Dagblaðið Vísir - DV - 09.12.2014, Blaðsíða 3

Fréttir 3Vikublað 9.–11. desember 2014
„Náttúran þolir ekki bið“
Andri Snær Magnason gagnrýnir virkjanaáform
N
áttúran þolir ekki bið. Þess
vegna þurfti að drífa átta
virkjunarkosti úr biðflokki í
nýtingarflokk,“ segir rithöf-
undurinn Andri Snær Magnason í
stöðuuppfærslu á Facebook í dag.
Andri Snær gagnrýnir í því samhengi
orð Ragnheiðar Elínar Árnadóttur,
iðnaðar- og viðskiptaráðherra, sem
skrifaði grein sem birtist í Frétta-
blaðinu um helgina um að náttúr-
an þyldi ekki bið eftir fjármögnun
uppbyggingar og verndunar ferða-
mannastaða á Íslandi og við því væri
náttúrupassi besta lausnin. Andri
Snær bendir á að ljóst sé að náttúran
þoli heldur ekki bið þegar kemur að
því að færa heila átta virkjunarkosti
úr biðflokki í nýtingarflokk.
„Og þá er ekki einu sinni búið
að nefna þá níundu sem Kaupfé-
lag Skagfirðinga vill rusla upp með
því að raska víðernum norðan Hofs-
jökuls með því að virkja jökulsárnar
sem renna þaðan að lokum niður í
Skagafjörð,“ segir Andri Snær en DV
greindi frá því í mars síðastliðnum
að Kaupfélag Skagfirðinga hefði nýtt
sér forkaupsrétt í lok árs 2012 á félagi
sem unnið hefur að undirbúningi
virkjana í Skagafirði. n erlak@dv.is
Mynd Sigtryggur Ari
B
yrði fyrirtækja af regluverki
og stjórnsýslu hefur aukist
hægt og bítandi og hafa
stjórnvöld falið ráðgjafa-
nefnd að leita leiða til að
einfalda regluverkið eins og kveðið
er á um í stjórnarsáttmála. Þar segir,
að ríkisstjórnin muni „beita sér fyrir
endurskoðun regluverks atvinnu-
lífsins með einföldun og aukna skil-
virkni þess að leiðarljósi. Markmið
hennar verður að minnka skrifræði
og einfalda samskipti við opinbera
aðila um leið og kostnaði er haldið
niðri.“
Sérstakt markmið er að engar
nýjar íþyngjandi reglur verði inn-
leiddar fyrir atvinnulífið án þess að
um leið falli brott jafnveigamiklar
kvaðir.
Stöðumat
Nýverið skilaði ráðgjafanefndin
stöðuskýrslu og hefur hún verið
rædd í ríkisstjórn. Þess má geta að
ríkisstjórnin samþykkti í maí 2013
aðgerðaáætlun um einfaldara og
skilvirkara regluverk fyrir atvinnu-
lífið.
Reglur eru settar af illri nauðsyn
og um óteljandi hluti í nútímasam-
félagi. Þær þurfa sérstakrar rétt-
lætingar við, eins og segir í stöðu-
skýrslunni, því þær skerða einatt
athafnafrelsi og geta dregið úr hag-
vexti og velferð. „Samt er breið
samstaða um það á alþjóðavett-
vangi að ýmsar reglur séu nauðsyn-
legar til þess meðal annars að
skapa skýran og gagnsæjan ramma
um samkeppni og atvinnustarf-
semi. Regluverki er ætlað að auka
velferð samfélagsins, jafnt efna-
hagslega sem félagslega. Þetta er í
raun flóknara mál en virðast mætti
í fyrstu, en þó má segja að þessu
takmarki sé meðal annars náð ef
velferð allra í samfélaginu eykst
meira en sem nemur þeim kostn-
aði fyrir samfélagið sem af reglun-
um hlýst.“
Bitnar á þeim litlu og meðalstóru
Í skýrslunni segir frá því að opin-
berar reglur geti haft ýmis neikvæð
áhrif, til dæmis tekið ábyrgð af fyrir-
tækjum. Undir miklu regluverki leit-
ist þau ekki sjálfstætt við að efla góða
starfshætti heldur reyni einungis
að uppfylla lágmarkskröfur reglu-
verksins. Í sambærilegri skýrslu um
regluverkið í Sviss segir að stjórn-
sýslubyrði hafi aukist mjög samfara
auknum fjölda reglna á vegum rík-
isins, kantónanna og sveitarfélag-
anna. Þetta hafi ekki síst bitnað á
litlum og meðalstórum fyrirtækjum.
