Dagblaðið Vísir - DV - 30.12.2014, Side 6

6 Fréttir Áramótablað 30. desember 2014
Hugo Boss söluaðilar:
Reykjavík:
Gilbert úrsmiður Laugavegi 62 s: 551-4100
Gullúrið–úra og skartgripaverslunv Mjódd s: 587-4100
Úra- og skartgripaverslun Heide Glæsibæ s: 581-3665
Meba Kringlunni s: 553-1199
Meba - Rhodium Smáralind s: 555-7711
Hafnarfjörður
Úr & Gull Firði-Miðbæ Hafnarfjarðar s: 565-4666
Keflavík:
Georg V. Hannah, úrsmiður Hafnargötu 49 s: 421-5757
Selfoss:
Karl R. Guðmundsson, úrsmiður Austurvegi 11 s: 482-1433
Akureyri:
Halldór Ólafsson úrsmiður Glerártorgi s: 462-2509
Akranes:
Guðmundur B. Hannah, úrsmiður Suðurgötu 65 s: 431-1458
Egilsstaðir:
Klassík Selási 1 s:471-1886
Úra- o skartgripaversl n
Heide Glæsibæ - s: 581 36 5
Í
slenskir veitingastaðir standast
ekki samkeppni við þá bestu á
Norðurlöndum samkvæmt út­
tekt sem White Guide útgáfan birti
fyrir jólin yfir 250 bestu veitinga­
staðina í Svíþjóð, Noregi, Danmörku,
Íslandi, Finnlandi og Færeyjum. Ís­
lenski veitingastaðurinn sem þykir
bestur er Dill í Reykjavík. Hann hafn­
ar í 98. sæti og telst engu að síður vera
í flokki hágæðastaða. Samkvæmt út­
tekt White Guide er Noma í Kaup­
mannahöfn besti veitingastaðurinn á
Norður löndum.
Ísland nær ekki í úrvalsflokk
White Guide veitir matargestum
leiðbeiningar um gæði veitinga­
staða. Á árinu 2014 valdi White
Guide alls 250 bestu veitingastaðina
á Norðurlöndum og flokkaði þá eft­
ir gæðum. Á listanum eru 86 sænskir
veitingastaðir, 71 danskur, 43 norskir,
38 finnskir, níu íslenskir, tveir færeysk­
ir og einn frá Svalbarða. Aðeins fimm
af níu íslensku veitingastöðunum ná
inn á lista 225 veitingastaða sem rað­
að er í sæti. Hinir fjórir hafna meðal
þeirra 25 sem ekki komust á listann en
White Guide mælir engu að síður með
sem gæða veitingastöðum.
Íslensku veitingastaðirnir fimm,
sem ná sæti í ofangreindum flokkum,
eru Dill í 98. sæti, Vox í 113. sæti, Kol í
133. sæti, Fiskmarkaðurinn í 182. sæti
og Fiskfélagið í 221. sæti. Allir hafna
þeir í hágæðaflokki sem er þriðji
flokkur á eftir úrvalsflokki og alþjóð­
legum úrvalsflokki.
Færeyingar hafa betur
Athygli vekur að veitingastaðurinn
Koks í Þórshöfn í Færeyjum hafnar
í 32. sæti og þar með í úrvalsflokki.
Það er langt fyrir ofan besta íslenska
veitingastaðinn sem hafnaði í há­
gæðaflokki eins og áður segir. Hinn
færeyski staðurinn, Barbara í Þórs­
höfn, er í 170. sæti og þar af leiðandi
eru báðir færeysku staðirnir á lista
White Guide ofar en sjö af níu íslensku
veitingastöðunum.
Veitingastaðurinn Huset í Long­
yearbyen á Svalbarða hafnaði í 104.
sæti og telst þar með betri en átta af ís­
lensku veitingastöðunum níu.
Íslensku veitingastaðirnir fjórir
sem ekki var skipað í sæti eftir
einkunnargjöf, en White Guide mælir
engu að síður með sem gæða veitinga­
stöðum (4 flokkur), eru Grillið, Slipp­
barinn, Grillmarkaðurinn og Lava
Restaurant í Grindavík. Lava er jafn­
framt eini íslenski veitingastaðurinn
utan Reykjavíkur.
Danir með toppeinkunn
Í alþjóðlega úrvalsflokkinum er að
finna 30 bestu veitingastaðina á öll­
um Norðurlöndum að mati White
Guide. Athygli vekur að helmingur
þeirra er danskur og stór hluti þeirra
auk þess starfandi í Kaupmanna­
höfn. Þetta merkir að liðlega fimmt­
ungur dönsku veitingastaðanna var
með toppeinkunn og hafnaði í alþjóð­
legum úrvalsflokki. Þótt 11 sænskir
veitingastaðir falli í flokk þeirra þrjá­
tíu bestu eru þeir hlutfallslega færri en
þeir dönsku eða 13,5 prósent af alls 86
sænskum stöðum á lista White Guide.
