Dagblaðið Vísir - DV - 09.12.2014, Blaðsíða 14

Vikublað 9.–11. desember 201414 Fréttir Viðskipti
Nýtt sjálfstætt
starfandi apótek
í Glæsibæ
Opnunartími
Virka daga: 8:30 til 18:00
Laugardaga: 10-14
Okkar markmið er að veita þér og þínum
framúrskarandi þjónustu og ráðgjöf
Getur grætt persónu-
lega á verksmiðjunni
Fagfjárfestar líklegustu kaupendur lyfjaverksmiðjunnar í Vatnsmýrinni sem Róbert Wessman á
F
élag í eigu fjárfestisins Róberts
Wessman mun njóta hagnað­
arins, eða bera tapið, af vænt­
anlegri sölu á lyfjaverksmiðj­
unni í Vatnsmýrinni sem mun
hýsa starfsemi Alvotech í Reykja­
vík. Þetta kemur fram í svari frá upp­
lýsingafulltrúa Alvogen á Íslandi við
fyrirspurn DV um málið. Fasteignin
mun hýsa lyfjaverksmiðju dótturfé­
lags Alvogen, Alvotech, sem framleiðir
samheitalyf. Húsið verður um 13 þús­
und fermetrar að stærð og er gert ráð
fyrir að það verði opnað í ársbyrjun
2016.
Líkt og DV greindi frá í lok október
og nóvember síðastliðnum er Róbert
Wessman, eða félag í hans eigu, orðinn
eigandi lyfjaverksmiðjunnar í Vatns­
mýrinni sem nú rís. Þá kom fram í svari
frá Alvogen að til stæði að selja fast­
eignina og að Róbert myndi því ekki
eiga hana til langframa. „Eignarhald
fasteignafélags Róberts Wessman á
Hátæknisetrinu er því tímabundin
ráðstöfun til þess að tryggja hraða
framgöngu verkefnisins. Til framtíðar
verður húsið í eigu fyrirtækis sem sér­
hæfir sig í rekstri fasteigna.“ Þá greindi
blaðið frá því að Róbert reyndi nú að
selja fasteignina og að viðræður stæðu
yfir við ótilgreinda aðila.
Fagfjárfestar líklegir
Í svarinu frá Alvogen kemur skýrt
fram að hagnaður eða tap af sölu
hússins mun verða bókfært í fast­
eignafélagi Róberts. „Fasteignafé­
lagið Sæmundur á húsið og hagn­
aður eða tap af sölu hússins m.t.t.
byggingakostnaðar verður bókfært í
því félagi. Róbert er eigandi fasteigna­
félagsins. Fjárfestingarfélag í eigu Ró­
berts Wessman er einnig stór hluthafi
i Alvotech sem mun reka Hátækni­
setrið.“
Róbert, eða félagið í hans eigu,
mun því geta hagnast ef húsið verð­
ur selt með hagnaði. Líklegustu kaup­
endur hússins, sem svo munu leigja
húsið til Alvogen undir starfsemi
þess, eru fagfjárfestar eins og lífeyris­
sjóðir eða sérhæfðir fjárfestingarsjóð­
ir fjármálafyrirtækja. Lífeyrissjóðirnir
hafa í auknum mæli byrjað að horfa
til fasteigna sem fjárfestingarkosta
og hafa sett á laggirnar sérstakt fast­
eignafélag til að kaupa slíkar eignir,
meðal annars hús Íslenskrar erfða­
greiningar í Vatnsmýrinni.
Hvað vissi Reykjavíkurborg?
Líkt og fram hefur komið þá kem­
ur lóðin undir húsið frá Reykjavíkur­
borg í gegnum Vísindagarða Háskóla
Íslands. Reykjavíkurborg afhenti Vís­
indagörðunum, sem er félag í eigu
Háskóla Íslands, lóðina svo það félag
gæti látið Alvogen hafa hana undir
verksmiðjuna.
Forsvarsmenn Reykjavíkurborgar
vissu að Alvogen sjálft, eða Alvotech,
myndi ekki eiga húsið en stjórnend­
ur borgarinnar vissu hins vegar ekki
hver myndi eiga það. Gengið var frá
afhendingu lóðarinnar í tíð síðasta
meirihluta í borgarstjórn þegar Besti
flokkurinn og Samfylkingin áttu í
samstarfi. Í svari frá Pétri Ólafssyni,
aðstoðarmanni Dags B. Eggertssonar
borgarstjóra, í síðasta mánuði sagði:
„Það var beinlínis gert ráð fyrir því að
Alvogen ætti ekki húsið.“
Getur hagnast á lóð frá borginni
Staða málsins er því þessi. Reykja­
víkurborg afhendir félagi í eigu Há­
skóla Íslands lóð sem svo er afhent
samheitalyfjafyrirtækinu Alvogen
undir lyfjaverksmiðju þar sem
framleidd verða lyf. Forsvars­
menn borgarinnar virðast ekki
hafa vitað hver myndi eiga
húsið sem risi á lóðinni –
þeir vissu samt að það yrði
ekki Alvogen. Í ljós kemur
að eigandi hússins er helsti forsvars­
maður Alvogen og sá maður sem
fyrir tækið er yfirleitt kennt við, Ró­
bert Wessman.
