Dagblaðið Vísir - DV - 09.12.2014, Page 38

Vikublað 9.–11. desember 201438 Fólk
hennar
fæst hjá
okkur
Jólagjöfin
L augavegi 82 / Sími: 551-4473
Ánægð með
persónu-
legan dóm
Marta María sendi frá sér mat-
reiðslubókina MMM – Matreiðslu-
bók Mörtu Maríu fyrir helgina og
er strax farin að fá góða dóma.
Skemmtilegast finnst henni að fá
persónulegan póst frá þeim sem
eru ánægðir með bókina, en einn
slíkur barst henni á mánudag. Og
deildi hún honum með Facebook-
vinum sínum. Viðkomandi hafði
prófað nokkra rétti úr bókinni var
himinlifandi með þá alla, sérstak-
lega hvað þeir væru einfaldir og að
ekki þyrfti margar gerðir af hráefni
í þá. Marta María segir tölvupóst-
inn gera það að verkum að hún
„brosi hringinn.“ Sem er nú ekki
leiðinlegt.
Rekinn fyrir
að vera með
hanakamb
Jón Gnarr rifjaði upp skemmti-
lega sögu á Facebook-síðu sinni
á mánudaginn, frá því hann
var ungur. Söguna sagði hann á
ensku, til að allir erlendir aðdá-
endur hans gætu notið hennar
líka. „Þegar ég var 14 ára gamall
starfaði ég í kjötborði í verslun.
Dag einn mætti ég í vinnuna með
hanakamb og var rekinn fyrir vik-
ið. Ég fór grátandi heim.“ Í kjöl-
farið fór faðir hans með hann til
rakarans, keypti handa honum
hárkollu og fór með hann aftur í
verslunina. „Ég fékk ekki starfið
aftur. En ég hafði þessa frábæru
sögu að segja. Ég notaði hárkoll-
una svo í partíum og klæddi mig
svona,“ skrifaði Jón Gnarr og birti
meðfylgjandi mynd.
Þ
etta er ótrúlega skemmti-
legt og allt öðruvísi en ég
bjóst við,“ segir Tanja Ýr Ást-
þórsdóttir, fegurðardrottn-
ing Íslands 2013, en hún
tekur þátt í keppninni Miss World í
London á sunnudaginn.
Vinkonur ekki andstæðingar
Tanja segist ekki hafa hugmynd um
hvaða stúlka muni bera sigur úr být-
um. „Ég fór út með það hugarfar að
vera ekkert að pæla í því. Ég ætla
frekar að njóta mín og hverrar ein-
ustu mínútu sem ég hef hér. Þessar
stelpur eru ekki mínir andstæðingar.
Þetta eru miklu frekar vinkonur mín-
ar,“ segir hún og bætir við að hún sé
í mestum samskiptum við stelpurn-
ar frá Indónesíu, Jamaíku, Gvæjana
og Ungverjalandi en herbergisfélagi
hennar er einmitt frá Ungverjalandi.
„Þegar ég var sótt á flugvöllinn var ég
samferða stelpunni frá Noregi svo ég
hef kynnst henni líka. Svo var okkur
skipt í fjóra hópa þar sem við erum
svo margar og þess vegna umgengst
ég mest stelpurnar í mínum hópi en
stelpurnar frá Noregi og Finlandi eru
líka góðar vinkonur mínar.“
Með hraunmola
Allir keppendur áttu að koma með
einhvern hlut frá sínu heimalandi
til að selja á góðgerðaruppboði. Eft-
ir að hafa lagt höfuðið í bleyti ákvað
Tanja Ýr að taka með sér hraunmola
úr Holuhrauni og fékk Lógóflex til
að hanna fallegan stand undir mol-
ann. „Það voru ákveðnir hlutir vald-
ir til að taka þátt í uppboðinu og því
miður var hraunmolinn ekki valinn.
Þau tóku hann ekki upp úr kassan-
um og voru því ekkert búin að setja
þetta saman eða neitt. Allt sem ekki
var boðið upp var svo sett í tombólu
og maðurinn sem fékk hraunmolann
var yfir sig ánægður. Hann var eigini-
lega í sjokki yfir því að molinn hefði
ekki verið boðinn upp.“
Gamall draumur að rætast
Tanja Ýr viðurkennir að á sunnu-
daginn rætist gamall draumur. „Mig
hefur lengi langað að standa á þessu
sviði og sérstaklega eftir að hafa
unnið keppnina hér heima í fyrra.