Norræn matargerð í sviðsljósi
Í fréttatilkynningu frá White Guide
fyrir jólin segir meðal annars að áhugi
á norrænni matargerðarlist sé mikill
og alþjóðlegur og þörfin fyrir leiðbein­
ingar um gæði veitingahúsa fari þar af
leiðandi vaxandi. Það eigi ekki aðeins
við um veitingastaði í höfðuborgum
Norðurlanda heldur einnig í minni
bæjum á landsbyggðinni. Listi White
Guide sé til þess fallinn að veita vax­
andi fjölda ferðamanna og matgæð­
inga leiðbeiningar sem stuðlað geti að
upplýstu vali, ekki aðeins milli þekkt­
ustu útvals veitingastaðanna heldur
einnig milli síður þekktra veitinga­
staða sem oft er erfiðara að finna.
White Guide hefur sérhæft sig í útgáfu
á efni um veitingastaði og hefur starf­
að síðan 2004 í Svíþjóð en nú einnig í
Danmörku. White Guide hefur áður
fjallað um eina 800 veitingastaði í
þessum tveimur löndum en hefur nú
fært út kvíarnar með útgáfu á leiðar­
vísi um 250 bestu veitingastaðina á
Norðurlöndum. n
Íslensk matargerð
ekki í úrvalsflokki
n Stöndumst bestu norrænu veitingastöðunum ekki snúning
Alþjóðlegi úrvalsflokkurinn
Einkunnagjöf White Guide; heildareinkunn frá 0–100/sérstök
einkunn fyrir mat einvörðungu frá 0–40
1) Noma, Kaupmannahöfn, Danmörku – 96/39
2–4) Geranium, Kaupmannahöfn, Danmörku – 94/39
Fäviken Magasinet, Järpen, Svíþjóð – 94/39
Esperanto, Stokkhólmi, Svíþjóð – 94/39
5) Maaemo, Ósló, Noregi – 93/39
6–7) Mathias Dahlgren – Matsalen, Stokkhólmi, Svíþjóð – 94/38
Oaxen Krog, Stokkhólmi, Svíþjóð – 94/38
8–9) Daniel Berlin Krog í Tranås/Skáni, Svíþjóð – 92/38
Restaurant Frantzén, Stokkhólmi, Svíþjóð – 92/38
10–12) Studio, Kaupmannahöfn, Danmörku – 91/38
Gothia Towers Upper House, Gautaborg, Svíþjóð – 91/38
Gastrologik, Stokkhólmi, Svíþjóð – 91/38
13) Operakällaren, Stokkhólmi, Svíþjóð – 93/37
14) Frederikshøj, Árósum, Danmörku – 91/37
15–16) Kong Hans Kælder, Kaupmannahöfn, Danmörku – 89/37
PM & Vänner, Växjö, Svíþjóð – 89/37
17) Ruths Gourmet Restaurant, Skagen, Danmörku – 86/37
18) Søllerød Kro, Holte, Danmörku – 90/36
19–21) AOC, Kaupmannahöfn, Danmörku – 89/36
Kadeau Copenhagen, Kaupmannahöfn, Danmörku – 89/36
Mielcke & Hurtigkarl, Frederiksberg, Danmörku – 89/36
22) Kadeau Bornholm, Åkirkeby, Danmörku – 88/36
23) Amass, Kaupmannahöfn, Danmörku – 87/36
24–25) Marchal, Kaupmannahöfn, Danmörku – 86/36
Relæ, Kaupmannahöfn, Danmörku – 86/36
26) Falsled Kro, Millinge, Danmörku – 85/36
27) Ylajali, Osló, Noregi – 83/36
28) Hotell Borgholm, Borgholm, Svíþjóð – 82/36
29-30) Olo, Helsinki, Finnlandi – 81/36
Restaurang Vollmers, Malmö, Svíþjóð – 81/36
Jóhann Hauksson
johannh@dv.is
Fyrsta sæti Veitingastaðurinn Noma í Kaupmannahöfn er besti norræni veitingastaðurinn samkvæmt úttekt White Guide. Dill í Reykjavík
þykir besti íslenski staðurinn en er þó nærri hundrað sætum neðar. MyND Jose MoraN Moya
MyND Jose MoraN Moya
Börn geta
kafnað á gormi
í snuðhaldara
Lindex hefur innkallað snuð­
haldara frá Esska sem uppfyll­
ir ekki gæða­ og öryggisskilyrði.
Samkvæmt Neytenda stofu er
ástæða innköllunarinnar sú að
gormur sem er í snuðhaldaranum
kann, undir ákveðnum kringum­
stæðum, að losna og getur fest í
hálsi barna með tilheyrandi köfn­
unarhættu.
Í tilkynningu segir að Lindex
biðji viðskiptavini sína, sem keypt
hafa umræddan snuðhaldara, að
skila vörunni inn í næstu verslun
og fá endurgreitt að fullu.
Strætó leggur
fyrr af stað
Þann 4. janúar 2015 mun ný
vetraráætlun Strætó taka gildi á
höfuð borgarsvæðinu. „Töluverðar
úrbætur hafa verið gerðar á leiða­
kerfinu og má þá helst nefna að
allur akstur mun hefjast tveimur
tímum fyrr á sunnudögum, eða
um kl 9:30. Tíðni aksturs eykst
og verður á 15 mín fresti í stað 30
mín á annatíma í öllum helstu
hverfum. Sumir vagnar munu
breyta um númer og einhverjar
akstursleiðir munu breytast,“ segir
í tilkynningu frá Strætó.