
Íslandi sem ég afritaði á smjörpappír.
Eftir að hafa skoðað kortið leist mér best
á blett fyrir norðan Hofsjökull og ákvað
að ég ætlaði að búa þar. Þegar ég var
um tvítugt hafði ég verið í fjölmiðlafræði,
sálfræði og þjóðháttafræði í háskólanum
í München en ákvað að breyta algerlega
til. Um sumarið 1987 fór ég til Íslands og
vann þar í sveit í tvö sumur í heyskap og
tamningum. Um haustið 1988 fór svo að
ég innritaði mig í Háskólann á Akureyri.“
Háskólinn á Akureyri var þá nýstofnaður
og ekki kominn í símaskrá en Kerstin
fékk símanúmerið hjá Menntaskólanum á
Akureyri. Eitt af því sem boðið var upp á
var hjúkrun og Kerstin ákvað að skrá sig
þó að hún vissi varla hvað hjúkrun var.
„Ég kynntist hjúkrunarfræðingi í sveitinni
þegar ég slasaðist og sauma þurfti
skurð á fæti. Það hljóp sýking í sárið
en hjúkrunarfræðingur sá um að fylgjast
með því. Hann syndi mér hvernig ég gæti
gert það sjálf. Mér fannst hann mjög fær
og ég tók eftir því að hann hafði mig með
í ráðum – fyrstur heilbrigðisstarfsmanna
sem ég hafði kynnst til þessa.“
Þetta var í annað sinn sem hjúkrun var
kennd. Það var spennandi og alhliða
nám með frábærum kennurum og litlum
og samheldnum hópi nemenda en í
árganginum voru níu konur sem Kerstin
heldur enn samband við. Kerstin fékk
þó ekki námslán fyrstu árin þar sem
hún hafði búið allt of stutt á Íslandi.
Í staðinn vann hún með námi á
sjúkrahúsinu á Akureyri, fyrst í þrifum
en svo við aðstoðarstörf í hjúkrun. Undir
lok námsins vann hún sem sjúkraliði á
fæðingardeild og öldrunardeild. Það var
mjög gott að fá þessa reynslu og Kerstin
er þakklát í dag fyrir að hafa ekki tekið
há námslán.
Eftir útskrift 1992 fluttist hún til
Reykjavíkur og vann á gjörgæsludeild
Borgarspítalans í tvö ár. Þá bjó hún í litlu
húsi við Bessastaðatjörn með hesta fyrir
utan gluggann. Samt leið henni aldrei
nógu vel og fann sig ekki í Reykjavík.
Hún er uppalin í borg og dvöl hennar í
München fannst henni duga alveg sem
reynsla af borgarlífi. Þegar tækifæri
gafst fluttist hún til Hvammstanga og
hefur unnið á sjúkrahúsinu þar síðan.
„Það hefur reynst vel, þar er fært og
skemmtilegt fólk og góður starfsandi.
Vinnan er fjölbreytt, mest öldrunarhjúkrun
en einnig bráðahjúkrun,“ segir Kerstin.
Á sjúkrahúsinu og dvalarheimilinu
eru fáir hjúkrunarfræðingar, samtals í
1,6 stöðugildi en samt er haldið uppi
sólarhringsþjónustu, þó að hluta til á
bakvakt. Hjúkrunarfræðingar vinna dag-
og kvöldvakt á virkum dögum en fara
svo á bakvakt. Um helgar er unnið 8–12
og 17–21 og svo tekur bakvakt við.
„Það hefur alltaf verið auðvelt að fá fólk
Christer Magnusson, christer@hjukrun.is
Kerstin Hitrud Roloff.
HJÚKRUNARFRÆÐINGUR Á
NORÐVESTURLANDI
í afleysingar en nú vantar í fasta stöðu.
Okkur til aðstoðar eru úrræðagóðar og
ábyrgðar konur,“ segir Kerstin. Hún
telur nauðsynlegt að hafa sjúkrahús og
heilsugæslustöðvar á tilteknum stöðum
og vonar að sameiningarferlið, sem nú
stendur yfir, hafi ekki í för með sér
lakari þjónustu. Aðstæður á Íslandi séu
ekki alltaf eins og á sumardegi. Hún
rifjar upp eitt atvik sem gerðist veturinn
1994–95. „Þá fór sjúkrabíll héðan á leið
til Reykjavíkur en það gerði hríð og
þrátt fyrir að snjómokstursbíll væri fyrir
framan komst hann ekki lengra en í
Staðarskála. Þar þurfti sjúklingurinn að
gista og komst aldrei í bæinn. Sem betur
fer var hann ekki alvarlega veikur.“ Við
slíkar aðstæður er nauðsynlegt að geta
veitt bráðaþjónustu á staðnum.
Kerstin Hitrud Roloff er hjúkrunarfræðingur, menntaður á Íslandi en
kemur frá Þýskalandi. Ritstjóri, sjálfur maður erlendur, rakst á nafnið á
trúnaðarmannaskrá og vakti það forvitni hans.