Nú hef ég beðið eftir þessu í heilt ár
og er mjög spennt,“ segir hún og bæt-
ir við að fjölskylda hennar og vinir
ætli að fjölmenna til að horfa á hana
á sviðinu og þar á meðal kærastinn,
Egill Fannar Halldórsson. „Allt fólk-
ið mitt kemur nema önnur systir mín
þar sem hún er nýbúin að eignast
barn. Kærastinn er mjög spenntur og
svo ætlum við að ferðast aðeins um
London eftir keppni.“
Mælir með keppninni
Tanja segir keppnina á Íslandi eftir-
bát stóru keppninnar. „ Keppnin
heima er ekki í takt við keppnina
hérna úti. Hér gengur þetta aðal-
lega út á góðgerðarmál. Þetta er ekki
bara spurning um hvaða stelpa er
fallegust heldur skiptir persónuleik-
inn miklu máli og það hvort sigur-
vegarinn sé góður talsmaður fyr-
ir keppnina. Ég get heilshugar mælt
með þátttöku í þessu fyrir þær stelp-
ur sem hafa áhuga ef þær treysta sér
til að fara út fyrir hönd Íslands. Sjálf
hef ég bara fengið góða reynslu út úr
þessu.“
Allt getur gerst
Nokkrar minni keppnir hafa þegar
farið fram en stigin verða talin saman
á lokakvöldinu. „Mér hefur gengið
mjög vel og komst til að mynda í úrslit
í íþróttakeppninni. Hins vegar var ég
ekki með í hæfileikakeppninni vegna
tölvupóstsklúðurs sem var mjög
leiðinlegt af því að ég ætlaði að sýna
loftfimleika. Vissulega væri maður
sigurstranglegri ef manni hefði geng-
ið vel í öllum litlu keppnunum en
það getur allt gerst. Maður veit aldrei.
Þessar stelpur eru allar svo ótrúlega
fallegar svo það fer bara eftir því hvað
dómurunum finnst. Aðalatriðið er að
vera með það hugarfar að við séum
allar sigurvegarar og bara reyna að
fá sem mest út úr þessari lífsreynslu.
Það er það sem maður tekur með sér
úr þessari keppni, sama hvort maður
vinnur eða ekki.“
Gerir sitt besta
Tanja, sem er á öðru ári í hugbún-
aðarverkfræði við Háskólann í
Reykjavík, kláraði síðasta prófið átta
klukkutímum áður en hún lagði af
stað í ferðalagið. Hún viðurkennir
að hafa velt fyrir sér hvað tæki við ef
hún myndi sigra. „Til að ætla að gera
sitt besta verður maður að undirbúa
sig fyrir allt og líka að vinna. Ég ætla
bara vera vel undirbúin og reyna að
njóta mín. Ef ég sigra feta ég í fótspor
þriggja flottra kvenna og vinn í heilt
ár fyrir Miss World. Sigur myndi þýða
mjög mikið fyrir mig og vonandi fyrir
litla landið okkar líka.“ n
Ætlar bara að njóta
n Tanja Ýr keppir í Miss World á sunnudaginn n Mætti með hraunmola„Sigur myndi þýða
mjög mikið fyrir
mig og vonandi fyrir litla
landið okkar líka.
Indíana Ása Hreinsdóttir
indiana@dv.is
Náttúrulega falleg
Tanja Ýr er fegurðar-
drottning Íslands 2013.
Með Miss
World Tanja
ásamt Megan
Young sem sigraði
í Miss World í fyrra.
Græna liðið Ungfrú Ísland ásamt Ung-
frú Indlandi og Ungfrú Ungverjalandi.
Skemmtileg lífsreynsla Tanja Ýr segir
undirbúninginn hafa verið skemmtilegan.
Fjölskyldan
Tanja Ýr með
foreldrum
sínum.
Skoðunarferð Stelpurnar hafa fengið
að skoða sig um í London.
Vinkonur Tanja með stelp-
um frá Venesúela, Jamaíku,
Indónesíu og Gvæjana.