Ekki aðeins feli skriffinnskan í sér
tímatap og kostnað heldur geti hún
skert athafnafrelsi fyrirtækjanna og
getu þeirra til að taka ákvarðanir.
Einfaldleiki og skilvirkni
Þeir sem stofna til reksturs hér á
landi þurfa gjarnan að sækja um leyfi
til margra aðila og aðeins í undan-
tekningartilvikum nægir að sækja
um leyfi á einum stað. Sá hængur er
einnig á að ekki er á einum stað hægt
að finna upplýsingar um kröfur sem
fyrirtækin þurfa að fullnægja til að fá
leyfi til starfseminnar. „Vísbendingar
eru um að óvíða á Vesturlöndum sé
jafn stór hluti atvinnustarfseminnar
leyfisbundinn og hér á landi.“
Helsta viðspyrnan gegn íþyngj-
andi reglufjöld er að hafa þær skýr-
ar, einfaldar og fáar. Í stað fækkunar
reglna (deregulation) og einföldun-
ar er nú einnig talað um betri og
snjallari reglur, eins og segir í stöðu-
skýrslunni. Allt er þetta nú til athug-
unar hjá stjórnvöldum, það er að
einfalda umsóknir, gera upplýsingar
aðgengilegar á einum stað, setja við-
mið um starfshætti eftirlitsstofnana
og að marka stefnu um það hvenær
og hvort nauðsynlegt sé að leyfis-
binda atvinnustarfsemi. n
Reynt að einfalda regluverkið
n Fyrirtæki í skógi reglna n Stjórnvöld vilja einfalda regluverk og draga úr kostnaði
Einn tekur
út þetta,
annar hitt
Brot úr stöðuskýrslu stjórnvalda
um einföldun gildandi regluverks
Það er fjölmennur hópur eftirlitsfólks
sem heimsækir fyrirtæki. Þannig má
taka dæmi þar sem einn eftirlits-
aðili tekur út lyftuna í húsinu, annar
kaffistofu starfsmanna, þriðji athugar
almennt hreinlæti, fjórði skoðar hvort
vogir séu rétt stilltar, sá fimmti hvort
afurðirnar séu hæfar til manneldis og
sá sjötti hvort þær megi flytja úr landi.
Sá sjöundi skoðar hvort búnaður vinnu-
vélanna sé í lagi og svo þarf að færa til
þess áttunda ökutækin sem staðfestir
að þeim megi aka á vegum landsins.
Sá níundi athugar hvort útstreymi úr
bræðslunni sé innan marka og sá tíundi
hvort fjarskiptatækin starfi rétt. Aðrir
sjá svo um að einungis séu í boði tæki,
vörur og búnaður með réttum merking-
um og að CE-merkin séu á réttum stað.
Öðru hverju koma svo sendinefndir frá
Eftirlitsstofnun EFTA sem athuga hvort
allt eftirlitið sé fullnægjandi. Allt byggir
þetta á ákvæðum laga.
Jóhann Hauksson
johannh@dv.is
reglur og eftirlit Fiski-
stofa, Samkeppniseftirlitið
og Fjármálaeftirlitið eru
dæmi um eftirlitsstofnanir
sem framfylgja oft og tíð-
um flóknu regluverki sem
mörgum þykir íþyngjandi
fyrir rekstur fyrirtækja.
Engin leið er að afnema
þær en ætlun stjórnvalda
er að einfalda regluverkið
og draga úr kostnaði.
Íslenskt tal leiðbeinir
notanda um allar aðgerðir
Nú þegar eru fjöldi Íslendinga í fullu
fjöri sem startað hefur verið í gang
með hjartastuðtækjum frá Donnu.
Samaritan PAD
hjartastuðtæki
kosta aðeins frá
kr. 199.600 m/vsk.