Róbert getur, eftir atvikum, hagn­
ast á því að selja þessa verksmiðju
þar sem kaupandinn mun verða
með traustan langtímaleigusamn­
ing við samheitalyfjafyrirtæki.
Slíkur leigusamningur
er verðmætur og hús
sem á hvílir slíkur
leigusamningur er
mjög verðmætt. Á
þessu getur Ró­
bert Wessman
hagnast.
Ekkert liggur
um hagnað
Að lokum skal
samt tekið fram
að ekkert liggur fyr­
ir um sölu hússins
og að eignarhald
Róberts á
því er
tímabundið. Eins og segir í svari
Alvogen: „Það sem okkur finnst skipta
mestu máli í þessu máli er að þessi
tímabundna ráðstöfun, þ.e. að Fast­
eignafélagið Sæmundur byggi húsið
er einungis til þess að hraða byggingu
hússins. Eins og til stóð er stefnt að
því að húsið verði rekið af sérhæfð­
um fasteignafélögum og að Alvo tech
leigi húsið. Sami eigandi er síð­
an að Fasteignafélaginu Sæ­
mundi og Alvotech og
mikilvægt að halda því til
haga. Eins langar mig að
minna á að endanleg­
ur byggingarkostnað­
ur liggur ekki fyrir enda
rúmlega eitt ár eftir af
framkvæmdum. Ekk­
ert liggur því fyrir um
hvort hagnaður eða tap
verði til vegna verkefnis­
ins sem myndi alltaf bók­
ast hjá Fasteignafélaginu
Sæmundi.“ n
Ingi Freyr Vilhjálmsson
ingi@dv.is „Róbert er
eigandi
fasteignafélagsins
Kostnaður liggur ekki fyrir
Kostnaðurinn við byggingu verksmiðj-
unnar liggur ekki fyrir en hagnaðurinn,
eða tapið á henni, mun lenda hjá félagi
Róberts Wessman.
Lóð frá Reykjavíkurborg
Reykjavíkurborg vissi að Alvogen
myndi ekki eiga lyfjaverksmiðj-
una en ekki lá fyrir að Róbert
Wessman myndi sjálfur eiga hana.
Mynd SIGtRyGGuR ARI
Engin sala á
rafbílum 2015?
„Ef ekki verður framlenging á
niðurfellingu virðisaukaskatts
á rafbílum þá verður engin raf­
bílasala á næsta ári,“ hefur Við­
skiptablaðið eftir Özuri Lárussyni,
framkvæmdastjóra Bílgreinasam­
bandsins.
Enginn virðisaukaskattur hefur
að undanförnu verið innheimtur
af rafbílum og þá hafa vörugjöld
einnig engin verið. Þetta hefur ver­
ið gert til þess að halda niðri verði
á bílunum. Engin staðfesting hef­
ur komið frá stjórnvöldum um að
þetta verði áfram gert. Özur segir
að um sé að ræða kjaftshögg fyr­
ir greinina og öll uppbygging sé
komin í biðstöðu. Verði vaskur
innheimtur af rafbílum verði þeir
dýrari en bensín­ og dísilknúnir
bílar. Þá muni fólk hætta að kaupa
rafbíla. Skráðir eru tæplega 500
rafbílar á Íslandi í dag.
Leiði til
„eiturlyfjasölu“
Sæmundur Kristján Sigurlaugs­
son, framkvæmdastjóri Hreyfils,
telur hættu á að leigubílar gætu
orðið kjörinn vettvangur til að
stunda „eiturlyfjasölu“ og „alls
konar glæpamennsku“ ef fyrir­
tækin sem fyrir eru á markaði fá
samkeppni frá nýsköpunarfyrir­
tækinu Uber. Þetta má ráða af frétt
Viðskiptablaðsins þar sem vitnað
er óbeint til orða Sæmundar.
Uber hefur safnað nægi­
lega mörgum undirskriftum til
að markaðssetja þjónustu sína í
Reykjavík. Þjónustan byggir á for­
riti í snjallsíma sem vísar notand­
anum að næsta lausa bílstjóra og
gefur upp hversu langt er í hann.
Greiðsla fer svo fram í gegnum
appið, en fyrirtækið hefur starf­
semi í 250 borgum og 50 löndum.
Viðskiptablaðið rifjar upp að
OECD og Samkeppniseftirlitið
leggist harðlega gegn núverandi
fyrirkomulagi lögbundinna að­
gangshindrana á leigubílamarkað.
Viðskiptablaðið segir að eigendur
íslenskra leigubílastöðva telji að
þessar stofnanir gangi erinda pen­
ingaafla í samfélaginu.